朝陽軒

营业中

休息中

深水埗呢間小店, 由門面睇完全係一間茶餐廳, 估唔到川菜咁令人驚喜。我地2個人叫左2個lunch set share. 雖然天氣炎熱, 不過都無阻想食辣既心, 見佢地menu上面話酸菜魚係招牌, 試試先!!🤭🤭 尖椒回鍋肉飯 ($50)❤️❤️❤️薄薄既回鍋肉先輕輕出過油再炒, 食落唔會成口肥豬肉, 幾香口, 份量岩岩好。以快飯黎講都幾抵食。 招牌老壇酸菜魚飯 ($56) ❤️❤️❤️❤️❤️呢個酸菜魚真係有d意想不到, 諗住咁平應該都冇乜特別, 點知又幾好食wo~~佢地d魚完全冇骨, 又薄~ 湯底冇味精, 味道濃, 我地最後飲晒d湯。底料除左平時常見既芽菜, 仲有黃芽白同埋小小幼薯粉, 好好味呀~~😍😍

近排因為疫情關係，冇辦法北上食好嘢，終於搵到呢間平靚正，味道又貼近東北嘅餐廳-朝陽軒💪上次咁啱喺深水埗買嘢見到試吓，我今日午飯好想食又再嚟食，一諗到啲酸菜魚就流晒口水，因為佢真係好多嘢食有酸菜魚、烤魚、小龍蝦🦞其實特別鍾意呢度嘅親切感👍因為啲哥哥姐姐侍應真係好親切，服務態度好好，餐廳雖然唔算太大，但座位空間感十足，爆曬場，真係好多人幫襯。🍲農家一碗香飯$50呢個真係特別有風味，佢用咗木耳青辣椒切粒五花腩、炒雞蛋， 炒出來個味勁香，送飯一流，重點係五花腩加一粒青辣椒可以帶出嗰個東北味，真係好農家菜，係思鄉嘅味道🤣🥘招牌酸菜魚$58酸菜魚真係讚讚，魚肉特別滑敕，裏面配左薯粉菜金菇，重點係個湯，非常之濃郁，酸菜魚嘅湯一般都係清，但佢做到好creamy,微微嘅酸酸辣辣，令人食慾大增。整體而言非常之唔錯，以呢個價錢係來講真係超抵食，如果我係住喺深水埗附近一定會成日食❤️

今日母親節，同屋企人去深水埗行街順便食飯，見到個招牌紅噹噹幾搶眼就行過去睇下個Menu，D菜式好吸引 ，就入去食廚師推介- 招牌酸菜魚個價錢好親民，賣相OK，食落去D魚啖啖肉，嫩滑，我見佢同其他餐廳唔同，佢呢度加左D檸檬片，食落去夠清新的感覺 又唔會遮左酸菜的味道，裡面還有紅薯粉好正正 ，配料足！我同啊媽連D湯都喝完！夠晒正宗👍蜜汁黑椒牛柳粒佢嘅牛肉份量夠，不會韌，咬落去好Juicy，另外D蜜汁薯仔都好好吃，香口，感覺D蜜糖入晒味！麻辣雞煲D雞肉好入味啊，雞肉份量好夠，食落去啖啖都入晒味，夠野味，一D都唔輸蝕某D雞煲專門店！農家小炒肉呢碟菜式配有木耳，爽口，肉片肥瘦適中，好有鍋氣，即叫即炒，送飯一流總結來講，朝陽軒D菜式多，岩我呢D鐘意選擇多的人，會再去幫襯！

老壇酸菜魚呢間餐廳的酸菜魚係我食過最好食的，第一次食完已經好回味，終於琴日無煮飯就去左買外賣食，唔係講笑，真係超級岩我口味....看來我起碼一星期食一次先得了，咁好味係唔會厭，特別D木薯粉、唔硬、好煙韌，D魚又嫩滑窩！ 總之就正！

