松山日式放題 (已結業)

今日我家奶奶大壽，最愛大吃大喝的老爺提議食放題，於是我膽粗粗建議尖沙咀松山！原因是五月份左右與好友聚舊時已幫襯過一次，嗰次已經覺得唔錯，因為有生蠔，蟹腳，帶子等任食 而且服務一流，所以印象幾好！不過好多時d放題都係第一次好，下次再去就水準十級下降，所以今次都擔心會失望，掃老爺奶奶生日雅興。。。好彩今次不但無失望仲喜出望外，因為生蠔，刺身全部都上得好快，無漏單，仲要件件都切得大大件，又新鮮 壽司都做得好好，上面件魚生都超大件，絕無欺場，返叫咗幾轉都一樣好質素！熟食方面，我哋最欣賞個"蝦兵蟹蓋”，好食之餘仲有Q版外形，另外羊鞍都唔錯，唔"穌"又唔"un" ,天婦羅都ok,舊蝦唔會梅淋淋！另外，最值得一提係服務員，個個都主動收碟，加茶，其中有一位上咗年紀嘅叔叔十分勤力，又友善又會主動推介食物，睇得出叔叔好有心，好想做好份工，真心覺得好服務！希望我下次再幫襯松山，可以keep到水準，包括食物同員工！好開心屋企人對今餐滿意

簡單來說, 原本想快手搵間正常的放題食, 不幸之前被另一間欺騙了, 好彩我們無食到,跟住即時來這間,不用等位, 食物質素不錯, 一坐低已有刺身及生蠔,松葉蟹等整體食物幾好,串燒粟米和菠蘿好正刺身帆立貝好味, 不過三文魚唔夠肥~壽司好味不過最令我欣賞的係他們的伙計好自動波收野送野印象最深刻是有一位很老的伙計伯伯, 我叫佢應該有65歲或以上唔知咩原因都好, 老有所為, 佢無恃老買老, 做野快手,當然我很尊敬他, 還與他談了幾句問佢幾歲, 佢仲講笑話49歲,又話35歲, 哈哈~支持肯聘請老友記的食店~亦希望老闆及食客善待及鼓勵他們~!

老公下6點多才突然說想吃日式放題...尖沙咀Walk In太有難度吧..連問幾間終於找到一間...我已經餓到走不動，菜單也不看直接坐下。服務員率先提議幫我們下單一盤刺身拼盤，好吧。沒想到有生蠔呢，那堆插花是希望食客拍照?我們的座位看到作業位置，是即開生蠔，大隻肉厚，不過味道較淡欠鮮甜。有長腳蟹是驚喜吧，雖然不粗壯，但算是有點鮮味。三文魚沒什麼油脂，一點也不好吃，不吃也罷。單點生蠔拼盤每回合根據人數一人一隻，寫1寫10也是一樣，蟹腳只可以跟生蠔拼盤一起上，不設單點，聽到有客人說她們其中一人不吃生蠔，請求只放一隻，服務員說一定要按人數，放少一隻也不可以，原因不明。另外一定要吃光生蠔蟹腳才可以重新下單。其他刺身方面，有帆立貝，OK新鮮，生蝦及蟹捧亦OK。壽司只點了一款，鰻魚普通吧，壽司飯比較難食。八爪魚很大隻，肉感非常，照片中是一隻份量。值得大讚是芝士年糕， 一般餐廳外層是炸的，這間是煎的，重點是非常美味，雖然是易飽食物自己也忍不住吃3大粒。汁燒牛舌很一般，沒有期待的爽脆。一口牛比較差。釀蟹蓋還可以。軟殼蟹有點肉，過得去。一堆炸物，吉列炸蠔不錯， 炸漿不厚肉算多，天婦羅炸漿味道正常，而且也不

松山日式放題 Matsuyama Japanese Restaurant 環境裝修★★★★☆ (地方算大，好坐)食物★★★★☆ (對比樓下青葉 好食！)剌身ok! 沙律 ok! 有蠔送(蠔唔太新鮮)! 有雪糕 正!!!!一分錢一分貨，絕不能抱太大期望

