村爺爺龍蝦湯.泡飯.燉湯專家

营业中

休息中

近期好想飲海鮮湯，但係又唔想自己煮，同朋友提咗一句，兩個決定食呢間村爺爺龍蝦湯.泡飯.燉湯專家，地址位於油麻地砵蘭街72號地舖，中午時段去到要排隊等位，睇咗個餐牌，材料豐富，性價比超高，真係決定冇錯。多人排隊嘅時候可以喺門口落咗單先，今日去都要喺門口排幾分鐘，落單咗一個小食，兩杯飲品，兩個湯飯。小食：鵝腸皇拼黑毛豬，配上佢特製嘅豉油， 鵝腸嘅騷味即刻冇咗，辣辣地超爽脆，黑毛豬肉味濃，配埋豉油辣辣地好惹味。湯飯叫咗兩個一個係：花膠龍躉螺片海鮮龍蝦湯泡飯,材料超多,有一個好大嘅龍蝦頭擺盤,🤣裏面有嫩滑嘅雞髀肉條,螺片，青口，花甲，花膠，菜肉瓜，生菜，一塊超大塊嘅龍躉，龍躉皮嘅膠質好重，真係滿滿嘅骨膠原，超正，所有材料煮出嚟嘅湯超級鮮甜。第二個泡飯係鮑魚花膠蟲草花魚頭湯，魚頭處理得唔腥，值得畀個讚，還有其他材料，蟲草花，鮑魚，細細粒嘅元貝提升湯嘅鮮味，加上花膠，真係超級抵食。飲品叫咗一杯熱情果梳打，熱情果果汁同梳打水係分開上，不得不提就係個份量超大杯。一杯係爺爺鮮果冰茶，底部係新鮮嘅芒果粒，將杯邊嘅熱情果檸檬擠落去，味道更加豐富。食完呢個午餐，真係托住個肚走

📍🇭🇰油麻地-村爺爺龍蝦湯.泡飯.燉湯專家 Add：油麻地砵蘭街72號地舖跟閨蜜做完facial後，我們就來到了油麻地。路過「村爺爺龍蝦湯.泡飯.燉湯專門店」時，發現外面排了一條超長的隊伍。雖然我們這個腦波超弱小組立馬決定午餐就在這裡解決。等候時間還算快，大概只等了10分鐘就輪到我們了。閨蜜先點了一份「花膠龍躉螺片海鮮龍蝦湯飯」，還額外加點了鵝腸拼黑毛豬，必須搭配店裡的招牌爺爺秘制辣椒油。我則選擇了「鮑魚花膠蟲草魚頭湯」。喝的部分，我們點了熱情果蘇打和招牌的爺爺鮮果冰。湯飯的份量真的是驚人，就連飲料的份量也超過了700ml。湯飯的口感超級濃郁，龍蝦湯裡的海鮮和花膠帶來了超豐富的風味。鵝腸和黑毛豬的組合讓人驚艷，尤其是配上店家的辣椒油更是絕配。我的鮑魚湯則是濃郁滋補，蟲草和花膠的加入讓湯頭更加濃郁。熱情果蘇打清新怡人，爺爺鮮果冰則是清涼解渴。總的來說，這頓午餐真的是口感豐富，味道美味，份量十足，絕對是值得再次光顧的好店！

最近熱得濟都冇咩胃口 想食湯飯 就諗起村爺爺！ 1️⃣鮮雞竹笙海鮮龍蝦湯泡飯第一次食 就比個份量嚇親 係超足料！啲蜆多到 食極都仲有雞件都好多同埋好滑 龍蝦湯唔會好濃 係清甜個種配埋飯食 即刻開胃晒2️⃣花膠胡椒大蜆雞 呢個好抵食 有半隻雞雞煮到好淋 但唔會嚡熠熠輕輕一扯 就食到胡椒味啱啱好！好飲到清晒蜆都係一樣咁多3️⃣爺爺三寶 $45朋友話必試！佢個蠔油冬菇真係好入味！又厚肉南乳炸雞翼同魚腐都好食！總結真係好足料嘅湯飯唔會失望！

