東園酒家宴會廳 (已結業)

和老友約定飯聚，大家不約而同選擇吃中菜。在云云的菜式當中，粵菜在香港人心目中依然是主流，尤其是與家人或朋友共聚，我們都喜歡選擇到中式酒樓用膳。大伙人圍着圓枱，那種熟悉的感覺，無拘無束的氣氛，輕鬆暢談，盡情地吃喝，就是給人一種溫馨的感覺！晩飯散座更有多款優惠菜式供應，價錢大眾化。佛跳牆冬瓜盅（$128）👍👍👍👍👍三人以上可以特價享用烤鴨或冬瓜盅，二選其一。我們選擇了原價$198的佛跳牆冬瓜盅。足料的冬瓜盅有海參、花膠、螺頭、蟹柳、蓮子、帶子、鮮蝦、燒鴨、冬菇等等，材料十分豐富。湯水香濃又帶有冬瓜清甜的味道，既可以清熱又可以解暑，是夏日湯品的首選。芝蔴鹽香雞（$78/半隻)👍👍👍👍👍原價$120/半隻，推廣價$78。外皮鋪滿金黃香脆的芝麻，內面的肉質仍然保持幼嫩。我平常都不太喜歡吃雞皮，但這些沾滿芝麻的雞皮，則通通無得留低，全部送到肚子內。乾煏江西魽魚煲（$88）👍👍👍👍原價$148，推廣價$88。魽魚先用薄薄的粉漿包着並油炸，然後再用乾煏的方法把濃濃的醬汁完全收乾，所以魚肉吸收了醬汁後，味道濃厚，喜歡吃重口味的朋友，可以一試。豉汁帶子蒸豆腐（$98）👍👍👍👍比較起前者的魽魚煲，這味豉汁帶

來到東園酒家，同朋友聚會，由於朋友們先後來到，所以邊食，邊飲，邊等，分別叫咗好多轉餸，椒鹽鮮魷，金牌燒腩仔，片皮鴨，士多啤梨骨，魚香雞粒茄子煲等。片皮鴨肥而不膩，可惜薄餅皮，上菜時只係緊緊夠暖，冷氣太大，令到個皮，開始有點硬，後來被已經食不到了。椒鹽鮮魷味道尚可中規中矩。士多啤梨骨士多啤梨骨最有驚喜，又夠入味，又不失清新，又無生炒骨咁肥膩，非常好味，值得一試再試！！魚香雞粒茄子煲少咗一啲魚香味，可惜啊外觀方面，比較少裝飾，冇莞西，色水上冇想像中咁好睇。金牌燒腩仔骨肉分明，三層肉，中規中矩，當前菜小食一流。

I walk-in on Friday night. It’s was full house but they gave us a (looks like a temporary table) near the kitchen entrance. Behind our table was a partitioned section for a private table. The private table was talking very loud. We order a set dinner on what seems like their recommended menu. It was 298 for a groupa and vegetable dish, a very good deal. The set didn’t specify the fish was fried and not steam (steam fish takes more skills and it’s more common and popular at seafood restaurants).

平時西餐食得多，今次食下中菜。呢間位於灣仔既東園酒家幾就腳，係灣仔地鐵站修頓球場對面，好易搵。一入到去有姐姐指示上去二樓，平日既晚飯時間都坐滿曬人，仲見到有好幾枱外國人添！枱同枱之間坐得幾闊落，幾舒服！我地兩個人叫咗三個餸一碗白飯，欖角骨，福建籠仔蒸豆腐，南乳粗齋煲。欖角骨，酸酸甜甜，好入味！外面應該有炸過，但係唔會好厚粉又唔會好油膩，做餸一流！福建籠仔蒸豆腐，用荷葉蒸所以好大陣荷葉味，好香！豆腐都好滑，加埋平時食福建炒飯啲料，成個感覺又幾特別。南乳粗齋煲，有好香既南乳味，但係陣味又唔會太搶。加埋啲菜，豆芽，豆卜，粉絲，成個煲感覺好健康。成餐飯總概係幾滿意，服務員態度都好好。

