東海薈 (北京道1號) (已結業)

有一日大家都講起好想食大閘蟹，就開始上網搵。因為今年有好多大閘蟹安全問題既新聞，所以都係搵返d有品質保證既地方💯最後見到呢一個套餐幾好咁，價錢都Ok，就決定左呢一間～首先上左個湯先，好鮮甜，好好味呀！跟住上埋個蟹粉蒜蓉包，開始食蟹既菜式，好期待，好興趣！個蟹粉好味道～再食個蟹粉小籠包，每人兩粒，好多汁主角上場！！！每人有兩隻，佢會分兩輪上既～食到好滿足，d膏同個醋好夾不過唔知係唔係都到大閘蟹季節既尾聲，d膏唔算好多，但可接受個烏冬好一般好在食完個蟹都飽飽地，最後無食晒薑茶湯圓作一個完美既結束整體來說都唔錯，不過菜上得好快，蟹都未食完就上左其他食物，搞到最後既烏冬、菜、同湯圓都已經無咁熱，但今年食到大閘蟹已經好滿足

作為一個華田控，東海飲食集團早排推岀咗一系列華田點心，緊係即刻約埋班親戚朋友去飲個茶啦！東海咁多間分店，飲開茶嘅姨丈就提議去北京道依間，因為有埋個海影View，可以食埋環境真係無介紹錯呀吓！阿華田軟心包第一款先黎籠蒸包，成日上網睇到啲人玩個流心餡，我地都有試吓，試過拮穿對眼扮喊又試過拮穿咀扮🤮，又真係好流心喎！仲熱到辣親手指添😆不過食落個餡係覺得似朱古力多啲，要嗒多幾吓先認到係華田味，同埋搣開時係覺得個餡好似過份地流心，稀到掛唔到係個包到，但算係一個玩得又食得既包黎既😆脆皮竹炭阿華田包依款感覺西式啲，個皮係真係脆嘅，有啲似平時菠蘿包個皮咁，個餡同蒸包一樣都係非常流心，但相比起蒸包，我會鍾意食依個多啲！脆脆阿華田奶涷平時個人黎講唔多好甜品的，不過依個奶凍真係岀色，係三款華田點心最華田果一個！面頭嘅華田脆脆加又滑又濃郁嘅華田奶凍，係好好味既！其實我地都有嗌其他點心，都好食的，不過當日焦點係華田點心，所以今次食評無提及，第二回華田點心我都好期待，希望華田味濃郁啲，唔好再令人覺得似朱古力啦！😆

母親大人慶生找來高級地段食府北京道一號 「東海薈」，樓高檯闊座擁維港景觀一圍 12位 「臻味超值宴」套餐免加一收你 $2688， 認真無得輸。👍👍👍👏乳豬全體上，溫度保持微暖皮脆油香。😋XO 醬爆螺片炒蝦仁靈魂所在 XO 醬提升鮮味黑醋骨伴沙律菜我最喜愛黑醋汁酸中帶甜排骨完全入味。好得👍👍酥炸百花球香脆可口彈牙滋味🤤紅燒竹笙雞絲翅本人 ✖️食翅，故無食無評論蠔皇花菇海螺片花菇吸收醬汁味道入味又爽口蔥油蒸花斑魚身火喉剛到位鮮味十足醬油脆皮雞皮脆肉嫩有雞味東海壽桃包無得頂爆Like，蓮蓉香滑難得甜度控制剛好，咸蛋黃甘香油潤滋味爆分。太好味一時忘了相機食先的竟是是日甜品 （冰糖木瓜雪耳）清香木瓜味帶著滋潤雪耳，這碗飯後甜點裡盡是滋潤。小妹真心堅抵👍👍👍