經常社交平台 見到廣告彈出黎介紹村爺爺湯飯好食，抵食，今日突登行去試下。鋪頭位於砵蘭街較靜處，晚上8點半都有7-8成滿座，心諗應該都唔會伏？聽到隔離枱一坐底就叫 「2號」，感覺似熟客，又見寫住No1 最受歡迎之選，即跟。另一碗揀左FB係咁賣廣告既龍蝦湯底。2號 = 花膠螺頭雞煲 HKD 68+ 套餐要15蚊包飯包生菜湯既面頭，有2條望落以為腐竹同雞柳，食落先知係花膠同螺頭。花膠好靭，唔淋！加上腥腥地！螺頭似煲左唔知幾多個鐘湯，雖淋但螺頭味道全失。各限1條。最重要既雞湯頭，啖啖見肥油，但一d都唔濃郁，好稀身既雞湯。雞肉成半隻咁上，正常發揮，除左雞髀，其他位置都鞋鞋地。黑毛豬鮮雞雜菌龍蝦湯 HKD90 連一碗白飯秘製辣椒豉油要加2蚊。黑毛豬係平時火鍋任食最平質素果d肥豬肉，偏肥！鮮雞係普通冰鮮雞，但冇乜雪味。雜菌係厚切雞脾菇同金菇。湯頭，OMG! 唔講真心唔知係龍蝦湯。直情連蝦湯，海鮮湯都稱唔上！我會當佢係一碗好普通好普通既肉湯，但我寧願去食譚仔既清湯呀！ 仲要90蚊一碗🥲唔知係味叫左黑毛豬，成碗湯都見到好多油浮面。講真，由於睇左廣告，期待真心有。好伏，冇下次🙏🏾 想幫襯香港小店，但都希望

村爺爺龍蝦湯.泡飯.燉湯專家砵蘭街72號地舖這間村爺爺是小絲想去吃的食店，我很早時已吃過2次，第1次吃時覺得蠻有新鮮感，湯+餸+泡飯。到了第二次吃就選了要麵，就發覺這不就是車仔麵，只是湯底用上較名貴的材料而已。他們都直認不諱是車仔麵。今天有閒就與小絲來試試。吃這個村爺爺車仔麵會有2個難題。第一難題是香港人經常遇到的排隊問題。這只是小問題。第二難題是這裡的餐牌出奇地複習，第一次看是找不出他的巡邏。而已在你排隊的時候就給你看，繼而要你落單。若你是第一次來，又有選擇困難症，我會建議你選一些已設定好的食物就最安全。食店內裡空間非常少，走廊與桌子都很細，不會有額外空間給你放隨身物品。因為已經在排隊的時候點了食物，所以食物很快就到。椰子螺片魚頭湯+即食麵($83)小絲點了這個魚頭湯，湯鮮甜，有椰子香味，但不算很突出，雖是魚頭湯，魚肉都不少，而且魚頭的魚肉很滑。奇怪的事，我之後再問小絲，這個椰子螺片魚頭湯有沒有螺片時，她答我好像沒吃到螺片，那不知是煲湯了用了螺片煲，但螺片就沒有給客人。花膠螺頭雞煲+上海麵($83)我這個雞煲湯最特別是會給客人半隻雞，整件給客人，所以這裡會提供一次性手套給客人絲來吃。

之前一直想試下, 今日難得放假😆 就去試一下, 雖然已經二点多, 但依然又唔少客👍 舖頭唔算好大, 不過都唔算坐得太迫😸 店員比餐牌給我, 有d選擇困難, 樣樣都想試, 有d比成好大件雞🐔 又好似太多, 唔想食敢大舊肉🤣 最後揀左花膠海鮮龍躉雞要上海拉麵同蟲草花螺片雞湯底, 另外要熱奶茶, 等左一陣麵先來, 果然好豐富勁多料😋 我應該由邊度食先😅 成碗餸, 先飲啖湯, 好清甜好味道🥰 再食拉麵, 好食🤩 不過可能湯太熱, 有d淋, 但唔係太差😚 試下蜆, 鮮甜無沙😻 食下青口亦好鮮甜🥳 魷魚也ok, 一粒粒雞就一般般, 唔係太有肉味, 不過都比得幾多😋 花膠已經無在意有無🤣定係自己食左唔記得😅 下次叫多次, 太多料了, 龍躉一舊肉一舊骨, 味道也ok, 但唔算有驚喜😽 整體海鮮最好食😍😍 另外有比好多生菜好啱我😘 然後飲埋奶茶走人😛😜 我會再來, 下次試其他, 份量都好多, 一定夠飽🤭🤗

