札幌元祖北海道拉麵 (已搬遷) 新店位置

真的好即興, 早上八點幾決定搞個小型lunch局, 十點幾決定地點, 一點開餐, 果然即興^^五個人, 分別點了不同湯底, 極上豉油, 豉油, 鹽, 豬骨湯及濃麵豉. 另加餃子炸雞各一.貪心的關係, 各種湯底都試了一口, 極上豉油湯底係搵食兄推介, 味濃但不過火, 唔錯, 鹽湯底的賣相最清, 但卻不淡"痞痞". 怕濃味者應會幾對口味. 豬骨湯則一般. 而我的濃麵豉亦恰到好處, 有機會會試埋淡麵豉湯底. 拉麵算彈牙, 但未知是否午市的關係, 當中的拉麵鬆得不夠徹底, 有一些仍是糾纏在一起. 餃子皮薄, 但味道一般. 炸雞的脆漿則厚了一點, 而且好像炸過了火.可能少吃多怪, 平常吃的拉麵配料都是離不開芽菜, 粟米, 荀, 叉燒和, 但這裏的卻有很多洋(平時可能都有, 但無咁多, 所以唔覺), 有點不慣呢~~

今日2個人食晏, 原本想去「千兩」試....12點鬆...竟然要等13張飛..咪玩啦...咁就即刻轉左黎呢度食湯麵...今日好似失憶症咁.....竟然叫左個燒牛肉定食..不過唔緊要啦, 我同事叫左拉麵....坐正門口, 佢又打開度門...其實有d悶熱, 不過佢o個杯冰凍烏龍茶幾好味, 好消暑~我個定食未黎之前, 試左個拉麵少少, 湯底果然係正, 濃度剛好, 帶點甜味, 連我平時唔飲湯底既人都鍾意, 好味~講番我個定食, 牛肉簿燒, 由於好多豉油...所以都係帶甜味, 但係都唔錯, 反而個飯有d怪, 一邊比較乾身, 一邊又濕到痴實晒....唔知佢想點...而定食有個沙律, 係薯仔沙律, 不過唔夠洋蔥味, 佢又加左d醃菜....個味有d唔match...都係湯麵好食d順帶一提, 個呀姐都幾怪, 對等緊位既客仔無咩禮貌(因為我坐門口位, 所以都聽得好清楚), 但係當叫佢拎多隻碗食湯麵既時候, 佢去左好遠拎, 但係見到佢好細心用紙巾拭淨隻碗~題外話︰呢間野都好多日本客仔~

平心而論，雖然六十幾七十蚊一碗拉麵值唔值係好見人見智，但個湯底認真唔錯，所以就算d伙記超寸、趕落單趕埋單、lunch 訂位confirm o左都可以當無件事要你等位，耐唔耐都會去幫親下。但係經過尋晚不愉快經歷後，以後都唔會再咁傻貼錢買難受。八點鐘落order，叫o左個加州卷，個女人話要耐d，我同太太問佢咁即係幾耐，佢話十五至二十分鐘，咁我地都覺得OK，order照落。半個鐘之後，拉麵同餃子都食完喇，個加州卷都重未o黎。叫個肥肥地o既男仔幫我地跟跟，好似無咩反應。九個字左右，都重係無影無蹤，決定放棄叫埋單。張單o黎到o既時候，個加州卷無cancel，於是我叫佢計過。以下係肥伙記o既精彩對白：星爺：你個加州卷咁耐都無o黎，唔要呀，取消o左佢啦。伙記（振振有詞地）：但係o黎緊個羅播。星：我已經等o左好耐，我唔會再等，take it out。伙：加州卷係要耐d架喇，我地都講o左格。星：你話要十五至二十分鐘，依家二十分鐘係double o左都唔止呀。伙：係咁耐架，at least二十分鐘。星（火都o黎埋）：AT LEAST二十分鐘？你有無搞錯？照你咁講，我坐響度等到聽晚都唔係你o既錯啦？我唔理你