上年新聞報導話肥超標，唔合格，唔敢食⋯隔左兩年，今年大閘蟹終於攞到批文，食得安心又放心，仲唔拿拿聲去食咩東海有個 大閘蟹·淺嚐 套餐，看似食物總類唔多，但其實剛剛好！先黎一碗東瀛花菇螺頭燉雞湯，又幾好味喎，花菇尚算厚大，仲有少少螺頭條！跟住就生拆蟹粉蒜蓉包,每人兩件蒜蓉包其實都幾多，加上蟹粉既黃油，食一件半就已經濟濟地⋯我好怕食小籠包，覺得餡料就係一大舊肉⋯但蟹粉小籠包一定要食熱騰騰啖啖蟹粉，超正！終於黎到主菜 大閘蟹！東海淺嚐套餐只有兩隻大閘蟹，而且size大算大，只有4-5両左右，真 淺嚐蟹算乾淨，蟹膏亦算多！而且第二隻比第一隻更好，一來夠晒熱；二來蟹膏帶甘味，超好味啊～淺嚐⋯兩隻剛好，食完唔會覺得罪究。之後就食清清地既清湯淮山浸時蔬。酸辣湯手打烏冬唔食都唔會有損失！因為真係超敗筆！一夾烏冬⋯What!!!?! 係超市果d $10四包容易變酸既平價烏冬!!!!!! 仲要配超唔夾既酸辣湯，我寧願要糯米飯好過！好在薑茶湯圓very nice,芝麻湯圓細細粒，而且煮得剛好，唔會發晒或淋晒；薑湯再薑d更好

今晚朋友提議去尖沙咀食晚飯，左諗右諗，最終大家都想去北京道晚飯，又喺東海薈，唉，見大家都咁鐘意，我就成全大家喇😂今晚一行四人，見到個樂聚超值宴(四人餐) ，有我既至愛雞煲翅，又有乳鴿😍頭抽煎虎蝦，好好味濃湯雞煲翅，碗碗都好多翅，真材實料XO醬蘭花蚌炒螺片，味道係好好，可惜啲餸上得太快，凍左乳鴿石班蒸得啱啱好，魚肉夠滑桃脂雲耳浸時蔬生煎包，包軟餡肉汁豐富，非常好食個餐超抵，價錢已包茶芥及加一，食品質素高，我地非常滿意

千呼萬唤始出來，今晚同老公慶祝生日，適逢大閘蟹登場，就試試打去北京道一號的東海薈訂位，因早前裝修暫停營業了一陣子，現終於再次營業，趕及同老公食生日飯。 裝修後餐廳多了個巨大led屏幕，非常刺眼。我地叫個二人大閘蟹餐 😍東贏螺頭燉花菇湯❨位上 x 2❩菇味夠香螺頭夠甜蟹粉小籠包❨4件❩生拆蟹粉蒜蓉包❨4件❩個蟹粉係ok既，但蒜蓉包不夠香而且凍了，有啲失望主角出場🦀🦀🦀🦀好味道濃湯淮山浸時蔬酸辣湯烏冬

早前海馬仔同媽媽率先試食了 東海飲食集團 的 限定 阿華田點心 😍 真係好好味小海馬食完一個又一個，媽媽最喜歡見到你食，我只係怕你食得太急，包包內係 流心阿華田 呀！😋阿華田軟心包 好可愛啊～ 脆皮竹炭阿華田包 外脆內軟～阿華田奶凍 好濃郁的阿華田味～令人滿足的甜品我地仲有食左好多其他點心，味道都好唔錯😙 推廣期內仲其他點心粉麵都有65折！阿華田點心：推廣期至11月19日地點：全線東海飲食集團時間：茶市

北京一號的東海薈，最近平日點心做六五折推廣，於是相約中午飲茶食點心。在這裡飲茶，如坐在窗口位置，景觀海景，非常賞心悅目茶壺和碟，金魚設計很優雅西式碟盛載著這碟滷水豬腳仔，感覺上豬腳仔份量很少葱花蝦米炸兩腸粉$40龍蝦湯海鮮泡飯$108 :這個泡飯做了六五折，抵食之選百味豆腐$58風味潤腸卷$30朋友話好食，一路食一路漏油，流油得相當利害脆皮燒腩仔$108皮脆好味道，但略嫌唔夠肥，肉唔算一層層，但味道唔錯鋒巢黑糖糕$48朋友必食推介，黑糖味很香，但個人覺得較甜。肉絲炒麵$108:最精彩都算是這碟麵，顯汁多於一切，杰撻撻的肉絲，簡直受不了原先打算告知經理，後來朋友說，食物不要退換，嚇得大家最後還是你推我讓，食唔晒⋯⋯整體上，點心一般，如此質素六五折都覺得頗貴，因為那碟肉絲炒麵真是很恐怖，如果食物情濃，這碟麵只能感受到㕑師可能心不在焉。最後在結賬時，忍不住告知經理，因為真不想下一個食客如此受罪

