東海薈 (北京道1號) (已結業)

剛坐到歺桌前，發覺筷子湯匙还暖暖的，相信刚用熱水浸泡完，在肺炎疫情下，这一点服务感觉安心，服务员包括傳菜的也很用心勤快有礼，值得一讚。食物款式价格优惠多多，味道也好，定會再惠顧。

平日客人不多，可以舒舒服服坐在窗邊，酒家樓底高、地方寬敞，還可以遠望海景，而且碗筷已用熱水消毒清潔了，感覺非常好！這裏嘅餐牌款式很多，還有半分和例牌選擇，人少的都可以試多幾款小菜，真係可以符合唔同人嘅需要。今日點了五個半分小菜，分別有紫蘿牛肉、黑松露滑蛋蝦仁、濃湯腿茸白玉、金蒜銀絲大元貝和南乳粗齋煲。我覺得最好味嘅係黑松露滑蛋蝦仁，雖然蝦的質素很一般，但係滑蛋煮得啱啱好，嫩滑多汁，配以松露嘅香味，真的要試一試。紫蘿牛肉的牛炒得很鮮嫩，還加上薑和菠蘿，配合得宜。濃湯腿茸白玉的胜瓜很新鮮，加上上湯，容易入口，味道清甜。金蒜銀絲大元貝的粉絲很好吃😋，元貝略為煮得有點太熟，失去鮮甜的口感。如果平日喜歡吃齋的朋友，南乳粗齋煲也是一個不錯的選擇，半份的分量，賣相也很吸引，味道也不錯。而且酒家現在做優惠，平日一至四晚飯都有唔同嘅折扣，好像星期三就有七折，真係抵食左好多😊唯一問題是人手不多，上菜會慢些和要等久一些才找到服務人員呢！

是中菜館, 粵式菜吧沒有見到很辣的菜式, 本來也是為了長輩們所以選擇的餐廳, 環境樓底高, 光線充足, 坐得好舒服, 而且有靠落地玻璃看維港景色的位置, 感覺很有架勢, 但應該要早一點到或預約吧, 晚上7點到已坐滿靠邊的了, 空間大又不會很嘈吵, 適合一家老幼食物方面還不錯的, 見圖有說明, 是2set的四人套餐, 我覺得最好吃是鴛鴦蝦仁蛋炒飯, 米飯很香上面醬汁不膩, 很可口。壽包也是非常不錯的, 不要錯過有一個問題就是量稍微有點少, 就是很精巧那種。

剛剛放寬限聚令，可以一枱坐八人，一想到母親的生日快到，又臨近母親節，已經很久沒有全家一起吃飯了。於是便訂了尖沙咀的東海薈，給母親一個驚喜。座落在北京道一號的東海薈，一覽維港景色，特別是燈光熣燦的夜色，未吃已先迷人。坐下來，點了菜，閒話家常一會，餸菜便陸續上枱，有蒸扇貝，芝士焗龍蝦，蒸石班，還有滷水鵝掌，鎮江骨......。扇貝鮮味，龍蝦香噴噴，石班肉質嫩滑。最後，當然是今天的主角------蛋黃蓮蓉壽包，母親吃得笑微微呢！結賬4000元，在這樣優美的環境下替母親慶祝生日，也是非常值得的。

母親節 中午飲茶食點心，因為限聚令所以我地分咗2枱，位置有個 corner 窗口位，啱晒我地要影相。野食 ok 可以, "柚蜜蛋散" 味道不錯，好香柚子幾清新，"蛋黃千層糕" 都有點驚喜，味道很好。另外 "紅米金沙脆皮腸" 有點似兒時食的 "炸兩" 進化版，都不錯。有某幾種點心是叫一隻 / 一個，所以要細心睇點心紙，會有點混亂，但有個好處，就係可以食幾多叫幾多。但要讚下點心紙全部都有圖片睇實物，因有d 酒樓是沒有圖片的。🥢東海薈📍北京道1號11樓💰人均 $145