呢間成日排長龍嘅人氣龍蝦湯泡飯、鮑魚花膠雞煲翅，價錢抵食、足料！我先試咗爺爺三寶，裡面有冬菇、雞翅同魚腐。冬菇燉得好入味，質感好軟綿綿，雞翼香脆好食😋加埋魚腐脆口～然後嚟到最令人期待嘅菜式：極上龍蝦湯泡飯。龍蝦湯鮮甜，令到飯粒都帶有龍蝦嘅味道。裏面有帶子、青口、蜆、等等配料，鮮味十足。另外一個主打係鮑魚花膠雞煲翅，呢個菜式都好豪華。鮑魚鮮嫩，花膠滑順，雞煲翅肉質鮮美又多汁。雞湯汁濃郁，呢個好味道😋 我叫咗兩杯特飲，有熱情果桂花烏龍同石榴梳打。熱情果桂花烏龍有一種淡淡嘅香甜味道。石榴梳打係一杯涼爽嘅飲品，石榴味道酸甜，好開胃。

是日早左少少收工，傳說村爺爺出名多人排隊，18:20同frd子經過...見到暫時4個人排緊隊終於可以試下，排隊期間 店長哥哥比定餐牌我地睇差唔多入座時 會先幫我地落單 所以坐低好快可以上菜極上海鮮龍蝦湯泡飯 $78一上枱就比隻龍蝦頭吸引左，望真D 佢地落左好多海鮮料 扇貝+大量蜆+魷魚圈+青口(都有2個品種)，湯頭入口濃郁鮮甜而清 飲晒成碗都唔覺膩花膠龍躉雞煲翅 $138一個鍋上菜 有半隻雞+花膠+龍躉件+好多梳翅 仲有元肉 杞子等等材料，湯頭飲落 滲出淡淡的金華火腿香，兩大件龍躉件 厚肉彈牙 再加上QQ龍躉魚皮，店家主動提供一次性手套 我一開始就手撕晒雞肉 放返落湯慢慢食 肉質依然有咬口 熟度岩岩好鵝腸皇拼黑毛豬片 $68白灼鵝腸同豬腩片都新鮮爽脆，沾上佢地既自家製辣椒豉油就一流，微微辣味 更帶出肉香石榴梳打 (跟餐)$187成滿既石榴果汁 玻璃樽裝雪碧另上 可按個人口味慢慢加入，驚喜左 唔係現成糖漿開梳打水 有誠意❗️爺爺鮮果冰茶 (跟餐)$36鮮果味濃 唔會好甜 絕對唔係糖漿味 好飲過X芳既水果茶*自家煲既湯底 飲得出唔係味精水 (食完唔會口渴)*大大碗 份量相當抵食，+$15成套

有無諗過平平地都可以食到好嘢呢？係油麻地有一間叫村爺爺嘅車仔麵，佢主打用平民價錢吃到高級食材，我今日就帶閨蜜來食下嘢傾下計。😚😚我哋叫咗花膠·《龍躉》螺片海鮮龍蝦湯泡飯、鮑魚花膠蟲草花雞煲翅、鵝腸皇拼黑毛豬、石榴梳打……就算叫到又花膠龍蝦又鮑魚雞煲翅咁，每款都係講緊幾十蚊，真係非常抵食😮😮 難怪門口長期排隊啦~~我個人首推鮑魚花膠蟲草花雞煲翅，雞湯味非常濃郁，雞肉好滑又彈牙，仲有排翅食，呢個價錢仲抵過澳門果啲啊🤣 🤣料又足又食得飽，仲洗鬼去澳門食咩……碟鵝腸皇拼黑毛豬都有驚喜咖，佢個鵝腸好脆好爽口，配埋佢哋嘅醬汁真係好野味，而個黑毛豬就切到好薄，好似蒜泥白肉果種薄度，點埋醬汁一齊食，個肉味好出眾。石榴梳打都唔錯咖，唔會好似出面啲果汁咁，只得死甜嘅口感，飲落個感覺好fresh😚唯獨個花膠·《龍躉》螺片海鮮龍蝦湯泡飯就唔算出色啦，湯底太多菜，個湯就好似變咗菜湯咁，浪費咗啲咁好嘅食材……😟😟下次都係主打食返鮑魚花膠蟲草花雞煲翅，呢個真係可以無限encore 😜 😜又平又抵食。

