東寶小館 (已搬遷) 新店位置

啱啱做完2個鐘頭地獄式跑步訓練，点都要獎勵下自己(其實日日都在獎勵自己))朋友話好想食 豉椒炒蜆，結果決定去東宝小㕑已經有5年無去過東宝，其實都好懷念呢種大排檔式食肆，好好彩在無訂位的情況下竟然可以被安排有2個搭枱位，發現左右隔離竟然全部都是遊客，大部份都是外國人，反而國內同胞極少。友人好多嘢都想試，2個人竟然叫左5樣餸豉椒炒蜆~加左青椒，紅椒，洋蔥加豉椒一齊炒，味道幾惹味，蜆肉無沙和算鮮甜。黄金蝦~即是鹹蛋黃炒蝦，食得出是海蝦，好新鲜，好爽脆，最難得係炒得好乾身和無乜油，真係好美:如果鹹蛋黃多D就更好。風沙雞~炸蒜比以前少好多，唔夠惹味，雞又炸得過火，所以雞肉有D孩，半隻雞要$280, 好貴呀！仲貴過五星級酒店中菜餐廳，所以其實真係有D失:炸豬大腸拼新鮮波蘿~豬大腸炸得好脆，而且切得好薄身，脂肪甚少，配埋波蘿一起吃，有消滯解腻的作:苦瓜炒涼瓜~其中一種用左雷公鑿苦瓜，另一種係普通苦瓜，炒得好有鑊氣，唔錯！飲埋兩罐汽水，埋單盛惠$920，真係好貴！雖然食物質素唔錯，但我諗我應該唔會再幫襯la！

港岛最好的港式大排档之一了，比湾仔，中环同类型的店都有好不少，北角地铁站a1出口出来过马路就是了。店在北角市场三层，推门进去右手边就是店家一片港式大排档的景象，他家的菜无论是家常菜，还是海鲜都挺不错的。印象最深的是一夜情，辣酒煮花螺，黄金虾几个菜。基本上菜单上推荐的味道都很好，价位也不便宜，但可以体验传统的香港风情，八九点之后基本就是一派嘈杂的景象了，九点之后还会放很吵的音乐。。服务态度相当好，比一般的香港饭店热情，勤快许多，好评！人多的话最好提前订位（虽然只保留五分钟），不然等位时间很久。总体而言值得尝试的一家店。

差不多成幾年都冇去呢度食，今晚3個人去食，看餐牌比以前貴好多，又要搭枱！坐我對面個一男一女，看咗成10分鐘餐牌，之後冇叫嘢食，走了😆我哋其實都看了5分鐘左右，叫咗半隻風沙雞$280蚊，除了醬汁好D，隻雞煮得over 咗唔好食👎黃金蝦$240蚊比想像中好食，而且食得出係海蝦ok啦👍至於蒜蓉炒生菜$88蚊又冇蒜蓉味，唔似炒菜，似烚菜，求其放啲炸咗嘅蒜蓉就算，唔值咁嘅價錢👎我哋3個人再叫了兩個白飯，埋單要＄670蚊（因為要加多5%服務費）！早知去附近啲酒樓食仲好，起碼坐得舒服好多！

有人對買名牌、化妝品有一份追求，而我則對吃有一份執著。我是一個喜歡尋找美食的女孩，FoodGirl，「民以食為天」是我的人生座右銘。原來愛吃真的可以將人吃窮，「月光族」的族人不一定敗於瘋狂購物，享受美食也是一項高消費活動呢！尤其我相信「獨食難肥，獨樂樂不如眾樂樂」，因此在發掘各地美食時，不時會帶回雙份甚至多份的美食與好友親人同事分享，結果開銷自然倍增。今天跟大家分享一次尋找美食的中伏經驗，一間近年評分不高卻多人慕名而來的餐廳 - 東寶小廚。不知為何總對這餐廳沒什麼好感，食物水準不穩定，時好時壞，等待上菜的心情猶如彩票開獎前一刻，患得患失。有友人從外國回來，向我查詢香港的美食好去處，如無必要我都不會推介此餐廳，無謂將不愉快的用餐經歷帶給來自遠方的朋友。這次剛好有同事在北角附近完成工作，她忽然冒起勇者的初心，打算一試「盛名在外」的東寶小廚。好吧，「明知山有虎，偏向虎山行」，為了不令同事失望而歸，唯有捨命陪君子，深吸一口氣，準備與「boss」過招吧！餐廳位於街市樓上的熟食中心，地面非常濕滑，猶如勇者鬥惡龍前必須經過深淵與荊棘的考驗一樣。我忽然重心一失，腳下一滑，彷彿遭人暗算，不禁心中驚呼『今

