東海薈 (北京道1號) (已結業)

由於國外好友來港，所以選擇了有夜景加中菜為主的餐廳！因為有主餐牌85折優惠，所以決定一試呢間餐廳！估唔到食物有意外驚喜！咕嚕肉非常好味，連平時不愛吃肉我兩歲的囝囝都不斷追食。另外蝦仁炒芹菜的蝦很大隻亦很新鮮！反而我最期待的半隻雞和上湯娃娃湯質素平平！因為有兩位一至兩歲小朋友，單點一個餐牌中沒有的雜菇素面，份量和味道都適合小朋友！整體感覺不錯，唯可惜未能安排窗邊觀看夜景較佳位置！下次會帶家人來試試！

一行5人7點半到達同朋友食生日飯，環境可以望到大海景，叫左個餐，每位$268再加一，另外叫個片皮鴨2食，百味豆腐，同埋阿華田壽包，食物非常好味，龍蝦鮮味，碗翅都好大梳，百味豆腐外脆內嫩，非常讚，每樣都好好味，最重要是個阿華田壽包，不太甜，阿華田味唔太重，唔係流心但都好味，賣單除4人每位$54x，價錢都ok，有龍蝦有翅咁，總結來說，very good

去了兩次，85折拿不了。第一次去，叫餐牌的東西，應該有85折，那知要提供手機短訊上的code才可以，但我登記的手機號碼是另一手機上的，因此沒有注意此短宣，當天又沒有帶此手機，因此結果得不了85折，無法😔，只能怪自己。今次(第二次去)，因為有一席人，所以不想散叫東西，直接叫一席2488的套餐，在付錢時，職員告訴我，不能享用85折，因為85折只適應〝主餐牌〞(散叫)。當下我已經決定，永不會再去這裡，同我去的親朋好友，也不會再去了。

xo醬腸粉： 辣味剛剛好。青瓜炒海參：抵食不貴，一百元有找。時菜魚疍：魚疍彈牙好味。芋頭炸餅 : 不油膩， 好鬆化。環境不錯，維多利亞港盡入眼廉。就連小吃炸嘏片，也十分美味！

久違的東海，轉型之後都没來過，非常好奇。父親節正日分兩輪，我們選了後一輪，不用吃得那麼急。太大兩的關係，夜景一點也看不到，有點可惜。 訂位時，店員已提醒來到也可能要等一等，所以特意早點來攞位。除了套餐，還可以散叫，没有趁節日㩒住搶。 燒腩仔 - ★★☆☆☆  分三層擺的燒腩仔真夠氣勢，但肉質麻麻、偏硬。皮不夠香脆，層次不夠分明，還有點黐牙。 花膠瑤柱羹 - ★★★★☆  湯羹蠻足料，濃稠適中，夠火喉。一窩剛好夠碗，不用爭。 上湯莧菜 - ★★★☆☆  有點像清水的上湯，幸好莧菜當造，還算翠綠。 大蝦炒麵 - ★★★★☆  除了瑤柱羹，另一道像樣的菜非這個炒麵莫屬。餸與麵分開上，確保炒麵夠脆口。大蝦份量比想像中多，口感蠻爽脆。忙碌的父親節飯，侍應們的服務也很周到。無論上菜、加水，同場加映切蛋糕，都非常友善，還主動幫我們拍照。就算餸菜質素一般，店員的服務態度也夠加分。

今晚約左五位舊同事眾會，又可以update下大家近況😁有舊同事提議黎北京道一號嘅東海薈，因為佢最近轉左工有員工優惠😃又可以欣賞世界出名的香港維多利亞海港夜景同埋幻彩詠香江我哋嘅位置係對住個海，超正! 我地點左以下食物:味道唔錯，皮又香又脆淮山超好味普通啦唔係特別好味北京片皮鴨真係好值得推介隻鴨燒得好靚麵包皮最吸引，因為佢唔會做到好似啲舊式茶樓做到好厚，呢隻係一片片好薄的蒸魚都OK啦有魚味呢個都做得唔錯最後仲有個雪耳木瓜糖水送唔錯唔會太甜總結: 環境一流食物都唔錯! 因為有員工優惠所以點左咁多嘢食每人都係＄120咋，真係好抵食