見有咁多食家盛讚，昨晚跟友人3人行來試下。翻開餐\牌，見價錢都頗貴，一碗要$60，本來打算叫串燒，但原來那價錢是每串計，最後也是放棄了。我要了濃味味噌湯拉麵，友人要了叉燒拉麵和豬骨湯拉麵加大，每碗分量都不少，湯底真的濃，好正，麵條尚算彈牙，但唔知點解我總覺得有朕鹼水味(但友人話冇，那一定是我問題了，還是算吧！)叉燒好好味，配菜更有大量蔥絲，這是我最欣賞的，我未試過在香港會飲晒整碗拉麵湯，但今晚我終於做到了！！^,^

話說我暮名去一試傳說中既ichiban 拉麵.order鹽味拉麵($60), 心諗:原來鹽味拉麵係噤!食到七成左右,有位大嬸waitress好大聲噤同我講:"小姐,你果碗係極上醬油拉麵,90蚊架!" 我問佢”我第一次來,我唔知,噤點呀?”佢話”換過碗鹽味拉麵比你啦”我猶疑一下,心諗”嘩,點食得哂呀!?”佢見我好似唔想噤,就話”一係就你繼續食”我話”噤你收我90蚊?”佢話”噤係我地來錯,都係計60蚊”語氣中,一D regret 都無…本小姐又唔係無錢食, 況且我根本就唔知來錯, 人客無責任去分辨你D野來得對或錯化!? 點解講到好似我食霸王野噤!?仲要一句sorry都無,太過份! 今時今日呢D服務態度,真係…

星期六約了人在IFC, 久聞這店拉麵水準好, 便自己先來吃個簡單午餐. 天氣開始悶熱, 味噌湯底恐怕太膩, 於是點了醬油湯底的叉燒拉麵.麵一上檯便有點後悔, 原來那麼大碗, 早知要淨拉麵便可以了. 叉燒是分開上的, 吃了一塊之後, 又覺得選擇得對. 那叉燒甘香鬆化入味, 厚度適中(不會薄得像肉片, 但又不會過厚), 非常美味. 麵和湯不用多說, 都是很對辦的.話說回頭, 九十元一碗拉麵, 真的是貴了一點, 偶一為之便算了. 服務方面, 星期六午市, 人多但不算客滿, 但侍應都有點兒木口木面, 更算不上友善有禮, 以這地區和收費來說, 是有點叫人失望的.

好感動, 自從公司從銅鑼灣搬到中環之後, 已經好耐無食到"好依匙"既正宗日式拉面~望下Menu, 拉面價錢$4x到$6x都有, 而定食其實只係多左個餃子..叫waitress介紹下有咩好食, 佢話呢度最出名就係面鼓濃湯, 如果唔鐘意面鼓味, 豬骨湯都唔錯...一於試下面鼓..話哂係北海道拉面首選.特別放送: 一坐底每人有半杯冰茶飲賣相: 好很大碗!!! 面頭有好多葱花, 正!湯底: 面鼓味剛剛好, 唔會太濃, 連埋葱花送入口的感覺好掂, 但係好似熱左d, 諗住食食下飲啖冰茶降溫(的確起到作用), 但之後條舌就燙到了.面底: 同其他拉面店比較偏硬身, 但好有彈性, 中上水準.配料: 叉燒有d似德國咸豬手的口感, 太彈牙又無咩味道, 玉米應係原條庖出來的, 好香玉米味, 其他配料ok.一路食面, 頭上的冷氣機聲有d似蟬鳴, 後面枱日本客講野又夠大聲, 想像著自己坐在日本郊區的拉面館...一樂也!

