木船泰國粉麵專門店 (已結業)

自從疫情後，好多時都去木船買外賣早餐，已買過8次以上，今日weekend又買啦，我打去叫外賣，然後叫工人姐姐拎返黎。工人姐姐打俾我「Mam, wait, I pass to her. Excuse me, can you talk with my mam？ Sorry..... 」突然cut左線，姐姐再打俾我，我聽到同一番對話，但冇人肯聽，咁我叫姐姐收線先，打中文字whatapps ，等佢俾店員睇。轉頭又打黎，俾左店員聽，店員同我confirm張單，我以為ok啦收線，隨即店員投訴我工人冇禮貌，我話唔係喎，我聽住工人兩次對話好有禮貌，又Excuses又sorry，然後店員話唔係佢黎，但佢又不停講頭先我工人催佢聽電話。我見佢係乜都唔聽，只投訴我工人(但又唔係事實，我聽住對話嘛）我喝止佢我話我地肚餓，唔該佢俾返電話，找錢，食物我工人。自己冇禮貌反話人地冇禮貌。

大埔友熟悉嘅泰國餐廳變左泰式粉麵專門店，點都要幫襯下睇下水準值唔值得bookmark嘅。裝修無咩點變，最大轉變係轉左餐牌。木船雜錦湯金邊粉，有牛丸、魚蛋、雞絲、牛腩、札肉等等，湯底係傳統泰式船麵湯底，顏色夠哂深。食落好大浸泰式香料味，勁大碗又乜都多嘅份量！泰汁燒黑豚肉丼，非常驚喜！豚肉邊燒得好香，泰式汁燒起嘅豚肉非常惹味，面頭係木瓜絲，中間有半熟蛋，底下係香飯，成個配搭同味道係超乎我意料。加十幾蚊就可以追加小食，我地追加左單骨雞翼同烤魚餅，勁抵食！熱辣辣！追加飲品加$12就有特飲，青檸梳打同以前一樣，都係用係泰國正宗梳打水；鹹檸七就係罐裝七喜另上，夠哂味又夠哂凍

去年吃過木船，當時是泰國小菜為主，今天再經過，轉型成了更貼地的餐飯/粉麵專門店，但泰式美味依然保留。餐牌上能找到各種泰式食品，如冬陰功、串燒、咖喱等，不過全都改成更貼地親民的價格，跟飯或粉麵。泰式食品多姿多彩的小食和飲品亦可以跟餐加錢嘗到。筆者就點了招牌的泰汁燒黑豚肉飯+黑椒蒜香雞錘+龍眼冰。飯上鋪了大量白色的蔬菜（？）我初時以為是豆芽。撥開後大量的燒肉浮現出來。還有半熟蛋，拌飯一流。一啖飯+少許蛋醬+燒肉=最完美和完整的食法。燒肉燒得非常香口入味，肉汁亦新鮮充足，就像高級燒肉店的質素，而且由師傅專業燒製，每一片都有香脆的外圍和肉汁飽滿的內部。飯有用醬汁調味，讓客人可以有不同的食法，如單獨食曬燒肉再吃飯也不會淡茂茂。回來飯面那些白色的蔬菜，揭曉它的真身——原來是泰式木瓜沙律，而且調味調得酸甜惹味，讓這碗飯的風味層次提升不少。雞錘也燒得外脆內嫩，可以看到肉汁。而且15蚊就有三件，比麥_勞的脆X雞翼還便宜。龍眼冰很滋潤，有濃郁的龍眼味道。配合燒烤煎炸食物吃剛剛好。龍眼份量也真的很多，可以撈來吃一個人吃完很飽很滿足。雖然想試多幾款食物，但主食會吃不完，和朋友來吃就好了。

