李家 (已搬遷) 新店位置

我們一行4人，點了燒烤雞，甜辣雞，芝士辣海鮮炒年糕和飲品（3支啤酒溝1支清酒）。每份雞的份量並不多，比想像中少，我們4人吃完後只是覺得不餓。年糕裡的芝士不錯，對喜歡吃芝士的人來說很值得一試。酒也不錯，既有清酒的味也不至於使人喝醉

星期五HAPPY FRIDAY，當然要搵好野食喇!~係Open rice 見到李家得到最優秀開飯韓國菜餐廳 (2015-16)獎項(應該有信心保證吧?!)，所以同朋友揀左宜間餐廳作為飯聚!~半半炸雞($180)，一半原味，一半香辣味，岩哂有選擇困難症既人!!據說老闆係韓國人，堅持使用韓國空運黎既醃料，夠哂正宗!!炸雞炸得鬆脆金黃，一D都唔油，仲保持到雞肉既肉汁，唔會炸到好乾!~一碟足足一隻雞既份量，2個人SHARE 都唔會覺得少!雞肉入口鬆脆，唔會有雪藏味，亦都無雞臊味，正!!比起原味炸雞，香辣味炸雞更令人食到停唔到口!雞肉入口嫩滑之餘，仲慢慢滲出絲絲辣味，令人回果無窮!

服務差，環境一般一炸雞一烏冬，這個價錢，差不多300蚊，去一籣好過食飯一般，又咸又辣，沒有雞味。環境有啲污糟，桌上沒有清潔乾淨。服務極級惡劣。要求換碟兩三次但從來沒有。從來沒有提供飲用水，需要詢問服務員，要求加水直接忽視。10%服務費真的浪費，因為沒服務。這間餐廳推薦度=0，我去過旁邊的韓國餐廳質量比這間超出太多了具有多年食評經驗和心得，之後會多多分享

有見太久沒有吃炸雞所以心血來潮想再光顧李家兩三年前炸雞熱潮剛興起時我與三五知己用了兩小時去排隊都要一嘗李家炸雞現在炸雞分店愈來愈多，再加上是閒日，已經不用排隊就有位，感覺輕鬆好多。叫了半半炸雞，一半原味一半甜辣味其實是想試蜜糖味與甜辣味，沒有問可否自由配搭，不過應該沒有，好像是定好了的啤酒配炸雞好像是常識了向來都喜歡李家炸雞炸得比較鬆脆及不會肉與炸皮分裂不過原味炸雞好像沒有以前的水準那麼香脆反而甜辣炸雞的甜辣醬好令人想一試再試除了炸雞都有叫燒肉餅表面的燒汁甜甜的，肉餅不算太老但不夠juicy不過都是美味的炸物向來都令人不能抗拒下次依然會再光顧

街頭的是李家餐廳，街尾有間take away李家。比了2間，take away間比餐廳平$22（一隻炸雞）所以又走點街尾鋪。炸雞杯分$28跟$23。很傻很天真的我點了$28，以為一整杯都係炸雞塊。收到後，才知底是汽水早知一早先openrice一下2個價錢分別在有汽水跟沒有汽水。說回雞塊，粉有點厚，雞肉比較難口。幸好是溫熱的，一定要加蜜糖芥末醬，不然真的好難吃。（我覺得麥記的麥樂雞比這個好吃）

這晚經過有韓國街之稱的「金巴利道」，眼前看見李家的外賣店～思索一會到最後都是忍不住買了杯炸雞食！選擇其實不多，不過勝在價錢較堂食經濟及不必費時等太久而已~炸雞杯 - 我不喜歡飲汽水，所以只點了炸雞！碗子細細不過驟眼睇都有十幾顆雞粒～先嚐一口原味，皮很厚肉又乾踭踭～點上蜜糖芥末醬隱約可以提昇到少少味道，甜辣醬則普通，不加也罷！

點解.....放工同朋友食個生日飯要等1.5小時....但生日果個話想試下呢間...所以唯有等下啦我諗呢間餐廳因為好細..所以冇乜枱我地一行4人...Order左2碟雞+泡菜餅+芝士雞蛋卷+啤酒蛋卷賣相好吸引...但味道好普通泡菜餅雖然口感淋左D...但都幾好味炸雞都唔差ge..但好多都係雞胸炸雞配啤酒一流到最後係食唔晒D雞架...有D膩

生日飯！六點入座不用等位。四人，叫左5碟蜜糖蒜香炸雞 第一件好食，味道好新，但肉hai 左d. 一碟好大碟，四個食唔晒芝士蛋包。芝士好多，但唔夠香。只食蛋。有少少失望螺肉冷麵。好香。有蘋果，青瓜超fresh! Love it!! 差在太辣，d 麵一舊舊，好難夾仲有個芝士年糕。又係芝士唔夠香，太多芝士，見到都飽，所以我地整走d芝士。唔同晒立即。幾好食海鮮餅，好夠料，但好似好單調，個sauce 不突出。令唔到我為左個sauce 食多件。整體不過不失，但有點名過於實。可能抱太大期望黎試

