有囍 (已結業)

朋友係呢頭想食小菜，除左傳統酒樓，我會帶佢黎呢間囉，事關食過質素唔錯，仲要晚市免加一，唔限你幾時要還枱，岩晒吹水!小菜選擇多，價錢都幾合理仲有火鍋供應先叫客小食，海蜇青瓜淋上香辣醬汁，為淡口食材加添濃香味道; 當兩種口感爽脆嘅食物拼埋一齊，咪就係雙重爽脆囉，欣賞呢度青瓜唔會切得太細條，細長條食落更方便!好耐都無食過西湖牛肉羹啦，今晚比我再相遇，一客份量都有4碗!豆腐粒嘅嫩滑，配上牛肉嘅咬口，打上蛋白及灑上芫茜，味道同質感調配得幾好，落埋胡椒粉就仲提昇味道!  熱辣辣飲番碗先開飯!牛乳魚肚雜菇浸娃娃菜 - 材料有魚肚，鮮冬菇，鷄肶菇及娃娃菜，以牛乳浸熟，清清地之選!以魚肚入饌確係有心思，一咬牛乳係魚肚內爆射，好香牛奶香甜味; 而娃娃菜本身都甜口，配埋牛乳就多一分甜滑感!  雖然係以牛乳煮，但食晒成客都絶無膩感!當呢客沙薑鷄放低係枱時，已經聞到沙薑嘅香味，令人口水直流。半隻份量都唔少，幾抵食!沙薑令到鷄皮披上一身啡黃色，唔想食皮嘅都可以輕易分開，鷄肉沾滿沙薑嘅咸香味，肉質幾滑，用黎送飯相當唔錯!茶介每位$6，上菜速度快，朋友對於呢餐表示相當滿意

午飯經過這間食店，門面唔錯，值得一試❗這段時間，想比較唔同店子做的“芙蓉蛋飯”。 剛巧店子今日午市套餐有芙蓉蛋飯。上餐時，先給我一個驚喜：蓮藕雞腳例湯❕餐牌上冇啲，店主真識製造驚喜，加分❗芙蓉蛋飯上枱，賣相差了一點；應該是整塊芙蓉蛋蓋在白飯上，不能破相，扣分❗ 芙蓉蛋材料又差了一點，就是以“韮菜”代替“韮黄”，這是不可以的，扣分❗幸好白飯及蛋漿合格，特別是蛋漿的蛋味濃厚，加分❗跟餐咖啡也唔錯。最後是價錢，稍貴一點❗$45較合理。

每次想食星馬菜，第一時間諗起太子既有囍，味道正宗唔在講，地點就腳亦都係令人可以想食即刻就去食既原因~新年期間晚晚外出食飯增肉，其中一晚飯局當然係食有囍~今次想到發現menu唔同左，除左原有星馬菜，亦加入不少中式小炒小菜，原本一心來食星馬菜既我地，都被一d特色小菜吸引左，決定試試佢新推既中菜~香煎蠔仔餅 $98炸得金黃鬆化，蛋味香，蠔仔份量多，整體香而不油膩~配辣醬食味道最夾~蜜椒金薯牛仔粒 $108牛肉軟嫩有牛味，薯粒外層焦香帶點煙un，中間綿綿的，醬汁惹味帶蜜甜，送飯一流~薑蔥爆鮮鯇魚腩 $88大量薑蔥爆炒非常香口惹味，鯇魚腩肉厚肥美，啖啖肉有魚油香~啫啫芥蘭煲 $85食左咁多肉要食反d菜，啫啫芥蘭煲，芥蘭鮮甜爽脆，加入炸蒜好香口惹味~

新春佳節，多數人都去酒家酒樓食晚飯，為免同人爭，就唸住去啲特色餐廳，有囍位於太子，之前都食過倆次，簡單新穎嘅設計，木箱牆今餐廳空間感大左。餐廳師傅拿手星馬泰菜，特別欣賞佢哋嘅麥片蝦。但新年新氣象，原來餐廳嘅menu都靜靜變新，竟然加入大量港式菜餚。就連牆上都貼上師新作嘅相，即管試吓師傅嘅功力。蜜椒金薯牛仔粒，清甜嘅燈籠椒，加上切得大細一至嘅薯仔粒，惹味嫩口嘅牛仔粒，簡單調味，多層次口感，好送飯香煎蠔仔餅，炸粉十分鬆脆，雖然蠔嘅份量唔多，但配上辣醬，也算不錯。啫啫芥蘭煲，爽脆嘅芥蘭併炒大量蝦乾蒜蓉，好味姜茐爆鮮鯇魚腩，切得大件嘅魚腩，沾上薄粉，炸得外脆內軟，再反炒爆至香口嘅姜葱十足嘅鑊氣，而且魚肉又唔會過熟，值得一試。最後金蒜肉蟹配生炒糯米飯，呢道有少許失望，首先份量較少，再者飯有點過軟，欠缺咬口。或者換上開邊蝦會較好。