今日約左媽媽黎屋企，諗住叫外賣同媽媽一齊食，但又吾知叫咩好，媽咪話想食點心，我就唯有睇吓附近有冇酒樓做外賣。打開Food Panda個外賣Apps，竟然比我見到呢一間酒樓有得外賣點心，咁我就即刻落單。睇返啲介紹，發現呢間酒樓做緊外賣優惠，而且佢地所有點心都係即叫即煮，並且係由專業大厨團隊悉心製作👍🏻👍🏻等左一陣，外賣都送到啦，佢地係將每一種點心放入一個合到，吾會影響味道之餘，又好衛生👍🏻👍🏻首先，我要介紹下個鳳爪，同一般食嘅鳳爪我覺得有少少分別，平時食嘅鳳爪會非常淋，好似好易入口既感覺。但呢個鳳爪可能係即時蒸既關係，肉質比較爽口冇咗好林嗰種感覺，而且味道都唔錯，我比較鍾意食呢個爽口少少既鳳爪👍🏻👍🏻至於個蝦腸，非常新鮮，好難得每一啖都食到一隻大蝦。腸粉嘅皮亦都做得好滑，一啲都冇痴牙嘅感覺。配合埋腸粉豉油，真係非常好味。另外，媽媽話好耐冇食過壽包，所以我都叫咗一個壽包，原來佢個壽包係大size，外觀非常吸引。入邊除咗有蓮蓉餡之外，竟然有一大個鹹蛋黃，食到媽咪好開心，因為好難得壽包入邊會有一整個鹹蛋黃👍🏻👍🏻我仲叫咗一個小食，尖椒糖心皮蛋。起初以為好辣，原來係酸酸甜甜非常好味，而且皮蛋唔會

揀咗東海薈幫我媽慶祝生日同家人飯聚，係2020年一個非常錯嘅決定，招呼好渣！！食物仲差！！以下內容並冇加多減少，先講招呼，每次茶壺要加水都要我哋自己出聲叫，全場只有6至7成枱有客坐，人手睇到係絕對足夠，但啲樓面除咗會自行將每碟餸菜放落枱之外，其他事項都係要叫先會做，食物方面，我哋13人叫咗個鼠年歡聚宴套餐，夠食冇加餸，除咗碟頭抽煎海虎蝦比較好之外，其他嘅...............條魚蒸得好老，啲肉好(孩); 碟鮑魚好硬身，食擦膠一樣，已經忍住冇出聲照食，最離譜嘅係糯米飯 & 紅豆沙湯圓，糯米飯上枱後，放入口發現只係暖暖哋唔熱嘅，即時同樓面講，佢嘅回答係: 冇理由㗎，啱啱响廚房攞出嚟，人哋隔離枱都冇你哋咁煩，我都好客氣咁叫佢拎入廚房再炒熱返; 紅豆沙湯圓，我媽咬咗一啖湯圓即刻叫唔好食住，話湯圓未熟，同時亦有家人咬咗都係話未熟，我忍唔到啦，要求樓面叫經理過嚟，我將有問題嘅都講出嚟，話已經忍無可忍啦，點做生意，經理亦只係好官腔口吻回應: 唔好意思，我幫你哋換過新嘅紅豆沙湯圓，我唔俾佢哋收走食唔到嘅紅豆沙湯圓，要求佢哋攞新嘅出嚟先好收走，最後埋單4千7，食落背脊骨！唔會唔會唔會再幫襯呢度！

東海薈lunch飲茶真係好抵呀！仲要喺呢間北京道1號上邊嗰間東海薈，對住個維港靚景飲茶，仲要咁抵食，真係無得輸！平時lunch同一班同事/同客食飯都唔太失禮！呢排長期做緊優惠，成張點心紙六八折呀！點心紙選擇都算好多，佢抵到連小食炒飯炒麵都有埋折，真係誇張！兩個人，叫咗5樣點心，1個小食！點心都係熱辣辣，粉果加小小辣椒油好食呀，蝦餃都唔錯，馬拉糕都係熱辣辣又唔會太甜好鬆化，鹹水角就普通咗啲！小食我哋叫咗一份滷水鵝翼，估唔到佢哋整得唔好食，鵝翼處理得唔係好乾淨，而且啲皮好厚脂肪，完全唔入味，小小失望！不過佢哋嘅點心質素都OK嘅雖然係68折，唔會因為做優惠平左而降低食物質素！兩個人五個點心一個份小食，連埋茶位加一total 先係$250，抵食！

今日係新同事既Welcome lunch，秘書揀咗來呢間位於北京道1號既東海薈。一入酒樓，你會發現係全海景落地玻璃，非常開陽，環境相當舒適。秘書為何會揀這裡既主要原因係，呢排做緊promotion ，價錢相當抵，但惠顧所有點心都係68折。於是，我們一行26人，就來咗東海薈開餐。再點一啲浮誇既點心。我最有深刻印象既就係呢群天鵝🦢，嘩幾鬼靚，用來打咭一流，但味道就一般了，有啲似芋角既質感。而其他點心既味道都係中上既水準，以有折扣來講，相當抵食

