松坂日本料理 (已結業)

為家中長輩慶祝生日，在網上購買兩套「9 道菜尊貴活龍蝦、極級美國牛肉鐵板餐」共~HKD 1700並在一個月前訂位。用餐前兩天，突然收到餐廳告知活龍蝦供應不足，詢問能否改為四隻大蝦代替，不希望家中長輩失望的我當然不願意，他們亦說會在當日在街市買龍蝦。當天用餐有幾個非常失望的地方, 導致家中長輩未能盡興,十分失禮1) 份量太少，完餐後不飽肚餐單寫有九道菜, 可惜每一道菜份量極之少, 詳情請參考照片, 用餐後長輩表示並不飽肚(2) 並沒有活龍蝦展示我一度確認餐廳是否能夠提供活龍蝦，在他們答應後卻在用餐時沒有看見龍蝦, 鐵板師傅在鐵板處理的已經是切好的"龍蝦"，份量不但少, 味道一點也不鮮甜, 可以說是欺騙顧客(3) 店內裝修殘舊，服務態度一般整個鐵板過程不到半個鐘, 鐵板師傅已經完成所有菜式, 面對着鐵板師傅像是在廚房看普通廚師煮菜並沒有鐵板燒的氣氛。總括而言, 整個用餐感受以及食物質素很差, 根本不值得這個價錢，吃鐵板燒也是希望吃得開心和有那個氣氛，可惜在這個餐廳完全感受不到，希望他們能夠有所改進。

7點鐘到 得一兩個客同得一個樓面 但唔知點解好似好忙 完全冇招呼 一坐低 將濕紙巾個套部都係豉油同嚟咗兩杯茶 但凍嘅 到嗌食物 一個烏冬一個炒飯 嗌完個樓面真接走左去 想繼續叫 但侍應完全冇理會過 想食個幾樣都未嗌 直到上個烏冬同炒飯 我就即刻同佢講想要 雞腎 多春魚 佢又話等陣要睇吓有冇先 之後行埋黎話冇晒貨又走咗去 之後再叫返佢返嚟 再話想要 三人行樂圈 佢又話唔知有冇叫我等陣又走咗去 之後我再叫番佢返嚟話想要赤貝壽司 佢又話冇。。。。。。呢個時候已經好想起身走但無奈地個烏冬同炒飯已經上咗 想食嘅嘢完全食唔到 先唔講食物質素 服務已經好差好差 其二 你應該顧及客人需要先 唔係要客人三番四次嗌你埋嚟落單之後嗰樣冇嗰樣冇 嗌乜無乜 個體驗真係非常非常差食物質素麻麻 又唔能夠講差 但同大型連鎖店 板x相比 本人認為後者比較好 價格仲要平過哩度幾倍 好老實冇第二次 下次朋友們你地黎之前真係最好問定佢乜野冇貨。。。真係好失望服務態度真係可以用垃圾形容

因為去千禧新世界酒店Staycation, 見到HKTVMALL 有這一間日本餐廳 套餐推廣。有鮑魚, 龍蝦, 鵝肝多士, 牛肉薄燒, 炒飯, 炒雜菜, 龍蝦頭烏冬, 紅豆雪糕, 兩位加一 都係750蚊, 真係好抵食, 姑且去試下, 竟然意外大驚喜! 鮑魚和龍蝦雖然細小小 但係極之鮮甜, 鵝肝多士, 鵝肝入口香濃, 一試難忘. 牛肉薄燒都唔錯, 最驚喜係龍蝦頭烏冬, 湯底極之鮮甜. 鐵板師傅喺面前預備食材, 真係好療癒. 疫情之下, 大搞促銷推廣, 食物冇將貨就價, 我平時唔多寫食評, 但係對於已經經營四十多年嘅老牌子店舖, 真係要多多支持, 大家共渡時艱!

八月在hktv買定coupon, 為老公慶祝生日。剛入店老公有点猶疑，因為餐廳裝修是時光停留在8、90年代似的，我們晚上六点到，餐廳未有其他人。但廚師開始在鐵板上煮食時，我們的信心番晒嚟，因為親眼見廚師在魚缸撈龍蝦，雖然不大隻，但是夠新鮮夠誠意。另外，又厚又脆的鵝肝是好正，老公好開心。本餐比其他鐵板燒餐廳不算是大魚大肉，但每樣都有d, 又好味，性價比高。最後有炒菜、炒飯和烏東填飽，肚子沒有超負荷。飯後還有一球似係movenpick的朱古力雪糕真是開心。

This is definitely the best meal I’ve had in 2020🤩My family brought me here since I was little, this place reminds me of some sweet memories with my fam👫👩‍👩‍👧everything is always so good and fresh, especially the wagyu 🥩 and prawn🦐 ! Had a really great experience here once again👍🏻 they usually have three choices of ice cream, matcha, sesame and tofu. They’re all my faves🍨

