札幌元祖北海道拉麵 (已搬遷) 新店位置

晚飯.其實想去小樽. 但真係好隔涉. 冇咁o既時間同腳骨力. 九十蚊, 好大碗的極上豉油拉麵.我好impressed by 豐富o既洋蔥、蔥花、海帶...湯底味精應不重, 因為食完唔太渴.不過主角拉麵...唔o係supreme quality. 當然唔係差. 但咁樣o既價錢...我可能唔識食啦.朋友o既麵豉湯底就真係麻麻, 唔識形容. 小食嘛餃子不錯. o係個餡好dry同plain. 皮夠薄, 煎得岩岩好. 又夠熱.鹽燒雞翼好大隻! 但唔太香, 稍淡.服務OK. 有位女侍係我地睇緊MENU果陣望實我地, 對我地o既mis-informed questions 又有點不屑的, 但other than this, 佢同其他人一樣, 幾helpful 呀.環境只o係一般.埋單(including beer)唔平. 謝謝朋友.

從來不很喜歡吃日菜, 近來卻頻頻吃日菜. 無他, 身邊太多擁躉.現在看OR食評, 才知札幌的拉麵最出色, 虧我早幾天還點了個便當吃. 說回這個鹽燒三文魚, 雖說鹽燒的, 鹹, 是應份的, 但若說鹹得剌了脷, 始終沒有道理. 現在想起來, 十足含了一口濃鹽水似的.下火嗎? 也不見得.

上次食完黃埔花園Domon 後愛上了=P, 糊里糊塗以為呢間係"中環分店", 走0左0黎呢度食. 出到0黎撞正lunch hour, 等0左ok 耐先有位.入到去, 打了個突... 乜咁嘈? 我指的唔淨係d 客人傾偈大聲, 係d staff 做0野/講0野0既聲浪-- 收tray 收碟"砰ling 澎爛" 的, 又將d 羹, 碗碟etc. 掟來掟去; 門口叫number 個女人講0野又係... 無眼睇. 真係十足茶餐廳.叫0左個麵豉湯底叉燒拉麵, 店員竟然問我"要普通定係濃味?" 又打0左個突, 原來有分...? 要0左個普通的, d 湯飲落... 真係唔濃, 不過好鹹. 百思不得其解, 唔係落麵豉0架咩? 點解可以無麵豉香, 但又咁鹹?d 麵ok, 比想像中腍, 但算係幾彈牙啦.另外一樣奇怪的係d 叉燒竟然分開上...? 講真, 其實賣相幾核突, 放入d 麵度會好樣好多. 不過味道就幾意外bor, 一d 都唔0鞋, 又唔硬, 有少少次... 走了蜜糖的廣東叉燒-_-"朋友個牛肉飯定食望落都幾吸引, 不過我無試到, 淨係發覺佢個麵豉湯入面有兩三條拉麵-_-Service

味道算OK，湯底不錯但麵身稍。可能因為佢標榜自己係正宗札幌口味，而自己亦曾經響北海道逗留過一段時間，比較之下對其水準有些小失望。不過幾同意之前幾位朋友所講，此店服務水平有待改善。

服務好差、人多又唔做野!湯底夠濃夠香、但選擇不多, 麵豉又係麵豉又係麵豉、$65+1比日本實在價格偏高。

服務好差、人多又唔做野!湯底夠濃夠香、但選擇不多, 麵豉又係麵豉又係麵豉、$65+1比日本實在價格偏高。

中環交易廣場"札幌",同Domon 絕無關係,相傳此店口味,才是最正宗.無錯,西山拉麵的確不俗,彈牙爽口有咬勁,但係湯底真係啖出個鳥來.或者,我唔係近麵豉湯,越咸越濃味,才是我吃拉麵的信條.這麼淡的湯底的拉麵,我真係第一次試,

早幾日去IFC看戲，想起很久也沒有來這裏食了，所以見近近便來了。我們叫了一碗鹽味拉麵、一碗豬骨湯底拉麵和炸雞。鹽味拉麵- 麵質好有咬口，又彈牙；叉燒好腍，味道又好，可惜只得一片。鹽味湯底很清甜，味道唔會太濃，幾好。豬骨湯底拉麵- 初初食時，因湯底比較濃，感覺都幾好，但再繼續食落去時，太濃的湯底已感覺有點吃不消了，下次都係叫回鹽味拉麵好。炸雞- 炸得好脆，但外皮太厚和太肥，最後都沒有食到外皮，雞肉味道就幾好。本來想叫啤酒飲，但怕看戲會累，所以最後沒有叫到。

豬骨拉麵湯底很不錯，豬亦炸得很好，但待應態度太差了。那天十二時許到巳經要等位，但那個頭髮到耳下吋半的中年瘦女人原全莫視出邊等緊o的人，十幾個人等緊都無意思要比飛仔，人客問要等幾耐，佢就答‘唔知咖，有人埋單咪有位囉’，講完之後好似知咁答有的問題，然後擠出一個一睇就知係假既笑容。我們入座後更多次看到她在回答客人的問題（如追單）後，便客人背後做出不屑的鬼臉！

