東羅 泰館 (已結業)

位於觀塘裕民坊既餐廳環境幾靚下，主打fusion泰菜，是次試了:1. 泰館虎蝦冬陰功湯粉 6.5/10冬陰功湯較清新，偏酸，無落椰奶，兩隻虎蝦炸得比較韌，整體水準一般2. 泰式鹹蛋黃卡邦尼意大利麵 9/10超正!雖然唔係好知呢個係咪泰國菜，但係真係好好食!未打開包裝袋就已經一陣陣鹹蛋黃香味，食落蛋黃香混合卡邦尼的奶香，還有蒜香同菇香，成道菜的味道混合得好驚艷3. 東羅手打蝦棒 7/10普通炸蝦膠，無咩特別4. 泰式咖喱配薄餅餅可能因為外賣焗住，變得淋左癡牙左，泰式咖喱反而有驚喜，有特別的蝦醬(?)味呢間餐廳喺傳統既泰菜上發揮不太出色，但喺泰式fusion菜上反而令人驚艷😍但價錢我覺得係偏高。如果有下次應該會堂食試下其他fusion菜，enjoy埋價錢內包含的環境費食物:7.5/10性價比:6/10

凱滙商場啲餐廳，我差唔多全部都食過晒，呢間泰國菜Number 9 （東羅泰館）一定要大大推介，系我首選😋😋😋😋😋泰式生蝦刺身配辣青汁$78 有6 隻生蝦非常抵食，新鮮又鮮甜配以自家製的辣青汁，微辣好多人都啱食👍泰式鹹蛋黃單骨雞翼熱辣辣，香噴噴，色澤金黃，賣相相當不錯，外出食飯我比較鍾意單骨雞翼，因為食得比較方便，鹹蛋黃味燶，外脆內嫩。巴東蟹肉炒飯 炭烤雞蟹肉比較多，非常足料還有兩串烤雞串，我最鍾意食比較吵得乾身嘅飯，食落口有啖啖飯香，配料魚露更顯出蟹肉的鮮味。東羅泰滷豬手$88 大大碟十分足料，份量足以四個人食，豬手撈得比較淋，廚師將豬手起了骨，啖啖肉，最啱我哋這麼懶的人食😋😋😋😋泰式咖喱配薄餅我最鍾意食薄餅，所以一定要叫黎試吓，金黃色的薄餅相當吸引，配以美味的咖喱汁，下次一定要試埋佢其他咖喱系列。

最近凱匯開咗新嘅泰國餐廳門口有打卡位環境乾淨舒服 而且唔多人想靜靜地食個飯 哩度係唔錯嘅選擇食物方面我個人喜歡泰滷豬手同燒雞煮得入味又香口🔸東羅泰滷豬手（$88）👍🏻煮得好淋好入味，有陣陣滷水香，豬手嘅脂肪位好香，皮好軟滑，仲有酸菜同滷溏心蛋，好食！🔸泰式炭烤雞髀船麵（$82）雞髀外皮燒得好香、微脆，啖啖肉。湯底幾濃郁，配有芽菜、炸豬皮，連爽滑嘅河粉一齊食，口感豐富。🔸芭堤雅炭烤脆燒雞半隻（$168）👍🏻外皮燒到好有炭香、好脆，好似食炸子雞咁，而雞肉超滑，切開會漏肉汁，旁邊仲有沙律，感覺冇咁邪惡。🔸泰式酸辣柚子蝦沙律（$76）有2隻煎香嘅蝦、柚子、炸蒜，酸甜清新又惹味。🔸美祿恐龍雪糕（$38）雪糕有清香淡淡的椰子味，配埋美祿，成件事好有東南亞嘅感覺，連埋朱古力脆片一齊，食口感好正。.🔸泰式奶茶（$48）茶味唔算好濃，但口感好滑，有茶香，唔錯。