香港越嚟越多地方有得食酸菜魚，估唔到連深水埗既茶餐廳都有得食😆睇黎真係幾受歡迎😂😂今次黎到深水埗既呢間朝陽軒，一睇就知係做平民茶餐廳路線，但佢有酸菜魚同水煮魚呢啲嘢食係幾特別。咁就梗係試吓佢啦～今次要咗個招牌老壇酸菜魚飯（$58），加咗杯凍檸茶（$5），首先杯凍檸茶上果時係無比篤檸檬果隻匙羹，不過當我未開口之際就已經有伙計比返我，算係醒目。但杯凍檸茶就歁得唔太滿，感覺上就好似蝕左小小。招牌老壇酸菜魚飯（$58）份量比想像中大份，細食既朋友分分鐘可以兩個人食一份，而佢既料都係足既，酸菜魚既碗底都有幾條粉（應該係薯粉）食下，而佢應該用左生魚，值得一讚既就係舊舊魚肉都係無乜骨既，呢樣係好考廚師既刀功起骨，而魚肉亦滲入左酸菜湯同麻椒既味道，食落夠酸夠辣。而酸菜魚上亦有切好既蒜蓉灑面，食落更惹味👍🏻唯一可以講下既就係芽菜太少，因為我比較鐘意多啲芽菜夾下。總結以呢個價錢食到酸菜魚就唔算太貴，尤其是在外面食會好大份，一個人想食的話都叫唔到嚟食，呢度十分適合果啲一個人又想食酸菜魚既人黎解一解口癮啦😋😋😋

XXG行經過深水埗 見到有間港式茶餐廳裝修 賣川菜嘅餐廳 $58就食到酸菜魚套餐😵咁平就試左先講‼️▪️7.5/10▫️<< 酸菜魚飯 >> $58 超大碗😍 湯底偏濃 有花椒麻香 爆香咗嘅蒜味好重‼️唔會過酸 撈飯一流👍🏻 生魚塊嫩滑 份量好多😱 好入味 可惜有2舊食到碎骨～配有粉線同椰菜做底 取代芽菜☺️▪️7.5/10▫️<< 尖椒回鍋肉飯>> $50 好有鑊氣🤩 回鍋肉唔算厚 不過夠肥 用左豆瓣醬同三色椒炒 又香又辣 好惹味 好送得飯😋🌿座位闊落 環境光猛 茶餐廳風格 企理乾淨👀 🐽總括嚟講 酸菜魚套餐真係勁抵食👍🏻 晚市加多$10 大碗到上枱個陣嚇左一跳 有飯仲有餐飲先呢個價🤣 而且味道都幾正宗 有驚喜 推薦嚟試下‼️

百吃不厭既老壇酸菜魚飯已經食過無數次無飯食既日子 總想買黎食每次食完都想再encore encore配菜配搭一流之後仲試過，黃咖哩豬扒海南雞好滑醬料好正下次要試下椒鹽豬扒飯

深水埗找吃的最方便，今日去西九龍中心逛完街餓了，就在附近的朝陽軒吃下午茶。餐廳是茶餐廳格局，但除了茶餐廳的小菜外，還供應川菜。由於很肚餓，見午餐價錢頗實惠的，就每人點一份午餐。怎料原來份量超大的，非常抵食，吃完可以晚飯也不用吃。朋友點的農家一碗香飯$50。用個大湯碗盛著的一碗香，原來是腩肉片、雜菜、肉鬆、雲耳等超豐富的材料炒在一碟，加上青紅辣椒，增添微辣香味，夠鹹而且炒得乾身有鑊氣，餸飯很開胃。朋友覺得最特別的是有肉鬆一起炒，平時的菜式多數用肉鬆飾面，今次炒在一起的肉鬆還是第一次吃，會吸收醬汁味道，口感又變得軟綿綿的，挺好吃。毛血旺飯$58,以為午餐的毛血旺不會太大份，原來也是一個大湯碗，裏面的材料滿滿的，覺得與正價的毛血旺份量差不多。裏面材料有豬肚、牛柏葉、豬大腸、豬紅、薯粉、娃娃菜、芽菜等，用料充足。不要被滿江紅嚇到，其實不算辣的，只是吃到微微辣味和花椒香氣，配合香港人口味，也配一碗白飯吃得更滿足。要讚的是餐廳絕不吝嗇材料，這一大碗真的吃到飽了。吃完濃味的食物，當然也要來杯飲品。咸檸七有半個鹹檸檬，大大杯的鹹味汽水，是港式茶餐廳的特色食物，飲完喉嚨清新舒適。朋友喜歡滋潤，點了柚子茶

