李記咖啡奶茶

营业中

休息中

本身係西多士關注組成員，經過大埔就去埋熟食市場試埋大埔名物西多士。李記本身比周邊店舖少枱，附近店舖好好，唔介意我地點少少食物俾張枱我地坐，我地再點李記。可惜，即使無佔用李記枱情況下，男仕應服務態度仍然惡劣。而食物質素名過於實，奶茶& 西多士質素十分普通。呢種態度，根本係趕客而言。當然，去得熟食市埸就唔會預有什麼服務可言，只想食情懷同美食。 但，喺無佔用佢枱情況下，只是短短的落單程序，已經感受到佢5憂做生意想法。大家真係要三思，喺用佢枱情況下光顧會點樣?而飲食業界都要多得呢類同業，越黎越多港人轉向北上。

今天中午在大埔，附近的美食，選擇實在太多了，為了縮窄範圍，我先鎖定大埔墟街市的熟食市場。上去一看，幾乎所有店舖都有不少人光顧。走了一圈，最後，因為很久沒吃西多士，便選了這間老店李記，試試他的西多士。落單時，店員問我要煉奶還是糖漿，我選擇了糖漿。 送上的時候，放了牛油在上，並且已被切成九塊。李記的西多士，跟其他餐廳的不同，其他餐廳的西多士，多數是用兩塊方包，中間塗上花生醬。 而李記的卻是用一塊特別厚的麵包來制作，沒有花生醬的。 炸起的時候外脆內軟，特別值得一讚的，是內裏的麵包又熱又特別鬆軟。 有沒有花生醬，已不是問題，吃上口別有一番滋味，值得再試。至於咖啡，大排檔 feel，價廉物美，香而易入口。

𝓣𝓪𝓲 𝓟𝓸 #大埔熟食中心不嬲多嘢食，好多行山友包括發哥都會過嚟呢間李記嘆件牛治同凍奶茶，不過其實呢間最出色我覺得都係西多士，炸到外脆內軟，粒粒都勁鬆軟，蛋味好濃，仲可以叫佢落多啲煉奶🧈🥛，每份都係HKD16🤩 ，配埋杯茶走啱啱好🫖📍李記咖啡奶茶 (大埔)大埔鄉事會街8號大埔墟街市及熟食中心2樓CFS33舖

李記有無西多關注組成員！話說版主是發自內心地喜愛西多士，周不時會心思思想去茶記自己啪一份。好可惜地，版主新陳代謝較為慢，wfh後仲養成飲水都肥體質 ^ ^ 所以要食西多就要思前又顧後，尋覓真點值得一試嘅先可以出擊，盡量唔好浪費quota上星期六入大埔墟熟食中心搵食，記得有唔少人力推李記西多士，有啲仲講到佢係香港第一！就諗住一試究竟。本身去之前無做功課，去到坐低先知佢地係無花生醬( ̀⌄ ́) 雖然知道最正宗嘅西多士應該係冇花生醬，但係由細到大都識開有餡嘅，一時接受唔到！另外陰差陽錯之下，同行友人竟然叫咗落煉奶 (⊙_⊙)糖漿派嘅我聽到之後差啲尖叫，但係為咗保持儀態，我選擇忍氣吞聲所以…其實本身係抱住”失望”嘅心情，西多士上枱嘅時候簡直可以話係零期待零興奮 ☻ 點知我之後竟然會評佢為近十年食過最好食嘅西多可能因為厚切(應該有吋幾厚)，麵包口感軟綿綿，滲透性超高，所以之後成功索曬啲牛油同煉奶，以至每一啖都味道豐富！同埋估唔到西多同煉奶好襯，真係唔試唔知世界充滿可能性(⁎⁍̴̛ᴗ⁍̴̛⁎)雖然佢哋應該係炸唔係煎？但係完全冇油淰淰！覺得佢啲油應該算新鮮，都知道出面餐廳炸嘢嘅油一定會返用，但係有啲真係食得出

看到這家西多士，就是我喜歡的類型，感覺醬料滿滿，麵包又夠松軟，於是去吃上海面同時點了一份西多士，果然好好味，西多士本身香氣十足，同時每一塊豆吸滿了甜味兒，非常推薦

大埔墟街市真係好多嘢食 地方好大聽過呢間李記個名好耐喇🤩終於食到佢個 #西多士 🥞可以叫咗拎件西多去其他檔坐低慢慢食 好方便 煉奶加厚厚嘅牛油淋上熱辣辣嘅西多上面 超級正 最鍾意軟林林嘅口感 😉本來以為佢嘅奶茶都唔錯 下次食佢嘅西多就夠喇🤫 💰西多士 $18👉🏻#李記咖啡奶茶 大埔鄉事會街8號大埔墟街市及熟食中心2樓CFS33舖

