木屋小食店

营业中

休息中

係「功夫」買完珍奶，差唔多12:00，「木屋」都就快開門。慢煮叉燒拉麵（$45）加叉燒（+$10）同樣都係一人店舖，但同樣快手快腳，大約五分鐘就有得食。先試一啖湯底，醬油湯加少少鮮味，味道不錯（飲咗接近成碗，之後都無勁口渴情形）；叉燒有六片（加咗叉燒），每片嘅size都幾大，係咪慢煮我就唔知，但食落好軟嫩，而且因為都有啲厚度，所以口感十足，好味道；糖心蛋有半隻，蛋白軟滑，蛋黃流心；荀大約有六條，煮得爽口，最重要無怪味；最後拉麵，是偏幼身嘅白直麵條，煮嘅時間控制很好，麵條唔會太淋，有咬口，沒有鹼水味（但個人都係喜愛粗身黃曲麵）。結論：呢碗拉麵CP值爆燈。$55有如此質素，坊間同樣份量及質素應該好難搵到。但可能因為地點問題，佢先可以做到呢個價位，如果地點方便啲，租就會貴啲，成本高咗要賣貴啲，咁就另外講法了。

雖然舖頭得兩個人，不過水準一啲都唔差，叉燒唔錯，都算腍，拉麵彈牙，醬油湯底香得黎，唔會好鹹 。雖然舖頭得幾款食物，更加證明食物質素高。可惜舖頭唔算近地鐵站，所以唔算好方便，平時都冇咩機會去附近。

小店面積好細，只有幾個座位，所以好多時都要等位，個日我都等左成半個鐘先有位。而且依間係一人小店，由店長一個人收銀，煮嘢同收拾餐具。慢煮叉燒拉麵$45拉麵價錢好實惠，麵條質感有咬口，自家製既慢煮叉燒有四塊，質感好腍又好食。拉麵配有半隻溏心蛋，味道都好好食！拉麵湯底唔會太咸，味道啱啱好，性價比好高！玉子燒味道同賣相都幾好，但唔係自家製，係入貨既。不過，小店既位置實在太偏僻太隱世，如非必要都唔需要特登入去試🫣

同其他人既食評一樣，地點偏遠，不是街坊就行咗好多冤枉路。有需要到青衣一轉，又唔想食連鎖店，上網搵「青衣食乜好」，即刻彈出木屋小食店、隠世拉麵、支持小店、老闆用心經營… 字眼，再快睇人地試食片。寫住中午12點開始營業，即刻搵地圖，行22分鐘到。就經過青衣公園，上行人天橋，經過村屋（唔記得叫咩村），過馬路再上約30級樓梯，距離目標好近都又唔覺個市集建築物，於是又兜個大圈，始終地圖顯示附近，不斷咁行核心既外圍….見開始唔對路，流晒汗，中學生們放飯，即刻問途人，路在口邊，嬸嬸話坐電梯地地下向前行就係市集（：救咗我，咁行法，真係熱到冇胃口）到店外已見3位朋友等候中，女店長好熟練咁問我食乜，（費事嘥人時間唔準諗）即話义燒拉麵加蛋，再答係度食，盛為$50 （超抵）！坐係近門口位好快已經滿坐了，5分鐘已有麵食，即飲啖湯（正！） 好快手咁食啖麵、咬啖义燒（簿切、腍，好味）、再食啖溏心蛋（跟麵已有半隻，我冇睇相，但都食得落），蛋就係涼，個蛋好流（正👍🏻）一邊食一邊聽到後面落單既人，佢地應該食開，加麵，加义燒….最後用10分鐘食晒（湯都飲晒！）下次我一定要再去（應該記得條路點行），再加個牛肉飯，或者兩碗拉麵

街市嘅隱世拉麵終於過嚟試一試青衣呢間出名嘅拉麵，喺街市內亦好好生意，12點去到已經排緊隊，前面有七八個人，等咗差唔多15分鐘終於輪到我。鴨胸拉麵（$45）$45就可以得到呢碗大大碗嘅拉麵呀🥰鴨胸份量比得大方，面頭有蔥花點綴，令成個面睇落賣相吸引。而配料有埋竹筍同埋糖心蛋，糖心蛋整得好靚，湯底係屬於清新嘅湯底，唔會好似出面嘅拉麵舖咁油，所以一啖湯一啖麵咁樣食落去都唔會覺得好邪惡😋拉麵嘅質地係直身嘅拉麵,個人比較鍾意曲身嘅拉麵，如果可以有得揀拉麵嘅款就更加好啦❤️

