木屋小食店

营业中

休息中

我地今次想介紹一間小小拉麵店，真心大推大家可以試下，雖然比較遠😂。千其唔好睇少呢間小店，貪錢係非常值，佢既CP值係超級高。佢既表面好似平平無奇，味道一d都唔輸比出面既拉麵店，甚至可能超越左一d連鎖拉麵店🙈。💁🏼‍♀️人均$50-100不等整體食物評價：★ ★ ★ ★ ★ 整體食物都係超哂班，係不論湯底還是撈麵都好好食，即使係小食玉子燒都係非常好食。服務態度：★ ★ ★ ★ ★老闆既態度都好nice,好健談😆。環境氣氛：★ ★ ☆ ☆ ☆ 至於環境會比較舊，就因為係小店，未必好似出面既餐廳坐得咁舒服。🥯食物方面慢煮叉燒拉麵湯底係可以飲既湯，唔係果種味精湯。佢有味得黎，又唔會好咸😍拉麵食落都係有咬口，份量都好大碗🤤。慢煮叉燒油麵因為我地太晏去，得番叉燒拉麵🥲。咁我地揀少少唔同，撈麵都好有味。玉子燒佢個玉子燒都好大舊，即使係小食都feel到老闆對食物既認真😌。一黎到就有好香既灸燒香味，係真係熱到辣口，食落既味道都好香，真係玉子燒既味道🥹！係好少係出面食到咁好食，通常都係暖暖地😋。

星期六12pm去到老闆仲喺店內仲準備緊所以12點都未開門店外已經排滿人$40一碗麵，湯底同食材都絕不馬虎叉燒有3大片，因為係慢煮，所以好冧拉麵彈牙，份量以女仔嚟講好夠，食得哂，仲要好飽個隻湯底濃度剛好，唔會過鹹或淡半隻溏心蛋係額外加嘅，$5左右玉子燒就正正常常，老闆整熱之後，喺面頭用火搶燒一燒，所以幾嘢味，不過個人覺得可食可唔食另外，如果一碗拉麵唔夠食喺可以免費加一碗白飯如果Weekends想去食 就要預早啲去排隊同埋星期日唔開㗎 唔好摸門釘呀

禮拜六喺佢開舖前10分鐘已到😂點知仲有人早過我，越接近開舖就已經越多人，未開舖已經有八九個人喺舖頭面前排隊😂😂食到真係靠運氣 唔好要求街坊價錢要米芝蓮味道😂尤其喺青衣個美食沙漠….我想講佢真係好足料，味道唔差😆好抵食

店舖細細 多多人幫襯食人情味嘅小店慢煮叉燒拉麵平價而不失份量 湯清但略咸 麵硬度啱啱好 唔會冧身叉燒好容易咬開 仲系粉嫩色 吸引身處係街市內食住一碗熱拉麵感覺好暖身又特別大家都多啲留意小店

青衣島民，今次上開長康，當然順便就試下長康市集內嘅木屋小食店。一定要試下慢煮叉燒拉麵。$40食到1碗有質素嘅拉麵😊抵抵抵！10蚊10粒燒賣！俾我order左最後1份黎食😬個汁有少少偏甜但又幾好味吖😌

青衣嚟間木屋想嚟幫襯好耐，內於假日唔營業平日拉麵亦是買完即止，真的可遇不可求😅今日返青衣老家，青衣人一定要支持青衣平靚抵的小店，加上兒時都係青衣讀書，見到店內牆上寫滿師弟妹們的留言支持分外親切🥰小店在街市內的一角，門面整齊光潔，有著日本風，店舖小小位置不多～中午1點半到來，坐滿了學生在午膳，亦有街坊買外賣，未算太多人，等了 5分鐘已可入坐，店員亦很貼心，拎了張櫈給我們放袋。慢煮义燒拉麵～大大碗有4塊义燒、半隻溏心蛋、筍好多、2片紫菜义燒淋滑入口即化好味溏心蛋香濃有蛋味筍嫩爽口紫菜香脆拉麵彈牙軟硬適中湯底濃淡恰好收費一碗 $40 街坊生意，真的平又抵又好味今日唔係太肚餓，只食了一碗拉麵，見小店尚有其它小食，玉子燒、燒賣等等…..下次經過可以再惠顧

近排在公眾平台因一件事見到呢間小店，網民（街坊）力撐此店及支持老闆。今日假期都要上班，放工已經係下午三時，諗緊吃什麼午餐時就諗到此店試吓。第一次探訪青衣屋邨，有google map幫忙，下車後行十分鐘就找到了，此店在市集內，地方乾淨整潔，餐牌非常簡單，只有幾款食物，我當然要試招牌慢煮叉燒拉麵🍜（加隻溏心蛋）麵是即叫即煮，不過也只是數分鐘。賣相：好得，就係一碗日本拉麵，紫菜，叉燒、荀及蛋的鋪排，簡單得來似日本街頭麵檔的一碗簡單拉麵。味道：試啖湯，清甜，唔太咸或太濃。溏心蛋要超讃，賣相及軟硬度非常正（唔怪之得我加蛋😆）叉燒味道偏淡，麵質也合格。價錢：$40一碗，當然超抵。最開心今日到店時間係冇人，可以坐在店內牆邊枱，望住牆上好多支持者，朋友留言支持此店，更加有日本拉麵店feel。（建議老闆提供細杯飲水及七味粉，更有日本feel) 。心想一間小本經營的店，只是座落在普通屋邨𥚃，老闆一人用心經營，用$40令屋村學生及居民好方便就吃到拉麵，根本冇可能與外面高級地點的高級日式餐廳比較，但簡單並不代表質劣。註：昨天埋單時，老闆忘記我加左隻溏心蛋，話收$40， 我提一提佢，他也申一申脷😬⋯⋯收咗$45

