本茶 (已結業)

一經過本茶就會聞到好香既培茶味，店內裝修以黑色為主，主打焙茶，綠茶，店內位置唔多，只有3數張櫈，order左一杯焙茶黑蜜，店員接order後會即席在雲石檯上冲茶，除了量杯，亦有電子磅，店員每沖一杯茶，都會茶香四溢，好治癒，焙茶黑蜜（$38）唔會過甜，茶香之外，亦夠滑，推薦。

呢間小店開係k11新商場主打日本茶飲🍵及甜品🍦黑洞經過聞到超香茶味 太吸引就決定入去試試佢分別有抹茶 焙茶 抹茶玄米茶 幾款純茶/ 加其他配料既都有😉又或者茶味甜品/雪糕-叫左杯焙茶黑蜜（$38）所有茶飲即叫即做⭕️店員用茶筅將自家茶粉加熱水拂打再加黑蜜同牛奶⚠️飲之前記得要將上下搞勻一入口焙茶味好濃🤭同時飲到奶味茶粉完全融合 口感好滑但黑洞略嫌整體偏甜小小🙈下次可以問下選擇少甜或者吾配黑蜜😬就咁配牛奶

店舖雖小，但未行到店舖已經會聞到濃濃嘅抹茶丶焙茶丶玄米茶味。對於抹茶丶焙茶愛好者嘅我嚟講，簡直係天堂！點解？因為呢度用嘅茶粉係來自京都丶宇治三大人氣品牌：福壽園丶丸久小山園同伊藤久佑衛門。論抹茶嘅香濃，個人覺得呢3個品牌比中村藤吉更優勝。論焙茶的話，我仍然最愛中村藤吉。本來想要焙茶芭菲&抹茶芭菲，點知今日無焙茶啫喱，唯有點焙茶軟雪糕+玄米花。呢度嘅焙茶雪糕夠焙茶香，比較挺身，唔會好奶好creamy，玄米花脹卜卜又夠脆又夠香，唔會有陣烘燶味(個人覺得中村用嘅玄米花唔夠脹卜卜丶唔夠脆，而且有陣烘焦味)。呢個焙茶雪糕+玄米花簡單配搭已經令人好滿足！ 至於抹茶芭菲真係無得彈！軟雪糕上面灑咗抹茶粉，食落更香濃抹茶味，同玄米花混埋好夾，仲有北海道十勝紅豆蓉好香好棉而唔會太甜，個抹茶啫喱好軟身滑溜。食到一半，我仲食到淡淡黑蜜味道，真係超正！

本茶行過聞到好大陣既茶味，同男朋友就跟住陣味走去搵😍，好香好濃烈呀，我地見到menu有好多都想叫 望左10分鐘都揀吾到，選擇困難呀後來我地買左抹茶焙茶雪糕加左小丸子同小糯米，好滑好綿，甜甜地，茶味都好濃，有小小回甘，成陣茶味留係口，好正呀💕仲買左抹茶黑蜜，抹茶味🍵濃郁，mix埋黑蜜，甘甜甘甜咁，但飲到底偏甜左小小，但值錢上都偏貴，同埋太多冰啦，飲2啖就飲完啦。地址：本茶 (尖沙咀)尖沙咀梳士巴利道18號Victoria Dockside K11 Musea B2樓B201-34號舖味道⭐⭐⭐價錢⭐⭐環境⭐⭐⭐⭐️服務⭐⭐⭐⭐推薦星數⭐⭐⭐

路過本茶, 已經從遠聞到那陣茶香, 好像在招引大家前來. 對喝茶, 我們也有興趣, 但更大的興趣, 還是這裡的軟雪糕.本茶創立於1318年, 歷史悠久, 是家在京都的茶農. 來到香港, 起碼在茶這方面一定令人有信心.雙色軟雪糕 Matcha & Hojicha Soft Ice-cream $38: 6.5分, 一客雙色軟雪糕$38, 跟Via Tokyo差不多, 算是市價吧. 不過明顯地, 在這裡吃到的份量就不算很多.正如前文所講, 茶香是離遠已經聞到, 而軟雪糕入口時, 那茶香更是相當突出. 無論是抹茶軟雪糕, 或是焙茶軟雪糕也贏在那茶香, 帶點回甘, 比起市面上不少同類型店來得優勝. 不過質感就令人失望, 實在太冰了, 不夠香滑, 也不夠奶香. 杯底的是玄米花, 佔了杯的一半份量, 有點喧賓奪主了. 而玄米花質感太淋, 也影響了食味.單計茶香, 本身為茶農的本茶, 自是相當突出, 但質感實在太冰, 欠了奶香, 不夠香滑, 份量也偏小, 或許在這裡喝杯茶才是上算.

今日行過K11 Musea，雖然有好多間飲品店令人花多亂，但行過就俾呢間好香好大陣既焙茶味🍵吸引左...於是就試試佢可以見到既係門面黎講既設計就真係吾夠出，除左個氣味係吾會吸引到我去買黎試既...咁佢除左賣飲品都會有雪糕，主要都係焙茶同綠茶為主...我同朋友分別叫左抹茶牛奶紅豆 （$38/熱）同埋抹茶玄米牛奶紅豆（$38/熱）。等緊既時候可以睇到職員現場即整。總結係杯野好細杯（m記紙杯仔size)，吾值呢個價，好貴...但都好飲既，凍熱同價，下次寧願飲返凍飲...

