有囍 (已結業)

食得西餐多不時都想食返中菜，講菜式中菜花多眼亂總不輸各國菜餚，今次嚟到人多車多既太子，試下間（有囍）睇下有無驚喜先。飲啖茶先，茶位每位$8蚊，有多種茶葉選擇。菜色都好多，海鮮，牛，豬，雞，羊乜都齊。魚香茄子煲，色香味俱全，陣陣鹹魚味，送飯岩曬！海鮮炒飯都不錯，粒粒分明，個煲仲熱辣辣既，如果想食飯焦既可以等多一陣先撈起蒜蓉開邊蒸海蝦 滿滿既蒜蓉鋪滿新鮮既海蝦，雖然海蝦唔算太大隻，不過味道搭救。下次可以再試吓其他菜式，費事眼闊肚窄叫得多食唔晒

呢度出名食東南亞野食，本來想食海南雞飯, 侍應遞了另一個特色蕃茄濃湯通粉餐牌黎,好耐無食蕃茄通粉,即刻改食呢個,蕃茄濃湯通粉+小食=$56加$5有紅豆冰,叫左少冰但無少冰紅豆夠淋,合格啦~蕃茄濃湯通粉賣相麻麻地, 但湯底果然夠濃, 係羅宋湯味, 炒蛋滑,大碗奄烈+多士奄烈有火腿,芝士,但唔滑,炒得太老牛油多士好硬,似食緊紙皮, 唔香軟朋友叫左花枝丸,好香,熱辣辣,佢話好味道,搞到我都想食,可惜我太飽,食唔落

今日去太子接朋友收工，由於唔知食乜嘢，所以就行咗入呢條街度睇下，最後同朋友決定食呢一間餐廳，入到去環境非常舒適，被安排坐係卡位，非常闊落，服務員亦都非常有禮貌，1）蘢仔蒜蓉開邊蒸蝦糯米飯🍚，好香蒜蓉味👍🏻，虾非常新鮮爽口，糯米飯亦煮得剛剛好，再加入少少豉油，真係唔錯👍🏻，2）有囍海鮮湯，非常足料，有魚，虾🦐，白菜仔，豆腐，成個湯非常濃，白菜仔及豆腐完全吸收晒湯汁，非常好味，而魚同埋虾都非常新鮮，我個人非常喜好✌🏻，3）窩燒辣酒東風螺，螺肉非常爽口，好香酒味而又不會太辣，4）紅燒妙齡鴿，外皮非常脆，而d肉又唔會太干身，唔錯👍🏻

今晚行完金魚街，再行過少少見到佢個套餐都幾抵食，於是入去了，餐廳主打星馬口味，當然中式口味亦十分齊全，推介嘅火焰菠蘿生炒骨$118，要鑊氣有鑊氣嘅味道，還有上枱個吓點火出現嘅火焰，將整個鍋都圍住了，賣相已經贏晒！另一個推介星加坡金沙魚皮$68，香脆可口嘅炸魚皮上撒滿了大量嘅咸蛋黃碎，入口時個種香脆口感夾埋啲咸咸地嘅金沙入口真係十分好味！而且還有我最愛嘅生炒臘味糯米飯$118，色水同味道一樣了得，飯身帶粘夠晒煙韌彈牙，加埋啲肥美嘅臘味入口好有口感，最緊要係色香味俱全！咁當然加埋碗肉骨茶$78就係最佳嘅配搭，用用材煮成嘅茶底配埋肉骨，有得飲有得食非常滿足！整體滿意，食物質素高，在附近搵食確實係一個不錯嘅選擇！