行完北京道Espxxx 旗艦店，想找個好地方食lunch, 老公話要去X斗記，我想睇海景，記得好耐無去東海食嘢，上次去過那兒參加婚宴，招呼唔錯，食物質素好，於是一家大細去咗吃点心……門打開就是無敵大海景，成個人心情都靚D，侍應好有礼貌帶我哋坐低就端出一大籃孩子的至愛炸蝦片，很鬆脆但如果無胡椒味會更加好，我們order 了脆皮牛腩、燒賣、义燒包、蜜汁燒脆鱔、子薑皮蛋酥、阿華田軟心壽桃飽、炸煎堆仔、煲仔飯、金陵驢打滾 (steamed red bean roll)，各樣食物都好好食, 尤其脆皮牛腩、皮蛋酥同煲仔飯(有卜卜脆飯焦)，超讚！金陵驢打滾好有特色，夠軟滑埋單六百幾唔算貴，咁高質素下次一定再嚟！下次要試埋香芒布甸，見到隔離枱order 咗，玻璃瓶盛着布甸，還有白色噴霧由瓶底射出來，好型！

前幾日去飲，場地裝修靚，可惜有幾個大柱位對著落地海景玻璃。主人家擺好多圍，接待處要安排在電梯門口，場面擠迫。可能樓面人手不足，服務態度明顯有改善之處，例如開席前要求有兒童高椅，要三番四次問才能安排；開席前侍應問我們要什麼飲料，我們問有什麼選擇時，她不耐煩地急口令數了一堆飲品名稱。最令我留意是頭盤「當紅乳豬全體」，感覺頭和身的比例不對，頭大身細，真的是同一隻豬嗎？乳豬的切法是燒臘店的乳豬飯一樣長條型，而不是一般宴會的正方形；味道也偏鹹。

家人生日以往都去試唔同中菜今年都唔例外  就搵到東海薈仲好好彩可以安排到一間海景房比我地一家人   賺左呢餐係按人頭收費   一個價錢有八樣野食   仲要係每位上既  好方便老人家比較特別既係呢四樣黃金醬大蝦 - 呢個比較濃味, 個醬唔係我地平時食到既黃金, 有小小甜甜酸酸。煎龍躉 - 平時食開蒸既， 原來煎都好鮮味芥末牛小排 - 肉質好腍  好食三小碟 - 當中個豬腩肉最好食，炆到好入味，但食落唔會覺得好膩

Dim Sum on November 16, 2016 at lunch greatly affected the enjoyment of the food and the harbor view at this restaurant. The food is prepared very well and well presented.  We arrived early and was given a back table when suddenly a table at the expansive ceiling to floor glass was available.  We had to insist before they would let us take the obviously available table.  The food service was quite quick and we were enjoying our meal with our long time friends.  I ordered more than I thought we n

大閘蟹嘅季節今次來到東海大閘蟹，我嘅環境確係幾靚舒舒服服坐底就有得食。首先來碟油菜醒醒胃，油菜不太油好有菜味，新鮮得很。來到主菜大閘蟹，我哋叫咗兩隻清蒸大閘蟹。一切開個蟹蓋好鬼多個蟹膏啊，蟹膏好正好濃郁蟹味，啲蟹膏好香濃呀。淡淡甘香回味無窮。再來就係蟹粉小籠包，小籠包包住啲蟹粉，啖啖肉。即叫即正新鮮好味我好滿意呢一餐。

昨晚去食了，很可惜相比去年和前年的差。套餐有兩隻公蟹，第一隻約4兩重，品質還可以，第二隻打開蟹蓋很多水，不敢吃。換來另一隻也不比第一隻好。感覺都退步了。其它餸菜還好以。記得東海有自己的大閘蟹源，奇怪今年品質退步了。