大陸既同事來香港玩，佢想食d地道野， 所以帶左佢來東寶試下d鑊氣小菜。本身唸住星期五晚一定要等位等好耐， 點知又唔係喔，等左10分鐘就可以入座。 今晚老闆請吃飯，就梗係要食好野啦， 但其實我地得四個女仔，所以都無叫太多， 首先係椒鹽九肚魚，不過今次既做法同以前食開既有d唔同， d魚開左邊來炸，以前係成條炸，咬開還會見到白色好嫩既魚肉，但今次既做法唔咁好食，不過味道還是保持水準。薑蔥魚雲煲，好香好有鑊氣，送啤酒一流， 可惜份量比較少。黃金蝦，好鍾意食佢個蛋黃既鹹香， 今次d蛋黃唔算多，唔會太漏， 蝦有炸過，蝦殼好脆， 成隻可以連殼食落肚。薑汁芥蘭， 切得比較大條，有少少over cook, 係今晚比較失水準的一道菜最後壓軸出場既係椒鹽瀨尿蝦， d 瀨尿蝦好大隻， 上碟時已經剪為三件，方便人客進食，都既貼心， 肉質不算包滿， 但有蝦膏，都不欺場。不過兩條已經要5百幾蚊， 都係尼d場合先適合出現

懷念以前放工成日同啲舊同事黎飲🍺吹水gathering，至從轉左工之後就好少黎lu🤦🏼‍♀️ 難得朋友仔生日同埋有台灣朋友黎香港，梗係要帶佢地黎感受一下😏 (然後台灣朋友説這裡很cool👍🏻)。。。。。。。。。。。。。。。風沙雞 (半隻)▸每次黎都必嗌👍🏻 雞皮好薄好香脆，雞肉好嫩滑，加上大量嘅炸蒜，真心正😋🤤。。。。。。。。。。。。。。。避風塘炒蟹 (中辣)▸中辣原來真係好辣，辣到咀都潤埋🤪 蟹好大隻好多肉，啲肉好鮮好滑，如果小辣應該會更好食😍。。。。。。。。。。。。。。。青芥辣八爪魚沙律 (小)▸八爪魚份量好少，主要青瓜為主😅 但味道好正，加左wasabi嘅青瓜，連我呢個唔中意食青瓜嘅都食到停唔到口 (然後我地發現原來wasabi青瓜可以解辣架)。。。。。。。。。。。。。。。燒牛仔骨 (自家製黑椒汁)▸牛仔骨燒得岩岩好，好香好重牛味，而個黑椒汁香得黎唔咸唔搶味，點完唔會蓋左個牛味😋。。。。。。。。。。。。。。。炸大腸▸大腸清理得好好，而且無乜肥膏，食多幾件都唔會漏🤤 菠蘿好清甜，加埋一齊食仲正😋。。。。。。。。。。。。。。。另外仲食左個很不錯的糯米飯，好胡椒嘅胡椒湯浸時蔬，最後還附送

由於新年期間不在港，所以一早便跟朋友吃一個團年飯，選址是東寶小館，因為夠氣氛，雖然東寶佔了一半場地，但前來用餐一定要預早訂檯，否則等位都食唔到友人訂檯後告知用餐時間是7:00-8:30pm, 雖然不是常常來，但第一次有分時段入座朋友先點了數款小菜，吃到一半時再加菜，店員已經說點完後不能再下單打頭陣是風沙雞，分半隻或一隻， 風沙雞上灑上炸蒜，雞肉是嫩滑，味道不錯，不過價格偏貴炸南乳豬手，重骨膠原，每一件都有好多肉，再沾上南乳汁，更惹味菠蘿炸大腸，大腸清理得乾淨，味道又幾夾豉油皇炒麵夠大碟，加上白芝麻好惹味薑汁芥蘭，只有薑絲但薑汁味吃不到呢個素菜腐皮卷即點即炸，皮夠薄夠脆，入面有幾款素菜材料，幾香口，推介炸豆腐，豆腐唔夠滑，沒有口感，可以不點黑椒牛仔骨煲，味道濃夠入味

明明行完山好肚餓..正常應該狂食..但一入黎..見到d價錢已經O左..唯一一碟平過$100既 只係沙拉骨...其他都勁貴..想食隻雞都要成500幾..點食呀..好啦..個沙拉骨成100蚊..但一人只可以兩舊..個味完全無特別..一碟牛柳粒得幾條菇..牛柳粒得幾粒..盛惠188..只有無奈..果碟炒飯..清過酒樓果d..又百幾蚊..最離譜係個雜菜煲！完全無調味可言...幾條菜$128...價錢離譜得癲左..完全唔值..一個白飯$15..我自問唔係遊客..真係無下次..唔該晒..價錢仲要收0.5服務費..何來服務!!!!!!

環境好嘈要好大聲講野，但氣氛出奇的好，伙記態度爽快一流，講野直接到point. 食物okay不算太油，飲啤酒就要再豪氣D用戰鬥碗乾左佢。場內播放超大聲經典舊歌！正！

人人都話東寶好，親身試驗有幾好，點左六餸逐樣數，完全無一樣野好。咕嚕味道唔討好，粟米魚塊無味道，二百八十半隻雞，高級洒店都食到，香草豆腐無質素，椒鹽鮮魷就更糟，蒜蓉豆苗算做到，可惜分量細碟到，最後食咗成千銀，真係想拍枱走佬，簡單而言食哩d，市面一定有更好，唔黎絕對無走寶!

