板上 (中海日升中心) (已結業)

星期六冇乜野做就去觀塘行下，行到勀勀地就去搵野食。成日聽人講觀塘好多野食，不過我就唔係好識搵，淨係舍APM 好多人，所以去商場附近地方搵下。咁啱行到黎尼個好似商場既地方就入去搵下野食。咁啱見到尼間板上有我想食既burger 就一於試下啦~店鋪算幾大，快餐店型式，係門口order之後自己搵位，等叫no. 拎餐。快餐店黎講算係坐得幾舒服，有足夠空間，唔僧好逼咁。我地兩個人叫左安格斯牛肉漢堡加脆薯皇，至尊pizza同埋蜜糖雞翼。安格斯牛肉漢堡既菜同蕃茄感覺幾fresh，幾新鮮。牛肉都幾有份量，但略嫌有D乾。如果尼個價錢會覺得食連鎖店果間可能仲抵食。不過個薯皇就唔錯，夠熱仲有D脆，好食。蜜糖雞翼有6隻，每隻都好大隻，但係味道就好甜。至於個至尊pizza，拎返埋位時真係覺得好香，但一食入口就覺得係急凍pizza放入微波爐叮熱返出黎，唔好食。最後係個飲品，兩個人都係叫左凍抽子蜜。又係好甜，我諗可能係我叫左少凍既關係，試下朋友果杯，都係一樣，甜到"漏"。不過我見其他人都好似食飯為主，可能係我叫錯佢既主打食物啦~

o係觀塘工廠區都食過好幾間覺得唔錯o既餐廳，今次又一新發現。呢間餐廳設於商廈地鋪，不過o係個比較入o既位置，地方好大，有兩邊廳。o個日去，見佢其中一面欄住o左，有人book o左o黎搞function。呢間o野由一人摺位、四人座、梳化位、長檯到bar 檯都應有盡有，地方舒適，我諗閒時少人o既時候約人o黎食個tea 傾下計又得；因為佢轉播埋now，夾o岩時間拉埋d 波友落o黎啤啤佢，應該消費都唔會好高！套餐主要係日式便當，另外佢賣唔少佐酒小食同pizza，o野飲則有台式飲料同cafe 常見o既特飲。叫o左一個套餐，帆立貝拼赤味噌五花 • 珍珠飯($64)。定食有兩款配菜，相信係每天不同，因為見佢貼o左張紙，寫住今日係菠菜同粟米。主角帆立貝好有炭燒o既香氣，煙煙韌韌，雖然唔算好大粒，但都有住好幾粒。五花腩切片而上，肥瘦層次分明，以赤味噌醃製，味道甜而不辣。個飯蘸上o左味噌同埋o黎自豚肉o既肉汁，是惹味的。跟餐加$8 可加配大姆指雞翼4 枝，都值得加，個雞翼o既蒜香幾強，唔道唔錯～至於可樂餅則係另外單點o既($15)，非常香口，皮脆內腍，外面淋上可樂醬，酸酸甜甜，裡面係熱辣辣混和o左少少咖哩

餐廳係中海日升中心地下，呢區餐廳林立，行到盡頭就係板上。呢間餐廳都真係好大，第一秒以為係food court，而且座位好闊落又多位。我去嘅時候係禮拜日lunch time，都唔需要等位，週末食飯時間去一般都有位坐。空間大仲有個好處，就係人多都唔會嘈，係呢頭行完可以同朋友坐低傾計食嘢，而且仲有wifi，又冇時限任坐，只需要買d 小食、飲品，就坐一日傾一日都得。佢地咩類型食物都有，日式料理、pizza、burger、飯、麵、小食、啤酒飲品咩都有，而且平貴選擇都有，大概50蚊度就有一個飯加飲品。我見鰻魚飯大大條鰻魚都係$85，跟餐有飲品，加$8轉左蕎麥麵。鰻魚好大塊而且都幾厚，口感有d似黃鱔肉，同係日本餐廳食嘅鰻魚口感有d 唔同，佢嘅肉質比較有彈性紮實d，而且冇乜骨，加上鰻魚汁，都幾好味，唔會腥。不過鰻魚微溫，可以熱d 就好啦。蕎麥麵配有凍湯汁，撈埋食的確幾清涼，味道都係ok 嘅。玫瑰花茶嘅茶包都幾靚，飲落淡淡玫瑰花香加比較濃郁茶味，幾解膩。呢間餐廳裝修其實唔錯，幾舒服，仲可以任坐，夠曬大週末都唔怕冇味，又唔會俾人趕，可以坐低休息下傾下計。