估唔到一心諗住食個簡單晚飯啫，咁都會有個 surprise。來到灣仔修頓附近的一間酒樓，未夠七點食客已不少。開壺靚香片，點幾個小菜，歎下花生，不知幾爽。就喺呢一刻，眼前出現大哥瑜。平時在NOW睇波，睇佢老人家講波就睇得多，今次我呢個足球Fans都是第一次見到佢真人。原來上鏡個樣真係會肥啲。又原來，佢約咗班六七年代的本地足球員前輩聚餐，擺了兩圍半，興高采烈，氣氛好 High。將個波傳返嚟呢邊先。侍應雖然忙於招呼佢哋，但都沒有怠慢對待我哋，餸菜上得都好快，招呼殷勤。【粉葛排骨湯】是用瓦煲來上的，湯料好足，有紅豆、粉葛、唐排和果皮，理氣又去濕，喺呢個潮濕悶熱天氣之下飲這個湯是非常適合。【椒絲腐乳通菜牛肉】份量多，牛肉入味又腍滑。通菜炒得啱啱，唔會炒到黑蚊蚊，仲好脆口。【欖角骨】係呢度招牌菜之一，每次來到必食。排骨大小適中，肥瘦均勻。醃好後，上炸漿，炸得香脆，然後回鑊跟秘製欖角汁快兜埋茨。欖角味好特別，好味!【豉汁帶子蒸豆腐】這個餸看似頗簡單，但是又很好味。豆腐香滑唔在講，最特別之處是豉汁的味道很和諧，又滲入咗啲鮮帶子的鮮味，令到平凡的豆腐蛻變成一道老少咸宜的美食。又係時候，將個波橫傳去大哥瑜

約了舊同事到公司附近的東園酒家吃飯，聽說這家酒家的食客不少，所以放工後，一個箭步的趕到攞位。來到的時候，大概已是730PM，堂內的食客已經不少，幸好酒家佔地大，所以，不用等位亦可以內進，點菜時沒有心水，唯有著待應推介菜餸點選。芝麻鹽焗雞芝麻雞是我的心水推介，大大隻雞脾非常有睇頭，入口啖啖肉，而且雞皮炸得香脆，灑上了芝麻，令味道更香、更惹味，內層雞肉不粗糙，肉質挺嫰滑，不油膩，讚。上湯蒜子浸莧菜莧菜的味道亦不錯，掛煬後味道變得挺鮮甜，而莧菜口感不會過軟，味道亦不會偏鹹，個人認為挺脆嫰，值得一試。乾炆魽魚煲這個魽魚煲非常夠鑊氣，廚師先將魽魚上粉油炸，之後再炆煮，所以味道會變得香口，不過，個人認為魽魚的外層粉感較重，而且有點熱氣，不過，魚肉的味道挺鮮甜嫰滑。粉葛豬骨赤小豆湯本來是點了冬瓜盅，可惜早已售罄，唯有改點例湯，真心推介這款粉葛豬骨赤小豆湯，因為這個湯經長時間餚製，所以赤小豆都被煮融了，令整個湯變得杰身，入口時味道香濃，帶有厚重的粉葛味道，非常好喝。

同學們聚會，揀選了全包宴！ 地方頗濶落，枱與枱之間有足夠空間，大家坐得舒服！招呼不錯！出乎意料地食品味道佳，用料好，菜單很對版！完全沒有取巧！值得推薦的！下次會再去！

到灣仔處理完事務，順道在這裡晚餐。近來天氣熱，最適合飲冬瓜盅。於是想到酒樓晚餐。在遠處看到一間酒樓，感覺富麗堂皇，再看看餐牌，價錢合理，仲有冬瓜盅，於是便在這裡晚餐。酒樓很大，地方寬敞，有多間 VIP 房。我們六點幾到達，但已有很多人在用餐。我們首先點了「八寶冬瓜盅」。八寶冬瓜盅，材料豐富，鮮甜美味，消暑好選擇 看似很少，原來可足 3-4 人食。食這個，再送飯已夠飽！但我們再點了「士多啤梨骨」及「香茅粉絲中蝦煲」。士多啤梨骨，很特別！賣相不太吸引，但酸酸甜甜，醒胃！香茅粉絲中蝦煲，這個餸都頗特別，用香茅！中蝦大大隻，啖啖肉！粉絲有香茅的味道，頗特別！但最愛都是八寶冬瓜盅，飲了很多碗，很滿足呢 ^_^

