札幌元祖北海道拉麵 (已搬遷) 新店位置

關于做“比較”的習慣很想在此交流一下, 個人亦尊重DMON網友的意見, 並無叫陣之意o以前我在這裏衹做潛水客, 光看不貼, 很多時看到A君說甲店好, 然後又看到B君說乙店不好, 親身試過兩店之後, 發覺明明乙店比甲店好, 為甚麼食評會反過來呢? 那是因為不同的人有不同的參考標準, 於是食評看了等如沒看o 後來開始貼文便很自然的拿一些大家都熟悉的店來作參考基準, 寫拉麵時不自覺的就會提到味千, 起碼如果我用高的基準來批評一家好店, 大家仍然能夠想象他與大眾化的味千之間的定位o 而且食評寫的是食物, 好吃就是好吃, 如果覺得麥當勞的薯條好吃, 為甚麼不能拿來和扒房比較呢? 反之, 如果扒房的薯條做得不好, 告訴網友它比麥當勞的爛十倍, 那大家都心中有數啦!在其他網站看試車報告, 相機報告, 影音報告, 無論寫得多詳盡, 最終還是要多找幾個型號比較一番才能扑鎚, 相信很多網友亦有此習慣, 這是消費者應有的態度o至于這是否香港人獨有的習慣, 我個人感覺就不是o 雜誌上看日本人寫食評做比較做得更刁鑽, 至于法國人無論餐廳, 紅酒, 生蚝都有一套嚴謹的比較標準, 誰高誰低, 一看就知o 反觀中國有

唔係好明點解要將正宗拉麵店和味千這些機械式廉價拉麵店黎比較；將扒房的薯條和麥當勞的比較......香港人係咪真係咁鍾意比較？因為無論食物、價錢、經營模式和服務質素都截然不同。

食左個極上醬油拉麵加餃子, 整體黎講幾好, 係香港算甲組, 麵幾好, 但排在函館之後, 同樣係標榜西山麵, 但函館淥麵工夫好似稍高一線. 札幌D湯同配菜都好高水準, 但叉燒衹得一件, 仲係好似張地鐵飛咁…….細同咁薄, 碗麵賣九十蚊加一, 好奀呀! 家陣又豬流感咩? 叉燒食味就唔錯, 味千之類真係要擔仔坐埋一邊, 但以香港黎講函館叉燒就真係贏到開晒巷啦!最後勝出竟然係餃子, 一擺上檯, 個底望到係均勻的金黃色, 咬落上軟下脆, 皮靚同埋煎得好, 個餡肉質軟滑好味, 唯一唔多key係D菜o既比例少, 食少左椰菜o既甜味, 今次輪到佢贏函館一條街啦!函館o既盛器係大紅雙喜, 佢竟然係青花雙喜, 唔知下一間拉麵鋪會係乜呢?食左札幌同函館, 無理由唔試埋小樽架? 當旅遊北海道囉!

Last month I went to it twice within the same week. Never disappointing. Noodle is a must have - a benchmark in HK. Yet prices are not high - cheaper than many average restaurants. Its free cold tea is also a plus. I read from a magazine that its chef has moved to a restaurant in Whitfield Road (tips: the one named after a place in Japan). Fortunately the noodle is still good.

呢度的鹽味湯底不算十分出色，反而味噌湯底唔錯，天氣夠涷的話再加片牛油就仲正。鹽味湯底除豬骨及肉外應再加入蔬菜去煲，所以會唔夠豬骨湯底咁「奶白」，會清少少。得一片叉燒又係少左D，如果真係得一片咁少的話我會問番間舖的。正常不是叫叉燒拉麵的話都係兩片左右，因為日本仔在下肉方面會好孤寒，反而其他配料會比多D。拉麵方面呢邊用的是西山麵，算係名牌，幾正的。論正統日式拉麵這裡亦好值得一試的，至少好過拉麵橫丁眾店。

今日嚟食咗碗鹽味+牛油拉麵($70+10%)見湯是很清透的，並不同山頭火既奶白色，小弟乃拉麵外行，不知何解兩者有如此分別湯屬較淡口(但當然有落味精啦)，麵係我較鍾意既粗身，質感不俗但得一塊圓片叉燒咋，真係得咁少?!加牛油純粹口痕試下，唔係行嘢其他配料如荀、葱、粟米都好新鮮都幾大碗，但喺呢度梗係有地段費雖然我唔係拉麵徒，但相信拉麵徒應該嚟試下------------------------------------------因為大部份係日本仔，所以有啲似入咗廟上香對我嚟講，環境扣分