去完旅行有一大堆手信要俾閨蜜，梗係要揀個可以坐勁耐，地方又大又舒適嘅餐廳啦！我閨蜜就提議左係佢公司附近嘅板上啦！(⁎⁍̴̛ᴗ⁍̴̛⁎)的而且確係符合晒以上嘅條件阿！我地食左個pizza同飯，再加d小食，已經食到好飽！因為野食嘅份量全部都好足夠！煙三文魚pizza，勁濃郁三文魚味！仲可以拉絲！我地2個人都非常足夠，相信4個人食都唔係問題！柚子汁豚肉珍珠飯，好清新嘅配搭！D豚肉仲超大塊！好抵食囉！小食都一樣唔差！芝士豆腐唔同打邊爐嗰D，芝士多好多，食完想食多碟♪( ´θ｀)ノ可樂餅都好脆好厚！比平時食嘅大塊，好正阿！一邊食一邊吹水，唔經唔覺原來坐左差唔多2個幾鐘！一直都無人趕我地走，又無人問，之後先知原來係無時限！真係太好啦，以後閨蜜聚餐一定係首選！(⁎⁍̴̛ᴗ⁍̴̛⁎)

個人不太喜歡忙碌的餐廳，感覺要快速進食以騰出空桌給其他客人，不能好好享受食物。朋友住觀塘，他指這間餐廳可以讓客人任坐，很適合閒聊。餐廳的環境不錯，感覺不會太焗促。有十多款便當可以選擇，還有小食及特色飲品。我們點了三款便當，包括蒜香三文魚燒雞·珍珠飯（$64 ）、板上蒲燒鰻魚·珍珠飯（$85 ）、板燒黑草羊·珍珠飯（$60 ）配餐飲。每款便當除了主菜，還有青菜及栗米等配料，珍珠飯份量亦很充足。我吃了板燒黑草羊，羊肉燒得挺香，配合珍珠飯及燒汁很惹味。店員很細心，會主動收拾餐具。特別要提是餐廳容許食客任坐，我們吃完後坐在餐廳閒聊個多小時也沒有店員提醒我地離去，確實很適合朋友聚餐。餐廳還有電視播放劇集和球賽，營造了悠閒的進食環境。

星期六唔想去咁遠就近近地係觀塘想搵個坐得耐而家舒服既地方坐低傾下計都難本身諗住去觀塘海濱公園坐下由觀塘地鐵站行下行下，行左５分鐘左右經過中海日升中心，係門口望入去見到有間餐廳，無聊冇野做又未食野，咪行入去睇下囉，諗住買ｄ野去食都好去到餐廳門口，有唒ｄ　ｍｅｎｕ係到，仲有英超直播見到ｄ野都岩食，就入埋去睇睇原來係快餐店形式，先買野食、自己搵位、跟住等叫號碼、然後自己拎野食所以應該係坐幾耐都得既而且環境都唔錯，地方乾淨、坐得都幾舒服唔會坐到好逼所以我地都決定係到食食物方面除左有好多款日式飯，仲有漢堡（＄７２）飲品汽水唎ｄ就一定有啦仲有好多台式飲品同埋梳打飲品都唔岩仲有各款手調咖啡添冇記錯加＄７轉咖啡或者＄１０轉台式飲品／梳打飲品我就揀左安格斯牛肉漢堡配脆薯皇（＄７２），再加左＄８要一份跟餐小食跟餐小食揀左大姆指雞翼４支，大姆指雞翼即係單邊雞翼，味道係孜然粉味脆薯皇好熱，差ｄ辣到嘴安格斯牛肉漢堡配脆薯皇勁大份，有蕃茄、生菜、芝士，塊肉都好厚，女仔可能會食唔唒成個餐飲品揀左柑桔青檸梳打，成粒青檸放左入去，酸酸甜甜幾好飲星期六日要係觀塘搵間唔嘈、唔逼、坐得舒服、唔會限時既地方真係好難，所以唎到都