想搵個好似去咗外國嘅地方竟然比我搵到近近地觀塘有個地方舒舒服服呀泰國嘢地方喺裕民坊基本上一上去就係啦一去到門口喺3樓森林系列仲有兩張竹做嘅椅Set定左位比大家打卡即刻覺得自己真係去咗泰國咁首先嗌咗個泰國木瓜沙律沙律配上青木瓜佢加咗少少花生粒配埋魚露成個感覺清新泰館冬陰功湯之後梗係要飲返個冬陰功啦材料好足了酸酸辣辣真係好開胃炭燒手作雞肉串雞肉串燒嘅時間夠外表係香味但係入邊又唔係鞋泰南咖喱慢煮牛肋條呢個牛肋條係我全場最愛牛肋條慢煮完好淋身咖喱汁配牛肉入口即化東羅泰滷豬手朋友就對呢個豬手讚不絕口不油膩又啖啖肉仲貼心包埋少少酸菜同埋豆腐蛋蛋仲要係流心㗎泰館調製雪條奶茶呢個嘢飲又係有驚喜佢俾咗個一樽茶又俾咗條雪條仲俾咗杯奶你哋可以自己一邊玩一邊食有趣朋友同我對於呢間餐廳都好滿意呀

當日食嘅日子係平日夜晚，位置頗多，加上人流唔多，所以兩個人可以安排坐喺四人卡位。餐廳亦都設有戶外用餐區，夜晚坐出去食，都幾chill (可惜個日太熱啦～）1.炭烤燒魷魚 魷魚舊舊都好足味，份量對得住個價錢，但係食個陣有少少凍，如果再熱翻啲，魷魚口感應該會無咁硬，會再好味啲2.巴東蟹肉炒飯+炭烤雞肉串呢個菜式係好多人推介嘅菜式，我個人覺得呢個無船麵咁令人印象深刻；炒飯都炒得好乾身，做到粒粒分明，蟹肉分量都頗多，每食一啖飯都食到肉，但係雞肉串比較失望，雞肉有啲嚡3.炭烤肉眼牛丸船麵 如果我下一次再去呢間餐廳食，一定會再叫呢個；湯底極濃味，麵條條都索到啲湯汁，但係啲湯好快俾啲麵索哂，食到尾都無咩湯；牛丸彈牙，牛都幾嫩滑，份量亦都幾多，兩個人食每人都有三至四舊

東羅.泰館第一次食味道新派 ，不像傳統哪種濃郁，咖哩著重椰香，雞件都是健康的，採用去皮雞胸肉，木瓜沙律清爽，少配料全靠酸汁，黃金單骨雞翼香口惹味，紙米卷用芒果紅菜頭做餡，食得清新又健康。座位舒服吹水一流👍。

位於觀塘裕民坊商場3樓開了多間不同種類的餐廳，今日放假就去搵間餐廳食個午飯，見到有間可以坐室外或者室內座位，餐廳裝修好靚比人感覺好chill😌主要以泰國菜式為主😋餐牌上的午餐有好多選擇👍可以自行選擇主菜小食甜品及飲品等！清萊白咖喱雞飯清萊的白咖喱比起平時食嘅泰式咖喱味道不會太濃，主要甜甜地以及椰香味比較重，清香撲鼻，味道比較特別，雞肉大大塊好嫩滑，配搭飯一流👍泰式生蝦刺身這個是跟套餐的小食，生蝦厚肉爽口，醬汁辣到適中，酸酸地好開胃！辣肉碎炒飯上枱時香噴噴，肉碎加入豆角炒得好有鑊氣，雞蛋做到流心效果，撈埋飯一齊食，好Juice，一啖食一啖😋芒果青檸梳打飲品裝飾得好靚，每一啖都會飲到芒果同薄荷葉的清香，感覺好清新，好適合夏天飲👍泰式奶茶最鍾意飲泰式奶茶嘅我，每一啖都又香又滑，甜度適中👍