呢間餐廳好似開咗唔係好耐，喺門口見到餐牌，忙完發覺啲小食超級平，每款都只不過係10幾廿蚊，所以即刻入去試吓。小息我叫咗芝士磨菇雞翼同埋泰式春卷。雞翼去咗骨，入面釀咗芝士同蘑菇，外面好香脆，雞嘅油份再加上蘑菇同芝士嘅香，非常惹味非常邪惡，$26有兩隻其實都幾抵。泰式春卷，$13有三條，佢個皮唔同平時嘅春卷皮，係類似豬網油，有好多個窿，所以食落去非常之香脆酥化，非常推薦。軟殼蟹魚柳青咖喱飯，呢個主食就麻麻哋。都係小食比較抵食又好味。

呢間新開嘅泰國餐廳位於太和地鐵站附近，價錢平民，而且食物款式眾多，所以就去試吓。燒豚肉飯，非常有驚喜，頂部有少少木瓜沙律，酸酸甜甜非常開胃。豚肉燒得好香口，而且醃製嘅醬汁味道好特別，都係偏甜酸，再加埋入邊有個流心蛋，撈埋一齊食味道非常豐富。泰式鳳爪沙律，雖然價錢好平，但係鳳爪得四件，大多都係沙律菜。鳳爪無骨，咬落去爽脆但偏硬，調味唔錯，唔會太辣。青靈梳打，梳打水係泰國進口，係無糖嘅，但飲落去有少少甜味，感覺好健康又好飲。

香港好多地方都可以食泰國菜，但係大埔其實冇乜泰國才可以食，最近都可能要去到九龍城先有得食，咁岩經過見到近太和開咗間專食泰國菜嘅Cafe，今晚專程嚟試吓好冇食先！淨係睇價錢都覺得好抵食，我大概6:00嚟到，食晚飯嘅時間，每個飯或麵大概都係$50至$70左右，呢個價錢算係幾公道，唔知份量又大唔大呢。小食叫咗個無骨鳳爪，好夠酸同埋辣味都好足夠，一碟大概$20左右，鳳爪入邊都有六七件，我覺得都幾抵。蝦球炸到外皮好香脆，入面啲蝦肉好夠味，新鮮炸起好惹味。叫咗個招牌船麵，兩個人share食真係啱啱好，佢嘅份量真係好大，入邊嘅配菜亦都好多，有雞肉、牛腩、院都有幾款，而麵份量真係好多，口感上好彈牙，70幾蚊呢個份量真係好抵。單骨雞翼就唔係太有特別，不過都幾抵食，同埋佢嘅味道好香脆。叫咗個椰青， $20 ，好多汁好甜。7:00左右走已經坐滿晒人咁滯。

冇諗過大埔都可以食到一間咁好食又好抵食嘅泰國菜。咁岩今日五點幾經過翠怡花園，又差唔多食晚飯，見到好耐冇食過泰國菜，價錢真係好平，所以諗都冇諗就入咗去食。我見到佢個黑豚腩肉真係好吸引。可能因為五點幾嘅關係，人雖然唔係太多，我見大部份人都係食緊下午茶，我大概七點左右離開，已經坐滿晒人，真係好誇張，而家呢個時勢平日仲可以坐滿人，呢間餐廳應該都幾好食。眼見啲嘢食真係唔貴，價錢大概都係$40至$70左右，泰國嘢來講真係算抵，另外佢仲可以加啲小食，每款小食都係10幾蚊。個泰汁燒黑豚肉丼每塊豚肉都燒到有少少脆邊，好爽口，下面啲飯充滿着腩肉嘅汁真係好好食。小食叫左份芝士磨菇雞翼，入邊嘅芝士爆汁出嚟，鍾意食芝士嘅人千祈唔好錯過。之後叫咗份炸魚餅，魚餅外脆內軟，又夠味，$13加配我覺得真係好抵。最後叫咗杯泰式奶茶，因為我平時飲開港式奶茶，所以我覺得泰式奶茶嘅味道比起港式奶茶係偏甜少少，所以我俾唔到comment，但係我覺得都幾好飲。