村爺爺龍蝦湯.泡飯.燉湯專家

营业中

休息中

夜晚9點，一行四人，本想去食糖水， 但朋友心血來潮想試下村爺爺， 大家共叫了一個花膠雞套餐，一個川芎白芷魚湯套餐，三杯凍飲品，兩個小食！ 嗰個侍應阿姐話我們叫得太少，唔可以一定要叫多個套餐， 真係搞錯呀， 仲話一定要一次過點菜，不能分開叫， 叫了咁多咁當然食唔曬啦！ 原來而家先知道係唔可以外賣只能夠堂食， 外賣要收多一倍價錢！ 之後有個侍應阿姐就拎住本非常污糟嘅餐牌，仲話上面寫得清清楚楚！嗰D顏色字幾乎係同色系！ 由嗰一秒開始，所有樓面都留意住我哋張枱有冇偷雞打包！ 而家最谷氣嘅，就係根本他們冇設到每人平均最低消費係幾多！ 坦白講又唔係好食，真係一次過！

那天，我們去朋友新家，朋友介紹我地呢間泡飯，只記得好熱，要排好鬼死耐!入到去點餐，搞亂左少少，但最後都上返岩哂俾我地，老實講，成個魚頭咁上，對於我呢尐唔食魚頭既人黎講都幾恐怖😝 全部都係加10蚊變餐:川芎竹芷魚頭湯套餐 $68 一放底好大陣藥材味，我呢尐虛不受補，唔岩我，但應該好足料~姬松茸魚頭花膠 $68我記得我呢個無魚，係雞(但張單...),anyway~ 總之就係無魚頭，應該係姬松茸煲雞，都幾濃，但都有藥材味，好在唔算太重，唔係我應該搞佢唔掂...及弟咸蛋芥菜湯 $58朋友之前叫個個賣哂，唯一一個無魚頭既XD 我估佢既諗法同我一樣 haha!墨魚手指拼魚腐 $32Overall,我唔太好，因為太多藥材，如果你鍾意藥材味你一定會鍾意食，佢足料既，而且跟餐都係加10蚊有菜有飯，係抵食既! BTW,凍飲加3蚊

已經係第三次黎！😆 頭兩次黎都排左一個鐘左右🤧但今次可能因為下午六點就到 所以唔洗排隊直接入 好爽😍叫左銷量Top1既花膠螺頭雞煲翅 ($68+$13 白飯 菜 凍飲）同極上海鮮龍蝦湯飯($68)🍤平平地有雞湯同龍蝦湯飲☺️味道濃郁☺️個海鮮龍蝦湯飯真係有好多海鮮🤩好多青口、蜆、扇貝☺️啖啖肉😍岩晒中意食海鮮既朋友😋—btw個人中意雞煲翅多d 因為個人prefer無咁重口味 比較鮮甜 仲有半隻雞食 美中不足係d湯好快凍 如果可以keep住煮就好喇☺️ps.食完真係好飽😖—會再幫襯！☺️

已經唔係第一次食村爺爺，每次一想食湯飯就諗起佢。佢嘅湯底味道濃郁又不會太鹹，飲落順口，不知不覺就會飲晒。今次帶咗煲雞，每個餐有半隻雞，雞好滑而且仲有雞味，唔似一般煲湯雞。另外豉油應該加咗蒜去煮，好惹味。要注意嘅事，因為湯飯比較熱，夏天食的時候盡量唔好坐門口位，因為熱風會不斷吹入嚟，幸好凍飲夠大杯。

一向都喜愛食湯飯，貪佢唔使咬又有湯飲🤪🤪(懶人隊長）😂😂。平時我多數係食紫菜湯飯，不過來到村爺爺，就要試下佢嘅龍蝦🦞湯飯啦。✌🏻✌🏻✌🏻✌🏻睇食評個個都話要等位，我當然都唔例外啦！不過我等左10mins 唔使就有位。。Lucky~~✌🏻✌🏻✌🏻今次我揀左墨魚手指魚腐龍蝦湯泡飯，未食過揀招牌應該無死系列😂😂😂。。而我家姐個食肉瘦囡就食南乳雞翼龍蝦湯泡飯。。一來到，即刻飲啖湯先。唔錯喎，好飲，飲落無味精。。而且仲有好多海鮮，咁怪得咁鮮味啦！讚。👍🏻👍🏻👍🏻 我覺得個魚腐係好食嘅，索晒啲湯，而且好林。好好食。不過墨魚手指我真心覺得麻麻地，有啲硬所以放棄左。😝😝😝 至於個南乳雞翼，因為我家姐個囡太大食又唔Happy Share 俾我，所以我無食到。。但貎似唔錯。😎😎BTW, 我地額外叫左碟菜，好貴又麻麻地，其實可以唔使叫，因為湯飯都有菜，可以慳返。