深水埗係一個搵食嘅好地方，野食款式又多又好味，價錢又平。今次搵到一間食辣野嘅好地方，好耐冇食過酸菜魚，所以就入左去。依間餐廳最出名嘅係酸菜魚，所以一定要點招牌老坛酸菜魚飯黎食，一上到黎就聞到酸辣味，已經流曬口水，份量都幾多。佢嘅湯底落左好多酸菜同花椒，食落辣味適中，好適合用黎送飯。魚切成魚片，一塊一塊咁，食落非常滑，仲要係冇骨，非常方便去食，佢仲要好入味，吸左湯底嘅酸辣味。佢除左有魚片，仲有大量嘅配料，有薯粉、芽菜、金菇同娃娃菜。小炒牛肉飯係平時嘅家常小菜，但佢嘅賣相非常吸引。牛肉食落幾淋，唔會整到好老，咬唔到，佢配上雲耳及青椒非常惹味，都係有少少辣味，送飯非常正。

今日突然想食水煮魚，就記得平時回家經過呢間朝陽軒，就決定去試招牌水煮魚 $158呢個原來係生魚，未食就聞到好香，D魚無骨啖啖肉，好鮮嫩，唔係隔夜魚。豬扒冬陰功湯麵 $50呢個豬扒唔韌，肉質嫩滑，D皮都幾脆口！至於個湯麵 濃郁鮮味...辣子雞 $98雞肉份量多、而且炸得好酥脆、麻辣爽口、鍋氣也夠. 越食越停唔到口.農家一碗香 $88裏面的五花肉配白飯好香、好開胃可口！佢仲配有炒雞蛋，木耳等香口十足！呢間朝陽軒可以食到好多地道菜式，好岩我地口味，D菜式新穎有特色，下次會再光顧！

大大碗水煮魚都只不過係50幾蚊，味道唔錯，冇特別申明辣度，食落去感覺上大約係小辣，入面都好足料，有好多塊魚片，薄切魚片非常嫩滑，蔬菜有娃娃菜同金菇，同埋薯粉都充足。呢個價位超抵😆農家一碗香飯50幾蚊有一大碗小菜加一碗白飯，入面有腩肉片，蛋酥，木耳等蔬菜。勁有鑊氣，口味偏重，勁適合餸飯🤤，而且份量都唔細㗎，食落非常香口惹味。性價比好高嘅小店，如果經過深水埗可以試試💪🏻📍朝陽軒 (深水埗)深水埗汝州街240號地舖

今日過黎深水埗買野，順便係附近搵下嘢食，哩到既大街小巷有好多唔同特色既地道小菜餐廳，揀緊食咩嘅時候，見到哩間餐廳有酸菜魚食，見已經好耐冇食過，所以就入去試一試啦。餐廳座位都算寬闊，而且企理乾淨，我哋入去嘅時候已經有唔少食客喺度，而我哋當然係揀卡位坐啦😆餐牌上面嘅選擇都幾多，除左有川菜外，仲有泰菜同唔少小食，而我哋今次就淨係叫咗兩個主菜。🎈酸菜魚（配飯）🐟酸菜魚既份量以午餐黎計，都幾大份。而且裏面嘅配料相當多，除咗魚肉之外，仲有娃娃菜、金菇、芽菜同薯粉。個湯味道酸酸辣辣，幾過癮，唔好睇面頭好似有好多辣椒同花椒，就以為會好辣，我覺得個辣度適中，不過當然我本身係食得辣㗎啦🤣而佢嘅魚肉亦好滑，而且無骨，好方便食。🎈農家一碗香（配飯）🐷裏面有五花肉、炒雞蛋同芫荽。五花肉好惹味，又辣又香，但係裏面最有驚喜嘅係佢啲炒雞蛋🥚❗️你冇聽錯，真係炒雞蛋！起初我食嘅時候以為係麵筋，因為佢勁香脆勁有咬口，用嚟送飯一流，但問完餐廳職員之後先知道原來佢竟然係炒雞蛋，真係估唔到雞蛋可以咁樣煮。飲品方面，我哋叫咗凍菜蜜同埋凍檸茶，佢既凍菜蜜仲另外加咗檸檬🍋，幾好飲。整體黎講，哩間餐廳真係好食有驚喜，而且性價比高，推介你