村爺爺餐廳位於九龍繁華鬧市砵蘭街72號地下,餐廳裝修簡約,餐廳主打湯泡飯,冬天好多香港人會食湯泡飯,可以暖身又暖胃,還有多款秘製鹵水撈麵,多款足料古法煲仔湯,多款鮑魚花膠蟲草花雞煲翅,車仔麵和多款梳打飲品供客人選擇。極上海鮮龍蝦湯泡飯$78套餐十$15絲苗白飯,泡飯有蜆貝,扇貝,青口,龍蝦頭和生菜。花膠龍躉雞煲翅$138配絲苗白飯,有半隻雞,配蠔油生菜。爺爺三寶$45(冬菇,炸雞翼,魚腐),冬菇夠淋夠入味,三大隻炸雞翼,炸到皮脆肉嫩,魚腐食落香口。飲品有熱情果梳打$18石榴梳打$18

濕冷既天氣 好想食熱野暖胃家姐提議去川爺爺食泡飯上次去已經一段時間 生意仍然好好 我地排咗一陣隊終於入到去食我地叫咗唔少野食 (咩都想試 ⁎⁍̴̆Ɛ⁍̴̆⁎🔺鵝腸皇拼黑毛豬 $68搭配咗佢地既辣椒豉油 夠哂提味鵝腸好乾淨 唔會有味黑毛豬肉肉身爽口 唔係太肥🔺花膠·《龍躉》螺片海鮮龍蝦湯泡飯 $108配料超足 一個泡飯有齊好多料 花膠幾入味同軟身龍躉一大片 鮮甜龍蝦頭裝飾岩哂打卡 螺片 蜆肉 魷魚 都好新鮮有埋生菜 翠玉瓜 個湯健康鮮甜 🔺鮑魚花膠蟲草花雞煲翅 $128套餐包白飯 辣豉油同 油菜有齊花膠 螺片 蟲草花 同鮑魚 仲有翅份量大 對女仔黎講應該好夠食大半隻雞可以用手套協助撕開慢慢食雞肉幾嫩滑 配埋辣椒豉油夠哂味🔺熱情果梳打 $18加入雪碧汽水 大大杯香甜解渴🔺鮮果冰茶 $36用料幾豐富 有唔同鮮果芒果橙檸檬熱情果同火龍果可以邊食果肉邊飲甜味黎自鮮果 唔係死甜又凍又解渴⸜( ´ ꒳ ` )⸝♡︎

自從搬左屋有段時間冇食過村爺爺了🤗今晚突然想食就到來了！來到見到已經開始要排隊，餐廳除左頭盤小食、泡飯、雞煲翅、煲仔湯、撈麵及車仔麵等美食😋每次黎到必點爺爺三寶 ☺️裡面有手製魚腐外脆內軟😋有啲油炸鬼感覺🤩南乳雞翼炸到脆卜卜帶南乳咸香味道🤤冬菇肉厚入味有咬口☺️🦞花膠龍躉螺片雞龍蝦湯配米線☺️配料有養顏花膠☺️大大舊膠原滿滿☺️加埋啖啖肉龍躉螺片、海鮮龍蝦湯底未食啲米線光食餸都非常滿足😍龍蝦頭加上多種海鮮煲埋啖湯勁甜😋🤗鮑魚花膠蟲草花雞煲翅配白飯濃郁雞煲翅鍋中材料好足🤩黃金色既雞湯上有半隻滑雞🐥整隻雞皮及肉質仍保持嫩滑口感😍配料鮮嫩有彈性鮑魚☺️ 軟嫩花膠及魚翅☺️而蟲草花味道突出又不搶去雞湯既鮮味🥰🍹熱情果梳打及石榴梳打都配左支細雪碧汽水增添氣泡😊