［跟黃秋生搵食］ 後而爆紅的村爺爺泡飯😜店舖細細我哋去嘅時候唔需要排隊，平日的晚上10:15. 今次叫了殿•龍蝦湯泡飯💰98hkd ,另外還有花膠螺片雞煲翅 💰68hkd 本身呢個係湯，但係加$10就有油菜➕白飯➕熱飲凍飲加$3！咁良心價點會唔加😜 呢個泡飯CP高！控制係$100之內都可以食到龍蝦🦞 而$68可以食到半隻雞的確幾抵食👍🏻屬小型雞。大家嘅湯底都好有味，龍蝦湯嘅海鮮味出，而雞湯嗰隻雞味都好出😂唔好話我講緊廢話🙈雞湯入面亦都有花膠等等嘅材料，花膠略嫌較硬，不過呢個價錢來講質素成正比的。龍蝦肉質有彈性且有膏，其他配料有蜆，青口，魷魚，帶子，尚算新鮮，整體而言以這個價錢來說已經很不錯！有時吃得多燒肉炸雞打邊爐，都可以來試試這個正氣的泡飯😆😜 📍 村爺爺龍蝦湯.泡飯.燉湯專家 (油麻地)油麻地砵蘭街72號地下

食晚飯除咗可以叫小炒小菜送飯之外，仲可以有另一個選擇就係湯同飯喇！我叫左椰子花膠竹笙干貝雞湯，加10蚊可轉套餐，包熱飲、菜、飯，好抵。一見到成個套餐已經覺得好滿足好豐富，湯嘅上面已經見到有椰子絲同杞子，雞有哂翼同脾，足足有半隻，絕對唔係d頭頭尾尾，湯面亦無浮起厚厚嘅油，幾真材實料同健康。 店鋪好細心備左刀叉、膠手套，方便食客可以手撕用各種自己嘅方法去食雞，以小店黎計確實想得周到。最後我食哂雞飲完湯，飯未食完已經飽哂。ps.好在6點入座，6:30已經好多人排緊，似乎係附近嘅熱店。

村爺爺龍蝦湯.泡飯.燉湯專家尼間村爺爺，真係很旺，基本上幾點去到都會有機會排長龍，所以當日都不出我所料，晚上六時半左右，門外已有接近二十人係到排隊！因為尼到既燉湯味道一流 而且價錢唔貴！只需另加 $10 就可轉為套餐，而且包油菜、白飯同埋飲品#花膠螺片雞煲翅餐 尼個雞煲翅既價錢七八十蚊，但係材料好充足！有一梳翅群，好多片花膠同螺片，加上半隻雞！雖然只得半隻雞，但本身已經調好味，而且食落無雪味，雞肉份量一d都唔小，食落好滑一d都唔嚡，雞肉配上辣椒豉油，雞肉即刻變得好惹味，醬油嘅比例一流😋#村爺爺龍蝦湯泡飯 我選擇左龍蝦湯，相比起其他，呢個湯雖然要過百蚊，但絕對超值，而且入面有好多海鮮🦑🐙🦐🦀個湯到左之後，真係好大碗，我第一時間飲一淡湯，湯好鮮味，飲落唔覺有味精，應該係用龍蝦🦞煲，真係好抵食！除左有半邊大龍蝦同一大隻帆立貝外，仲有花膠，肥牛，青口，蜆，仲有好多海鮮係底！呢個價錢可以食到咁多海鮮同埋食到半隻龍蝦🦞，真心推介可以一試

見朋友時不時就去村爺爺食湯飯，想試好耐，今天終於有機會去試我地二人去食，下午茶時段！不用等位，座位任揀，建議各位不要坐近門口，因這幾個位無乜冷氣，夏天會食到出晒汗我叫了花膠海鮮雞件龍蝦湯泡飯（$88)，老公叫了下午茶的咖哩雞翼飯（$38),再加兩杯凍飲，每杯加$3,埋單共$132雞翼飯好大碟，一D都唔似下午茶，但老公話雞翼有酸味，唔知係唔係變咗但佢都照食晒！我的湯飯都好味，花膠少量，海鮮都算多，但龍蝦湯底咸咗少少！整體都係好食的

之前見有飲食雜誌報導介紹村爺爺，今日去完果欄買水果，見都係附近，所以就去幫襯喇。去到村爺爺，時間尚早，好好彩唔使排隊就入得喇。小弟同女友叫左花膠螺片雞湯翅套餐同真盛村爺爺龍蝦湯泡飯。套餐杯飲品好大杯，咁大杯既跟餐飲品已經好少地方有，真心覺得抵贊。花膠螺片雞湯翅有成半隻雞，湯濃得黎好香好清甜，花膠，螺片同翅都好多，唔要餐$68蚊真係好抵，要餐加個飯，菜同飲品都係加$10。同真盛村爺爺龍蝦湯泡飯，湯好濃郁既海鮮味，有半隻龍蝦，一隻大扇貝，青口四隻，好多既白蜆同花膠螺片，仲有兩大塊豬腩片添。依個餐既價錢就高一點，$128連一碗白飯。不過其實份量都多都食唔哂。食飽飽走，門口已經好多人排隊。不過真心覺得好食兼抵食，雜誌果然無介紹錯。