今晚放工同老公去花墟行下，順便睇下附近有咩食，見到有間幾有特式既中餐廳，餐牌又有二人餐，所以就入去試下啦🤗裝修都幾簡潔整齊，平日夜晚都滿座，好彩啱啱好有張二人枱，唔使等好耐👍🏼餐廳主要都係食中菜，有小菜有套餐，我地兩個人就叫左個二人餐，都係$438，另外老闆推介左麥皮蝦所以我地就試下啦😛二人餐主要有籠仔蒸海鮮，雞煲，時菜同蠔仔粥。我地都以為一般二人餐分量唔會好多，點知一上菜我地都嚇親😱真係未見過咁足料，咁足份量㗎🤣🤣🤣籠仔海鮮有元貝，海蝦同鮑魚，全部都好鮮甜，好好味又唔會過熟👏🏻又大隻又有新鮮👍🏼跟住就到雞煲！嘩，根本就同平時大排擋雞煲一樣咁大個🙈好香好惹味呀🥰雞肉好滑，我地兩個未食完已經有d飽麥皮蝦我地都未試過，本來覺得麥皮應該冇咩味，好淡，原來唔係喎！甜甜地都幾好味🥰蝦就好大隻，肉都唔錯，有少少甜味😛我地食完個蝦已經開始飽左，哈哈但係仲有碟菜同蠔仔粥🥣我地又以為個粥唔會好大啦，點知...又再次呆左！係一大盤粥呀😆真係好誇張！我地結果都係打包左大部分返屋企食，費時浪費食物啦！呢間餐廳真係超抵食，其實四個人食二人餐都夠飽！！🤩食到我地擔心老闆到底有無錢賺🤣

最近工作忙到爆 seed，其中多咗一個任務就係負責Office裏面嘅盆栽植物，一講到盆栽就諗起花墟，一於去逛下睇下有冇心水。逛完就順便去附近搵食，有囍 好耐之前食過唔錯，今次冇點樣考慮就入去坐低啦！睇吓餐牌原來多咗好多全新推出的 粵川菜 ，既然有新系列，又不妨試吓粵川口味、各款中式小菜！有囍酸菜海鮮烤魚鍋 $348第一眼就睇中烤魚鍋，店員會首先好似打邊爐咁俾個調味架我哋揀，然後就放定個Gas爐，好快一盤新鮮到彈起嘅 有囍酸菜海鮮烤魚鍋 送到面前，真係好有氣勢，差唔多霸左半張枱。小夥伴們起動，中間放着一大大條烤魚，名副其實嘅在水中央。魚肉鮮甜嫩滑而且啖啖肉。酸菜令到湯汁更加提鮮，我見呀物流部同事食到津津有味，海鮮鍋裏面有好多鮮蝦、蜆、酸菜味道十足，飲埋個濃湯味，味道好夾啊！呀物流部同事話可以當餸叫碗白飯，又可以做火鍋湯底再加配料。食到清晒見底我就知有幾好味，手快有手慢冇，好明顯我就唔夠佢哋快啦！火焰菠蘿生炒骨 $118呢個係相機食先，拎定手機影火焰，就係場面派頭就夠晒惹火，未到就跟菠蘿生炒骨差不多，新鮮菠蘿酸酸甜甜，生炒骨外脆肉嫩，可以食多碗飯。濃味鮮鮑魚雞煲 $168呀物流部同事話普通

早排又去左太子開飯，咪以為淨係得警處對面多嘢食外，其實係隔離花園街都唔知有幾多食肆係度，只係平時比較少行開呢段路先至冇發覺，同好友唔打唔撞就去左呢間餐廳開飯呢度餐牌係主打一系列特色小菜，由平時食開嘅大路口味外，都會提供一些多國菜，可以一次過品嚐美味食物，啱晒我地呢啲為食精，點左幾款特色小菜就開始是日晚餐，先來係火焰菠蘿生炒骨，賣相之一當然紅紅火焰係窩度，熱辣辣先食番件生炒骨，入口陣陣酸甜醬汁，內裏食到香嫩排骨又帶點脂肪，再食埋粒菠蘿夠晒開胃鍾意食香脆又惹味嘅我，就點左呢款星加坡金沙炸魚皮品嚐一下特色美食，一放入口已食到魚皮夠晒卜卜脆之餘，味道亦十分濃郁滿口都係鹹蛋黃香甜味道， 食得特別滋味再來係有虎皮尖椒炒黑豚柳同生炒臘味糯米飯，望見兩款各具特色美食先來梗係食啖臘味糯米飯，入口食到一粒又一粒肥美香甜臘味，配上糯米飯粒香軟吸收左臘味油香，食落口感飽滿，再品嚐一下黑豚柳肉質嫩滑，肉味香濃加上尖椒帶點小小香辣，會越食越惹味最啱食番啖糯米飯，簡單配搭又食得滿足，咁又享受完一餐美味小菜。

本來今日去名寶石食西餐,經過見到有間新嘢又好似咁多明星幫襯就決定試下.結果嚴重中伏非常差極,個乳鴿乾到不得了冇味,酥炸蠔$228有4隻炸到又濕又淋😒重有個臘味炒飯又係濕淋一點鑊氣都冇😒成餐飯做好唔掂.以後不會再來❎❎❎