大埔墟街市熟食中心出名多美食，幫襯得最多嘅係炸豬扒麵。而西多士都聽講好好味，但其實我喺大埔住咗咁多年都未試過。而家搬走咗，難得平日返大埔就嚟試下呢間西多。估唔到平日點幾嚟到都要等位，好在只係等咗幾分鐘。有店員帶位一坐低就落單，由於已經食完晏所以兩個人share一份西多士。一上枱已經切成九份，自動附上兩枝叉，都幾貼心。金黃色嘅西多士比一般淺色少少，聽聞係煎而唔係炸嘅，食落的確無平時咁油膩同熱氣。麵包係厚切，內裡鬆軟。表面淋上煉奶同搽咗牛油，中間無夾花生醬或果醬，味道主要來自淋面嘅煉奶，令到蛋香更加突出。凍奶茶嘅茶味同奶味幾平衡，但唔算特別出色。西多士的確係幾好味，去開大埔可以一試，推介大家坐低食豬扒麵，順便叫份西多士

-{大埔街市脆皮西多士🥪}終於試倒出名嗰間😋原來仲平左！🤓朋友推介必食西多 一於黎試下😝🤤西多士🤤 ($20)一黎又係開左9份 配煉奶同牛油😍今次係冇餡嘅淨包但係炸到脹卜卜😆做倒外脆內軟☺️好脆嘅皮🤩依間完勝左😛👖褲評: 8.3/10黎熟食中心一定係食依間😇不過不定期開舖 要靠采數喇🤔性價比: 8.5/10服務: 8/10環境: 5/10🚩李記咖啡奶茶🚩地址: 大埔鄉事會街8號大埔墟街市及熟食中心2樓CFS33舖 #fuudjai #fuudjai小食 #fuudjai大埔 #fuudjai港式 #fuudjai麵包 #fuudjai甜品

三文治, 西多士貫徹過往水準, 不錯！奶茶味道適中、茶味香濃恰到好處, 有著傳統港式大牌檔的風格與味道, 是過往十多年內大埔區的首選茶記, 但礙於限聚令及枱面限制, 又與其它商號爭地霸枱, 以致搵位麻煩及混亂, 服務又諸多要求, 雖然熟食市場也不期盼有甚麼服務水平可言, 祗希望吃飽肚子就走, ,李記名牌食店有恃無恐,剛 坐下連背包都未放下就催着落單點菜！思考的時間也不容多一秒鐘, 祗因枱少希望大家快快吃完就走, 番枱多做一轉！再好的品質都難以下嚥！食個早餐一肚子氣 ！

西多士 $18李記既西多士不嬲都好出名✨ 因為用煎既方式代替炸 食落冇咁油得黎 再配上煉奶 成個組合更加邪惡😈 上一次食大概都年幾前 再食感覺冇以前咁好食了🥲 除咗服務態度差咗 西多士食落都冇以前咁有蛋香同鬆軟 加埋啲煉奶食食下有啲膩 感覺上環瑞記既水準保持得比較好🤧🤧🤧評分: 6/10🌟———————————————————————李記咖啡奶茶 (大埔)大埔鄉事會街8號大埔墟街市及熟食中心2樓CFS33舖

大埔街市李記最出名係西多加煉奶，已經食左N年，鍾意佢唔係一般坊間炸到死實實起晒角、硬掘掘，亦都冇D奇怪餡醬夾冷包中間，煉奶/糖漿隨你喜歡，西多外層炸至金黃色，內里包還是軟熟，配上煉奶，甚為好味！而且最大原因好食係冇yz油益味，有時街外有D西多果浸油益味真心難頂，一口放棄！價錢方面都係街坊價，十幾蚊，食到有質數西多，甚為抵食(因為大埔街市熟食粥粉麵都唔算平)，當然加多杯飲品就唔止了街市有個奇怪現像，越出名越鍾意大事大節星期日休息，而李記都唔例外，星期日、一休息，想試下要注意了

西多士推薦‼️呢間響大埔好出名既西多真係名不虛傳🤩個西多非常鬆軟 炸到金黃色 外脆内軟 💯配埋勁多煉奶真係好邪惡雖然中間無夾仼何醬但都勁好味!但要注意翻去到都睇彩數先知有無得食因為有時去到會無開門🤦🏻‍♂️所以大家都要有定心理準備而佢地既凍檸茶都係好有驚喜雖然會幫你督定左隻檸檬🍋但唔知點解又好啱啱好飲完一杯想飲多杯環境係似大排檔食附近亦都有好多食物選擇相當花多眼亂 好多都好出名 人流亦好多大家如果佢想試晒佢可能要分幾次去