呢一間鋪頭就係我哥成日將佢捧到上神檯既拉麵店,一直都想試一試筒中既滋味,於是決定放工後專程撘$12地鐵黎享用元祖拉麵順便再到想去好耐既IFC睇戲..由於先到IFC買飛,到達元祖時己經行到身水身汗,甫坐低即ORDER 凍茶消消熱氣..同女友一樣叫濃味味噌湯底拉麵,跟炸雞($85)同餃子($90)..ORDER時無意間見師父於OPEN KITCHEN 搓飯團,決定再加一個三文魚飯團($10)..拉麵一到,手起匙落畢起一啖熱湯送進口內..實不相瞞,係有一絲既失望..眼前既呢碗濃味味噌湯同我心目中既濃味係有一段既距離,我認為我到Domon 叫既濃味味噌湯底係會比佢更濃更好..(聽說味噌湯會越耐越濃味,所以我同女友仍然抱住觀望既態度去食呢碗拉麵..)跟住再一試叉燒,味道不錯,而且碗內有兩三塊,比坊間食開既拉麵店為多,屬一驚喜..再來既其餘材料都絕對係水準之作,特別係筍,由於自從試過山頭火既無味筍後,對唔相熟拉麵店既筍存有戎心,所以到此店後尋回此君之味,實屬欣慰~跟住試試炸雞,炸雞沾上碟邊既沙津醬進食,味道確係不俗,加上新鮮熱辣,此道小食都幾難失手~而餃子則比較失色,但都算不錯..飯團則貪過癮而己

家姐介紹我同媽咪去食之後,就愛上札幌拉麵喇~~有次星期日想去食,去到先知佢sunday休息...好失望我鐘意食豬骨湯湯底拉麵加雞肉球,d雞好好食架,加埋佢配0既特製燒汁(好似燒墨魚丸d準0既味)同沙律醬,直情係絕配!!個湯又好濃好好食,d麵又好多,好大碗~我都試過鹽湯底0既牛油拉麵,一樣好食!

3 people have lunch there. Ordered 2 ramen and 1 rice set. About $250.The portion is larger than I expect. The cha-siu in the noodle is the best that I have taste in Hong Kong.A very comfort place in Central at lunch time.Generally, very good.

香港真係唔多地道日本風味O既拉麵店，但係呢間既味道就做到。日本師傅操刀，品質會有多少保證。^^;呢間店係我個日本人同事食過佢再推薦我去既。我同個同事都以一試既心態,叫左個極上醬油拉麵餐試，好好味呀~~佢D醬油好香,叉燒都好,好正宗日本味道~$90都值呀~因為係日本讀過書,O個陣時成日四出搵拉麵食,所以我對拉麵要求都幾高...呢間合格呀~^^仲有一樣推介:鳥から揚げ(炸雞肉),雞肉好軟又多汁,正!!!送啤酒仲好味~~~ 但南瓜年糕就一般。日本同事話佢d餃子唔好食,可以唔試。下次要去試佢個鹽+牛油拉麵~ ^^

在中環做野都唔知原來這裡變了一間拉麵店，仲叫自己做「元祖」tim！在日本夠膽叫得自己呢個名通常唔差得去邊，所以今日就來試試。拉麵得三個選擇，味噌、正油和鹽味。原本想選擇鹽味，因為好少可能在香港吃到，亦想睇下佢地做唔做倒好食的鹽味，但見今日好似陰陰涼，濃濃的味噌湯底好似吸引D，所以就叫左。配料有半肥廋叉燒紫菜芽菜荀等但都是配角，主角的味噌湯底熱辣辣非常正，未食麵已經飲左半碗！唔使問當然有味精，但有邊度的日式拉麵湯底無味精？不能證實麵是否直接由日本運來，但總之彈牙又有咬口。成碗麵整體感覺非常正，有番在日本食拉麵的味道，個人覺得在香港只有Domon才找到相近的拉麵風味，連橫鋼都仲差少少。可惜天氣唔夠涷，如果唔係可以再加舊北海道牛油就仲正。60蚊一碗不算平，但個人覺得物有所值。