個view係靚既！其實間餐廳唔算好大，當日仲有人擺酒，但係我地book左間房都唔算細，幾舒服！職員服務都唔錯！野食都唔錯架！仲有佢地招牌壽包！真係好大個架！我地一個人都食唔曬一個包，多數都係兩個人share其實仲有一個炸子雞架！真係好好食！個皮脆，d肉又唔"鞋"wor我飽都食左好多舊

不知不覺 東海薈 做咗我地公司既飯堂除咗近公司之外 最重要係好食同環境好每一次老闆黎到 都會點選飲茶-必到東海薈一般價錢都唔貴 即使係對住維港又係鬧市（遊客區）價錢亦好平民 👏👏👏👏椒鹽炸豆腐***必食豆腐夠滑 外脆夠香真正做到外脆內軟整體而言 每樣出品都有水準幾次黎食 每一樣出品都係夠熱同新鮮不過人手就唔係甘夠而且有吉枱都唔放人入去座🤔要叫多幾叫侍應 先有人應你這個有待改進💪下次都會再光臨 因為平 靚 正👏👏👏

星期一至五黎食65折呀～今日黎開尖沙咀做野，即刻諗到黎食點心睇靚景啦泰式海苔墨魚餅間中先有得食嫁，以前食過覺得好好味，見到即刻tick返個黎食，個汁辣辣地，惹味呀蜜汁义燒腸粉， 好滑，又唔會蒸得太老，所以條腸粉唔會好糊又唔易爛酥炸魷魚鬚，好多地方都冇得食啦，即炸即食，正XO醬爆蘿蔔糕蝦餃，堅彈牙蒸鳳爪，入哂味义燒包龍蝦湯泡飯又有口福又有靚景😆😆😆 推介呀

睇食評，睇海景，決定去慶母親節，東海薈有啲品牌名聲，以為好穩陣啦!點知連最無要求嘅嫲媽都媽媽…聲，按套餐表面係非常抵食之選$2,688 十二位，淨係全體乳豬，龍蝦E面，其他例牌都超值啦！實際係“中伏“，除咗條魚，無一樣掂除非只食景無一味影得落手。所以無相俾大家分享，你唔怕超級超級超級失望，就即管一試

昨天已經是第二次在東海薈與八、九人飲茶，朋友們都讚不絕口，地點適中和舒適，又有無敵大海景，點心精緻好味，茶方面是水滾茶靚，經理和侍應都是態度友善，服務態度良好，我們都話一定會再來用膳和推介給朋友。

由於open rice 訂座有65 折，所以在開始有優惠就來一個試食，很好，地點環境優越，服務也不錯👌，尢其那個燒三層肉，皮趣肉滑，滿意。因為第一次感覺不錯，所以再次約會友人午膳，很可惜，第一次點吃的食物已經不作65 折offer,好彩，三層肉仍可享用，但是已是兩回事，失望！有朋自遠方來，由於地理環境適中，再來一次訂座開饗，希望他們會保持早期水準，免得失客。

與姑媽慶生，選址在北京道的東海薈，主要是因為有美景相伴🍸🌃壽宴的永遠第一主角 - 鴻運金豬，皮脆肉嫩，脂肪比例適中，平日不吃肥膏的我也不禁吃了兩件😝然後是翡翠炒花枝蝦仁，花枝及蝦仁爽口鮮味，四季豆清甜無渣，不錯。百花炸釀蟹鉗必定是小朋友最愛，蝦膠十分彈牙，新鮮炸好的釀蟹鉗蘸上厚厚的沙律醬，好滋味紅燒竹笙蟹肉翅欠缺鮮味且不夠熱，稍為失色。蔥油蒸杉虎斑鮮嫩，火喉控制得剛好，是較受歡迎的一道菜。長壽麵味道比較淡，可取之處是不油膩，都是取個意頭吧。終於到甜品環節，雪耳萬壽果滋潤清甜，萬壽果即木瓜，富含膳食纖維，雪耳滋陰潤肺，多吃兩碗也不怕長肉。最後是東海薈遠近馳名的壽桃包，體型巨大，亦很有內涵! 從中間掰開，即看見大大個蛋黃，溢出金黃色油分蓮蓉香軟幼滑，抵讚之處是甜度適中，一個人也可吃掉大半個，不過包身若鬆軟一點更好。