松記糖水店 (已搬遷) 新店位置

食完餐壽司，就黎食糖水。見到門口有人龍，不過攞左飛一陣就有位啦。我叫左個summer，好鐘意佢個名！雪糕揀左曲奇同朱古力。有芒果汁淋ｏ係面，生果係新鮮貨，整個甜品都幾豐富，家人要了（好似叫）幻彩杯杯冰同馬蹄露，再要多個糖不甩。糖不甩熱熱地，加埋花生，又幾好食喎！佢地既糖水都覺得幾好食，不過雪糕溶得好快，要食快ｏ的，唔係就會變左一攤水。雖然好忙，但服務都幾好，雖然係迫少少，不過都可以接受。朋友話覺得幾普通，我又覺得中式甜品黎黎去去都係果d配搭，唔似得西式甜品咁多花款，所以要創新都唔係咁易。但松記又幾岩我心水食完糖水心情都靚返ｏ的，補返餐之前果餐

用完老牌餐廳的晚膳，與朋友到佐敦松記食甜品。原來朋友是沒有到過的，所以他看到我要幻彩明珠，他也要多一客同樣的甜品。松記的幻彩朋珠材料配合得宜，裏面有芒果、西瓜、奇異果、涼粉、蜜瓜、西米、透明大粒珍珠等及在上面淋上極濃芒果汁，最後可以加上淡奶。朋友嘗試後，都讚好味道。

吃完晚飯，例牌來個糖水，老友食家事先聲明唔去食"king of 湯丸"。哈哈...就算你話去小弟都唔肯過你la...都係來呢度穩陣D，話晒食慣食熟ma。話雖如此，實際上小弟都係第一次來佐敦分店(深水埗總壇就食過N咁多次)，兩間水準應該唔會有太大分別嘅...嚟親都係獨沽兩味--- 雪山及六寶湯丸。天氣熱，選擇咗久未品嘗嘅雪山...大粒西米及丸子加上椰汁糕，成碗嘢白雪雪，配上碎曲奇雪糕本來係絕配，偏偏今次不倫不類要咗個芝蔴，大煞風景...不過，食落依然透心涼，味道亦依然不錯...望落去size好似細碗咗，而價錢亦作相應調整，公道吖...

本身係好鐘意食"哈囉",係4月20日晚約9:30PM去到食,去到時唔洗等位,叫左哈囉同幻彩明珠,兩樣都好味,一食完佢地就執野,之後朋友問佢要三杯水,佢即刻答話D水未滾WOR(兩次),之後佢就話多謝$30蚊,即刻放份MENU o係台面,幾快呀,出面都唔係好多人等, 我地食左都係約15分鐘.之前o係長沙灣總店叫過水都唔係禁.

吃過晚飯,當然意猶未盡,要找點甜的填飽肚子。也當然地,剛才沒去吃拉麵,也有點不甘心,決意帶友人到松記吃平靚正的糖水。我們由旺角怒行至油麻地,兩位友人怨言甚多..哈。但我卻堅持吃過後她倆會覺得值得...油麻地的分店我也只是來過一次,幸好尋覓了一會終於找到松記!!每次來都會試不同的甜品,之前試了幻彩明珠,雪山,今次是SUMMER(雪糕要曲奇,朱古力味)。友人要了雪糕豆腐花(雲呢拿),楊枝甘露。SUMMER的賣相令兩位友人"嘩嘩聲",真的很美。而味道方面,當然沒我們失望,真是好吃的。生果很新鮮,雪糕也夠凍,也會問我們加忌廉奶與否,很貼心的做法。而友人的豆腐花,楊枝甘露也是獲得好評。之後吃光了甜品,光坐著談了很久也沒人刻意趕我們走。只是被友人警告,下次不要再拐帶她們...哈哈!!下次記得乘MTR到油麻地才下車就好了。

我去松記食過Summer﹑幻彩明珠﹑湯圓summer有好多生果,,都算係幾healthy!配上芒果醬﹑奶﹑同雪糕,真係好好味入面仲有d一粒粒既珍珠,幾有"趙"頭顏色鮮艷~~消暑佳品食甜品永遠比人一種幸福既感覺~幻彩明珠同summer差唔多,不過冇左ice cream湯圓有幾款~奶王﹑綠茶紅豆﹑basic的芝麻﹑花生都有.自家造的,口感唔錯~!湯底都係最basic的薑糖湯松記價錢都算平,summer 一客$18,食完會飽左~食過幾次,叫佢加多d奶佢都唔會reject不過有一次叫staff加多d奶,話多奶要加$2,不過只係果次,,每次到佐敦,都會諗起松起同澳洲牛奶公司!已經成為習慣喇~

3/4/2008同女朋友食完晚飯之後，由尖沙咀行到o黎呢度食糖水。我點了幻彩明珠，女朋友點了合桃糊。試了一口合桃糊，唔夠香。而幻彩明珠，滿滿的一碗，很多生果。但配搭上來，唔夠香，無乜甜味。單看價錢，幾抵食。下次要試下第二樣。