今次同朋友黎到觀塘呢間餐廳食晚餐。一入到去，見到餐廳環境好寬闊，地方舒適，好適合同朋友黎哩度用餐同傾計。我地叫左蒜香三文魚燒雞·珍珠飯（$64 ）、板上蒲燒鰻魚·珍珠飯（$85 ）配餐飲。其實呢間餐廳仲有台式飲品提供，跟餐平平地加$10就可以飲到，可惜同朋友都怕肥所以冇叫到🤪。哩個蒜香三文魚燒雞飯，燒雞整到好入味，好好食，可惜三文魚略為乾身，魚脂唔夠多，可以單叫照燒雞飯會更化算。至於板上蒲燒鰻魚飯，鰻魚唔夠厚身同鬆化，以呢個價錢來講，可以有更加多選擇。同其他餐廳唔同，呢度晚市冇限時，同朋友坐左兩個幾鐘都無人趕，侍應會幫忙收拾枱面，讓大家傾計傾得更為舒適，食物整體價錢平民化，仲提供免費WiFi，如果想同朋友搵個地方傾下計、hea 下，呢間餐廳係一個選擇！

社蓄生活繼續，所以觀塘搵食之旅亦都繼續！好在呢邊餐廳真係唔少，今次就行多幾步，嚟到呢間板上搵下食先！入到嚟感覺真係幾好，平時觀塘食咩都人山人海背貼背，難得呢度幾寬敞，枱櫈都唔逼夾！一睇之下，仲有幾多特色嘢飲可以叫，印象已經唔錯。見個名幾有趣，所以叫咗個山賊醬燒燻蹄，同埋一個洋蔥花！個飯份量唔算好大，啱晒女士們食，但係燻蹄就真係好足料！鋪滿晒直情見唔到個飯，可以話係食極都有！個醬都係重點，幾香口，甜甜哋幾開胃，值得一試。同埋佢都有啲菜菜一齊上，又有粟米伴碟，口感層次都豐富架！至於洋蔥花就係大家好熟悉嘅歐美式炸洋蔥，一層層幾靚！佢個沙律醬味道好好，夾埋炸洋蔥食一流！食唔停口！不過有少少美中不足係油咗少少，不過炸嘢係有少少難避免喇。飲嘢叫咗生薑蜜，都幾真材實料，應該係用韓式一樽嗰啲開，有晒薑喺底。其實最想試係巨蜂乳酸梳打，但係今日凍冰冰想飲熱嘢，下次一定試！

話說教會早左放，五點幾已經去到，講下環境，地方好闊落，一黎已經揀咗卡位！食物方面，身為羊控既我地，一齊揀咗羊飯套餐，好似包埋熱飲如果轉另一啲嘢飲就加幾蚊。個羊飯真係超超超級好食，一開始見到佢個賣相以為好平凡，點知係勁香好惹味，推介比鍾意食羊既你！另外仲叫咗唐楊炸雞同蜜糖雞翼，蜜糖雞翼都超出預期，好大隻，皮少少脆同埋好香蜜糖味（入味and seasoning very good !) ,推介比食肉獸嘅你，或者小朋友。總括嚟講，嘢食味道一流，晚飯來講時叫埋小食都係$100有找，會再幫襯另外值得一提嘅係服務員嘅態度因為佢比多左羊汁我，態度仲好有善，抵讚