今日同家人經過有囍，見到門面幾靚仔，又有好多名星相咁，同埋自己想食東南亞野，所以就去試一試。入到去，其實野食價錢唔便宜，餐廳除了提供東南亞菜，仲有類似常餐同埋每日午餐咁不過今次我和家人共三個都叫了東南亞式的午餐。(以下D野食相，全部都食左大半先影，係因為...本來無諗住寫食評，所以冇一開始影低。食得多，唔代表好食，係因為肚餓。)其實真係好失望下，如果唔係都唔會寫食評................阿媽叫了個炒貴刁一上枱就覺得伏到不得之了無色.......有D貴刁係白色....無咩味.........SAD依碟貴刁，食到最後都仲有8成係碟我叫了海南雞其實雞係幾滑，份量都夠，最大問題係個飯........好乾唔香零雞油味。同埋點解海南雞會配港式蔥油阿哥叫了肉骨茶依個都好FAIL....因為個肉骨茶 味道勁淡....WHY阿哥一邊飲佢般凍啡少甜一邊溝水，不過甜唔甜因人而異，所以我冇咩評價。最後，附上MENU一張....

是日，按照一早計劃好的行程，與另一半到太子聯合廣場購物，為已到來的春季作好準備。我就一邊陪伴另一半購物，一邊想想晚上要吃什麼。在Openrice一搜索，看到這間有囍名列前茅，中式食物包羅萬有，無論火鍋、海鮮、小菜等等都樣樣皆有，於是我們就以此作為我們大購物的慶功宴吧。有囍位於旺角警署身後，從A出口走3分鐘左右就到，離聯合廣場亦都非常接近，十分方便。我們到後就馬上看看餐牌，果真食物款式花多眼亂，令到我們樣樣都想吃，不知如何是好。於是，我就把心一橫，不如點個二人套餐吧。因為二人套餐能夠滿足到我們三個願望，有海鮮、有雞煲、有蠔仔粥，還有飯後甜品，何樂而不為呢？✤ 超值海鮮、雞煲二人套餐 ($438):✤ 1. 籠仔荷葉蒸海鮮籠仔荷葉蒸海鮮，內裡包含蒜蓉元貝、海蝦以及鮑魚。籠仔一來到，看見荷葉墊底，海鮮皆散發出淡淡的荷葉香，未食已經聞到清新的香味。蒜蓉元貝，上面鋪上一層層粉絲，並透過大量的蒜蓉增香，令到貝肉原滋原味的鮮甜更加出色。第二，開邊蒸蝦，同樣地蒜蓉跟蝦一起蒸後，天然美味，蝦和的香氣和味道鮮味更濃！最後，鮑魚當然是壓軸出場，鮑魚啖啖肉，十分彈牙，不過大家記緊要襯熱要先吃鮑魚，不然凍左後會

經過太子的有囍餐廳，見到蒸海鮮雞煲二人餐很是吸引，我們看過後覺得蒸海鮮+雞煲，還有瑤柱蛋白炒飯及清炒時蔬再加飲品及甜品，都隻是$438，抵食喎。餐廳裝修在室外已感覺到老板在裝修上也花了心思，皆因最特別處於室外也設計了一個花槽，行街遠遠的已見到粉紅的花及翠綠的葉子，室內設計也是花了心思，很別緻的裝飾。老板非常熱情，也過來推薦這個海鮮二人套餐。豬肚雞煲小辣餐廳廚師非常快手，豬肚雞煲很快就上枱，豬肚雞煲上枱後要再煲上幾分鐘，雞煲滾到卟卟卟的響，令人大是垂涎，雞煲到剛好熟就可以食，雞煲調味很入味，小辣的濃汁挂著嫩滑多汁的雞件，甚為好味。蒸海鮮籠仔蒸三鮮有扇貝、鮮魷及鮑魚。扇貝面上鋪了很多蒜蓉和粉絲，粉絲吸收了扇貝的鮮味，很是惹味。扇貝的肉大大粒很鮮甜。鮮魷不是細細隻的那種，而是很大隻厚肉，雪白圍雪白的外表，見到已經想食，肉質腍中帶㸃爽，味道很鮮。鮑魚入口帶爽及有少少菓皮香，很鮮甜。瑤柱蛋白炒飯瑤柱蛋白炒飯，可以食到一絲絲的帶煙軔的瑤柱，整個飯炒得帶㸃爽口，很香。蒜蓉炒菜心很喜愛這個蒜蓉炒菜心，炒得爽中帶㸃脆，蒜蓉味濃。餐廳因甜品售完，補送生菓，酸酸甜甜的橙，令今晚的二人餐美味之餘也覺非常完滿。