某網購平台有口罩賣，但要湊夠一定金額先免費送貨，順手買張團購券食吓飯。疫情底下，元宵佳節，只有兩檯客。開業40多年，見證尖東由紙醉金迷、到冷冷清清。老派裝修、傳統的餐單、「偏僻」的地點，看來吸引新客也不容易。熟客和食物質素，應該是繼續支撐此店的僅有原因。套餐有活龍蝦同鮑魚。鮑魚及煎鵝肝多士，老派做法不加醬料/ 配料。真材實料，但老實講好膩。龍蝦，鮮味彈牙，證明係新鮮貨。鐵板牛肉配炸蒜頭，不錯。好貼心，用龍蝦頭熬湯做烏冬，非常清甜。油膩肉類後的一股清泉。炒菜。一般都是我食 teppanyaki 的最愛，這裡沒有失望。炒飯。粒粒分明，夠功架。最後送雪糕。坦白講，600幾蚊一個2人餐，真係好好好抵。大時大節，經理特准免收開瓶費，更加開懷。有機會一定要再支持。加油，頂住啊！

另一半很喜歡研究怎樣煮食物，因此他生日便帶他來到松坂吃鐵板燒 (Teppanyaki)，味覺能享受之外，更能欣賞師傅精煉的技術，帶來視覺的享受是晚同時段只有我和另一半，所以像是獨立請了師傅為我們炮製鐵板料理，感覺很不錯呢！ 我們坐下後，餐廳才開始準備食材，確保食料新鮮 然後在師傳在開鐵板預熱時再提供熱茶，醬料及前菜前菜是平常在日式料理吃到的螺肉前菜，但松坂的螺肉更加大粒，亦雪藏得夠冷，很不錯的開始 師傅的功力很不錯！！先煮的有新鮮鮑魚及鵝肝多士鮑魚真的新鮮然後生熟及調味也是剛剛好鵝肝多士用原塊鵝肝切片再煎香，多士亦是即場用鐵板煎脆，真的很不得了！！很有衝動再即時散叫多一份龍蝦亦很新鮮，然後生熟程度師傅真的處理得很好看著師傅用鐵板鏟為龍蝦除殼看得我和另一半目定口呆 我快以為我另一半因為師傅的鐵板技術而愛上師傅了牛肉薄切，我們要求了五成熟，師傅又做得剛剛好 薄切裡有預先爆香的葱及蒜，更加突出了牛肉的香味 炒飯，粒粒分明，"鑊"氣十足，然後我很喜歡炒飯內的蝦(應該是櫻花蝦乾?) 炒雜菜用龍蝦頭煮的烏冬，應是木魚湯底，如果烏冬是巑岐烏冬就更好 本來會擔心胃口大開的另一半會不夠吃，但他說吃完烏冬

喺尖沙咀完咗開會之後，我哋一群同事就去搵午餐食竟然俾我哋喺尖沙咀搵到一間可以容納我哋咁多人，就試吓啦佢有午市特價套餐，侍應哥哥話晚餐都係一樣，不過價錢就係一倍，所以佢話好抵食喎🤣我就嗌左雞扒烏冬，呢個餐有湯有沙律同埋三件壽司，仲有雪糕烏冬夠熱，雞扒我就略嫌佢細件咗少少但係佢個味道都係Okay嘅蟹子沙律同個湯基本野不過我個三件壽司就好似普普通通，似係迴轉壽司啲質素不過我見其他同事個餐都唔錯尤其是天婦羅，我有食過一件炸得唔錯天婦羅塊皮夠薄👍🏻另外佢個甜品係雪糕而唔係雪糕糯米糍有啲驚喜👍🏻不過想講侍應服務好好👍🏻👍🏻唔知關唔關我哋一大棚人事呢😆😆

一直都知道南洋中心UG有間日本菜, 但係未試過幫襯, 偶然機會之下, 今日午餐安排左去呢間餐廳~ 我本身都好中意食日本菜, 一入去見到全場full house! 好彩一早訂左位, 入左個小廂房, 好有和風特色. 午餐餐牌有好多好多選擇, 絕大部份都只係 $80左右一個set. 除左壽司定食, 刺身定食, 亦都有拉麵選擇. 對於有選擇困難症既我黎講有點吃力 最後我地叫左 西京燒鱈魚和薄燒牛! 喜出望外的好味! 我地另外點了一份三文魚腩, 亦都非常鮮味! 下次會再幫襯~