在香港，抵食又好味的港式早餐不太好找，這天幫襯的這間「有囍」，吃的一個「有型早餐」，可算是其中一個性價比相當高的港式早餐。 其實這兒的早餐餐牌有極多早餐選擇，而我吃的「有型早餐」就包括「鮮牛肉蕃茄濃湯通粉/蜆殼粉/米粉/公仔麵」加「黑松露炒滑蛋」或在餐肉、火腿、雞肉腸、炒滑蛋和煎蛋中任選兩款，再配「牛油方包」加飲品。（$36）如果把「牛油方包」轉成「厚多士」就加兩元，轉為「一口奶油豬」就加三元。正值農曆新年假期，想吃得好些的我，就揀了「鮮牛肉蕃茄濃湯通粉」+「黑松露炒滑蛋」+「一口奶油豬」+「熱奶茶」（$39）的組合，以港式早餐來計，看來價錢算不上便宜，但計及這早餐的份量和質素，我就覺得它的性價比都幾高。這早餐最讚的，是主角「鮮牛肉蕃茄濃湯通粉」，材料多，除了有不少牛肉之外，蔬菜也十分之多，加上蕃茄湯味也適中，不會過酸，十分開胃。而仍然有點彈力，不會過腍的通粉，索了蕃茄湯後，也飽肚好吃。相比起超高質素的「鮮牛肉蕃茄濃湯通粉」，「黑松露炒滑蛋」和「一口奶油豬」難免被比了下去。但其實，這兒的炒蛋雖還可再滑些，而非像現在般以細粒狀示人，都過得去，黑松露醬也可為這滑蛋添香。至於已切成兩半的

秋冬時節 又係時候要暖暖胃朋友約去花園街附近既有囍食飯想咩都有 又唔想諗咁多 叫套餐就岩哂有囍二人燒鍋套餐 $438套餐當中包括有古法雙冬黑草羊腩煲蒜蓉開邊蒸海蝦味生炒糯米飯田園唐生菜呢個絕對唔係2人餐咁簡單 份量絕對夠3-4人食一大煲暖笠笠羊腩煲出場羊肉炆得夠淋夠入面 除左羊肉更有其他配料例如冬菇 竹筍 支竹 等等 份量超多的重點當然小不了最佳配搭腐乳啦羊腩煲一食之外更可以加湯加水 當邊爐湯底蝦唔會有雪藏味配上大量金黃色既蒜蓉 別有一番風味生炒糯米飯 好食絕對唔簡單要乾身但又不能太乾 但總不能是濕的 所以水份配合得剛剛好最後仲有番薯糖水 夠哂滿足

今晚，我地4人就好好食一餐，做節預早食團年飯啦…現今香港，忙到連食團年都排到冇期，好難就到時間。 好彩妃妃前幾天booking好位，農曆年尾，真的好容易滿約。大家可以預早團年，迎接新的豬年啦…😌到7點至半開始陸續有人，開始熱鬧起來了……我們四妃妃，可以好好地坐埋一起，食團年飯，感覺很幸福蜜椒金薯牛仔粒 ：永遠第一道菜上先就覺得好好食, 蜜椒都甜甜地爽口及薯仔炸過, 配合牛肉粒都好好味。 牛乳魚肚雜菌娃娃菜 ：這道菜老少咸宜，比較喜歡清湯底，都食得健康手拍青瓜 ：青瓜脆卜卜，開胃菜，唔錯呢……店長推介  : 蒜粒椒鹽炸魚頭, 有時毫無頭緒, 可以搵店長推介一下, 介紹新菜式也不錯。胡椒鹹菜豬肚湯 : 知道豬肚係好難處理的，要泵水好多次，仲要洗得好乾淨, 稍微欠了胡椒粉。話梅豬手煲 ：話梅酸甜酸甜，比起食糖醋骨，又有唔同味道，豬腳好有骨膠原，煮得唔錯，好好食星加坡麥皮蝦 ：好有興趣點樣燕麥片煮大蝦......好有興, 不過味道也可以。        Happy to sharing ..........