聽聞經常大排長龍或好快就賣完～～平日（星期一）剛好經過個到，諗住去碰下運氣，大約3:25pm去到冇人排隊😆仲有位可以喺店入面坐添🍀lucky✌🏻試咗呢到嘅招牌拉麵👇🏻慢煮叉燒拉麵🍜$40😋食後感：-賣相唔錯😂唔似$40可以食到-淡味湯底，咸中帶甜幾好飲🤤-麵條好有口感，啲蔥好香，荀好食-叉燒偏瘦少少乾身，個人都喜歡比較瘦叉燒-溏心蛋有少少酒味，幾好食🤤-整體嚟講，食開濃味拉麵嘅我，都幾鐘意呢間拉麵嘅味道👍🏻👍🏻而且平時嘅拉麵都差唔多要$100/碗，呢到嘅味道真係物超所值💕喺我食緊途中好快舖頭已經坐滿人，店裡面位置不多，只可容納4人，不過可以開枱出面坐嘅，感覺假期應該好難會堂食😆😆只要避開lunch 時間，平日都容易食到🤤🤤下次可以再加叉燒同蛋食得豐富啲😍😍

呢間拉面店，係青衣群組、報導都成日提及，原因係！平！的確$40今時今日真係好抵食，$40又有半隻糖心蛋、4塊叉燒，真係抵到爛！呢個價錢真係無得頂，不過講真唔算好食，叫做食得過，唔似啲人吹捧到咁好食，如果住好遠唔使特登過嚟試，車費都喺返度。麵質係最唔好食，蛋係正常，叉燒好軟好食，湯無味精好飲，就算話即煮返，但係捧上嚟都係唔熱😂😂所以整體都只係正常。但真係好抵食！

建議：堂食/外賣都得，午市時間外賣客較多，想食得舒服啲可以考慮避開繁忙時間😋去開青衣#長康邨 #試伏專員 當然要把握機會係#舊邨覓食 🇯🇵 係完全無做功課既情況下，隨便亂甘行左入街市，竟然見到有啲紅色囍字日本拉麵碗就行左去睇下😆 餐牌價錢睇落又唔係太貴，就決定排隊一戰。如果堂食，老闆娘好好甘會仲幫手搵埋位/開定枱🍜 長龍充滿學生同街坊客，不過唔洗等好耐已經有得食😋 真心有眼不識泰山，等食既時候上網碌左下先知，原來舖頭係區內都算幾出名🙈 而且#日本拉麵關注組 都有關注😆 今次試左：▫️叉燒拉麵＋溏心蛋 (HK$45)整體味道同份量都正常，湯頭唔太咸，飲落同個麵都幾夾。麵質同平時食既日式拉麵唔係好似，主要係偏爽口。 如果加麵量(HK$5)，可以落單時順手叫埋，仲可以另加筍(HK$10)、叉燒(HK$10) 同溏心蛋(HK$5) 另一款油麵都幾多人叫😎 估應該係撈麵⁉️ 下次如果去開附近，會再黎#試伏 😆

難以想像我呢位馬鞍山居民會專登到青衣街市排30分鐘隊食飯。但事實證明，我唔介意再去@@實情係青衣收工，上網睇下有咩推介，咁岩見到有人宣傳呢間隱世7年小店，一於去試下。佢位置的確好偏僻，我搵左好耐先入到去。仲要12點正已經排長龍，等左20-30分鐘先食到。價錢的確極實惠，建議買醬油叉燒拉麵$40 + $10叉燒+$5麵底，呢個係後生男仔份量上到枱份量好大，好香，食到一半先記得影相。麵質的確係普通即食拉麵，但我唔鐘意彈牙勁道麵，所以呢隻好岩我。慢煮叉燒好好食，肉香好濃又唔肥，好後悔只係加$10，起碼加$30。湯底好岩香港人口味，日本拉麵不嬲好咸，老板專登只係用蔬菜肉骨慢煲淡口湯，佢希望客人真係可以除左食麵仲飲到湯。利申我真係飲哂，入口唔咸，飲得蔬菜鮮甜味。正！總結：街市價錢但用心味道，會再去！門面個女侍應好有禮貌，希望老闆勿忘堅持，繼續煮一個好麵，唔好變質加價連鎖店啦🥹🥹