餐廳位於青衣長康邨! 屋村位置喺山上面 !由青衣站行過去真係好遠🙈🙈建議搭巴士34，34a, 或者小巴88D🚌在青盛苑落車，搭升降機落去就見到康和樓㗎啦！話明隱世所以大部份食客其實都係青衣居民！假期中午已經有唔少食客坐喺餐廳外面！餐廳嘅選擇唔算多! 慢煮叉燒/鴨胸拉麵同埋牛肉飯！我揀咗招牌慢煮叉燒拉麵!! 見食客都會加料..所以我➕肉➕溫泉蛋!!🙋🏻‍♀️🙋🏻‍♀️5分鐘就有得食啦! 相機食先📸📸📸睇得出叉燒有幾粉嫩!! 大啖食肉就係爽!!醬油湯底同糖心蛋亦都做得好出色!!盛為$6️⃣0️⃣!! CP值真係超高!!值得一讚! 整副牆寫滿食客既留言/打氣!!滿滿屋村人情味!! 非常喜歡❤️❤️❤️

估唔到2023年喺香港食過最好食嘅拉麵~係喺青衣長康市集入面，只係$45一碗嘅慢煮叉燒拉麵🍜呢個價錢竟然都有平時七八十蚊拉麵嘅質素😍湯底濃郁得嚟一啲都唔油，又唔會太鹹🥳麵條煮得剛好，有口感😌叉燒嫩滑，本身已經有三片~仲有得加錢追加🤓另外隻糖心蛋都非常有質素~入口即溶🤤玉子燒就偏甜，有啲似平時食玉子壽司果款，再加沙律醬喺面🤣P.S. 每日湯底售罄就會閂㗎啦，想食記得早啲去😂另外小店入面只有四個位，之後會係店出面加摺檯摺凳等大家唔使排咁耐，可以快啲有得食😌

街坊business, 除非住喺葵青、否則地點唔係咁方便。但呢碗麵嘅價錢足以抵償返來回交通費相比去出面其他成舊水碗嘅日本拉麵店。【慢煮叉燒拉麵】$45第一次嚟食喺二月尾、呢碗本屋拉麵CP值極高雖然係幼身拉麵偏九州風格、但勝在夠咬口唔淋。最難得係湯底走東京醬油風格、我最中意係醬油湯底、呢隻先係最夾拉麵。簡單是美。叉燒標榜慢煮，個人鍾義呢類叉燒多過另外一種日式style嘅叉燒、肉唔肥膩、好軟熟。淨少少就飲晒碗湯、因為有少少頸渴感、如果整到完全冇頸渴感咁就正喇～總之呢個價錢有呢個質素、你冇得投訴！良心拉麵當之無愧～🍜⇩3月 :2nd Attack:⇩🍜【慢煮叉燒拉麵】（加叉燒）$55適逢今日撞啱店舖更換湯底首日「元貝湯」今云真係可以100%ＫＯ晒成碗湯都唔頸渴。元貝湯更具清淡範疇裡面嗰種醇感、唔識講、總之好過上個禮拜嗰隻。真係估唔到咁快fulfill到之前個期望。今次加埋叉燒、唯一可惜嘅係原來冇得加麵、否則就達成 ☆大盛り満足☆！P.S ➭發現店內Graffiti牆其中一位賢客寫道：「閒來木屋尋小趣．悠閒小島樂半生」(credited: Tong) 真有意思 👍🏻

