札幌元祖北海道拉麵 (已搬遷) 新店位置

同友人睇完戲到這兒食晚餐，朋友點了炸薯仔定食，我點了味噌拉麵。快快的就有得食，拉麵粗粗的，同平時食的不同。咬下去，一點爽的感覺麵沒有。點拉麵就真係只有拉麵加兩塊日式叉燒，湯底一點味都沒有，同西貢食的完全不同。她貴得要緊，但就一點都不對我口味。至於朋友的炸薯仔好出色，三塊有不同的味道同口感。第一件味道同口感十足十芋頭一樣；第二塊加入了粟米，味道較清新；最後的是薯仔同牛肉的混合，好味過拉麵好多。笑係俾炸薯餅的，因為真係配合得幾好。

雖然六七十元一碗日本麵，得兩塊叉燒好似好貴（餐牌無講有叉燒，但其實全部有兩塊），但其實食落就唔貴。點解？一來在中環喎！二來麵底幾大碗。我一個男人食一碗加餃子套餐都可以當一餐晚飯食（當晚我無食宵夜！）所以都算合理吧？仲有可以有各款湯底揀。為了呢個選擇權都值得俾錢o架！叉燒有點特色。一般入口即溶的才叫好食，但呢家咬落口感唔同，原來佢地唔係捲埋Ｄ豬肉來切，而係即情一大塊切出來，而且選料也落過功夫，肉質有彈性而有肉味。稍嫌如果厚身少少會更好食，但我估以成本計好難做到卦？餃子皮薄而煎起不覺油膩，還叫了一個炸雞軟骨，好趙口又不會太鹹，不過就油了少少。你話係咪貴就好主觀，但以一家中高檔麵店來講，同銅鑼灣間Ｘ竜比，呢間真係抵死兼好食最少兩級。

It was my first time there... Usually see a long line-up, so I thought it is either very economical or very tasty.Unfortunately, I found the food is just okay. The worst is my body smelled like food after eating inside for 40 mins.Service was quick, probably because they don't want you to sit there long. They urged you to make order and quickly took away your tray as soon as you finished. Food wise, $60-$80 for a ramen. I had a Pork soup ramen. It was quite expensive for a ramen with only 2

本人並非拉麵愛好者，也不是特別欣賞此店，但滂沱大雨又不想走遠，於是還是貪這兒就腳。未到一時店外已大排長龍，儘管有朋友在交易廣場上班一早趕來等位，結果仍要十五分鐘才能入座。坦白講，此店的選擇不多，一般人都是吃湯麵，但價錢也不便宜，簡單一碗麵已經起碼要六十元，若加上餃子等小食便要上百元。食物方面，湯麵的湯偏鹹，而料也不多，但總算是份量足，不至於貴夾唔飽。值得注意的是，面的茶是凍茶，對本蟲來說有點不習慣。

所有員工服務態度超差。間直唔當D中環OL係人，只當日本人係客，不如在門口說明只招持日本人啦。

20070602位置、價錢、食物類別……種種原因吧，這是一間完全不憂做生意的鋪頭，所以侍應的語氣重些、環境逼仄些，都似乎成了順理成章的事……好在今天是星期六，不用排隊，也不用在45分鍾之內交枱，等人，上菜，吹水，竟然都可以消磨接近三個小時，身邊客如輪轉，但難得的沒有被人趕，服務差嗎？又似乎不至于差到極點：）本來想試一下鹽或極上豉油拉面，不過honey心心念念了白色的豬骨叉燒湯面許久，當然要先滿足他的願望啦：）之後加了一個迷你的中華丼，與另外幾個朋友share了一份日式餃子，分量就剛剛好了。上菜不算慢，面底很好，配料也多，大大碗令人很滿足，湯極鮮而味濃，不油所以易入口。中華丼雖然十分迷你，但也較足功課，飯底煙韌，又不會過鹹。餃子就比較普通。朋友叫的鳗魚飯定食，看起來也很吸引。整體來講味道屬于中上，但也不是說會有十分鮮明的特色，留下什麽深的印象，不知道是不是類似的餐廳太多……席間有凍的大麥茶，幾清香，加水也及時。這裏的環境只能說略有一點日本風情，窗外的噴水池景觀可能還是更大的賣點，好像一間街邊的拉面店，只是這條“街”，在香港的texture下，被搬到了兩層樓的高度……

鹽味拉麵: 湯底真的不錯, 可能會比函館好...至於叉燒, 沒有入口溶的感覺,反是硬了的脂肪,帶有煙肉味(是特色嗎?)欣賞的是配菜頗多,尤其是蔥類(大蔥,洋蔥),多得有點像車仔麵加菜底麵有咬勁,不知是否胃口問題,平常吃一碗拉麵是有點點飽的感覺,但這次飽得要勉強吃下去, 是麵多了嗎?凍麥茶也不錯~埋單66,忽然想起函館的價錢,很大的對比~試過這裡, 應該不會有下次~

服務非常非常非常差! 簡直當客人係乞兒! 咁既服務態度影響晒香港的形象。平心而論，麵好食，湯底夠濃夠特別，暫時別處食不到。價錢中環來講唔算好貴。不過...服務態度真係超差，而且不是個別伙計的問題，是整間鋪頭的伙計都有問題。上一次去，已係起碼3年前。點解中環返工都唔去食? 因為服務差lor, 去食個lunch都要受氣, 咪搞我。今日, 07年3月14日，中午, 我一個人去。時間已是1.45pm, 已冇人排隊，得我一個門口等人招呼。望到入面好多伙計，佢地亦望到我，但完全唔理我。入面客人都多，但都有幾張空的二人。我呆等了5分鐘...終於有個阿姐出來收拾戶外幾張的碗碟，我問佢(有禮貌地):請問有冇一位既呀? 個阿姐就答: "冇喎，等一陣啦"，語氣係完全唔當你係客, 當你來乞食咁。我嬲到想走，但又諗唔到食咩好。我見住個阿姐入返去, 好似好忙咁，但自己又走去飲水都唔幫叫我入去坐! 又等了5分鐘，個阿姐終於出來話有位，我咪面黑黑入去食野lor. 好彩d 食物仲係ok.埋單只比了蚊貼士。即係咁, 我唔係扮高尚，如果間野係旺角,深水, 甚至深圳，賣20蚊一碗，大牌檔格局，我冇所謂，但講真大牌檔茶餐廳

