村爺爺車仔麵

营业中

休息中

村爺爺車仔麵搬遷了，現在位於砵蘭街。入座前，先在門口選好麵底、湯底和餸菜；食物煮好後，侍應便會送到餐桌上。我選擇了銀針粉，配龍蝦湯底，餸菜我選了四款，分別有墨魚手指、魚皮餃、咖喱魷魚和南乳炸雞翼。咖喱魷魚可以選擇辣或者不辣，我選擇了辣，但其實不會太過，容易入口，而且香味也非常吸引，算是怕辣也覺得好易接受。南乳雞翼炸得香脆，配合南乳獨特的香味，是個很美妙的組合。墨魚手指口感彈牙，外邊香脆，兩種口感的配搭令人一試難忘。魚皮餃的皮比較薄，穿窿了，這方面有點可惜，因為賣相打了折扣。麵底選了坊間不常見的銀針粉，是我童年的回憶，那種比較實在的口感，是個人很喜歡的選擇。配合龍蝦湯底香味突出，即使沒有龍蝦肉也能嚐龍蝦鮮香味。上邊的蔥可以選擇要或者不要。因為選擇了四款餸菜，所以送了飲品，我選擇了蘋果汁，味道非常清甜可口，值得一試。

村爺爺幾出名嘅一間食龍蝦湯的小店。今晚食車仔麵，性價比極高嘅湯底～.半隻龍蝦瀨粉原價$136，現價$68碗，抵到爛！其實仲有冇得賺😂配推介之餸就補差價$3，但我加$20自選任何兩餸配油菜，好猶豫選麵底，最後選個瀨粉配龍蝦，出奇地夾，瀨粉好爽，龍蝦湯好濃郁清甜，成碗飲晒！龍蝦都幾大隻，彈牙，新鮮，係驚喜！另外特別位餸係另上，可以隨自己喜好加汁落碗麵到，最後我原湯食晒成碗，麻辣汁用黎沾餸/菜，係幾細心嘅安排！.豬骨湯上海麵友人選清清地豬骨湯，炸雞翼佢話好食，鬆脆大隻，蘿蔔好大嚿！.㊙️推介三餸1. 龍蝦2. 墨魚手指3. 炸雞翼

個豬骨湯底麻麻，米線都麻麻，辣椒油okay。叫左三餸，雞翼稱唔上鹵，冬菇彈牙而且味道不俗，略甜，蘿蔔有驚喜，好似浸左薑汁糖水咁，甜中帶薑味，入口即化而且冇渣。總括而言，未必會幫襯第二次。

完咗我嘅兩個禮拜生酮餐休息返一個禮拜先第一時間即刻衝去食車仔麵原來老公話村爺爺已經搬咗舖位本身好想食油麵，算啦咁辛苦先減咗少少肥控制下，所以我改咗食瀨粉不過我發現瀨粉都係襯燒鵝好食配車仔麵嘅餸都係怪怪的不過呢度特別在湯底可以轉龍蝦湯我生酮期間食得太多肉，突然間又唔想食得咁濃味，所以我係揀咗豬骨湯底不過見到老公碗龍蝦湯底油麵好似好正咁而老公食到連湯都冇埋😅😅後尾發現原來瀨粉不比油面弱減肥嘅人士都係食返米粉算啦😑😑

星期三晚上我剛剛在「油麻地」「廣東道」食完「牛腩飯」之後，才光顧位於「咸美頓街」的「村爺爺車仔麵」，皆因一直都了解「村爺爺車仔麵」的所以食品裡面，本來就沒有提供「白飯」。所以我先在附近先找其他食店，食完「牛腩飯」，確定自己已經食了「白飯」墊底之後，再光顧享用「村爺爺車仔麵」裡面的「龍蝦湯車仔麵」。跟上次光顧「村爺爺車仔麵」一樣，我都是選擇了享用「龍蝦湯車仔麵」，至於「龍蝦湯車仔麵」裡面的餸菜，餸菜我還是跟上次差不多，上次我選擇了享用「牛肋條」、「南乳炸雞翼」跟「蘿蔔」。不過我今次選多了一款餸菜，這款餸菜是「滷水雞翼」，即是說我今次選擇了兩款「雞翼」食品。「南乳炸雞翼」本身的炸皮造得頗厚，所以需要直接咬「南乳炸雞翼」到最深處，才食到「南乳炸雞翼」裡面的「南乳」香味。至於「南乳炸雞翼」的實際上味道比我原本預期來得比較鹹，我發現這股鹹味竟然都是來自於「南乳醬」裡面，而不是塗抹在「雞翼」雞皮外層的位置。至於「牛肋條」和「蘿蔔」方面，我發現「蘿蔔」裡面有少許渣滓，不過這些渣滓對於「村爺爺車仔麵」「蘿蔔」整體口感的實際影響，其實不算非常大。我直到現在才發現原來「材爺爺車仔麵」是沒有提供「牛腩」，只

成日見到呢間野排晒長龍，今日lunch唔知食乜嘢就去試一試價錢都唔算平，不過啲餸選擇幾多，龍蝦湯太貴啦，所以揀咗豬骨湯試，飲落去唔似有味精，但係味道好濃，很不錯四餸送一包紙包飲品揀咗豬大腸，蘿蔔，滷水雞翼同咖喱魷魚，全部都好味，特別係啲蘿蔔超級入味最後仲送咗一張$8 coupon下次再用！

龍蝦湯同河粉，係比較奇特嘅配搭，明知唔係好夾但係偏偏都想試下 ： p另外叫左4餸：蘿蔔 丶南乳雞翼丶冬菇丶豬紅。雞翼會即時翻炸，南乳味道入味。豬紅如果再挺身會好食啲。蘿蔔有淡淡的上湯炆過的味，亦夠𣺉。冬菇大隻，煙韌亦爽。雖然成件事我配搭得唔係好襯，但係個龍蝦湯底，啖落都係舒服的，唔太覺得有味精。

之前哩間車仔面店在舊址時，次次經過都full 曬無機會食。佢搬左後，我今日就終於食到了。放工正正下大雨，大把位，即刻入去食（過左20mins 又full 曬）5x 蚊四個餸（送飲品，我要左支豆漿）我選擇左龍蝦湯。個湯好香吖！！！我差唔多連個湯都飲曬～（飲左不覺有味精feel）