提早book位, 接電話位叔叔非常清晰地講解收費內容及重複預訂日期及時間,絕無趕收線既心態,當日入座時間8點半, 但早到8點上到去可以提早入座, 餐廳面積相比其他放題餐廳較細,野食方面大部分都到齊, 好少漏單, 食物方面, 刺身肥厚, 生蠔激鮮甜, 不過必須跟長腳蟹一齊叫,當日既長腳蟹有d咸, 而且同行友人唔食, 所以只叫了2-3次呢個生蠔及長腳蟹組合而成既海鮮拼盤,大部分食物overall都好食, 而最難得既就係服務態度一流, 絕對係下次約朋友食飯既放題選擇~

此餐廳坐落於厚福街街尾既H8銀座式商場，全棟樓基本上九成以上都係食肆，競爭十分激烈。淨係呢度已經有好幾間放題餐廳，如果食物質素唔得既話一定好難做落去！Anyway，星期五黃金時段收$208一位既價位倘可接受。本來加$20可以無限任食埋生蠔添，不過從來好少喺唔熟悉既餐廳食呢D高危食物既我一口拒絕。雖然真係好抵，但係現場所見好多人食完第一round之後都冇再refill！食物種類唔算太多，除左指定動作好似壽司、炸物、刺身等等之外，重有平時俾較少見既好似蕃茄餃子同埋燒菠蘿咁！蕃茄餃子非常特別，喺煎餃上面淋上一層薄薄既芝士layer，而鍋底亦都有一層蕃茄醬，酸酸地又帶少少甜既感覺非常特別！燒菠蘿非常之juicy，用火將菠蘿既表面燒一燒之後令佢非常香脆，而入口既時候亦都因為咁而可以鎖住裏面既菠蘿汁，口感非常之正！刺身方面坦白講非常一般，大路野好似三文魚、甜蝦、蟹棒、八爪魚等全部都有，但再比較貴D既貨式就冇喇！口感方面都算新鮮，只可惜食材既質素真係非常一般，勉強只可以叫做比上不足、比下有餘，亦可能因為咁好多人都係叫左第一round就再冇encore！天婦羅算叫做交到功課，炸粉唔算太厚身，亦都唔會好

一大伙人飯聚，日式放題一向是一個不錯的選擇，因為有多款食物的選擇，任飲任食，大家可以各自各選擇自己喜歡的食物。我們這一班朋友仔，幾乎每個月也有一次放題飯聚，這個月的聚會ENCORE幫襯松山。對上一次來松山吃放題大概是半年前，當時印象是這店的刺生非常新鮮，壽司亦做得很精緻，熟食亦不錯，海鮮拼盤內有生蠔，最難忘是當時可以上網下單，可以每位食客各自按手機上網看餐牌。這一次再來松山，電子下單服務沒有了，換上是大大小小的落單紙。價錢方面，亦比之前貴了大概二十元。至於海鮮拼盤中，本來吸引的生蠔沒有了，換上的是龍蝦。朋友預先的訂了六位，來到時是四張枱八個位子，起碼平約每人的空間亦較多。因為夜了一點收工，比約定時間遲了約十五分鐘，友人先下了第一ROUND的單。吃放題，要食到「回本」，當然少不是大量的刺生。我是個無魚不歡的人，生的、熟的；蒸、炒、煮、炸；中式、日式、西式的，無論怎樣的烹調方法，只要是魚，我都愛吃，其中刺生是我的第二最愛，只有最高級別、新鮮的食材才可以當刺生處理，所以我一直都喜歡吃魚生刺生。這裡的刺生選擇不少，必定有的三文魚、甜蝦、希靈魚當然不會少，另外還有劍魚腩、蟹子魷魚、鮑魚片、蟹柳、