最近同東園很有緣,第二次在這兒晚飯, 有些食物可推介一吓。梨山糖醋骨味道惹口, 有甜甜的醬汁配香脆外皮內裡啖啖肉的香酥骨, 肥瘦算是均衡, 送飯食一流。乾炆魽魚煲用了大小蔥和蒜煮, 魽魚質地軟熟, 大大舊, 煮得很入味。如果油可以少d 會更健康更乾身好吃。另外, 生啫肉鬆芥菜遠煮得很入味, 肉鬆炒得很香, 有大蝦干伴煮, 很濃味, 芥菜甜而新鮮, 且軟硬度適中, 很好吃。最後是贈送甜品, 綠豆沙很清甜, 紅豆沙甜度剛好, 為晚飯畫上完美句號。

這個月真的多了回家晚飯, 出外食飯少了很多..連帶食評都一併少了~某天媽咪在投訴, 說已很久沒帶她出去食飯想起來的確是, 那好吧, 二話不說就帶她去了東園酒家食個晚飯~ 東園酒家在灣仔, 地置超方便, 我由金鐘行了約十分鐘就到了!這裡我都已食過幾次飯, 覺得價位都算不錯而且地位都好闊落, 侍應服務相當殷勤再加上食物真的好食所以也是一來再來喲!這晚母女二人分別點了:乾炆魽魚煲芝麻鹽焗雞(半)上湯蒜子浸莧菜是日靚湯白飯(一碗Share) 先來的是芝麻鹽焗雞(半)賣相都唔錯, 剛炸好就上桌熱辣辣好香喲! 不得不讚呢隻雞真的做得好好食!!!雞肉好嫩滑多汁, 好有雞味, 不過最精彩梗係芝麻雞皮吧!用上芝麻塗在雞皮上一齊炸真係不得之了! 好脆好滑呀成件雞皮雖然心知食得多雞皮好勁胆固醇, 但呢個芝麻雞真係好脆口呀, 不能不食! 上湯蒜子浸莧菜 - 上湯味道清甜可口, 唔會死咸~ 炒香左既蒜子好惹味,而莧菜都唔錯, 唔會整到太濃味太咸太淋, 清清地幾好味~ 乾炆魽魚煲 - 小妹係唔多食魚既, 所以呢款比媽咪評吓先媽咪話魚都整得幾好味又唔腥, 將魽魚炸一炸先再炆整成煲, 相當香口惹味, 用來送飯一流!

東園花生，$15，生菜，非常爽口，又脆弱，咸味又足。推介指數：9/10每日足料靚湯，係呢間酒樓必選之一，今天是猴頭菇煲豬骨，$128，湯味又甜又濃，裏面有成三隻猴頭菇，豬展好多，一個大煲，足4-6位飲用，大約有6碗湯。推介指數：8.5/10芝麻鹽焗雞，半隻，$78，全部雞都被芝麻包圍住，芝麻味好香，香噴噴，雞肉嫩滑，雞皮鬆脆，推介指數：7/10乾炆魽魚煲，$88，煲嘅尺寸好大，裏面有成三大塊魽魚塊，乾炆呢種煮法令到魽魚非常香噴噴，魽魚嘅泥味冇曬，魚肉又嫩又滑，魚皮又脆口。推介指數：7.5/10上湯蒜子浸莧菜，$68，上湯帶有蒜子味，莧菜新鮮又爽囗，又唔油，又清淡，食菜一流。推介指數：8/10白飯，靚仔，米飯軟韌度適中。最後仲有紅豆沙或綠豆沙送，甜甜地幾好味。