一向淨係鍾意飲咖啡嘅我，呢日行過K11 B2突然之間漂嚟一陣濃濃嘅茶香，跟住就見到前面呢間叫做本茶嘅鋪頭有好多人喺度排緊隊，抱住試吓嘅心情，同老婆分別叫咗杯焙茶拿鐵同抹茶玄米牛奶紅豆，另外叫多杯抹茶焙茶兩溝玄米花雪糕加紅豆小丸子俾小朋友食。從來冇諗過焙茶拿鐵可以媲美咖啡Latte, 仲可以因為焙茶特別嘅茶味令到杯拿鐵可以咁香咁滑，冇一般奶茶嘅澀味，完全out of 我嘅expectation。我老婆初初都擔心抹茶會好澀，但加入牛奶同紅豆，令味道剛剛好，唔會太甜亦唔會有苦澀味。更加唔需要講個客雪糕，睇我兩個仔食到舔舔脷就知道。有機會會再去多次試埋佢其他嘅產品

下晝去咗K11 Musea，見到佢個food court勁多特色食肆，今日就試左e間日本茶飲見到好多人排隊，勁擔心要等好耐，但5分鐘就出到order，都算快因為室外天氣太熱，所以買左杯凍甜綠茶檸檬梳打消消暑｡試過好多日本茶店，不是茶味太淡，就是太苦所以今次就試杯加甜的。起初都有啲擔心杯野會好甜，但飲落好有驚喜，唔太甜……估唔倒檸檬加綠茶非常match，好清新！！聽講d冰都係自家製，無菌處理，咁就飲得更加放心喇。見到佢有好多款抹茶同焙茶飲品&雪糕，茶控們不要錯過！下次要再去試下焙茶芭菲同雪糕

同朋友諗住去新開嘅K11 Musea睇下，行下行下見到有個美食區，就搵左哩間新開嘅黎醫下肚-見佢好多人排，不過等得唔耐，5分鐘就出到order-本身想叫凍抹茶latte，但唔知係新開無耐所以未準備好，定賣晒，佢話暫時得返兩三款熱飲，同埋雪糕結果就揀左抹茶雪糕黎試值得一提係，佢竟然有好多焙茶嘅嘢，啱晒焙茶控🤩不過今次都係試番啲普通啲嘅先，試吓佢嘅抹茶點-抹茶軟雪糕🍦$38雪糕幾軟，唔會係個種凍到有啲冰粒喺裏面👍🏻未到來講牛奶味唔濃，反而更加突出到抹茶嘅甘味🥰不過個人來講就覺得甜左少少雪糕筒都係抹茶味，仲要唔係剩係得個色，食落去真係有陣陣嘅抹茶味🍵-整體來講係唔錯嘅，算係少有嘅高質抹茶食品，下次再嚟試吓佢嘅焙茶野先😋-本茶 (尖沙咀)好味度: 8/10抵食度: 7/10回頭度: 8/10

行過被茶香吸引。餐牌仔細，有抹茶，焙茶和玄米茶。通常只有抹茶奶，這裡細分cappuccino同latte。付款後，店員開始沖。看著桌上的掃，似乎幾專業。不過她的手勢不太純熟。看著眼前這杯賣相普通的飲品，後悔要了熱的。茶香幾重，亦不甜，飲光後杯底還有一粒粒，大大粒的粉未溶掉。可是，無論賣相，茶香、奶味，很多地方都做到此質素。其實跟我在家裡，用奶奶買的抹茶粉，把奶煲熱，再出動老公的泡泡棒，沖出黎分別不大。都幾失望。

行街聞到好香既焙茶味～即搵搵個源頭響邊，原來係呢間位於B2 Food Playground近Supermarket方向既一間日式茶飲店見到menu已經即刻雙眼發光主要供應抹茶同焙茶，不過提供好多唔同款式，仲有雪糕同芭菲賣添！！本身好想試佢地既芭菲，但見成$55，好似又貴左少少，最後揀左熱既焙茶黑蜜等左5分鐘左右就有得飲啦，不過呢杯野份量比想像中少，以$38杯黎講絕對唔平，飲幾啖已經飲完唯一值得讚既係焙茶味的確幾濃，但飲到最後好甜，d黑蜜沉哂落底～

綠茶玄米乳酪，變咗小小綠茶加梳打水加半支益力多。黑蜜又好甜。有誤導成份又話又冷同熱如果係熱點加梳打水？有氣嘅綠茶你飲過未？真係以茶為本嗎？ 這些食材的一杯飲品也太貴了吧！差不多$40一杯。Starbucks中杯大左右。

去K11 Musea 朝聖, 行行吓口渴, 但係又唔想等喜茶， 見呢間唔需要等，又比佢店個陣濃烈嘅陪茶味吸引住，真係好香好香於是就試咗佢個焙茶啫喱， 無甜味嘅！似係便利店買嘅樽裝茶加左冰咁但唔代表我唔鍾意嘅! 因為都預咗係唔甜，要甜嘅我大可以揀黑糖或者牛奶嗰啲裏面加咗啲啫喱，慢慢咀嚼係真係咀嚼到一啲好香嘅焙茶味道，解渴嘅健康之選

今日經過K11 Musea，看見這間店很多人排隊，本人是綠茶控，好奇下買杯試下，點知遇到個收銀員服務奇差，黑口黑面，問多兩句晦晦氣氣😡😡😡😡😡😡無下次。