早兩晚去完廟街食野之後黎左松記, 原來好多朋友都覺得佢好食我叫左一個雲石豆腐花, 即係芝麻豆腐花. 個外型做到真係好似雲石咁, 好滑的樣子. 一入口仲好香芝麻味!!正!! 又唔會太甜. 個芝麻味又唔會搶左豆腐花味, 總之就恰到好處~ 之後大家仲叫左個ck酥黎share, 好脆!!好新鮮!d cream又唔會太"漏". 好好食~~最驚訝就係d野食收得一d都唔算貴wor!!!唔會出左名就貴一貴.正~

哈哈，經過朋友仔不停推介終於去食lu~嘩，一去到，呆了。超多人等，好在，等了一陣，就有位了。都唔算等了好耐叫左出名既summer同lai 蜜冰冰個summer上面，可以揀雪糕要左曲奇同雲呢拿不錯。但無我朋友仔講到咁好食。個lai 蜜冰冰唔錯好多冰，好多糖槳好大碗，有奶比你加不過，真係好大，食到個人打震總結，不錯，但唔係d人講到咁好食我覺得同芝麻綠豆差唔多不過松記就真係平d既

去左食松記糖水.食左咁多次.第一次覺得有d失望.可能係因為期望太大啦.個summer真係細左少少.以前大好多.失望.味道方面都好似今不如昔.

是晚頗熱，叫了個Summer涼一涼，再加西瓜冰，絕對消暑。Summer的雪糕不錯，應該不是最便宜的那一種；不過我們覺得整體來說仍是比較甜了一點；西瓜冰很大杯，冰和汁份量剛好。埋單才36元，抵食，怪不得晚晚長龍啦。

記得2~3年前未搬個陣, 不時都係食完lunch黎松記食甜品ga~個陣d 湯圓好好味, 特別係綠茶奶皇湯圓同紫米奶皇湯圓, 因為食落真係食得出綠茶周紫米既味道但近排同朋友於附近食飯, 記得松記好正, 特登拉朋友黎食甜品我地首先叫左Summer 同幻彩明珠珠, 兩款都幾好味係食到一半先記得依度d 湯圓好味, 就算爆肚我地都叫左一碗綠茶紫米兩溝一黎到我地即刻"畢"柆綠茶湯圓黎食, 但食落就知有問題, d 皮冇晒味....... 好似粒普通奶皇湯圓但俾人染左色咁...... 依個時候再試紫米湯圓, 情況一樣...... 食完仲要俾個fd 埋怨=="其實間舖d 裝修, 侍應服務態度都同以前一樣唔錯格但係點解d 湯圓變得咁差ga~個喊面淨係俾個d 變左質既湯圓希望有關人仕睇完可以改善返啦!!!!

尋晚食完飯後, 心思思想食甜品, 忽然間想起呢度, 由於都好耐冇去, 所以決定一試!去到唔算太多人, 可能係早關係, 唔使等就有位! 入到去d坐位都幾逼, 不過唔理咁多, 睇下有咩食先, 最後師傅都係決定要幻彩明珠! 幻彩明珠果然好幻彩下, 紅紅黃黃, 好靚好吸引, 有西瓜, 果等, 好大碟, 生果都幾甜, 果汁底酸酸地好味好醒晨, 而佢d大西米特別好味, 煙煙韌韌, 好有口感, 加上涼粉又唔苦, 好有咬口, 如果成個甜品再凍d就更加好味喇! 總括黎講咁大碟甜品都叫抵食, 唔多人黎呢度食個甜品都算係一種享受, 如果要排大長龍師傅我就一定唔制喇! 食完個甜品後, 師傅我就帶住好滿意笑容同好滿足心情離開喇!

食開深水涉今次同阿媽行過依然係食至愛的幻彩明珠都係一樣咁有水準阿媽食Hello好似渣渣咁佢都話好好味唔太甜好健康其他至愛的有:鮮什果明珠芒果布甸椰纖果黑珍珠冰燕琉璃Summer楊枝甘露

2008年3月11日晚上10:30 已經經過呢間野幾次, 次次都好多人, 所以唔鬼等, 心想總有一日佢會少人D, 無喎…身為港島人, 我地好少去九龍架, 今次唯有等等等! 門口有十幾人等緊, 我同沙牛男友都唸住要等半個鐘架啦…點知…佢話兩個即有, ! 禁好彩我無帶OPENRICE資料去, 不過記憶中大家推介“幻彩明珠”, 不過SEE SEE個圖, 唔ARM我, 我唔鐘意食新派甜品, 尤其係生果撈糖水, 我總係覺得生果本身禁甜禁有益, 點解要加糖水, 齋食生果咪得o羅!沙牛男友想食椰汁海底椰西米(凍), 我話“你又要埋d所有都係罐頭o野!”. 點知好好味啊! 椰汁係新鮮果d味, 同其他料好match啊! SORRY! 鬧錯沙牛男友添!我就要左紫米奶皇湯丸, 姐姐話係薑水上, ARM曬我! 嘩! 薑味夠又夠熱, 已經比佢90分, 個湯丸, 好好味啊! 個皮又薄, 個心又香, 甜味適中.佢重要平喎! 我記得一個18, 一個16 (好似係!)兩個人一致總結: “抵佢禁多人幫襯!”一定有下次啦! 重有好多想試! 我心目中的甜品鋪排名三甲(不分先後) 將軍澳聰嫂, 佐敦松記,