第一次黎食呢間，太子旺角都有好多選擇不過未食過就黎試下啦，結果好失望，落差大，而且價錢貴。。。腊味炒飯。不太好，雖然炒飯唔算好多油都算乾爽但問題係唔夠腊味既味道，本身味道都太淡，腊味太少太細粒，唔係想像中既味道。野菌豆腐，還可，同紅燒豆腐唔同叫法，呢個餸去到邊都應該可以接受，想整得唔好食都幾難，所以無特別。一字骨，普通，味道沒有特別。不過真係好多骨又少肉所以就唔太喜歡了。咕嚕骨，普通，一上菜就再用火燒著熱著，只係呢個方式特別，不過唔夠酸所以唔太得。海鮮湯，唔太得。湯內都有菜同野菌，份量一般不過海鮮就真係沒有咁濟了，而且湯有點點苦，但又唔知點解，唔知係海鮮影響定其他因素了，所以唔岩我了。開邊蒸海蝦，呢個真係好唔抵，接近二百蚊但數量少之餘，蝦又細隻，口感又唔太得，蝦肉林得濟，覺得好唔抵。總結唔抵，味道唔得，無下次。

套餐包雞煲，蒸蝦，菜同糯米飯，再加糖水。雞煲由於小妹不能食太辣，叫左小辣，好香，好好食。蒜泥蒸蝦，蝦肉不夠彈牙，不知是蝦不夠新鮮定蒸得太久。菜一定好食，糯米飯又蒸得太久，一舊舊。

就嚟新年喇 同朋友去完太子花墟辦年貨 於是就嚟到附近嘅呢間有囍食晚飯 雖然係閒日夜晚 但係都勁多人 估計唔會中伏叫咗個二人餐十分抵食 有支竹羊腩煲配時令蔬菜 臘味糯米飯 蒜蓉開邊蝦埋單都係四百幾蚊蒜蓉開邊蒸蝦分量唔大 但非常鮮味 肉質彈牙 鮮甜無比 好新鮮 上面加上海量嘅蒜蓉 簡直絕配支竹羊腩煲份量好大 羊腩炆得入味軟淋 連骨頭入面嘅骨髓 都可以輕鬆地啜出嚟 入面嘅竹筍大大嚿 好爽口 仲有支竹索曬湯底嘅味道 點少得生菜 可以吸收到入面所有精華 好食最後係臘味糯米飯 臘味唔太肥 冇油益味 配上糯米飯煙煙韌韌 口感十足 食完成個人暖笠笠

話說呢間已經成為左我同朋友飯聚諗唔到有咩特別選擇時既必然之選。 點解？因為佢d餸菜真心煮得好食囉平日夜晚去唔full, 唔駛等位今日重點推介 - 咕嚕蝦球～我不嬲鐘意食咕嚕肉，酸酸甜甜好好味，不過成日覺得入面d肥豬肉食得多唔太健康。 今日見到竟然用蝦球黎做， 緊係要試下啦。 嗯嗯，甜酸度同脆口程度都做得好好，由豬肉變成蝦球，口感變得更爽口彈牙，實在係無得彈呀👍呢個開邊蝦糯米飯～荷葉托底，鋪上糯米飯再鋪上開左邊既蝦去蒸去焗， 糯米被荷葉香氣同蝦滲出黎既鮮味夾攻， 再加上蒸既時間岩岩好， 一口飯一口蝦， 飯落去既鮮味難以形容～食完以後你會絕對會對荷葉飯有高一層次既要求薯仔牛柳粒一向認定薯仔牛柳粒既皇者係深水埗某店，但我而家可以講有囍整既水準係同水平👍無論個芡定係牛柳粒本身都整得好好， 好入味。 我成日覺得呢味餸看似普通， 但就係普通先最考廚師既廚藝。我食得出呢間鋪既廚師真心有料到～最後食個特色小食 - 咸蛋炸魚皮我諗呢味菜唔係度度都食到， 大家黎開一定要試下， 你食之前係唔會有諗過咸蛋同炸魚皮係可以咁夾的，香脆 惹味 ~ 我肯定我下次再黎食飯， 呢個魚皮我一定會再嗌黎食👍總結一句， 呢度位

