松記糖水店 (已搬遷) 新店位置

好老實講，如果呢個食評係一年前寫我一定比好評佢，可惜在通脹情況下，呢間由初初我第一次係東沙島街幫襯開到佢係美居麥當勞對面開，後來又一拆二，後面青山道果間所謂“同門親戚”又開一間（情況就有如海天堂都有鬍鬚佬同大家姐），而家又搬到去總店斜對面，“老店”佐敦開完到附近營盤街又再開，大大話話我都幫襯左應該有6，7年，所有新出甜品例如CK酥，木糠布甸到經典甜品紅豆沙，湯丸甜不甩都吃過，價錢又由最初14蚊一碗幻彩明珠賣到15蚊一碗，一年前佐敦店比長沙灣店貴一蚊仲要禮拜日唔開我都知.......講甘多都只係想話比大家聽我對佢真係好有感情，好清楚知道她的歷史，亦因爲甘我對佢越做越差真係好失望.........話說上個禮拜帶女朋友去行廟街，行到累累地就話不如去松記食下糖水啦，入到去要我坐門口位已經有d唔開心，因爲門口就真係“又熱又凍”..........算，等左陣見隔離台走就坐入去，我地叫左幾樣野分別如下：1. 我要左最受歡迎既幻彩明珠：唉.....招牌野，基本上十張枱九張枱既客人都會叫，貪佢咩都有d，冰冰涼涼。但可惜，由於通脹壓力下，佐敦店仲要無加過價，西瓜既比例又比三個月前以前多啦（相比起蜜瓜，哈密

10.7.2008 (四)我地三個大食婆,食完新斗記仲唔夠喉,於是就去松記吃糖水啦...UNCLE SIMON佳"佬"有約走先,我地三個肥婆自己食~~我食雪山($15),梗係配曲奇雪糕啦~~大大碗有西米、椰汁膏,正~~我盡左我的努力,仍然係食剩~

非常多選擇的食店, 而且價錢相宜, 實在是夏天消暑的好去處很多人去松記, 都要幻彩明珠, 但它的冰品也不錯點了紅豆冰冰杯, 端來時附有花奶, 還有羹叉各一, 很是細心這個甜品其實是紅豆刨冰, 上層為芒果及草莓漿, 份量不少, 伴以刨冰來吃真的不錯。冰塊打得不是很碎, 要用叉把它們分開才得以入口。底層是極多好紅豆與蓮子, 紅豆粒粒分明, 吃起來很有口感, 而蓮子本身的賣相不討好, 但食罷之後覺得也不錯天時暑熱, 吃一碗涼透心的甜品可真不錯我的blog有相片及更多食評, 歡迎看看http://hk.myblog.yahoo.com/food_talk2008/

今日同bb食完澳洲牛奶公司之後搵呢間糖水鋪~ 一入到去好少人咋, 見人地嗌summer我地都跟住嗌~因為怕幻彩明珠只得生果會好似b仔涼粉咁...我地叫左朱古力同曲奇兩隻雪糕~ 加左奶~嘩 一黎到好好味架wor!首先裡面d大西米好得意, 唔會硬~仲有芒果醬加埋雪糕既甜味同埋奶味都好神奇地好夾好match!唔覺得有炒埋一堆既感覺呀~bb食到唔停得口, 裡面既生果有西瓜蜜瓜同哈蜜瓜芒果~ 樣樣都好正~ 下次行過會再食呢, 兩個人加埋都係$18 咋!!

同媽媽哥哥食完SATAY KING之後走過來食糖水是晚突然想食燉奶, 但搵左餐牌好耐, 先發現原來松記冇蛋白燉奶後來我叫左「薑汁撞鮮奶」: 滑係夠滑, 但略嫌薑汁味太重, 不太食到奶味 食完一碗後, 把口勁薑= =媽叫了「花生糊」: 試了一口, 花生味淡淡的, 不太甜, 還可以哥叫了「幻彩明珠」: 不用多說, 消暑佳品, 但對於我依個唔鐘意涼粉又唔鐘意黑珍珠既人 來講就不太適合了

昨天跟男朋友晚飯行左陣後稔住食下甜品*大概10點倒,行到去男朋友就想走,因為好多人等位呀*O*成日夜D去都會好多人呀.不過等完有得食就開心喇=D炎炎夏日男朋友想食雪糕我又鍾意食紫米露=D所以叫左個雪糕紫米露*仲有幻彩明珠同芒果pancake紫米露幾好味呀.=)幻彩明珠就成日食.d生果好甜好味=D今次貪得意唔加奶就即刻冇咁好味呀..得d芒果汁好似好"潔"..所以下次都係要番奶=P平時唔鍾意食涼粉架,不過對呢個幻彩明珠裡面ge涼粉唔會好抗拒=)芒果pancake就麻麻呀...好多cream.有實ge感覺=3=食完就走喇,見咁多人都費事阻住佢呀.=)