人生食過幾多個金邊粉係硬到個胃好似消化唔到咁，我就係呢度試過一次咁大把，同侍應講佢仲話本身啲麵係咁，但第二碗金邊粉口感食落係正常。錯左你咁認囉，仲賴個粉，第一次有餐廳煮金邊粉煮到咁 all dente , 西利。牛同冬陰功湯底味道都好單薄，一啲都唔想再食多啖，朋友照梗左，我就梗唔落啦。另外炭燒牛食到燶到苦苦的炭燒燶牛肉，真材實料! 仲有啲豬皮唔加好過加，又唔脆又臭油。啲蝦煙韌到一個點，中意食 bagel 既朋友可以一試，實在充滿驚嚇，一間餐廳可以將食物整到咁難以下嚥。

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間東南亞餐廳，品嚐泰國菜。東羅 泰館位於觀塘裕民坊，地鐵站出發大約六七分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道小菜，一起互相分享。泰式酸辣柚子蝦沙律(⭐⭐⭐⭐💢)清新開胃的前菜，甜甜酸酸的柚子吃起來多汁，配上惹味的香蒜片，吃起來令人食慾大增。泰式咖哩伴薄餅(⭐⭐⭐⭐💢)這是即叫即整的，吃起來還是熱辣辣，有十分香的牛油味。薄餅吃起來質感豐富，一層一層 ，配上微微辣的咖哩汁，兩個人分享剛剛好。炭烤燒魷魚(⭐⭐⭐⭐⭐)燒魷魚燒得香口，有淡淡的炭燒味，吃起來新鮮可口，配上特製醬汁，讓人停不了口。泰館鹵水豬手伴手作麵(⭐⭐⭐⭐⭐)鹵水豬手大件抵食，炆得入味，吃起來啖啖肉，骨膠原感十足。另外配料還有豆腐，糖心蛋和不同香菜，配上彈牙的拌麵，實在是豐富的午餐。泰館大蝦冬陰功湯粉(⭐⭐⭐⭐💢)朋友叫的這個也十分不錯。虎蝦一共有兩隻，新鮮，而且肉質結實。冬陰功湯底酸辣適中，夏天吃就最適合不過，絕對能引起食慾。相對於油麵，湯粉掛湯力更高。青檸梳打(

觀塘市中心仍處蛻變階段， 大興土木沙塵滾滾了一段時間，直至滙基、裕民坊YM² 商場落成，開始有點苗頭。商場低座幾層以零售、  小食、市集為主，並設有全港首個空調候車區，附人工智能感應登車閘門的巴士總站；商場三樓為空中花園及特式食肆。食肆當中以東羅泰館最為搶鏡，門外管招牌位下，放置了兩張雅緻的孔雀藤椅，加上活潑生鬼的長頸鹿壁畫，引人注目，自然成為打卡景點。戶外用餐區，空間寬敞開揚，室內燈光明亮和諧，富熱帶風情的燈飾，卡位之間典雅的玻璃窗屏風，令人有種休閒寫意的感覺。泰式香辣柚子蝦沙律 $68大大塊柚子肉，非常有口感， 果肉在口腔中爆開一刻 ，頓覺清甜爽口， 加上爆香了的蒜蓉碎條、椰絲， 吃起香口又豐富了口感，蘸上酸酸甜甜的沙律汁， 開胃醒神。香煎過的原條大蝦， 肉質爽彈富鮮味 ， 淡淡焦香，  更引人食慾。芒果紅菜頭米紙卷兩件 $32晶瑩剔透的米紙，透出蔬菜漂亮的色彩，週邊以芒果粒、 綠色秘製泰式甜酸沙律汁作點綴，清新明亮，顏色配搭見心思。沙律菜、蘿蔔絲、 紅菜頭、芒果肉等新鮮蔬果排列有序地塞滿整個米紙卷。米紙入口煙煙靭靭，芒果配紅菜頭的味道並沒有違和感 ，與顏色同樣合拍，酸酸甜甜 ，紅