近日忙住執屋辨年貨好耐都無好好咁HEA下啦見呢日天氣咁好 一於出去抖下氣觀塘好多好野食上網搵食時見到呢間餐廳都唔錯去到現場發現原來仲有波睇 好揼本店內有不少座位 而且都非常闊落星期六日黎唔洗同上班族爭位更添多一份寧靜同舒適同好朋友飲杯野傾下計都唔錯呢到食物選擇不多不過每樣都有吸引之處而且有適合睇波同吹水既小食我叫左個饅魚飯 係一個定食黎既有牛油粟米同蔬菜沙律而薯餅同小食就另加既饅魚即叫即整 當然無專門店咁高水準但都非常野味而且都非常肥美可口咖哩牛肉薯餅好好味仲食到牛肉粒粒最推介呢款小食價錢唔貴 份量都幾多而且即叫即炸 無論睇波定傾計都必點仲有樣想講既係呢到跟餐加幾蚊雞就可以轉特別飲品我試左一款出面無既野飲港式奶茶仙草 好少飲品店用港式奶茶嫁大家不妨試下 幾好飲

星期二同事都去見客食飯，一條冷去下平時無去過嘅餐廳食下飯平時中海日升棟新樓餐廳已經好多人排隊食飯，自己一個就即管搵下食行到商場最入原來有間幾大餐廳，望下價錢都正常觀塘午餐價又有位坐就入去試下。去收銀買個飯之後就等叫號碼，望住電視機就見到原來呢間主要係想做happy hour 同夜晚睇波，時段有pizza 啤酒同小食，夜晚三五個黎食下野吹下水絕對一流。觀塘午餐搵位食真係好難，竟然有間地方坐得舒服嘅，餐廳唔係無人仲幾多人，但我坐四人枱由開始食，到食完慢慢坐都可以唔使比人搭枱慢慢坐。相信假期黎絕對坐得舒舒服服。蒲燒鰻魚飯不過不失，合理。係飯少d.男人食未未夠。另外，都有特式咖啡，我叫左午餐就跟餐+$10都幾有趣薑味鮮奶咖啡，飲落仲真係有薑皮假期或晚上黎傾下計，夠闊落

同好耐無見嘅朋友約咗喺觀塘吃飯，因為實在太耐無見，大家都想去一個坐得舒服，又咁傾唔趕嘅地方，所以唯有遠離apm, 並且上openrice搵食，於是發現咗呢個新商場（可能開咗好耐但唔識😂），入面有好多間鋪頭，睇過啲環境同menu後，揀咗呢間板上💪🏻望入去門口好寬敞，入面坐嘅環境都幾舒服，見到好多幾個幾個坐底吃嘢傾計，正合我地心意。講番嘢食，套餐方面算係幾抵食，珍珠飯、包都有，加10蚊有得叫特飲，另外仲可以叫小食最終我叫咗安格斯牛肉漢堡加脆薯皇，漢堡入面塊牛好厚身及juicy, 麵包係傳統漢堡飽嘅包身，加埋菜同蕃茄一齊食，感覺幾fresh, 另外薯皇炸得好脆又熱口，very gd 要傾計一路傾一路有嘢咬，小食最緊要，我地額外叫咗洋蔥圈，雖然洋蔥圈無咁粗身，但食落香口，同樣炸得好脆，令熱氣指數爆燈😂😂好彩跟套餐加10蚊叫咗杯特飲，抹茶紅豆奶茶，解喝解油兼抵返啲呢到環境幾舒服，坐好耐都無人趕，慢慢傾計都得，最終我倆一坐坐咗好耐，下次可以再嚟