今次是2013年第三次到松山, 第一次年頭, 第二次五月時 Mother Day 來食, 11月今次第三次, 說真的今次食物, 飲品種類下降左, 沒有我最愛的提子汁, 綠茶, 刺身水準也下降了, 劍魚腩第二轉的不是腩位, 沒有了玉子刺身供應,       但海鮮拼盤大螺和龍蝦很好, 很新鮮大隻, 但我建議可以刪走青口, 因為不好此款, 刺身質素仲 keep 到, 7 味蝦很大隻, 鮮甜, 但燒物如牛舌, 牛肉粒叫了幾次也不出現, 最後只出一碟, 服務水準也要改善, 起碼要 keep 到開業之初, 芝士餃子係一個 suprise , 新款食物, 很香, 剛剛好, 汁也美味松山曾是我喜愛放題之一, 希望能夠回復年頭年中開業水平, 努力

I was having a rough day at work so my friend took me to this Japanese all-you-can-eat-buffet. I was a bit too tired to eat, especially after seeing all the patrons packed into this tiny spice with tables just inches away from each other. However, after I realized they had all-you-can-eat OYSTERS, my mood completely changed! First off, there really isn't much space in this restaurant. My friend and I were basically sitting with another couple at the same table. I had to wiggle my table a bit awa

本想於同大廈試另一家放題的, 可惜已被包場, 剩下的選擇不多, 我們想吃好的東西, 於是選了這家價錢相比是最貴又處於最高層的放題餐廳看見枱面上的點菜紙後, 十分失望, 選擇真的很少三文魚 - 夠肥美, 夠香, ok甜蝦 - 肉少, 不甜美, 還要客人自行去殼, 很少見榮螺 - 爽口彈牙, 但沒味帶子 - 一開四的薄片, 看似很吝嗇, 吃下沒質感, 亦沒味雞翼美味又入味, 很多肉, 不像一般日式雞翼, 脆皮等了又等, 是需時較久的食物, 意外地是很好吃的, 牛肉彈牙又香口, 最美味的熱食清而美味的湯底, 不錯, 各式不同的菇都煮得夠了, 很軟滑很有味, 加上少許蔬菜及透明麵條, 都算不錯之選!

睇完鴨仔去搵野食，上fb睇到fd介紹呢間放題就試佢一試-松山上到去見到環境都0K，店員好快安排我地入座，第一轉叫左好多魚生，黎到真係咁多!正正正跟住生蠔拼盤（超抵食）x4轉壽司都5錯，有禾牛、帶子、海膽甜蝦之後叫左D熱食，一口牛味道5錯，不過好多油，天婦羅都0K喇，有個什菌煲又幾正（D湯都飲理）串燒就要食羊架、牛利（好淋）、芝士年糕（好芝士）其他就一般般冇咩特別雪糕都任食，不過要自己出去攞!伙記都好好笑容5錯!呢餐都幾滿意，fd都冇介紹錯!

朋友上星期食過!推介依間餐廳!所以都對依間餐廳幾大期望!可惜每次有期望都必定失望! 唉~Book左1830!上到去地方不大，一出升降機已經係餐檯，位同位之間都算ok寬闊!依個鐘數可能仲早啩!計埋我地都係3檯客!但係一坐低…omg…好少野食點，得幾張紙，選擇不多，而且野食只係包一罐汽水或綠茶，無Order紙就咁叫!首先到左既係生蠔海鮮拼盤!見個生蠔樣好似幾得，當然立即食啦!點知好多沙殼，吐出黎時比服務員見到，佢好醒目比番2隻生蠔我，點知都係好多沙殼，第一反應勁吐!唉!!!而其餘既青口同蝦都唔鮮唔好味!!之後刺身到啦! 個樣好似ok喎，都有擺過下!整體第一round既刺身都可以!三文魚都幾好味幾肥美，蟹子魷魚，醋青魚同帶子都可以，其他都一般，甜蝦好細隻，八爪魚係未食過咁韌，點都咬唔開，比橡筋仲要韌!!壽司唔敢叫多，只係叫左海膽甜蝦同鰻魚，都係麻麻地，海膽好似紅豆咁大，好名貴喔…到熱食啦! 芝士焗餃子幾好味，好濃既蕃茄醬，不過芝士無咩味!雞翼同粟米都無咩味而且好乾，唔好味!炸蠔都可以既，不過唔會再叫，無咩特別!蘑菇魚餅同吉列元貝賣相ok，剛剛炸起好熱氣，幾好味，蘑菇魚餅只係蘑菇形狀既魚餅，配