經過觀塘，同屋企人諗住試下泰國菜，於是搵到東羅泰館。餐廳氣氛俾人好chill的感覺，好適合家庭、朋友聚會。1. 芭堤雅炭烤脆燒雞（半隻）$168燒雞需要比較長嘅時間整，所以最好提早嗌定。燒雞色澤誘人，香氣十足，外脆內軟，肉質鮮美多汁，值得一試🤩2. 泰炭烤肉眼牛丸船麵 $88船麵湯底鮮美，份量好多，兩個人食絕對足夠！肉眼嘅肉質嫩滑，有淡淡嘅炭烤味。牛丸爽口彈牙，一啖咬落去，直接係嘴裡面爆汁🥰，非常推介👍🏻3. 提拉米蘇杯 $48綿軟絲滑嘅mousse，搭配濃郁嘅咖啡粉，口感豐富😋😋4. 泰式魷魚酸辣粉絲沙律 $58微辣嘅粉絲，清爽嘅沙律，魷魚口感富有嚼勁。越食越開胃😇5. 東羅手打蝦棒（2件）$38熱辣辣的炸蝦棒 蝦味濃郁 Q彈爽口 作為小食份量剛剛好6. 香草蒜甘法包條 $42沒有想到竟然有西式的蒜蓉包 作為蒜蓉包控見到就一定要食 法包焗到脆卜卜 蒜蓉味濃郁 如果有蒜蓉控唔好錯過整體而言，這是一家無論味道、環境、賣相都好棒的餐廳，有機會一定會再來光顧！

收工同朋友食好嘢慰勞下自己🤣其實我地都好鍾意食泰國嘢今日就特登嚟裕民坊試一試呢間店😍環境好靚食物都好好味🥰.💎$58 泰式木瓜沙律先叫一個沙律做前菜木瓜分量很足，酸酸甜甜，配埋蕃茄仔同炸蒜粒一齊食十分開胃🙈.💎$68 泰館冬陰功湯食泰國嘢點少得冬陰功湯🤣上枱前無諗過甘足料，有兩隻大大隻嘅虎蝦，好多草菇同埋香料，頗辣，但好醒胃😆好香冬陰功味道.💎$32芒果紅菜頭米紙卷擺盤好靚好精緻，甜甜地又健康入面用料十足食落口感好豐富😍平時好少見芒果配米紙卷但芒果同紅菜頭無諗過係甘夾，好味又好清新😍.💎$38 東羅手打蟹棒外皮炸到好香口超脆🤣蟹肉仲keep 到好爽口，食得出係新鮮嘅蟹肉配埋泰式辣醬無得輸.💎$38脆炸豆腐配泰式魚露豆腐外表炸得好脆🤩入面又好軟滑配魚露同青檸汁好夾👍🏻.💎$148 泰南紅咖喱慢煮牛肋條牛肋條煮得好軟稔，亦都好入味，好鮮牛肉嘅香味惹味嘅咖喱如果可以配薄餅或者飯就更夾😆💎$58 泰館特調雪糕奶茶有兩種‘飲’法：可以就咁食雪條，亦都可以將雪條配奶茶一齊食，奶茶味非常香濃🍵.💎$42 手作花香斑蘭藍蝶豆花茶好夢幻嘅配色，啱哂打卡🤣再配上薰衣草糖漿，香味十足😇好睇又好飲😆

觀塘裕民坊商場新開了不少食肆，今天就來試試這道泰國美食-東羅 泰館。我們先點了2杯椰子沙沙，香濃細滑，甜度適中，實屬夏天消暑之選。小食分別有泰式鹹蛋黃單骨雞翼，份量足足有6支，鹹蛋黃均勻沾滿每支雞翼上，充滿鹹蛋香味，香脆可口。泰式咖喱配薄餅是必點之選，這家的薄餅非常有誠意，是手拉的薄餅，口感香脆，味道正宗，亦不會太油膩。配搭少少辣的香濃咖喱，令薄餅不會太乾身，配合得剛好。還有炭烤燒魷魚，在廚房新鮮大火炭烤，外脆內軟，魷魚肉質彈牙，配上特色醬汁，非常清新。正餐則選了巴東蟹肉炒飯配炭烤雞，由新鮮蟹肉、蔬菜、洋蔥、蛋等材料伴炒飯，分量十足。串燒肉質嫩滑，配上特色秘製醬汁，美味可口。甜品方面，美祿恐龍雪糕非常有東南亞特色，充滿美祿粉和可可脆片。提拉米蘇杯咖啡味非常濃郁，口感豐富。在疫情下能品嘗到正宗的泰國菜，非常滿足的一餐。