招牌菜南乳豬手，又唔夠味，食材準備功夫，好明顯做得不足，炸的火喉又不足夠，完全浪費了豬手，食物環境又差，五圍2 3人組合分享一張十二人台，感覺像食完就快點走，服務員態度又差，像十分趕時間的，賴尿蝦沒有貨，我想考慮幾十秒選擇其他食物，也立即幫其他人客寫先，說話代我考慮完先好點，總括來講，3個人$650元，只能說又貴又唔好味，說真，這是我第四次幫襯，相信都是我最後一次，現在，有名氣的，都只是賺遊客錢，沒有心做好自己。

有朋自遠方來，諗住帶佢試下太排檔風味。 知道東寶有限時，所以前一日book 定枱，食兩個鐘度就要還枱。兩個人其實唔叫得多野食，天氣咁凍就叫左羊腩煲暖下胃，叫多個椒鹽鮮魷。羊腩煲無寫價錢，細問之下要成三百幾四百蚊！仲要無菜跟！同外國朋友一場黎到，就照叫。生菜要另外叫，但係無可能唔食菜，所以最後都叫左個生菜。味道方面，啲肉炆到好冧，枝竹入曬味，食唔到羊既羶味，店員仲要見到少左水會自動加！可以慢慢傾慢慢食！仲有俾個腐乳去點個椒鹽鮮魷都值得推介，炸粉唔會太多，應該一炸完就即刻上碟，好味！都等幾大件係就係好味，但係價錢真係真心貴性價比算低

我覺得去東寶小館吃飯應該列入「來香港必做十大事情」那種指南，怪不得一個星期四晚上都這麼多人排隊！訂了檯也要等十來分鐘才能入座。順帶一題，此店訂檯有兩個時段，我們訂第二輪8:45開始吃到尾。現場等位的話，除非你是吳國敬(反正大明星應該可以)，否則要在外面等叫號碼牌，而且必須齊人才可以入座。有登記處的大排檔確係威。它位於渣華街市政大廈二樓，我以為出地鐵站之後還要搵，原來出口對面就見到，直接搭扶手電梯上二樓就是熟食中心。一進去就覺得被聲波包圍，嘈到爆烈，每個人說話都嗌破喉嚨，好奇妙喔。同一層還有其他食肆，東寶在中間不要認錯。音樂分貝勁過紅館的現場，隔一張圓檯也聽不到對面朋友說甚麼。面對著大喇叭我真的忍唔住戴耳塞保護聽覺。這裡播的都是老歌啊，想點唱的話好似要搶老闆手機 XD。餐牌竟然有一格素食，大概是外國遊客太多要迎合市場需要。同檯朋友只有我吃素，所以有很多肉肉餐點。我選了椒鹽豆腐和苦瓜菜甫蛋，椒鹽豆腐炸得太乾身，不是那種一上桌就被搶吃光的美味。苦瓜蛋也中規中矩。海鮮看起來則不錯，原來蜆有咁大隻。戰鬥碗好像是名物，酒精和老細也是。至於誰是老闆呢？那個頭髮尖尖、到處找人自拍和不停一字馬的就是了，

同一班舊同事相聚一齊食好野我們今次去咗北角食東寶！晚上真係好多人，要等位！可見吸引度有幾強！我們叫了焗魚腸，無鮮味，焗得好香，魚腸好彈牙！煮法好特別炸蠔好多粒，好脆好香口 大人小朋友之選黃金蝦好好味，蛋黃味濃，炸得香脆，配酒一流大家食返杯先，飲勝！！！

聽過呢間小菜好耐 今次一早打去book 定位，一行四人去試試佢雖然book左位 但都要等  大概5mins好快就入左去 沙拉骨勁多沙律醬，骨都幾大舊味道唔錯 不過唔算特別炒通菜 正正常常炒聖子個人好鍾意食豉椒炒乜乜因為又好食 d汁又可以餸飯呢個炒聖子都唔錯 豉椒汁幾好味 聖子冇沙風沙雞本來都冇特別想食，見人推薦就叫下點知一食，有驚喜個皮做到超薄脆肉又嫩滑，好食 最有驚喜反而係雞薑蔥焗蠔D蠔隻隻都半隻手掌甘大隻 有6隻左右味道唔錯 可惜蠔太大反而唔係好入味用返細d既蠔可能更好因為大家之後都有野做 所以冇飲酒 見識唔到飲勝碗😅埋單時見到張單過千 有啲嚇親四個人食左5碟野飲左4枝可樂3個飯  因為兩個海鮮係時價冇問到價所以唔知幾錢，扣埋野飲飯錢 圍返一個餸要$270🤔總括黎講雖然味道係唔錯 雞真係做得幾出色 但二百幾蚊值唔值 真係見仁見智呢個價錢考量埋環境同菜色個人覺得唔係好值，利苑都係貴少少但好坐service 又好好多只可以話香港有更多同類型 更相宜嘅選擇 未必考慮返食