情人節同老婆仔黎左呢度食, 食落去同大家既食評差唔多, 好食好似當年係北海道既味道(當然價錢都一樣啦) 我叫左個叉燒面,老婆仔叫左特濃味僧加餃子再加一客燒牛利及昆布青瓜.叉燒面~ 叉燒好爽,d面煮得剛剛好特濃味僧~ 好儂味越食越咸(同當時係北海道食既一樣)牛利~ 好爽, 味道好好好想食多串但太飽,值得一試餃子~ 一般昆布青瓜~ 我唔食酸既野,不過老婆仔話佢地整既時候都落左大半支醋(係吉之島都要HKD40), 而呢碟野都係HKD40左右,好抵食喎.仲有既係大家可以試下d 日本beer, 都係HKD 25 per bottle.

今日IFC Clinique VIP day, 一放工就飛的去進貢, 然後約老公食飯.老公要左一個拉麵餃子set, 我要一個燒牛肉定食. 燒牛肉定食有一碟好似\\\"早餐\\\\\\"的薄牛扒, 一碗粘度剛好可用筷子食的白飯, 一碗不用粉開, 醬油味麵豉湯, 一小碟螢光粉紅色的魷魚, 更有日本人撈飯愛用的Kewpie mayonnaise, 價錢又平($90), 大滿足!老公要左加大拉麵, 加$15有2個麵底, 個碗有1呎直徑, 上檯時嚇一跳! 2個女仔可以2人食一碗添. 麵豉豬骨湯底好正, 老公成碗食哂(連湯)!餃子是一件件分開, 煎得不夠\\\"王將\\\"香口. 問老闆娘點解\\\"王將\\\"果d係一排分唔開, 呢度係一件件, 老闆娘話: \\\"果種係大阪做法\\\" o我~謎底解開了~臨走時發現有鰻魚茶漬飯, 下次試下先!

過來IFC做野兩個星期，終於今日至係自己話事去邊度食飯，捉左個同事來這裡吃麵。食飯時間呢度幾時都係咁多人，一點零五分都要等左一陣位。奉客的是涷麥茶，感覺是比拉麵橫丁的熱茶為好。大熱天時當然要吃冷麵，叫了中華冷麵及餃子豬骨湯拉麵套餐，不知是不是人多，都要等左一陣先有得食。我的冷麵賣相不俗，配料豐富，有蛋絲、叉燒絲、紅薑絲、青瓜絲、蟹柳及紫菜，望落唔錯。撈均才吃，麵汁涷涷地，酸酸甜甜的好易入口，獨欠辣味，呢個唯有靠自己落辣油。西山冷麵當然爽口彈牙，名牌是有保證一點。麵的份量亦不少，夠飽。熱天吃這個酸酸甜甜的冷麵果然是不錯，供應期有限，要吃就趁手；同事的豬骨湯拉麵亦有水準，但配菜不及函館的多，所以賣相是扣了一點分數。餃子是熟成再煎的，吃了一隻都算不錯，不過日式食品來說呢味煎餃子算是最不喜歡吃的食物之一。侍應人數眾多，手腳快亦好有效率，服務都算不錯。但不知是不是午市生意太好，要硬性規定人齊至可以就座。埋單近二百，唔平，中環區想食正宗日本拉麵的話，這裡是數一數二的了，亦可以講係本地數埋幾間最好的拉麵店的頭幾間，貴一點也值得的。

We went in at the most perfect time, no need to wait and got a table for us. We had 4 sets...Ramen set with Japanese Dumplings & another one with Deep fried chicken. And 2 others rice sets...one with deep fried chicken and another one with yakitori chicken...Pricing is reasonable. The serving is quite big for me....I like the Japanese dumpling especially, stuffed with fillings and being pan fried nicely...Deep fried chicken is great ...the chicken pieces are being cut into bite size and frie

想試左好耐,今日放工終於黎左試下,要左鹽味拉面,我對拉面無乜認識,平時都係食別府啊..味千啊果d 連鎖式拉面店既面,見大家都對呢間好評;所以就走過黎食下,我兩點到黎到,都幾多人啊;d面真係很不錯啊,不過得一片很薄既叉燒,好似少左d 啊,但係有好多海帶同芽菜,仲好好味添~~不過加埋一要66蚊,比起平時食既真係貴左少少喎~~不過要食正宗的..貴d都會試下,下次要去北角果邊試下大家推介的..