中午時間去.旺到不得了.等到頸都長.無計.鬼叫自己無訂位.問門口帶位個肥仔攞飛.唔係好有禮貌.個身又一陣怪味.唔得.坐低左又要等.2個字後有得食.我食豉油湯.我老友就食豬骨湯.一如以往.好食.由期係豉油加埋份煎餃子同炸雞.飽到行唔到更濟.不過好野就要等一陣.我見有Ｄ等位等到興.真搞笑！

呢間野係正我公司樓下, 咁岩我同事又想食, 雖然之前d食評話佢\\\麻麻, 但抱住點都試一次既心態就去左喇~~~因為冇訂位, 所以我12點就去到, waiter問我12點45可唔可以交table, 我覺得冇問題呀, 45mins, 咩都食完啦~~~~呢個時限絕對reasonable~我本身唔係好大食, 所以冇叫到set, 我同同事都叫左個味噌拉面~5mins到就黎左喇, 一睇, 好大碗呀, 賣相都幾吸引, 樣樣材料都排得好靚~ 有好多蔥, 好多粟米, 有d芽菜, 2塊乂燒, 仲有其他配料, 不過唔記得左~~我覺得食拉面第一見事係飲湯, 一飲, 嘩, 正喎, 好濃~跟住到d面, 好爽, 不過我個人鍾意淋d, 所以轉頭至食, 粟米->好味呀~~~~~~總括- > 成碗都好好味~~~~~~~~~~~~至於service, 我又覺得唔錯bor, 不停幫我加茶~價錢方面, 就算去味千都要40蚊碗啦, 呢度係中環, 60大元都ok者~~~~仲好滿足同飽住個肚仲走, 咩都夠啦~~~~~

I have been visited this noodle cafe for many years. The noodle is 100% from Japan. The taste is very good (can't comapre with other so call japanese noodle shop).And I love their special food (關東煮) which is only available in Winter.

天寒地凍，在不太肚餓的情況下，食碗熱騰騰的拉麵感，覺應該會幾暖。所以兩個才點了一個豬骨湯拉麵加大，再加餃子。這碗加大版兩個人吃也覺太多。蔥及粟米的分量很多，又有好多筍，芽菜反而沒有。豬骨湯底沒有期待的濃郁，食起來似只得鹹味，麵身少爽少彈牙，依樣比其他拉麵店出色；餃子煎得不錯，肉質juicy皮又脆口。時間尚早，起初包場，食下食下人漸多，相信不少食客都慕著其拉麵而來。

在事前沒有什麼心理準備之下去吃的, 味道對胃.濃味味噌拉麵, 湯底裡有大量洋蔥, 麵本身也不錯, 可能我本身喜歡吃稍軟的麵, 單是湯裡的洋蔥就加不少分了(個人喜好 ). 其他東西合格吧, 但叫了一個汁燒的大蒜雞肉串, 蒜頭燒得熟又軟, 很不錯.

土包子，吃不慣Nadaman的精緻懷石料理，半飽下跑到國金吃碗拉麵，順便打個招呼。對比吃冰冷的懷石，還是喜歡熱辣辣的拉麵，年多未試過極上醬油，就連唔當造的銀杏$10及雞軟骨$20也一併叫來，拉麵是要了半分$45。半年無來，靚女收銀員不在，經理又放假，加上幾位新來的員工，是幾亂幾忙的，人家的燒物過錯來偶這邊，從前是「自動波」的斟茶換碟，現在就連茶都要叫才斟，吃了兩年多，睇住愈做愈差是幾失望的。慣性地叫了燒物配拉麵半分，胃納有限，按過往經驗這個分量剛好夠飽又清得完。拉麵先上來，極濃郁的醬油味，同其湯底不同是加了肉碎，其他配料無異，喝了半碗受不住地獄般的濃郁感覺，吃燒物去。燒銀杏首碟唔對路，燒蕉的銀杏都夠膽送出來，是趕客乎？換過換過！而雞軟骨是肉多過骨，幾juicy？咁食法都是第一次。晚市如舊旺場，架仔圍在最埋角自成一國，生啤煮物吃得好不高興，又望望冬日限定煮物，又是上年那幾味，反而身邊多了「本格大酒桶」，幾特別的。

星期六覆診完已兩点幾,未食lunch,一個人來到IFC,早幾日才食過Triple-O,而且天氣有点涼, 決定食碗熱辣辣的拉麵暖暖身, 這店巳食過好幾次,但每次都是同樣order"鹽拉麵" 因正宗的拉麵越簡單就越好味.碗麵份量好足,先喝一口湯,夠濃又唔太咸,對辦!拉麵是手垃的,口感十足,义燒有兩大片,唔肥,最鐘意這裏的日本葱(他們最少放了3-4大湯匙),另一大堆牙菜和昆布,每一住麵,都能拌着大量配菜放進口裹,WOW!真係好有滿足感架!雖這裹的拉麵要六,七十元一碗,但你會覺得非常值得的.