我們常常食西餐撐檯腳，不過吾一定次次蠋光晚餐，有人突然覺得轉換口味食中菜！他帶我到灣仔利東街tea完影相，再帶我前行過左修頓球場，軒尼詩道斜對面就見到一個大型招牌～東園酒家宴會廳 入內環境粉紫色系高貴又少女，店內經理馬上安排位置並介紹特色餸菜， 酒樓內雖然人多但並不嘈吵，更值得一讚的是店員專人為你舀湯至飲完為止滋味醬蓮藕金瓜豚肉豚肉混入爽口清甜的蓮藕粒，香煎至外層焦香脆口，蓮藕爽脆吸收晒豚肉的味道，兩者好夾與鮮美的豚肉炒起瑤柱桂花炒魚肚外貌看似平平無其，但濃濃的蛋香味卻芳香撲鼻，而是是熱騰騰的感覺，味道挺好用來送飯一流，雞蛋也是我們最喜愛食物之一，但魚肚有點細叉燒王叉燒蜜汁味濃，半肥瘦吃落豐腴香口又軟熟，食落陣陣油脂香，確很好每日足料靚湯先來一窩大的例湯，菜乾豬骨湯，喝起來還是清甜可口，有着菜乾香味，也有豬骨的肉香，例湯來說是出色的馬蹄露紅豆沙贈送甜品，個人很喜歡馬蹄露，甜度適中高，大大小小的馬蹄粒，由切碎的小馬蹄粒到原粒馬蹄，統統都有，帶來不同程度的口感和涼快感覺男人的紅豆沙則不夠甜

喜歡東園因魽魚煲實在無從在別處吃的也因為灣仔著名的江西魽魚煲今晚沒貨我也不太餓結果我叫一個例牌义燒王女朋友比我喜歡菜根香折衷一下叫一個雲耳淮山鮮淮山炒香芹以及一個燒汁鮮淮山炒和牛爽🤣本來自認是牛魔的小妹也未見識過和牛爽😅义燒我熟悉的- 甜夠肥胖肉地滑而夠林是本人的本色廣東义燒味道和牛爽有點像雞腎的肉質感從來沒有一嘗的爽口倒落白米飯香氣撲鼻像老派酒家的主廚煮飯粒粒飽滿絲苗白飯白粥綿滑女友是老同學：提醒-👍普洱茶很到位我也細嘗一下真的醇厚；有我們小孩子時在灣仔飲茶的文化非常值得關注的懷舊風情看到侍應殷殷換上午餐牌全包宴

去完灣仔電腦城買個 電腦MON 之後, 會合家人去酒樓食個晚飯先食個蜜汁叉燒, 嘩正呀! 燒得啱啱好, 蜜汁包圍著叉燒, 咬落去 惹味叉燒, 肉汁 唔少, 啖啖肉, 係我嘅至愛之一，送飯絕對一流喎之後就飲過老火湯, 鴨腎金銀菜煲豬骨, 湯渣一大碟, 點鼓油黎食, 好滋味, 老火湯夠火喉, 仲飲咗幾碗添, 因為一啲味精都冇, 值得一讚呀!再食個 茄子 肉碎蝦乾, 賣相唔錯, 鮮味滲進茄子裏面, 有軟熟嘅茄子, 也咬口既肉, 再加鮮味嘅蝦乾, 百感交集，尤其啲汁配的飯係堅正

<杏汁花膠豬肺湯，$198>豬肺湯好清香，一啲都唔膩。<芝麻鹽焗雞 (半隻)，$78>呢個芝麻鹽焗雞好好食！雞皮焗到脆卜卜，雞肉好嫩滑，味道唔會太濃。<金銀蛋莧菜，$68>莧菜可能未係時候，唔算好嫩，不過好清淡。<燒汁鮮淮山炒和牛爽肉，$88>我地好好奇問左和牛爽肉係牛既咩部位，原來大約係牛既下巴。四季豆同和牛爽肉都好好食，四季豆炒得好爽，和牛爽肉都好爽。<馬蹄露>食完飯有馬蹄露送，是蛋花馬蹄露，好有心思整埋蛋花，普普通通。