週末約左閨蜜相聚，去觀塘行下街之餘，又諗住搵個地方可以坐得耐，食下野傾下計，然後就俾我地搵到這間板上。見到價錢唔太貴，又即刻有位，就選擇這裡了。本來我仲諗緊食羊好定係鰻魚好，因為兩個都係我好愛食的😍😍最後因為best fd話想叫啲小食，可以多啲protein 💪🏻所以我就決定叫個便宜一點點的，再加小食。這裡有酒水供應，我諗都適合想睇球賽既人，因為個電視都幾大幾清。我見佢都有幾多台式飲品，加＄10，不過我咳未清，都係乖乖地飲返熱花茶舒服啲。🐏🐏個黑草羊肉配珍珠飯到啦！一黎到就聞到好香既羊味😎真係好香，急不及待就想食，相都等唔切影已經偷食左一塊。羊with rosemary is always the perfect match😋我依加又想食了lol 佢真係炒得幾香，唔算太！過油膩，帶微微既羊羶，喜歡食羊既朋友，這個價錢食到這樣的水準真的不錯。不過如果有多啲菜就好了🤭 我承認我是有點貪心了haha小食方面，叫左一個炸雞，一個蜜糖雞翼。都很不錯呢！個炸雞皮不會太厚，入面仲係好juicy.  而個honey wings有滿滿既蜜糖味，入面既肉質都嫩，真係整得幾好。我諗如果想黎傾計飲野，這兩個都

今次叫左個烏賊汁燻蹄飯，跟餐有汽水同埋前菜，而今日嘅前菜就係粟米同埋菠菜，個餐都只係$56而且唔需要加一，等左10分鐘左右叫號碼就有得拎喇，佢呢度啲套餐每一個都整到日本定食咁樣，分嗰三格，分別兩間就係前菜粟米粒同埋菠菜，最大嗰格就係一個烏賊執燻蹄飯，個汁好似日式燒汁咁，燻蹄份量都唔小，細細舊都鋪滿左成個飯，食落有啲脆脆地有啲香口加埋個汁覺得非常之惹味，但食多幾啖會口渴，好彩有汽水同前菜中和一下，放喺珍珠米嚟㗎而且份量都唔少如果以女仔來講呢應該會食唔晒嘅。所以不妨同男朋友黎，開心些牙，而且啲位好鬆動，又唔會趕人走，happy hour都唔錯呀！

今日放學就係附近食野，觀塘實在太多野食，係咁多間餐廳之中，終於比我簡咗板上。點解我會簡佢？係因為見到佢地方夠大，吾想同人迫，想坐得舒服一點，而且有電視睇，所以就決定選佢，餐應有好多選擇，樣樣都好吸引，最後我就簡咗我最鐘意食既鰻魚飯，再加多杯紅豆抺茶奶茶。先講下個飯，塊鰻魚仲長過我塊面，超低食，好有誠意，塊鰻魚好有水份，上面既燒汁吾咸，最重要既係佢夠厚。把入口即溶既鰻魚配合埋飯一起食，真係令人回味回窮呀。便當入面仲有栗米同埋茄子，食到栗米有牛油味同埋個茄子夠林。正！再講下杯紅豆抺茶奶茶，紅豆夠甜，夠抺茶味，不錯不錯！我見餐廳入面有CAKE 食，同COFFEE 飲，但得我一個人又食吾洛，所以留番下次帶朋友一起去，一邊食CAKE 飲COFFEE ， 一邊傾計。因為我見佢有長枱，3-4個或者一大班人去都無問題！！！食飯既時望下個大電視，見到有波睇，心想，如果世界盃可以係到同朋友食飯睇波一定好有氣氛，同埋我見到佢有小食同啤酒飲，一大班朋友坐係到傾計，飲酒，睇波一定好正。另外想提一提，當我食緊飯時，隔離枱一走，就有職員去收搭枱面，清潔，令我覺得好好乾爭，食 得更加放心！！最後我想講，板上食物既價錢