今次幫襯木屋試下麵+飯既組合。叉燒拉麵（$45）+牛肉（$10）+2個溏心蛋（2*$5） 埋單$65🥳🥳🥚溏心蛋處理得唔錯，半熟有流心，醃法方面應該味淋多同醬油少，醬油味唔算重，反而好食得出蛋既香甜。🥩叉燒採用既部位不一，有肥瘦相宜既梅頭肉，都有偏瘦既部位。叉燒應該無乜落調味料黎慢煮，因此遮唔住本身既豬腥味。覺得如果落d醬油慢煮可能會再出色d。🍜麵係採用南天製麵的麵條，相比起之前既鹼水麵實在是有過之無不及，係熱水中煮45秒，再用滾水沖上幾秒，呢個步驟進一步減低麵本身既鹼味，處理得好細心🐮最後係肥牛，我覺得肥牛係木屋最為人低估既一個配料，甚至我覺得佢地肥牛既出品可以贏得過唔少既牛丼店的出品。其次係加肥牛的同時都會順帶一點牛汁，令整碗湯既口味更加豐富了😎講完唔同既配料再評下個湯，湯既組成黎自三個元素。1. 醬油，鹹味既來源，吊出湯既鮮味2. ⁠煮干油（姐係打碎某種細魚乾加油熬製而成），鮮味既來源3. ⁠蔬菜雞架湯木屋將自己歸類為煮干拉麵，第一啖湯已經食得出煮干獨有既少少煙燻x腥x淡淡既苦味，豐富左本身醬油湯底既單調既味道。令人唔知唔覺飲曬d湯。本身溏心蛋唔夠醬油味既缺點係呢碗湯既配合之下昇

平民拉麵聽就聽過好多人講，我自己都好鍾意食拉麵，終於有機會試😍咁呢到就無話出面食拉麵咁有張紙仔填既，都係企係到排隊落餐，咁確實係平既一碗叉燒拉麵都係出面既一半價錢🥳今次食呢碗係叉燒鴨胸拉麵，味道唔錯🍜枱唔算好多，而且lunch time都多學生食，值得再食😋

#今日午餐外賣了一直想支持既小店拉麵🍜，第一啖已經令我好驚喜，湯好鮮甜同唔會油淋淋，麵亦係我至愛幼身拉麵，麵嘅口感煮得啱啱好，义燒，糖心蛋，唔使多講我係一個蔥怪，呢碗麵嘅蔥花簡直好滿足到我，$45 簡直超晒級數老板你哋加油💪🏻💪🏻💪🏻💪🏻好味嘅食物，一定有人會遠道以來支持

街市中的小店拉麵性價比超高! $45一碗慢煮叉燒拉麵有半隻糖心蛋仲要有兩塊紫菜!，加了$10多叉燒，叉燒好軟熟好好味! 湯底好清甜！卷曲拉麵軟硬適中真係好好食！飲晒湯清底好滿足!

因為見有單投訴上左新聞，而得知有呢間拉麵店，特登由九龍過黎食塊叉燒真係好好味，好林，有3塊，隻蛋仲好靚，麵質同湯底就普通啦，湯底吾會好鹹，以呢個良心平民價 食到呢碗麵已經好好，性價比高。當然個麵質吾可以同日本比啦，但個叉燒真係好正宗，又有紫菜，賣相又好靚個碗好靚好有feel,好似去左日本大排檔甘，可以再食

本身住九龍想試好耐，之前試過摸門釘，今次出發前打去，老闆話一早賣晒，問我食多少碗，我答兩碗佢話幫我留，45分鐘內去到，冷氣夠哂涼，坐位我就冇乜要求，一定比唔上D餐廳，一坐低老闆話冇晒蛋，佢話比多啲叉燒我，我冇所謂；一試不得，麵就正常非自家製，冇伏；叉燒慢煮，好軟腍好好味，湯就不得了，有鮮甜味同醬油，老闆調整過盡量啱香港人口味，如果唔係日本果啲會更加咸，最後我飲哂啲湯同食哂D麵；下次早啲去試其他嘢例如玉子燒

在2023年8月5日前往午餐,這間食店聽聞好耐,今次終於嘗試到,我叫了一碗叉燒拉麵同玉子燒,但玉子燒沒有,所以叫了一碗燒賣。叉燒拉麵-我習慣拉麵一到飲一啖湯先,估唔到個湯比我想像好飲,然後試一啖麵質,比我有一個喜出望外結果,麵質有彈性同入味,叉燒肥瘦適中,麵、湯同叉燒好夾,另外仲有半個溫泉蛋,整碗麵以$40價錢可以食到,實在太開心了。