食完飯當然唔少得要嘆番 d 美味既甜品先至夠滿足! 去到松記反而想食雪糕, 見到一個叫 SUMMER 既甜品真係雙眼發光 因為佢有 2 球雪糕, 望都唔望其他就點左呢個甜品. 4L 就點左楊枝甘露.Summer 可以簡朱古力, 曲奇, strawberry 或者芝麻味雪糕,於是我就簡左曲奇同strawberry. 眼見份量都唔細, 食飽飯既話可以 2 個人 share 1 個都得! Summer 果個朱古力蛋卷好鬆化, 好想知道係邊度有得賣 果個甜品仲有 d 大粒西米, 芒果汁, 生果係度, 撈埋一齊食都好好食! 楊枝甘露就反而無咩特別.2 個甜品都係 18 蚊咋, 抵到爛啦!

食完金山，點都要過埋對面嘅松記整番碗糖水嘅！同枱老友穩陣派，食番平時多數食個D，好似什果西米、豆腐紫米露，我就鍾意次次嚟次次試唔同嘢，貪新鮮之餘，起碼知道好唔好食。今趟點咗個芒果琉璃（$19），睇樣好似西米，食落口感又唔同，西米就煙韌少少、有「趙」頭、有咬口；而琉璃珠就冧身D、滑嘟嘟，問阿姐係乜，佢話係用蒟蒻粉做。大大碗份量，芒果肉又大大件，椰奶同芒果漿另上，食得過！

7/6/2008和朋友在電影中心看電影後，想也不用想，便來了這裏吃甜品。上次試了幻彩明珠，感覺普通，這次試試summer，卻有煥然一新的感覺。整個summer，以兩球雪糕，再配以生果、芒果汁。雪糕要了芝麻味及朱古力味，味道不錯啊，再加上很多很多的鮮果，實在給人很涼快清爽的感覺。認真抵食呢！多謝友人的請客！ ^^

2008年6月2日晚上8:30 沙牛男友行旺⻆, 我又心思思想食糖水, 約佢響佐敦等先. 落雨濕濕, 無咩人, 一去到就有位, 少有!記得朋友介紹過開心xx , 沙牛男友要試, 我要熱賣o既幻彩明珠. 其實兩個味道差唔多, 一個涼粉底, 一個椰汁/奶大菜榚做底. 一向唔係好鐘意物撈勿撈o既我, 都覺得呢間又平又好食, 尤其係佢d涼粉, 好香, 係以前d涼粉o既味, 絕對唔係罐頭貨. 大食神上身, 唔夠喉, 沙牛男加o左紅豆大菜榚, 我加o左個番薯糖水. 大菜榚過得去, 又唔係好特別. 番薯糖水我一食, E! 唔夠熱喎! 中式糖水大忌, 個糖水薑味夠, 正! 希望下次要熱番D.下次試咩好呢!

買外賣甜品俾媽咪, 響門口睇左左一陣menu媽咪鍾意食芒果, 但又想叫大堆頭既幻彩明珠老闆娘走出黎介紹左一輪...最後佢話原來可以將幻彩明珠上面既生果轉哂做芒果! 都係15蚊, 正!味道當然好, 服務更好!

今晚去完<明星>食晚飯，一家8口去左<松記>食飯後甜品，我叫左一個ＣＫ酥（＄２８），有點似酥皮千蛋糕，但呢個ＣＫ酥係有２層，一層係雜果，一層係芒果，最上面係有一個雪糕球，可以雪糕既味道，我覺得值得一試

六月四日(星期三)食完好味道炒蛋之後,行左過黎食甜品,因為呢度星期日唔開,唯有平日黎啦!都幾多人!幾迫咁!......叫左個幻彩明珠同埋雜果鴛鴦涼粉!我個幻彩明珠唔錯!......d生果幾甜呢!不過我地都覺得西瓜比較差dd!唔甜呢!!d配料幾好味!而且15蚊就幾抵呢!!!!學老公話如果滿記有既都要三十幾啦!老公個鴛鴦幾好味!!有d用牛奶做既大菜糕..........好味道!!幾fresh呢!!!第度冇~呢度要到多幾次喇!!仲有好多野想試tim!!!^^

已經食左好多次松記喇, 不過今次就第一次寫食評,平時每一次都係堂食, 不過今日第一次買外賣返屋企食。今日出街見時間尚早, 去松記買碗芒果大西米,本身都預左外賣味道都應該會差少少, 但出奇地仍然好味喎。芒果好鮮甜, 大西米又好有咬口, 再加埋奶就PERFECT。

佛誕假期竟然有開, 立即同老公入去食啦!因食完飯不久, 故只叫了一個Summer一齊食, 我地要了芝麻同紅豆雪糕, 兩款都好好味, 加上新鮮生果, 配合得好好食呀. $18一大杯, 好抵呢!