約左potential business partner lunch meeting，今日去左北京道1號 東海薈。地點方便，又有維港海景，傾公事都好似賞心悅目一點。因為要招待貴賓，所以找經理寫了菜單：點心三拼 - 黃橋燒餅、蝦仁腸粉、招牌蝦餃黃橋燒餅：酥皮鬆脆，內裡包了韮菜豬肉，味道不錯腸粉：皮薄蝦鮮蝦餃：前菜四拼 - 青瓜海蜇、叉燒、墨魚餅、脆皮牛腩很特別的4小拼，味道也不錯，份量也剛好食物不錯，與partner 吃完傾得開闊！之後來了炒雜菜，正好讓我們吃得健康一點出外吃飯不免肥膩主食：龍蝦湯野菌泡飯食泡飯前再加入炸過的脆米，一軟一脆口感，很特別！最後甜品有驚喜！會噴煙的芒果杯！賣相味道不太甜，適中！海景在旁，又不太多人，與partner 傾可發展的計劃有一大進展。可推介此地方business lunch。科科

東海海都的月餅，大大話話起碼吃了30年，以住最喜歡吃六黄月餅皇，可惜今年已停產。今年的 box set 非常特別，內含4種口味，分別是蛋黄白蓮蓉、朱古力奶皇、紅豆蓉以及奶皇，啱哂貪新鮮的香港人。8星伴月，十分有氣勢的禮盒包裝。4款口味有傳统的白蓮蓉以及奶皇，也有創新的紅豆以及朱古力，如果單論味道，我仍然最喜歡吃東海的白蓮蓉，清而不淡，亦夠哂油潤，不會越吃越乾，蛋黄亦鹹香十足。最抵讚是月餅的色澤以及紋理，造型細緻精美。紅豆蓉色澤深紅，甜度輕手，勁香紅豆味，是出奇的高水準。奶皇系列也豪不失色，餅皮夠酥化，奶皇味出眾，雖則蛋香欠奉，但勝在size迷你，一口一個。要數最創新的一定是以下的朱古力奶皇月餅，切開已聞到好濃的可可味。整體上，這盒"迷你迎月禮盒"非常適合買來和家人分享，味道夠哂多元化，總有一款合你心意吧！

當日活動大致分為三部份，第一部份是記者會，由東海飲食集團和川寧(Twinings)公司的代表人物，介紹一系列月餅和茶類，並且即場教大家一個新頴的配搭食法: 用不同口味的西式茶，配搭不同口味的中式月餅，打破傳統一定要配中式茶的印象。活動第二部份是手工製作。今次由東海大師傅教大家，用難得一見的傳統木製月餅模，做迷你酥皮奶皇月餅。材料各份量已細心準備好，大師傅示範和講解得清楚又易明，不消兩、三下功夫，我就能做出一個個迷你酥皮奶黃月餅，感覺真的很神奇！月餅在烤焗時，川寧製茶師傅就一一介紹手邊的茶類，紅茶綠茶葉、花類、乾果等材料的來源、特點在哪裡，然後教大家如何調配屬於自己個人口味的西式茶。我很愛喝花果茶、綠茶，所以我配了偏重份量的花果，很香啊！活動第三部份是試食時間。重點來了！原來不同口味的月餅和西式茶是挺速配的！我逐個試，如「雙黃白蓮蓉月餅」，配「玫瑰花原片紅茶」，不單沒有黏膩感，還提升了蛋黃和蓮蓉的香味。又如「迷你奶皇月餅」，我試了數種花果茶，最喜歡就是配「夏日花果原片綠茶」，甜酸又沒有蓋過奶皇的香味。「迷你朱古力奶黃月餅」，朱古力味非常香濃，所以配同樣有豐富果味的「伯爵原片紅茶」，感覺就