之前聽個朋友講話呢間幾好食,上到黎又比其他食評家誤導(以為海膽刺身就算無得任食都會起碼一人送一份...我認我天真),所以咪黎試下,點知...選擇少唔在講,既然種類唔多,起碼啲野食都應該好食先啦,話曬你都收緊人地一個唔平既價錢(出旺角起碼平一舊,仲要有任飲),你比啲咁既野人地食,仲要每人送一觀野飲咁多...先黎左個海鮮拼盤迫人叫一set都算(姐係有得任食,但無得散點),咁你都比啲新鮮野人地食丫,除左個生蠔入得口之外,個蝦又硬,個螺又有怪味,個青口仲...放唔到入口跟住黎左啲刺身三文魚hea切,我算~凡立貝刺身叫做成餐最好食既野,所以之後係咁叫,個蝦都鮮既,不過個蝦殼仲喺度,要自己搣,唉,仲差過去酒樓食蝦-.-牛肉粒,叫做入得口,完全無驚喜雞軟骨加軟殼蟹,難食之後點左樣叫"燒魚"既物體,心諗起碼都燒鯖魚啦,點知=.=自己睇啦,我唔想再講跟住叫左碟"炒雜菜",呢個真係伏中之伏,啲菜得一款,又學人叫雜,都算啦~我地得兩個人你比碟勁大碟既我,你咩居心好明顯啦最後無野好食之下又叫返啲刺身,但係切到一粒粒咁,食牛咩依家,無心唔好學人做啦,仲要咬落去勁多筋,收得人呢個價錢你起碼比返啲正常野人地食丫總括

一向對放題都不太有興趣，但太太的朋友極力推介，姑且一試。當天訂了位一到就有位，坐下待應說明只食兩個鐘，我先要了飲品熱的日本清酒，之後太太就入紙點食物，同時待應亦上了他們送的汁煮鮑魚，生蠔及青螺，還有一盆魚生跟海膽刺身。汁煮鮑魚 : 汁的濃度剛剛好，鮑魚入囗夠彈性，有咬口，不錯海膽刺身 : 香，濃，鮮，充份滿足食海膽人仕的要求生蠔 : 新鮮，甜美，尚帶半點海水的味道，證明百份百新鮮青螺 : 這個比較普通，沒什麼特別，但還算新鮮魚生盆 : 其中的牡丹蝦也不錯，入囗夠爽，蝦頭的糕亦香，其他魚生亦新鮮，但驚喜就沒有了之後，太太再加點了熱食，當中的炸蠔，一口牛和芝士年糕都有水準，其他如壽司，薯餅，燒羊肉和串燒等也算做得不錯。炸蠔 : 炸粉不厚，剛到好處，令炸蠔入口夠脆一囗牛 : 雖不是和牛，但牛味也不錯芝士年糕 : 入口咬下去黏黏的但並不是糊口，中間芝士非常香濃總括來說，這店是我食放題以來，感到食物質素有水準不像一般放題，供應食品只是希望你填飽肚，早點走，不注重食物質素。

屋企人一早話想食E間..聽朋友講話唔錯BOOK左位...地方唔大但可能個日冇乜人..坐得幾舒服刺身好厚, 最緊要係真係好夠凍!甜蝦好大隻但唔知點解有埋殼!平時食開都冇~有生蠔海蝦同螺叫...但一定要一SET..如果有得分開嗌就好喇!!生蠔好肥好大隻..但個人認為有小小腥!熟食都還可以..個牛柳好好味 其他燒物炸物正常..但個鳥冬完全冇味--奇怪既係..冇任飲反而有雪糕任食!PS:::::佢個廁所好乾淨..女廁有埋HANDCREAM同香水..男廁有埋GEL很貼心..雖然唔知你會唔會用..HAHA