每次去食親豬扒麵同魚蛋粉，姨媽佢一定會叫李記嘅奶茶同西多士～奶茶的確好香滑，但我會覺得西多士比奶茶更加驚豔🤩 細個個陣我覺得出面啲西多士應該間間都好似李記咁～跟返父母生活先知原來呢個味道係出面食唔到～所以我而家淨係會食李記嘅西多士，無食出面嗰啲～⠀⠀🧈西多士🍼$18⠀★我食開係奶油多～佢係會落牛油同煉奶喺表面⠀★即叫即整，每次都可能等10幾分鐘～目前每次食佢都係熱辣辣同金黃色🤩⠀★佢個西多士係整得超軟熟，入面好軟綿綿，但你用叉壓落去，佢又會好似海棉蛋糕咁彈返上黎🤩好鬆軟🤤⠀★ 唔會乾身，長期表面都鋪滿好多煉奶，所以個西多士入晒味～😍 ⠀（爆醬咁款😂）★質感其實有少少似法式多士（甜品，L_K嗰種），但佢個皮呢就冇咁硬同冇咁乾，比法式多士更濕潤軟稔⠀★但係！佢唔係成個軟淋淋，佢表層都有一層薄薄嘅脆皮～佢唔似出面啲西多士個表皮咁厚～有啲個表皮好厚嘅反而會炸到硬哂好難食～但佢就薄薄一層，口感更好，而且比起厚身嘅無咁油膩⠀★佢唔同出面嘅西多士，佢入面唔會有花生醬～但我覺得就咁煉奶同牛油已經夠味，加埋花生醬反而可能更加漏，同埋令到味道過份複雜，蓋過牛油味同煉奶⠀睇到幅圖，你可能會覺得：咁得煉奶同牛

大埔墟街市的美食不勝枚舉，加上價格相宜向來吸引不少區內區外市民光顧，而李記的西多士可謂是最具人氣的名物之一，甚至有「全港最出色西多士」的美譽。由於營業時間不定，聽聞不少人特意前往卻碰巧沒有開門營業，故此想要一試其實並非輕而易舉的事久，少不得一定的運氣。數年前試過外賣一份西多士，但當時感覺驚喜不大，這次再訪決定堂食，於西多士最新鮮、熱騰騰的狀態品嚐。除了西多士之外，本來還想一試雙併夾餡菠蘿包，可惜當時已經準備打烊未能供應。西多士 ($16)西多士可以選配煉奶或糖漿，上次選了最經典的糖漿故這次改試煉奶。麵包中間沒有任何夾心餡料，單純滲滿蛋漿炸至金黃色，但質感軟綿不會過份乾身。西多士淹沒於滿滿當當的煉奶和牛油之中，比配上糖漿更加出色，香甜之餘亦令包身更為濕潤，亦沒有喧賓奪主蓋過蛋香。李記的西多士樸實無華卻別樹一幟，但其實味道並不如外界吹噓一樣驚為天人，特意前往朝聖或會失望而回；對我而言，周記出品的流沙西多士和上環瑞記西多士最得我心，而相比李記，個人甚至覺得不少一般茶餐廳的花生醬西多士都能媲美。

日期：10月1日人數：3人又到左三個人去大埔搵嘢食嘅時間，今次就去咗大埔墟街市及熟食中心。上到2樓熟食中心直入行到最尾，就有呢間李記 - 有全大埔甚至可能係全香港最好食嘅西多士。李記都有供應其他多士類同粉麵類嘅食品，仲有咖啡奶茶之類嘅飲品。但係因為我哋第一次嚟係慕名去試佢嘅西多士，並且一試難忘，所以以後每次來都淨係食西多士同飲凍檸茶。西多士非常鬆軟，配上牛油同埋糖膠，一咬入口有一個軟綿綿嘅感覺，麵包、蛋、同埋牛油糖膠嘅味道配合得天衣無縫，極度邪惡。凍檸茶方面，老闆係會幫你篤埋檸檬，非常貼心。其實我哋冇專門研究佢嘅開門時間，所以有時去到係會發現佢冇開門。而我哋都會感覺佢開門嘅時間永遠係一個謎。我哋對於食唔食到西多士都係隨緣，食唔到西多士就食脆豬仔包(詳見另一篇食評)。