有緣小敍

营业中

休息中

#ftf_佐敦二訪陝西biang biang 麵陝西風味十足，菜式豐富又惹味！大盤雞$128 加biang biang 麵$22 ⭐️⭐️⭐️⭐️⭐️叫左半份都勁大盤，麻辣醬汁底，雞肉嫩滑夠入味，配料仲好豐富，有海鮮菇、薯仔、三色椒，biang biang 麵簡直係鎮店之寶，原條寬麵煙韌有嚼勁，又掛汁！孜然羊肉 $78⭐️⭐️⭐️⭐️⭐️呢個組合簡直冇得輸，羊肉配上大蔥，肉香味濃郁又帶點清新，加埋孜然，惹味過人！白灼生菜 $24⭐️⭐️⭐️正常發揮，都係叫個菜，平衡下一餐嘅營養素，哈哈哈！炸韭菜豬肉餃 $39⭐️⭐️⭐️⭐️外皮唔係一般餃子，有少少似壓扁咗嘅方包，炸完，我幾鍾意呢個質地，偏向厚身有咬口！但肉汁就相對冇上次羊肉餃咁多。雞翼biang biang 麵 $49⭐️⭐️⭐️⭐️⭐️南乳雞翼，外脆內嫩，調味剛剛好，唔會太鹹，齒頰留香！餅餅面呢個質地同浸住大盤雞湯嘅口感又有唔同，呢個就真係一條麵過，更加有質感！炸湯圓$24⭐️⭐️⭐️⭐️芝麻湯圓，正常水準，不過不失！豆漿 $12 x 2🍴 有緣小敍 (佐敦)📍 佐敦文苑街36號地舖回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

捐窿捐罅今次搵間陝西風味嘅嘢食是間老小店 入到去有種人情風味 店名叫有緣小敍叫左招牌乳香雞翼Biang Biang 麵（中文太難打）麵條特式有如皮帶般闊，更有 4 呎長，故又名皮帶麵、褲頭麵。為了保持麵條的韌性，葉太每次只在店中搓製需要的分量，搓好麵糰，放置半小時「醒麵」，要用的時候再搓，這樣才保持到麵條的彈性。非常之特別。乳香雞翼好入味，又香口。另外五香驢肉秘撈製辣湯面都好野味唔係度度有炒蛋都好有水準 夾青瓜 口感捉升左好多土豆絲炒得夠火候 送啤酒一流周圍食今次呢個夠特別 店主又好nice價錢合理同食到人情風味

由內地同事口中知道香港有間拎過米芝蓮，由西安人主理既餐廳，今個weekend 特登同朋友行去試試餐廳名字同裝修都有中國古代風格來到當然必點最有特色的Biang Biang面，Biang Biang 面一碗一條過，十分煙韌，要整斷都唔係太容易🤣比起平時食過既面更闊落，仲加入海苔，炸蒜和特色醬汁，食落香口惹味；金沙骨雖然肉質緊實，但輕輕一咬就骨肉分離，味道一流羊肉湯餃大大隻，食落有羊肉鮮味但唔會羶，肉餡多汁鮮嫩由於我同朋友都係羊既愛好者，見到呢間餐館咁多羊既菜式忍唔住要多個羊架😍果然都冇失望，羊架烤得外香內嫩，十分有水準最後要既蛋花湯圓有酒釀香甜，十分滋補，推薦

突然好想食辣野，今晚黎呢間陝西菜食。前菜叫陝西涼皮入口冰涼爽口，酸辣味道平衡得宜，涼皮滑溜，叫左小辣，我覺得迎合左香港人，所以係香多過辣。香煎羊架，係羊架切塊，用孜然炒香，羊味濃而不羶，香料調味適中。仲叫左金沙骨biangbiang麵。金沙骨有三大舊，唔柴。搭配有嚼勁嘅biangbiang麵，同炸蒜，炸紫菜，辣椒油，biangbiang麵好彈牙。韭菜餃biangbiang麵同樣出色，韭菜餃應該係手工包嘅，包得好飽滿，韭菜味濃。最後，仲叫左個肉夾饃，加錢加埋青椒。外層饅頭香脆鬆化，內裡夾住肉餡，鹹香味濃，啖啖肉香。呢間陝西菜價格相宜，大推biangbiang麵。