韓國炸雞其實係香港已經興左一段時間但熱潮仲未減弱，今日同好友相約食炸雞諗唔到宜家都仲要等咁耐。等左成粒鐘先入到去食野，真係餓死寶寶了蜜糖蒜蓉炸雞 $180份量多，應該有一只雞嘅份量，炸雞熱辣辣送上枱，食落去炸粉薄而炸到好鬆脆，雞肉肉質好嫩滑仲保持到有肉汁，炸雞同蒜蓉蜜糖撈埋一齊食甜甜辣辣咁好match，正呀芝士雞蛋卷 $120切開入面d芝士好多，終於明白芝士夠多夠熱先自自然可以做到拉絲既感覺，雞蛋卷亦唔會over cook，食落好fresh好新鮮，芝士同雞蛋嘅比例好夾，食多幾舊都唔會好膩今次掛住食嘢唔記得咗影個Menu所以唔記得呢個叫乜名不過一定要同大家提提呢個肉柳，雖然食落好有肉香味但係好感太過林，林到完全冇晒口感。我自己就覺得遜色左少少黎得呢度食炸雞點少得飲啤酒，呢個啤酒入面有加到燒酒成份，但唔會有刺喉嚨嘅感覺，比較易入口。李家炸雞嘅水準真係好出色下次會在試下其他口味，同朋友一齊嚟食炸雞飲啤酒就最好不過

係冇得book位情況下 星期5晚上排左半個鐘左右叫左原味拼甜辣味炸雞原味其實都有少少辣 甜辣味只係 原味炸雞上加左甜辣醬汁 再叫左生啤 清清地 好易入口總括黎講 個味同連鎖炸雞店分別唔大 唔值得排咁耐

最近韓風吹得好強勁，好多朋友仔迷上了炸雞今次我們一行6人走入金巴利道的一間元祖炸雞店李家。餐廳的用餐時間為90分鐘。蔥炸雞和甜辣炸雞，每碟大約有10隻的份量，2種炸雞的分別在於表面的醬料和配菜，炸雞本身炸得十分乾身，外層脆皮十分鬆脆，而內裡的肉質非常嫩滑又多汁。甜辣炸雞的外層淋滿了甜辣醬，雞的脆皮吸收甜辣醬汁更加惹味。炸雞配上酸酸甜甜的洋蔥絲，感覺特別芝士雞炒年糕，上層鋪滿芝士，雞件嫩滑，年糕煙韌，芝士和辣醬的味道在口中慢慢混和，辣的程度會減底。

肉質粗鞋, 比較乾身,肯德基相對地比較好食同正宗韓國比較相差太遠。蛋卷可以接受,要趁熱食。泡菜薄餅相對比較好食,粉少料多,辣度適中。幸好是晚不用排隊。服務okay。

請問有無人同我一樣係#芝士控 ?見到扯唔斷既芝士就想好開心!! 7點嚟到排左半個鍾先入得座。叫左呢個海鮮芝士年糕 $150--雖然話小辣,但我覺得幾辣--汁好濃，味道都濃, 唔係淨得d色深--份量多,2個人根本食唔晒--年糕大部分煮得夠淋, 但唔知係咪晚飯時間人多, 廚師心急呢, 有d年糕個心仲係硬硬地..--海鮮唔夠多, 魷魚仔,蝦仔甘. 不過都預左, $150甘大碟係仲枇expect比咩海鮮你丫亦建議親熱食，年糕同芝士好快硬，會好難食。同時亦叫左原味炸雞$150我唔多食炸野，所以唔識欣賞，但朋友話KFC好食d 😂

其實佢係好韓國家庭式嘅食店，沒有華麗裝潢，甚至有啲兜踎，與韓國炸雞店相近。想不到星星令佢突然爆紅，客量完全超出小店嘅負荷。熱潮過去後，人潮回復合理水平，閒日晚上等兩張枱，還可接受。根據長居韓國的朋友所講，韓國人很多時晚餐會走幾場，食幾間餐廳，就算一大伙人，每一間點嘅份量也不會太多，只點最招牌最想食的share, 食完心頭好就即轉場，唔喜歡食完坐喺度hea。而雞炸，韓國人係唔會攞嚟當正餐嘅，只會當晚餐後cupping時的送酒食物或宵夜，但最流行還是宅配外賣，再加便利店買啲燒酒啤酒自斟自飲。電召炸雞市場競爭非常大，選擇之多如天上繁星，店家會以送精品或積分制吸客。其實一睇啲餐具就知佢走平民實而不華路線紅色雞食過多次，今次轉吓口味試蜜糖蒜蓉炸雞，評分俾紅色雞更高。蜜糖汁會比平時紅色雞汁稀少少，無咁黐立立，輕型啲。pat蒜蓉有少少苦味, 但蒜味已融入蜜糖汁內，淨點蜜糖已經有香濃蒜味。除蒜蓉外還有幾瓣蒜瓣, 雞帶少許辣，幾開胃。芝士蛋卷係招牌菜之一，大量mozzarella cheese做出拉絲效果，但我幾肯定佢用嗰隻芝士同我喺荃灣南豐九樓熱烘焙鋪買四十幾蚊一大包嘅急凍芝士碎係同一隻，呢隻芝士寫到

想食韓式炸雞飲啤酒，自然會想起李家。店內暗暗的，播著韓國pop song，絕對是與朋友夜眾的地方。來到李家不得不點它的炸雞。樣樣都想試，所以點了原味及甜辣炸雞。先講味道：原味有點普通。沒有味道，只是炸得脆得像餅乾一樣；甜辣比原味好，主要嘗到甜的味道，並沒有辣呢。基本上所有雞件沒有太多肉，所以好似食緊脆脆的炸塊一樣。反而芝士雞蛋卷成日整頓晚飯的焦點。外表跟普通蛋卷類似。切開後，芝士慢慢地從中間流出來！特別是當蛋是熱，配上溶溶的芝士及茄汁，是一種享受吧！原味炸雞拼甜辣炸雞--HKD160原味炸雞nomnom指數(5最高分): 甜辣炸雞nomnom指數(5最高分): 芝士雞蛋卷--HKD120nomnom指數(5最高分):