終於食到村爺爺啦，真心掂，唔怪得晚晚都排長龍，值得嘅。坐低先嚟兩杯梳打，【石榴梳打】【菠蘿梳打】都大大杯，食住湯飯大大啖飲，真係chill～頭盤【鵝腸皇拼黑毛豬】鵝腸有手臂咁長好誇張，肥美又爽脆，隔籬枱見到我哋食得咁滋味都跟住叫。【花膠·《龍躉》螺片雞海鮮龍蝦湯泡飯】個龍蝦頭好吸睛，龍躉肉嫩滑，螺片爽甜，仲有翠玉瓜、生菜、蜆、魷魚圈、花膠、青口、雞肉等超多配料，用料十足。【鮑魚花膠蟲草花雞煲翅】金黃色嘅花膠雞湯味道香濃，戴上手套撕開雞肉大啖食，雞肉新鮮嫩滑，一路食一路飲湯，超滿足呀！每碗都咁大碗，材料咁豐富，都只係一百蚊左右，點解可以咁抵食！

今日同朋友行街經過一間油麻地泡飯店叫”村爺爺”, 門口有部大電視介紹緊龍蝦湯泡飯, 好吸引咁就排隊去食,我哋叫咗兩款湯飯, 同埋一份小食, 分別係花膠龍躉螺片海鮮龍蝦湯泡飯、鮑魚花膠蟲草花雞煲翅、爺爺三寶同埋叫咗2杯飲品。花膠龍躉螺片海鮮龍蝦湯泡飯, 都快速上枱, 趕時間既人可以揾呢間舖頭快食。望落去係好足料同大碗, 如果細食啲既女仔可以Share一碗再加個小食就已經足夠, 真係大件夾抵食, 講返個味道先,佢啖湯好鮮甜好濃味, 可能個湯底已經埋藏咗好多隻龍蝦所以好好味,佢配咗D海鮮料, 有蜆,魷魚同埋龍躉, 龍躉魚啲肉好結實好鮮味同埋夾雜咗少少名貴食材, 剩叫$108 真係好抵食。另外一款係鮑魚花膠蟲草花雞煲翅,都配咗碗白飯俾你做泡飯, 佢個湯好濃郁好好味, D雞汁精華都係湯入面, 有少少結結地湯質, 我估啲花膠融化咗入面造成呢個質感, 女士們可以補充返D骨膠原養顏, 呢排天氣凍可以補下身。同埋D料同樣咁足, 食落啲雞肉都好嫩滑又可以當飯食又有湯飲, 啱啲屋企少湯水嘅人士。爺爺三寶, 裡面有冬菇,南乳雞翼,炸魚腐,佢即叫即炸, 嚟到熱辣辣。冬菇方面佢做到好琳同好滑, 有D 似阿媽過時過

喺旺角六點零鐘收工，就睇吓有咩嘢食，竟然見到咁早時間都要人排隊嘅餐廳，橫掂都未肚餓住，就順便排埋隊試一試吓😚呢度個老細非常好服務，喺我哋排隊嗰陣都已經落埋單，咁我哋基本上坐低就會省卻一啲等候嘅時間⏰🙏🏻呢間主要係食湯飯，啱晒而家咁嘅天氣😚我就揀咗要花膠雞煲翅都係$138，豪一豪佢，咁我個人就揀咗龍蝦湯泡飯，驚唔夠食，所以我哋再叫多個鵝腸拼黑毛豬做小食🤤咁首先個雞煲上嚟就非常誇張，佢係半隻雞完整咁上😆再加埋濃厚嘅花膠雞湯，就咁飲啖湯都覺得值回票價了😍除咗有香濃嘅雞湯味仲有厚厚嘅質感，基本上感覺就係骨膠原爆燈😝而且隻雞仲非常嫩滑，再加上佢呢個自製辣椒豉油，兩者加埋真係天衣無縫😚而另外嗰個龍蝦湯泡飯都非常足料，除咗有多款海鮮之餘，仲有食極都有嘅雞柳😋個湯都基本上有龍蝦嘅鮮味，撈埋飯食勁快可以食完一碗😚鵝腸拼黑毛豬雖然係白灼，但係只要加佢呢個自製辣椒豉油，就可以將呢樣小食昇華幾倍，所以基本上呢度應該好少中伏，難怪咁早已經排晒隊除此之外，呢度啲嘢飲都超級大杯，唔使慳住飲大啖大啖飲就勁爽😜到我哋食完嘢出面都基本上仲排緊長龍，就知呢間嘢喺旺角都有唔錯嘅地位了，下次經過都會繼續想食👍🏻👍🏻