心血來潮想食拉麵，得到幾個同事附和後，立即打電話訂位。好虛，好多人等位，有待應聲明話要等廿分鐘，仍然有不少人願意等。我o地雖然訂了位，都要等了一陣。在等位的時候，見到人食冷麵，賣相好得，所以一坐底就決定食冷麵。冷麵份量好大，而且材料好豐富，麵身爽口彈牙不在話下，而d冷麵汁亦好滋味，食落口有種好涼快舒服感覺，之後加埋附送的芥辣，又另一番口感。而同事們個個都叫叉燒拉麵，不過有D要豬骨湯底、有D要味噌湯底，兩款湯底我都試了一啖，比較下我鐘意豬骨湯底，好濃好甜。而味噌湯底味就過鹹。再叫一客餃子，餃子皮尚算煎得脆，但較多油。而餃子料味道唔錯，幾有肉汁，唔會好乾。雖然好食，怛價錢都幾貴，每人要100蚊。而且侍應態度麻麻，唔太友善。

15-6-2005 1300在今朝的早餐聚會，有部份食友午飯時間都冇約人，於是便黎個即興lunch，經過一輪貓貓，最後到這區食拉麵幾出名的地方。來到後都要等一等，後來還加入了爐兄。我地分別點了五款叉燒拉麵：味噌濃味、豬骨、鹽味、豉油、極上豉油。前三款味道都不錯，有番拉麵湯底應有的水準；我個極上當然係最好啦，但配料比函館遜色少少，價錢還貴十蚊，不過都係有水準的呢；平30蚊的豉油當然相對冇咁好啦；叉燒比較薄身，都不差；我地還點了日式煎餃子及炸雞件，都係哥句，用比較新鮮的材鮮及即叫即炸，係會好食的。價錢比想像中平，食完出門時口時又落大雨。題外話：食完後傾計既時候，原來先知同大皇曾經係同村同座的鄰居，幾時在村內黎個麻甩早餐呢？

7-7-2005不知為何每次到札幌都是下雨的時候，今日亦不例外，還下得很大呢!1:35分到達要等5張飛才有位，我們被安排坐在牆壁邊的位置~幾好喎! 點了濃味噌與鹽味拉麵各一碗。濃味噌同鹽味我會喜歡鹽味多些，因湯清得來又帶有鮮味。更欣賞加了很多的洋蔥、蔥的湯令味道更好。可惜有一碗的义燒不完整還很細塊，以往我都不喜歡吃拉麵的义燒唯獨是這裏就一定要還嫌少呀….希望快些向函館進發。^-^

昨晚試了小樽, 趁味蕾還有點記憶, 剛好亦在中環工作, 所以都順道午間來試埋札愰.札愰幾年前來過, 但沒有多大印象. 一個人再來, 侍應安排在一個面璧位置, 同樣亦叫了在小樽及函館食過的濃味噌拉麵.天氣實在熱得很, 凍麥茶變成久旱甘露, 一來就喝了多杯.拉麵來到, 一層層熱氣與凍麥茶成強烈對比, 外貌材料與前兩間沒多大分別.拉麵亦很彈牙可口, 但我較喜歡函館. 不知是否錯覺, 份量好像較小, 不一會就無晒拉麵, 亦不像小樽吃過飽.材料亦與兩店大致相同, 兩塊叉燒亦很可口, 但都是感覺過不到函館的水準. 反而荀乾是出奇好味, 夠爽夠味, 是意想不到地方.湯底確實很"正", 有很濃郁感覺, 雖然很熱, 但食完所有材料, 飲到大半碗才收手. 跟住又呷兩口凍茶, 又忍不住來兩口湯, 非常好.店員可見是以舊帶新, 午市要應付人潮, 服務當然不是晚間可比. 但整體有禮貌, 要茶有茶, 招呼亦算週到.同一個拉麵, 若我無記錯, 函館要50 元, 小樽要55, 這裡要60. 中環租貴可以理解.若果要比較三店, 各擅勝長, 加上去到時間及心態都不同, 要確實比較不容易. 若真的要揀, 我還是首選函館,

最近放假都唔係咁得閒, 睇完早場之後, 又要confirm booking, 搞車牌, 整相機.係IFC近近地突然諗起吃拉麵, 地址隱約記得也好彩的給我找到.12:00pm 已經有一半客人, 坐在單邊位靠牆.先來一杯凍麥茶, 味道比函館淡一點點, 喜歡濃或淡是個人口味啦.要左一碗叉燒拉麵+豬骨湯底...跟住看看周圍.如函館一樣好多日本人, 大部份都是白領添.叉燒拉麵好多配料: 筍,洋蔥,蔥, 粟米等. 當中洋蔥,蔥和筍特別多.叉燒分開上, 凍的似乎是一路雪住.拉麵爽口彈牙不用置疑, 加上大量芽菜增加口感.豬骨湯底豬骨味似乎比函館濃一些, 但叉燒卻是函館勝一籌.埋單$88, 論價錢又似乎函館贏一個馬鼻.出到門口約12:30pm 有數名寫字樓既朋友已經排緊隊, 可想而知差極有限.總括呢間都值得一試的.p.s.侍應ok, 食哂野執埋檯都仲添茶.

可能來得太多？不只是有時不是太特別，不想胡亂寫，不提就不提。直至今天，同一位曾經認真過的人再坐在這裡，讓人狠狠地批評一番，這地方才特別起來。只不過，我仍未想長大，我關心的，只是能否在牛油溶掉而湯未冷之間吃掉這碗麵。不過，如果能掌握時間，就不會錯過了這麼多。