香港極少地方食到陝西𰻞𰻞面（Biang Biang)，今晚特意帶朋友到佐敦嘅【有緣小敍】試下，鋪頭仲有好多極具國內特色嘅小食同菜式，性價比都好高韭菜餃𰻞𰻞面 $45𰻞𰻞面係一條比皮帶更寬嘅麵條，口感煙韌柔軟，再用油潑嘅方法將辣椒同蒜泥嘅味道融入麵條中，好香口，另外韭菜餃都好大隻，皮薄足料，啖啖韭菜香氣十足五香驢肉秘製麻香麵 $61今次係第一次試驢肉，驢肉切成薄片，口感有少少似牛腱，用香料烹製後令味道香濃又冇腥味🫏湯底麻麻辣辣，可以揀唔同嘅辣度，啱晒唔同口味嘅朋友酸辣土豆絲 $42土豆絲口感清脆，酸味與辣味的平衡，微微辛辣令人好開胃腊汁肉夾膜 $24肉夾膜中嘅腊肉的味道濃郁，搭配的白餅亦經香烤，加埋一齊果然非常配合麻醬青瓜 $42口感清爽可口，青瓜的清脆感與香濃的麻醬相得益彰，跟其他香濃菜式有強烈對比孜然羊肉羊肉的味道濃烈，肉質細嫩，跟大蔥一齊炒香，啱晒下飯炒雜菜青島啤酒 $20

星期五晚嚟到呢間做陝西菜嘅舖頭，以前初代舊舖食到而家，嗰陣個舖頭得十個位左右坐得好迫，而家呢度張張木嘅卡位咁錯開，坐得舒服自在～必點香港極少有嘅biang biang 麵配炸乳香雞翼，個麵食之前要將啲配料拌勻，咁就最好食！羊肉餃好香羊味鍾意嘅人就會好鍾意見佢出咗炒蓮藕片又試吓先，平時食開土豆絲，呢個藕片都唔錯呀但佢唔係土豆絲嗰種酸辣。炒羊雜超惹味我地揀咗中辣，佢係辣得嚟香口，唔係辣到頂唔順嗰種死辣，加埋京蔥尖椒去炒，拌飯應該一流！

我有個親友係群組極力推介我哋去一間由西安人主理的麵食店，供應西安道地麵食，招牌包括辣妹麵、餃子、饃等美食，麵食店環境充滿中國風味，十分適合打卡，佢仲話上社交平台追蹤這間麵食店，即可享有九五折優惠，真係抵食。這間麵食店名叫有緣小聚，位於佐敦文苑街36號地舖，係柯士甸地鐵站A出口，行幾分鐘就到，非常方便，今晚我就同朋友去食西安美食。麵食店個餐牌食物嘅款式都有唔少選擇，有特色涼拌、特色小食、特色小炒、陝西特色、冰冰麵、特色包餅、湯餃子、乾餃子、招牌酸湯辣妹麵、秘制麻辣湯麵、特色甜品、飲品，仲有全新菜品推介，餐牌食物相都令人吸引來選擇，尤其是冰冰麵，麵條像腰帶，亦寬得像褲帶，一根麵條寬度可達二三吋，長度則在一米上下，厚度厚時與硬幣差不多，薄時卻如同蟬翼，一根麵條足夠一頓飯，真係好吸引。我哋選咗以下嘅食品，涼拌蓮藕是酸甜清爽不油膩的開胃涼拌菜，入口清爽，再加因為蓮藕略帶酸甜，令人十分開胃。西芹腐竹就青脆爽口，清香宜人，是一道營養健康的必備小食，腐竹吃起來香氣清淡而純淨， 嫩滑柔軟中帶有淡淡的黃豆香氣，味道鮮美。腊汁肉夾膜嘅包好香脆，內𥚃有香菜肉絲都多汁，一口咬開肉夾饃肉汁四溢，味道濃郁確實不錯。

知道呢間餐廳食陝西菜出名，今晚就過左黎呢度食晚飯重口味一下。孜然炒麵好重孜然味，佢炒得一啲都唔會太油，做得剛剛好，而且好夠鑊氣。金沙骨Biángbiáng麵陝西的特色傳統風味麵食，可以揀辣度，我揀左微辣，佢的麵條真係好寬闊，再加上啲脆紫菜碎，口感好特別，金沙骨都係好重孜然味，見到個menu 個Biang字真係好多筆劃🤣🤣乳香雞翼有三大隻，炸到好脆口，入口有淡淡的南乳味，又唔會過重口味，入面啲肉仲keep 到juicy。👍👍紅糖糍粑有五大舊，一咬入口係軟糯軟糯的口感，入面有甜甜的紅糖，真正做到外脆內軟。😍😍呢度的食物種類幾多，價錢又大眾化，唔錯，如果多啲人就可以叫多幾款唔同食物了。😆😆😆