想去果欄所以喺附近食午餐，之前喺度食個晚餐今次就睇吓午餐有冇優惠先原來真係有午餐嘅，不過我就覺得個餐牌有少少複雜，因為實在太多選擇啦如果有選擇困難症呢就真係會諗好一段時間囉不過我呢一心想食龍蝦湯底，又覺得炒飯飲晒啲湯先至最正，我就叫咗豬肚金菇同木耳做餸啦。對比起本身個午餐我就帶多咗一個餸，有冇叫多一個餸會送飲品，都係落單阿姐講，最後睇返餐牌先知。所以唔好錯過啦。飯嚟到啦，原來湯飯裏便嘅飯同埋啲湯會分開上嘅，我又覺得幾貼心。因為我幾欣賞啲飯幾好咬口。不過龍蝦湯底呢，如果就咁飲就有啲咸，同飯一齊食嘅話呢就啱啱好啦。下次經過開我都會再試吓其他，值得食既

琴日放工去接老公收工 , 佢話好想食村爺爺 , 上次佢帶我去食 , 排隊等左近半個鐘 , 仲要搭枱坐添 , 老公介紹我食花膠雞燉翅飯餐  , 半隻雞(成件)上枱  , 雖然有手套提供 , 但坐位空間有限 , 2隻手撕開雞件比較狼狽 , 老公梗係要出手相助架啦 , 但用力都要技巧 , 有幾下"扯開"既動作差D整到對面食客 , 所以老公話想去食, 我話食雞既要佢幫我撕雞 , 不過今次我見有日式咖哩飯 , 我唔食得辣 , 日式咖哩基本唔辣既 , 所以我食呢個黃油飯餐 , 我個飯黎到我添少少咖哩汁比老公試味 , 我大安旨意想撈汁落晒飯時 , 老公叫我停手 , 話個汁幾辣下 , 我試左一少啖就覺得幾哽 , 老公叫店員比個甜豉油我 , 我就當食煲仔飯咁....其實有紅蘿蔔同薯仔 , 但部份浸住咖哩汁 , 我唯有唔食果部份啦 , 不過都夠晒飽LU  

這間放係list 好耐之前有幾次weekend 晚上經過都見到一條好長的隊伍估唔到weekend lunch time 人流係唔算太多 十二點幾去都可以立刻入難得唔洗等位 就叫得豐富些😂🦐極上海鮮龍蝦湯泡飯 （$68）套餐要加$10 附送油菜，飯同熱飲一杯海鮮有好多款 魷魚 青口 蜆仔 🦑🐚超級足料 湯加埋飯一起食 每口都會好鮮甜 🥥椰子螺頭花膠雞煲（$78）椰子味唔算太重 湯底清甜反而雞係有驚喜 雞肉超嫩滑😍🐤南乳雞翼 （$28/4 隻）新鮮炸成 超脆口南乳味都算濃 但有些貴以這個價錢食這頓飯都算抵食但如果要排個幾鐘 就未必好值得同要預左位置有些逼 坐得不太舒服

見網上大力推介村爺爺嘅燉湯同泡飯，忍唔住大熱天時都要去試下試😬😬可能我5點半左右到，時間較早，未開始排隊，坐底后無耐就開始見到有十五六個人在排隊了😏我地2個人，分別點左花膠螺片雞煲翅餐和村爺爺龍蝦湯泡飯花膠螺片雞煲翅餐 $78雖然只係幾十蚊價錢，但材料卻十足！賣相及CP值都十分高🥳🥳🥳花膠好多片，螺片有3-4條，翅群都有3件加上半隻雞，材料真係唔講得笑👍🏻+10可以變套餐，加個白飯、油菜同餐飲，勁抵😆本身雞肉係已調好味的，不得不提唔多超眼嘅醬油（應該係舖頭自己調配）雞肉配上醬油后，雞肉即刻變得好惹味，蒜香、辣椒同醬油嘅比例一流😋😋😋😋凍🍋茶好大杯呀🤩村爺爺龍蝦湯泡飯 $128呢個湯雖然過百蚊，但絕對超值，半邊龍蝦放係面同一大隻帆立貝外，底下材料仲有6隻青口，2-3片大大塊腩肉，花膠同好多蜆，仲附上白飯一碗呢餐食到好包...下次同埋屋企人再黎食過😬

朋友食過一次 介紹我哋嚟好可惜我哋食嗰陣無哂龍蝦 但都仲係好好食我就嗌左個村爺爺上素龍蝦湯泡飯 雖然係無肉嘅但個湯底由龍蝦淆出嚟 有好香好龍嘅龍蝦味啲枝竹 豆卜完全索哂啲龍蝦味 仲有啲飯加落個湯到 好似每粒飯都比濃濃嘅龍蝦味包住咁另外個frd食左個吉列豬扒龍蝦湯泡飯塊豬扒好大塊超抵食值得一試！