懶豬豬假期實在不想外出，但說好帶弟弟去吃好西，還是趕緊落樓吧！和他二人在附近踱步，靈機一觸，一於決定去那家從前食過的美味越南菜🤗原來的寬闊餐廳，今日餐牌加入很多親民價錢的中菜，見天氣有點涼，點小菜去暖暖身！茶位6x2京都菠蘿骨78炸粉不厚，豬肉不肥，不會吃到滿口油，醬汁剛好，加了菠蘿🍍塊甜酸很開胃。有囍蠔仔粥68弟弟剛剛下午才吃過韓燒，我們一致想吃少少粥品去解膩，於是叫了一碗分享。蠔仔肥美，是咀嚼到的新鮮，加入菜甫魷魚肉碎，味道不錯。而粥煮得甚綿，不太寡。星洲炒米88份量大，足夠大男人裹腹，炒得ok有獲氣，咖哩粉帶一點辛辣，加上蝦仁洋蔥韮黃叉燒芽菜蔥段等拋獲炒好的米粉，熱騰騰，惹味😋薑葱美國桶蠔188 這夜壓軸登場是大家都喜歡的薑葱桶蠔，蠔肉相當甜亦大，皆因採用美國🇺🇸蠔嘛！拖過油的生蠔再用薑葱去煀，令蠔邊都脆脆的，十分美味，蠔香出色，必食☺️熱朱古力18正常的朱古力味，喝完暖笠笠，已不用再加糖了！食後感：不設加一的獲氣小炒，原來都幾咁耍家👏🏻

晚餐嚟到太子花園街, 本來打算叫餸食飯, 坐底後被隔離檯香噴噴嘅燒鍋深深吸引, 最後自然係跟人點咗個燒鍋套餐啦。有囍2人燒鍋套餐$438, 包括一個燒鍋 (可選 古法黑草羊腩煲 / 豬肚辣雞煲)、蒜蓉開邊蒸蝦、田園生菜 / 清炒時菜、臘味生炒糯米飯同是日甜品。份量足夠兩個男生食, 但對我地兩個女仔嚟講, 就多咗少少。豬肚辣雞煲 煲中物上檯前已經煮至半熟, 滾一滾, 湯汁沸騰, 香氣撲鼻, 令人胃口大開！雞煲配料豐富, 雞肉辛香入味, 肉質嫩滑, 豬肚份量比相像中更多, 煙韌有嚼勁, 越食越滋味。蒜蓉開邊蒸蝦、清炒時菜蝦肉新鮮, 肉質富有彈性, 朋友更驚喜發現蝦殼夠薄, 連殼食方便又補鈣。臘味生炒糯米飯糯米飯柔軟而不軟爛, 臘味均勻分佈, 很有水準。番薯糖水甜味自然, 加入薑汁十分暖胃。

海南雞件表面有秘製醬汁, 首先就令雞件望落油潤光澤。 肉質真係超嫩滑， 雞味濃，已去骨， 切得細細件易入口， 雞皮爽脆，冇雞嘅脂肪層。佢嘅經典三款海南雞醬汁更加係自家製， 中间辣椒薑蓉超惹味， 薑蓉打得好又細食落唔會有渣，亦唔會過鹹， 醬汁也絕不馬虎，勁讚！砂窩雲吞雞份量都算多，我們兩個人每人都可以飲到3-4碗。雲吞餡料飽滿，新鮮彈牙。雞有半隻，雞肉嫩滑，有雞的鮮味。湯中還有小棠菜及金華火腿片，飲落個湯清清甜甜，不會太油膩。食西籣花炒斑塊最主要必須有兩樣條件就係西籣花要夠爽脆，二就係斑塊必須肉質結實唔好太散，而一番風味呢個西籣花炒斑塊材料新鮮，完全可以達乎呢兩個條件。看起來份量很多，每一塊都很大塊，啖啖肉耶！而且整個就很好配飯最後呢個紫薯番薯糖水都非常之咁特別唔會太甜令人一飲就飲晒

臨近歲晚大家都會出去酒樓度做節但唔係間間酒樓都非常之咁多人所以今晚就係揀咗一間特色餐廳去做節呢排天氣凍凍地所以揀咗枝竹羊腩煲用上了明火Gas爐的枝竹羊腩煲完全好適合冬天嘅時候去食在一個寒冷嘅晚上食呢個羊腩煲真係溫暖到入心沸騰嘅羊腩煲濃香撲面軟腍腍嘅肉質滿載羊肉幽香煙韌又咬口肉汁豐富無比本身已經好滋味再點一些腐乳醬來進食簡直係錦上添花。還配有多款食材同樣出眾鮮竹筍爽滑清甜馬蹄爽脆潤喉多汁索滿汁液的枝竹真係冇得彈。星加坡海南雞食團年飯當然要叫一隻雞食下啦海南雞有雞味外皮爽脆雞肉嫩通常最難食的雞胸部份都是非常幼嫩的。蒜蓉粉絲蒸開邊蝦 蒜蓉同樣很惹味蝦隻雖然唔係十分大隻 但又真的好新鮮爽甜彈牙煮得很好吃蒜蓉味好足夠好香好鮮味