尋日放假,同女朋友去依間野食.見到大家對依間野d comment都幾好,對間野都有o的期望,但係食完,又唔係覺得特別好食...只係覺得幾貴...我叫左個"極醬油",我女友叫左個豬骨拉麯.d麵質都幾好,d湯都唔錯,但係個麵真係無乜"食送"....只係覺得好多蔥同牙菜...個"極醬油"仲要成90蚊,真係覺得唔係好值......

上星期與小混混到過涵館，臨走時發現有新發售的好點子－冷麵，飲恨啦！這星期來，一直心郁郁，掛念著那冷麵小兒。今天上課時，一直想著那冰冷的麵點，結果，白頭佬教的拗音被偶亂咬一通，最後當然半個字也學鼻到．．．士可忍、餓不可忍，翹了半節課，即閃到札幌，幸好元祖三姊妹店都有冷麵，這裡更標緻著「夏日限定版」，有夠誇張說，早年一直被「限定版」玩弄著，純純的心靈受到重創，年末來時，鼻要給偶見到這「限定版」高高掛，不然偶會發飆說！要了個冷麵加燒牛，點燒物是想消除心裡的疑惑。席間，聽到老闆娘與客人談論著食經，客人說著什麼十多年前食店的水準，說了一大車高級食店的食物，一問一答界很貼題，看來老闆娘亦是飲食專家，對於一些名店的結業，雙方均顯露出一點無奈，偶這外行人，似懂非懂地聽過便算，與其懷勉過去，不如珍惜現在可享受到的佳餚。冷麵端上來時，真的被其湯汁嚇著，現在是怎麼啦？冷麵配麵豉湯汁，是要耍偶嗎？！用箸點了一下試試味，酸咪咪的，原來是用醋加上麻油混出來的湯汁，哈！被擺了一道了。酸而帶芝麻香的汁，在炎夏中起了醒胃的作用，作為伴冷麵的湯汁，是適合不過了。說回賣相，極像在日本雜誌中看到的中華冷麵，麵平均的散落在碟上

每星期來札幌吃碗拉麵已成習慣，食物水準保持得好是吸引偶來的主因。這裡的菜式大都試過了，味道大都是水準以上，當中最欣賞的，是極上醬油拉麵及串燒牛、雞軟骨，這是偶的指定菜式，心情好的話會加些其他小吃。好景不常，上星期五晚來八點半到，正是最旺場之時，店已有八成滿。札幌與函館、小樽比較，面積明顯較大，這也是全文的重點，因為面積大，結果出現了廚房OverLoad的問題，是次點了極上醬油拉麵、串燒牛、雞軟骨、雞亦，「Domon事件」再次發生，這次是發生在極上醬油拉麵身上，初吃時是沒問題，但吃到最後，湯出現苦味（又是想破頭也想不出答案），而麵則煮過火，麵身偏淋（質數仍是高於橫町，但不及過往的好），串燒方面，牛還算可以，然雞軟骨及雞亦則燒的過火，雞皮慘被燒焦，苦且乾．．．個多月前知道大廚過檔小樽，一直慶幸大廚走後沒有出現青黃不接的問題，原來問題一直存在著，只是一直揀在非繁忙時間光顧而避開了，這次明顯地看到廚子人數不足以應付黃金時間的客流量，看來大廚走了的確對札幌做成重大打擊，又或許當日內部出現了問題（如某些員工請假），阿宰？待這星期試多次後，才再作結。眾多拉麵店中，偶最愛這店子，一來食物有水準，二來上