上星期去觀塘shopping，然後去裕民坊搵食。見到泰式菜餐廳 - 東羅 泰館，就決定入去食下先！芭堤雅炭烤脆燒雞 (半隻) $168推介之選！燒雞即叫即燒需時30分鐘，上枱時雞皮外層仲帶脆口，撕開雞肉滲出吾少肉汁添！雞肉口感嫩口啖啖肉，點埋旁邊既泰式醬汁，味道變得酸辣，瞬間變到泰國菜式。另外有沙律菜一齊食，可以減低油膩罪惡感。冬蔭功雞扒漢堡配薯條 $88同樣以雞黎做主，依款漢堡包既雞扒就相對上較細塊，麵包口感軟熟。連同番茄、菜、洋蔥、青瓜、芝士等配料食，味道幾夾。而粗薯條份量好多，即叫即炸，熱辣辣非常滿足！同樣跟有沙律菜flesh下。泰式炭烤雞髀船麵 $82雞髀被湯底浸濕，食落無左烤雞脆皮既感覺。雞髀size吾算太大隻，口感一樣甘嫩口。船麵幾爽口，但份量如二人share，略厭有點少。泰館特調雪條奶茶 $58先將熱奶加入杯中令奶滑淡奶雪條慢慢溶，再加入茶，茶本身吾會好濃，所以加入杯中後。整體奶味較重，口感香滑。Tiramisu $48依款Tiramisu吾似出面一層層，反而系一粒粒蛋糕仔既感覺。個人覺得甜品吾太突出，至於cream幾滑口；如果可以增加多啲甜味就perfect!

下班後約了家人在觀塘吃泰菜，選了這間在裕民坊的泰國菜，方便友人前來。店內淺色淡雅裝潢，很適合家庭聚會。泰式奶茶($48)，非常香滑香甜的奶茶，甜而不膩，奶味足夠，但不會蓋過茶的味道，是我喝過最好喝的泰式奶茶。泰館特調雪條奶茶($58)是另一款比較特別的奶茶，旁邊是一小碟熱牛奶。這種有點玩味的飲品，用來打卡很合適。奶茶上桌時，可先嚐未加牛奶的茶，加入熱牛奶後攪拌，雪條便會溶得比較快，而雪條溶化後不會令飲品味道變淡。東羅手打蝦棒(2件)($38)，蝦棒厚肉，能做到外脆內爽，拌點旁邊的甜辣醬，能突顯蝦的香口。炭烤燒魷魚($46)，有微微的炭烤味，魷魚彈牙有嚼勁，碟的底下有燭光盛著，保留魷魚的温度。泰式醬汁微辣微酸，突出魷魚的鮮味。炭烤肉眼牛丸船麵($88)，麵條份量多，吸滿湯汁，可兩人分享吃。牛丸肉味濃郁，非常彈牙，是這碗麵的亮點。炭烤肉眼有微微炭烤過後的香氣，香口帶點肉汁。巴東蟹肉炒飯，炭烤雞肉串($118)，能一次過品嚐飯和串燒，炒飯足夠兩人吃。蟹肉集中在頂層部分，雞肉外脆內嫩，擠點青檸汁在雞肉串上，更能提升其肉香。飯的鑊氣足，所以飯粒香口。最後以提拉米蘇杯($48)作結，杯底深，所以份