慢煮叉燒拉麵🍜$40 + 叉燒🐽$10我平時絕少響呢度出現😗如果唔係有嘢要做😅平時都真係冇乜機會去青衣🤣既然咁啱呢幾日都要去呢頭開餐☺️幸好之前見過有人介紹呢間小店😆近水樓台，當然要去試吓啦😁小店就響屋邨市集入面，有堂食😌去到Around 15:00😊即刻叫咗碗慢煮叉燒拉麵😁另外加多$10叉燒😜碗拉麵都幾足料，醬油湯底☺️叉燒有8-9片，性價比好高😊就算另外加麵，加蛋都係$5☺以呢個價錢真係冇投訴😚木屋小食店 (青衣)青衣長康邨康和樓長康市集地下M16號舖

住咗係青衣一段時間，一直都覺得青衣無啖好食，似足個美食沙漠，從社交媒體網站得知青衣長發市集裡面有間隱世拉麪小台，今日過嚟試吓，冇抱任何嘅期望，一心係想上嚟食拉麵，揀咗叉燒拉麵，等咗一陣，頭先嗌嘅叉燒拉麪已經送到上嚟，材料方面都幾足料（有4片日本叉燒，紫菜，荀，糖心旦）湯底方面好清，表面冇乜油，飲落口幾舒服，食完都唔會好口乾，唔會話成日都想飲水，呢碗拉麵我絕對覺得物超所值，呢個價錢絕對好過出面大把名過於實嘅拉麵舖，抵讚。除咗叉燒拉麪之外，見到佢仲有其他嘅鴨胸拉麪，牛肉飯，仲有燒賣魚旦同埋玉子燒選擇，不失為一間街坊嘅平民小店。

🍜青衣隱世寶藏店 $40 驚喜軟滑慢煮叉燒日式鰹魚醬油湯底拉麵🍜話說青衣呢個美食沙漠入面如果細心搵就會搵到有一啲隱世美食，之前一直有留意開位於青衣屋邨內的一個街市入面，有間只有附近的青衣人先知道的寶藏店，因為每次有人放在group到討論,入面就會有人踩，叫人千其唔好去，而且記得老闆在社交平台 講過無錢請人做打手，千其唔好嚟，搞到我非常好奇，今次特別過去試試究竟🍜店舖位於街市入面，由細到大都知道呢個街市出名臭同濕，不過近年裝修過，已經唔濕但只有臭味，入到去會聞到豬肉檔的豬肉味，接受到先好堂食，入面有條巷會有幾間食店，拉麵店門口有幾張接檯可供堂食🍜慢慢叉燒拉麵 $40喺香港地買舊豬肉都要幾十蚊嘅時候，估唔到呢度可以食到一碗$40嘅叉燒拉麵仲要係慢煮，點完蘇之後就坐低咗大約10分鐘到就有得食，估唔到呢度嘅拉麵，係用咗日本製嘅中華拉麵碗，一啲都唔hea非常有心思🍜拉麵上邊有兩塊紫菜，拉麵筍片，新鮮大蔥花，四大片慢煮叉燒，仲有半隻拉麵蛋，絕對足料，先是一口湯底係用上雞及蔬菜熬製而成熬製而成，醬油濃香散發陣陣的鰹魚香，絕對係心機之作，慢煮叉燒好軟熟而且好滑，下次可以直接加叉燒都只係$10超抵食，下

聽聞呢間位於街市嘅拉麵小店有一段時間，但因為懶所以冇特登去搵食，早幾日終於的起心肝去尋寶。中午時間，小店處理非常多嘅外賣，亦有好多學生哥同街坊幫襯，所以耐心等候師傅煮麵。麵餅估計應該係由中央工場製作，見師傅只係將麵餅放入唔算大滾嘅熱水淥麵，並冇用什麼計時器量度淥麵時間。然後切叉燒、切糖心蛋放喺面上面，再放湯，再放上蔥花，最後加兩塊紫菜，碗麵就上枱。從賣相嚟睇，各樣材料排得好靚，一絲不苟。第一件事，飲啖湯先， 從佢舖頭嘅logo可以知道佢係用魚干熬製湯頭，但飲一啖即刻知道咩料，味道算鮮甜嘅，但都幾重味精！跟住食啖麵，唔錯喎，軟硬適中，有少許煙韌咬勁，好啱個人口味！糖心蛋冇乜特別，並唔係用醬油醃製嘅味付玉子，只係普通嘅溏心蛋，但火候控制得好好，溏心好靚！到慢煮叉燒，果然做到慢煮嘅效果，一啲都唔鞋口，好軟熟，咬落有淡淡嘅鹹香肉香！筍嘅味道正正常常，唔會有腥味，而蔥花勝在唔係用青蔥，否則就大煞風景啦！$40一碗拉麵嘅價錢，真係冇乜嘢太苛求嘅地方，但佢仍然一絲不苟做出$40應有嘅水準，除咗個湯底味精比較強烈之外，實在係值得大讚cp好高！而且，感覺就好似喺日本街邊食拉麵車仔檔嘅風味！