今日放假到鴨寮街買野，買完野肚仔餓就去搵下附近有咩好野食。深水埗食肆林立，各有特色，係附近行左一陣就見到有間茶餐廳格局既川菜店，因為本身自己好鐘意食酸菜魚，望過餐牌見到價錢亦相當抵食，決定就試一試佢 今日放假到鴨寮街買野，買完野肚仔餓就去搵下附近有咩好野食。深水埗食肆林立，各有特色，係附近行左一陣就見到有間茶餐廳格局既川菜店，因為本身自己好鐘意食酸菜魚，望過餐牌見到價錢亦相當抵食，決定就試一試佢 招牌老坛酸菜魚客飯配飲品 酸菜魚湯底味道酸辣程度掌得恰當好處，湯底食落非常口可惹味。魚肉用上生魚片，生魚片厚度適中並且無骨，可見餐廳處理得非常細心周到。魚肉又嫩又滑，酸菜湯底又入味，送飯一流。我足足食左差唔多2碗，成碗湯底一滴不留清哂，$58嘆到味道超班又份量十足酸菜魚，大滿足！ 小炒牛肉客飯配飲品 小炒牛肉聞到都已經好香，賣相亦相當吸引。牛肉配上雲耳及三色椒可以中和一下牛肉油膩感，配搭適宜。牛肉食落口感軟腍，味道正如賣相一樣非常惹味，而且牛肉同配菜火喉十足，味道均勻，同酸菜魚一樣都係送飯一流！$50蚊黎講性價比一流，物超所值，咁抵咁好食真係去邊到搵 最後附上餐牌供大家參考招牌老坛酸菜魚客飯配

今日同屋企人去深水埗行下，黎到汝洲街，呢條街好多餐廳1516唔知去邊度食，之後行行下見到有間(朝陽軒）紅噹噹招牌好吸引，行埋去睇左D餐牌，佢有川菜，泰式和港式都有，啱嗮我嘴刁噶屋企人，之後決定入黎試下1.半隻去骨海南雞$138雞肉嫩滑，口感十足，份量算多！另外嗌左兩碗雞油飯，飯粒爽身，唔膩、有油香，配埋D醬汁好開胃2.蒜蓉生菜🥬 食肉點少得加個菜，我同屋企人都喜歡生菜，個菜顏色好翠綠，唔會黃琴琴，配埋炸蒜蓉好香，鍋氣好夠，D菜好爽口. 廚師手勢唔錯👍3.招牌酸菜魚 $58🐟招牌野當然要試，呢個我好鍾意食，啱嗮鍾意辣野噶我（可走辣），而且價錢親民，加上魚片無骨 嫩口新鮮，問番師傅原來係用生魚片做噶，酸菜魚入面噶配菜十足，有娃娃菜 薯粉，金菇，索曬D湯底，好鮮甜！4. 星州炒米粉 $48港式野都要一試，鑊氣夠，夠乾身，料足下次再來深水埗一定要再試埋呢間餐廳其他招牌菜

第二次食這間茶餐廳，可能疫情關係人數比較少，但餐廳水準依然超卓，簡直是色香味俱存！👍椒鹽豬扒炒飯 $56飯底乾身、味道適中。豬扒鬆軟有肉質，份量充足，價錢亦相當吸引。豉椒炒鵝腸 $88鵝腸不過不失，感覺良好沒甚麼特別鎮江金沙骨 $88鎮江甜醋份外香肉質鮮嫩多汁，酸酸甜甜十分野味，開胃紅豆冰我飲過最好飲的紅豆冰😍餐廳侍應推介的，一試難忘，有意想不到的驚喜。椰汁味十分香，紅豆沙煲得很快爛，令紅豆冰濃度提升又不太甜。本人認為是這間茶餐廳最值得一試的😋