在公司走來這家餐廳要大概十分鍾，雖然相比其他餐廳有點遠，但是還是經常到這家餐廳吃的飯，原因是自家餐廳的環境服務，還有食物都不錯每次來這家餐廳都不像其他餐廳一樣，午飯的時候等位置，每次都可以立即有位置坐，不用等，就是最大的優勢，原因不是沒人，是餐廳的坐位比較多，有很多位置可以適合一個人坐，所以就買這裏吃飯，因為肚子很餓的原因，所以忘了拍照，今天吃的是海南雞飯，鷄肉很鮮甜。另一個我喜歡的就是他的羊肉飯，也非常值得

今日黎到太子搵食 見到依間門口既藍色好搶眼就錦就入左去試下啦~入到去地方算大 我地兩個人就安排左我地坐卡位佢地順便問埋我地飲咩茶  都係簡左普洱 因為食中菜飲普洱應該可以解脂掛依到茶介 每位$8睇睇餐單先:佢都有SET 比大家簡不過我地想叫個幾樣二人餐無 所以就選擇散叫首先叫左個7味脆豆腐($58) 開開胃先豆腐做到一口一粒  粒粒都沾上左椒鹽同七味粉 十分惹味外脆內軟 豆腐剛炸起 所以熱辣辣食就最滋味 第二樣:蜜椒金薯牛仔粒($118)我見餐廳入面放左好幾張蜜椒金薯牛仔粒既海報所以我諗E個係佢地既皇牌嘩~其實都幾大碟下 每一粒牛肉沾上黑椒 夾上洋蔥同三色椒直頭係PERFECT MATCH每一粒椒 洋蔥同埋肉都好有獲氣粒粒都上曬油 証明炒得好均勻重點係佢地薯仔都有煎炸過 加上小許蜜糖 令一整碟口感更有屠次第三樣:蒜蓉炒菜心($66)份量足夠 菜心都新鮮第四樣:籠仔客家蒸滑雞($98)真係用個蒸籠原碟上 雞件好滑 比左好多肉既位置我地 用荷葉蒸令雞肉都有荷葉味既香蒸籠令雞件既肉汁鎖住係荷葉上D 汁送飯一流所以最後叫左個榣柱蛋白炒飯($108)炒飯好香 粒粒分明蔬菜既新鮮 加上蛋白既鮮明令

每逢假日都會和媽媽到太子花墟採購新鮮花朵，路過這家新餐廳，逛到累了便進去吃個晚餐。店子面積原來很大而且坐位十分闊落。設計以新穎顏色和不同佈置，感覺不錯。餐點如下。因為我和媽媽兩人，剛好可以點一個燒鍋套餐。可愛的餐具，也十分整潔。豬肚辣雞煲加上香葱和洋蔥燜燒，香氣撲鼻。雞肉鮮嫩多汁，而豬肚夠入味而不會太韌。 田園生菜新鮮的生菜可以加入雞煲煮熟，吸收了雞煲辣湯汁的生菜，味道十分滋味。蒜蓉開邊蒸海蝦撒上蔥花裝飾，紅綠的顏色相映，賣相十分吸引。清甜的鮮蝦配搭香噴噴的蒜蓉和豉油，送飯一流。生炒糯米飯十分花時間的一道菜，生炒糯米飯粒粒分明，軟硬適中。最後還有紫薯糖水作為結束的甜品，我和媽媽都十分滿足。

首先上肉骨茶，味道不過不失，正常。麥皮蝦，睇openrice推介之一，但4大隻雪藏大蝦，完全食到調味唔新鮮要198大元。蒜蓉菜心，正常味道，家的味道（ps清淡）金薯牛仔粒係侍應推介，但調味偏甜，多獻汁，全無鑊氣侍應口味跟我們是如此的不同。白飯兩碗可樂一罐 收費705大元，完全不值，呢間店舖絕不再有下次