店名就叫有缘小叙，第一次没吃上，但咱没有机会就创造机会又来了！麻辣大盘鸡说是麻辣，其实就是一个酱香味，🐔软嫩紧实的大块鸡肉裹上酱汁让咸香浓郁在嘴里久久不散，🍜打底可以配biangbiang面，吃起来口感很柔坨筋道香椿炒蛋好特别的一个菜，焦香的鸡蛋混合着这个软和中带点小脆的地材，但盐巴有点没炒开，有那么几口真的很咸💦👁️‍🗨️他们家的菜味道都有点咸，不过也算是蛮有内地菜的滋味了

當晚9點進食完，第二日6點左右起身嘔吐，腹瀉睇醫生，腸胃炎，直至第四日仍有腹瀉症狀，到底可以幾惡劣的食物質素，已經報了食環，不知道是否有作用。希望在此警告各位，不要輕易嘗試。

每次嚟佐敦食飯「有緣小敍」必定係其中一個選擇🌼麻辣大盤雞(1份) +兩條Biang Biang麵每次嚟食都必嗌嘅大盤雞，辣度任君選擇除咗有大大舊雞，仲有大大片嘅薯仔/菇類；醬汁濃稠，小辣十分惹味！Biang Biang麵必加點！闊又長嘅Biang Biang麵質煙韌，口感十足，索曬大盤雞嘅汁好入味🤫同朋友3人食完一盤雞都飽咗九成！🌼豆角燒茄子乾辣椒再加蒜蓉爆香豆角+茄子唔好俾辣椒嚇怕，只有微微辣程度咋😆成碟餸色香味俱全，呢一碟小炒水準都唔錯！

因為想食正宗陝西涼皮，所以搵到呢間餐廳。假日唔使等位，環境佈置好中式，卡位都舒適。💜陝西涼皮 $34 （⭐️⭐️⭐️/5）味道係正宗既，但涼皮厚薄不一，辣油比平時涼皮略多，攪到食落去每一啖都係辣油，辣度可以選擇，份量以$34嚟講太少，比較失望😞💜金沙骨招牌辣妹麵 $40 （⭐️⭐️⭐️/5）辣妹麵份量正常，味道還可以，金沙骨都有4塊左右，湯係酸辣味道，整體不過不失。💜酸辣土豆絲 $42 （⭐️⭐️⭐️⭐️/5）值得比較推介，份量多，酸辣比例適中，味道ok。💜腊汁肉夾膜 $26 （⭐️⭐️⭐️/5）外皮脆香，但餡料較少，味道正常，但以$26嚟講，不太值。🍴整體評價：✅環境舒適✅宜家做緊優惠，follow IG 有九五折✅值錢適中❌味道一般💰人均消費約$70

第一次在openprice寫差評。這家店口味一般般，面和小菜都真心不如銅鑼灣的聊咋咧。服務員態度差，一周前電話預約，直接說“好”，約了朋友，當天中午出發前電話確認，又說“好”，到了就說人沒齊，不允許就坐，眼看著要坐滿了，都沒有“留座”的牌子，掰扯幾句，讓進去了，明明有寬敞的座位，非要坐窄處，而且朋友2分鐘內就到了。理解有的店鋪地方小，不給人預定，或者限制人齊了才入座，這些都可以理解，但電話時你要說清楚啊，兩次電話都不說，讓別人以為留位了，去到又按walk in排隊，感覺為招攬生意故意先騙過去再說。

每每想起這家的bang bang面，就忍不住要去吃一次。很喜歡口味重的餐館，這裡的特色bang bang面，麵條觔斗，醬料入味，簡直太好吃，肉夾饃也是味道正宗，每次自己吃完都要給家人打包回去呢！

正宗陝西Biang Biang麵食評陝西菜最具代表性的一道菜品，非Biāng Biāng麵莫屬。這間食店的Biang Biang麵的麵條寬厚，長度達到一米以上，形狀猶如一條長長的皮帶。這種形狀的麵條是由師傅們手工拉製而成，需要經過多次折疊和拉伸，才能達到理想的寬度和長度。這種獨特的製作方式使得Biang Biang麵的口感更加彈牙，讓人回味無窮。今趟我們點了驢肉，味道沒有想像的臊味，肉質也不硬，加上其五香的調味料及醃料，能吃得出香料的味道，與湯底很夾！最後我們更喝湯，一嘗湯底的燶味！