魚生刺生新鮮，環境服務一流，價錢抵食，三五知己吹水好地方，食物材料有水準，款式多，下次再帶屋企人黎食過。甜蝦，海膽一份唔夠喉，要一叫再叫，實在太鮮甜美味，雪糕又滑又濃，如果係附近返屋，一定係飯堂之選之前已經好想試，終於今日黎咗試，沒想到這價錢有咁好質數既日本菜食，感受到用心整作既一間日本餐廳。員工服務態度好，又有耐性，又坐得舒服。下次帶媽媽來吃，佢一定同我一樣勁鍾意呢間日本餐廳今次太飽，下次要試埋佢地個曼魚先。:

無意中發現這間餐館有火鍋，於是便二話不說去嘗試了，一來就選了美國牛肉清湯火鍋，真的是清湯火鍋才可以食到食材的新鮮程度，雖然食材都新鮮，但本人後悔點了這個清湯火鍋，真的非常清淡，不太適合本人，不是喜歡清淡的人最好不要點清湯火鍋，美國牛肉雖然新鮮，但質感比較粗糙不滑，而麵豉湯就稍為令我失望，味道不差但聞到洗潔精味，這讓人胃口大減，另外本來想點多個鐵板燒日本魷魚的，誰不知道竟然沒有貨，被迫點了其它，在難以選擇的情況下點了鐵板燒牛仔骨，味道太一般了，到底應該點些什麼才能吸引到本人再次光臨呢？

公司喺松坂附近，所以成日都會同幾個同事過黎食嘢. 要贊嘅係佢個lunch special 真係唔錯。價錢方面$78，啲魚生好新鮮，仲有雪糕同湯送. 我哋有時都會打電話去問下有咩食先（因為佢哋個lunch bento 日日都唔同), 如果啱，我哋都會訂定幾份同順便留埋位. 開頭唔知可以訂定，有兩次去到先知賣曬! 同埋lunch好多人，有時都要等一陣. 所以俾大家個tips係打電話訂位同訂定個bento!!

依間嘢喺正我住間酒店對面，見幾方便又肚餓末去醫肚囉. 開始見到D reviews 好似麻麻地，都有D驚驚地，不過真係好肚餓末是但囉!入到去間鋪好有D舊日本feel，幾得意！個waiter 問我哋食和食定鐵板，我媽咪簡咗鐵板，之後就入咗鐵板房食。個格局好似美國嘅Benihana,D人圍住坐，中間有個鐵板師父幫你炒炒炒。仲有D噴🔥表演。味道:好味！好味過Benihana! 媽咪最鐘意個蝦，我就最鐘意個和牛！估唔到俾我哋亂撞都食到間咁好味嘅日本鐵板！本小姐幾滿意，所以俾個like你！

今日落雨, 近近地搵間餐廳係公司附近食...叫左2個午餐~因為門口寫住精選!試下啦!包括三文魚海胆飯同埋一個便當!每人前菜都會有麵豉湯!好鹹呀! 真係好鹹...而三文魚海胆飯餐, 仲有個沙律!三文魚份量都多,亦新鮮, 但海胆得幾粒..比較深色! 好似麻麻...仲有蟹子,甜蝦, 玉子, 蟹柳..同埋好多紫薑...唔知點解落咁多紫薑....飯都唔知做乜好甜... 好似有沙糖咁...而沙律一般...係好多青瓜...而個便當入面包括雜錦刺身,大根煮豬軟骨, 炸三文魚, 鰻魚炒飯....刺身方面都OK 新鮮, 不過不失...而豬軟骨都整得好淋又入味...炸三文魚...有點油....鰻魚炒飯炒得夠乾身, 但味唔夠濃..鐘意淡淡地既人就啱哂! ...仲有雪糕送! 總括餐唔算抵食! 分別出$77同$87 一個餐..仲要加一!但質素一般而己...

星期五晚與友人行開尖東。由於友人想食日本野但自己唔熟附近，所以上openrice找到呢間餐廳。在門口見到見到有放題。因為大家都太肚餓，所以決定一試。放題張order紙有3頁(第一頁係生食類、第二頁係熟食、第三頁係甜品)，來來去去都係得幾款配搭。例如係三文魚刺身、三文魚壽司、三文魚手捲。無奈之下揀了幾款。刺身份量ok, 唔會話好細片好薄，但唔新鮮。我估雪左好耐先解凍。友人食完話三文魚完全冇味。炸物好多油好多粉。唯一可取是串燒。d燒雞腎幾香，如果用黎送酒一流。可惜冇酒。那晚全場只有大約十台，d侍應好得閒。所以收碟好快，一夾起最後一件就行埋黎收碟。總括來說以咁ge質素去其他地於食應該100蚊左右可以食到飽(當然不是放題)。果晚就每人連加一$251。真係貴得好離譜。其實食放題是志在食物選擇多，可以乜都試下。好味ge又可以再叫過，但今次就真係好失望。