好姊妹又要聚一聚，難得今晚咁齊人，小朋友同老公都一齊嚟，啱啱好夠坐一圍，朋友J就決定要食大家聚會咁耐都冇食過嘅中菜!呢間東海會喺尖沙咀北京道1號，初初諗住食中菜係冇咩特別嘅，不過上到去地方嘅幾寬敞，唔會好迫，仲有落地玻璃窗邊景，唔會好似平時啲酒樓坐得咁辛苦，非常舒服。除咗環境，食物亦令我喜出望外，我哋叫咗燒鵝王，放上枱傳來陣陣香味，燒鵝皮香肉汁多，圍枱轉左一圈已經食晒一碟，又係必試佳品！呢度嘅椒鹽鮑魚亦都非常惹味， 不過食海鮮我自己就鍾意清蒸多啲，保留原汁原味呀嘛！值得一讚嘅係佢唔只好食，賣相亦都好靚，淨係擺盆已經吸引到人！！咁大班人梗係要叫返個龍蝦伊面！龍蝦大大嚿好多肉， 老公最鍾意食!伊面唔會太淋，加埋啲汁味道剛好👍🏻👍🏻仲有一個砂鍋海鮮豆腐煲，有帶子，蝦等等，落足晒料！用砂鍋煮加埋啲配菜又香又惹味其他菜式好似京都骨，蟹肉扒菜苗，雜菌上湯浸菜等等都好味，不過就唔夠上面嘅出色啦⋯⋯估唔到呢度環境食物服務質素都有返咁上下，下次要試吓黎飲茶先得！

中午同同事去尖沙咀一間酒樓食飯，要答lift上樓，上到去，估唔到係全海景落地玻璃！酒茶飲到咁高級同咁有情調都係第一次叫左個麻辣雲吞，辣度適中，有啲辣湯加上十隻小雲吞，唔太油膩但又可以食少少辣野過下口癮，上品。又叫左個墨魚條，外脆內軟，又爽口，墨魚好足料，正

本身好鐘意食點心，有時星期六日都會同屋企人食，但係點食都開心唔過同一大班同事食，因為可以狂點狂叫，樣樣都試到! 呢間酒樓既點心樣樣都好食，特別推介脆炸墨魚滑餅，彈牙又香脆! 同埋lunch去埋單有6折，又有海景... 其實性價比都幾高

酒樓食很多，但呢樓係對住個維港食嘅酒樓，全間酒樓都係落地玻璃，海景一流。點心都算高質素，蝦餃，燒賣都用鮮蝦，好彈牙。咸水角同炸兩都好夠脆。最後叫左個楊枝甘露做甜品，估佢唔好咁足料，多料到成碗飯咁，奶香又濃，好飲過出面糖水鋪，正👍🏻餐具都好靚，食得好開心係高質嘅酒樓😋

是次到東海薈吃部門的開年飯，由於正值農曆新年，北京道一號，以至於酒樓，皆佈置得很有新年的氣氛，餐具都顯得喜氣洋洋的。雖則酒家很有過年的氣氛，可是在碗盤餐具的清潔上仍略有不足。我們入座後，發覺至少三組的餐具未有徹底洗淨，仍留有食物的殘渣或毛髮，需要再行更換。此外，美食的份量略少，碟頭炒飯的份量比一般酒家的標準炒飯少了約三分之一，同事們每人分不了三分之二碗炒飯。無飯不歡的相信要再多點一、兩道小菜或是炒飯麵。就味道而言，東海薈不算突出。有部份小菜、點心有點過淡，而剛才提到的炒飯則過咸。東海薈的上菜次序亦有點怪怪的。甜品等等本應在用餐中後段才上菜，但侍應早在炸物上菜前就把咖啡果凍、紅棗糕等上菜，令紅棗糕都變冷了，吃起來不太美味，而且黏在一起，要是真要點甜品的話，建議在用餐的中後段再追加，確保上菜時間不會過早。

尖沙咀吃個午餐，平貼五、六十元，貴則二、三百，沒想到原來尖沙咀飲茶，埋單人均不用一百元，這是什麼地方？就是東海薈。現時，東海薈做緊優惠，午市全單六五折，點心或是炒粉麵飯都有折，別以為平野一定無好，相反，它的點心水平制作十分用心，賣相精緻，味道好味，當中我最愛的，就是炸魷魚鬚，原因是酒樓用了小魷魚，魷魚鬚也特別小，吃起來不會太粗太難咬，加上炸得香口，調味又合適，好好食。除了食物水準高，酒樓的環境亦是另一賣點，原因是窗邊的枱可以飽覽維港景色，另食物添上另一個味道。