板長壽司 (已結業)

(12/1/09)So far都無幫襯過Jacky San品牌既鋪頭。夜夜間的晚飯,仲擔心打烊未,原來last order11:30pm。仍不斷有人入黎,服未!?佢模式係一件件order。三文魚籽、香蔥吞拿魚蓉卷、玉子<--味道很關東煮的甜甜地味,最犀利係食到一層一層既蛋,功架了得!例牌食的三文魚、是日特價的三文魚腩,都很ok!飯既醋度適當,軟硬度…因為肚餓吧,o趙兩o趙,沒留意到。帶子和蝦分別也有多款/種類/級數,當然最正係左上角的帶子,肉特別厚!仲有其他鹽燒的壽司,同"峰"一樣,有原味、綠茶味、咖哩味,也可以一試!當晚都食左好幾款添,大致上而家好多壽司店選擇,質素都差別不大,只係價錢分別。如果同對上一次食壽司的「千兩」比較,我喜歡「千兩」多d,價錢差唔多,起碼坐得舒服d ma!板長」續件計,食得無咁放,share番都幾貴。

果日我同我呀哥去咗時代廣場睇戲，買咗8點幾果場，所以，6點左右就去咗板長食，嘩！雖然我同我呀哥都好大食，但係由於3蚊件三文魚壽司，所以今餐連加一都係255蚊，所以覺得好抵食。果日我叫咗:16件三文魚1份壽司盛1客空運北海道芝士蛋糕1客南瓜雪糕1個鮮蝦北海道牛乳白湯剌身除咗和牛之外，其他剌身都好鮮味，好好食。個鮮蝦北海道牛乳白湯都好好飲，最驚喜既係甜品，真係好食到唔知點算，件空運北海道芝士蛋糕入口即溶，個南瓜雪糕都唔錯！

逛完電腦商場，有點餓，行經板長壽司，見有Promotion，又不用等位，便進内吃壽司！我們叫了三文魚壽司：三元一件，說是共度時艱，質素沒有下滑，大片，又甜！三文魚腩壽司：比三文魚壽司肥美得多，也只是五元一件，好滑，新鮮！幾抵吃！大吞拿魚腩壽司：好肥美，魚的脂肪佈滿均匀，雖然吃下去沒有融化的感覺，但都好好味，略貴！海膽壽司：顔色很淡，吃下不太甜，有少少海水味，但新鮮！

成日見到板乜板乜排隊排到儍，一向討厭排隊的我，從來未食過。星期日同honey行街行到累，只係6點多，決定坐低食晚飯! 經過板長，竟然見唔到條人龍! 所以決定試下!!!三文魚腩刺身幾好，夠新鮮!其他食物尚算精美，但又不算好特別，唔係特別好食到要咁排隊法囉!如果不用排隊，都食得過，要排隊的話....就不會有下次了!!!

兩星期前到了東角的板長, 覺得很有驚喜, 所以昨晚便選擇黎呢度試一試。八點去到, 等到差唔多九點先有得食, 真係有0的一肚火入到去立即開始點野食, 第一round就叫番晒上次的好食之選。包括蟹捧, 帶子, 海膽, 親子卷, 軍艦壽司, 當然一定要選的是炸蠔同炸軟殼蟹啦等左n咁耐之後, 0的野開始黎了, 0的炸物差過東角好多, 0的粉太厚同炸得太耐, 令到入面0的汁都冇晒!!!而其他食物都冇咁新鮮......之後再叫其他的野食再試第二round, 但同樣都係失望....而最離譜的是佢的八爪魚刺身佢黎到的時候是啡啡白白的, 我地用一個好懷疑的眼光望住佢, 再試, 覺得個味怪怪的, 由於唔想之後攪肚痛, 所以便放棄了。到埋單時, 問侍應, 佢同我講係因為佢地的八爪魚是熟的 !!!吓? 可能係我孤陋寡聞, 我真係唔知道八爪魚刺身係熟咁上囉.....呢一間板長, 真係冇下次!

行街行到有啲攰，經過呢間成日見到有人喺門口排隊嘅板長，天氣熱都想食凍嘢，就決定喺度開餐嘞。喺門口都有架涼風機吹住啲等緊位嘅客，算幾細心啦！等咗十分鐘左右，終於到我哋喇！入面都幾大，有好多張細枱，近窗一排梗係冇啦，我哋坐咗喺好入嘅一個角落，唔緊要，最緊要有得食！我哋叫咗： 活響螺刺身：都算新鮮，不過比想像中嘅鮮味仲差少少，唔錯！ 象拔蚌壽司：鮮甜爽口，原以為會有啲硬，但係真係好軟，好正！ 中吞拿魚腩(無筋)壽司：真係好有魚味，一定要食！ 特上海鰻壽司：燒得好惹味，連唔係好食鰻魚嘅老公都讚，賣相更加唔駛講係好搶眼，必食！ 海膽軍艦：海膽好鮮甜，一啲腥味都冇，所以要打孖叫！ 飛魚子軍艦 ：一般 蔥吞拿魚腩軍艦：竟然有驚喜，啲蔥同吞拿啲味好夾，都幾創新！ 明太子墨魚軍艦：唔係太鹹嘅明太子，可以食到墨魚本身嘅味道！ 蟹肉軍艦：一般！ 豚拖羅手卷：有啲似豬頸肉，肉汁幾好味，但飯就多咗啲，料就少咗啲！ 海膽手卷：一樣咁鮮甜，ENCORE 之選！ 親子卷：三文魚肥美滑溜，三文魚子爽脆新鮮！ 三文魚生春卷：幾特別，用米紙做嘅春卷，三文魚仍然好肥美！ 板長特卷：有啲乾，我哋對有沙律醬嘅壽司一向麻麻，只不過

尋晚去食, 好彩唔需要等好耐, 只係等咗10mins, 可能因為係公泉假期, 等耐d都唔掂, 空氣好差呀! 對住大街, 最不好是要等齊人才可入座. 珍寶帶子壽司 $18(好大隻, 好新鮮)火焰三文魚壽司 $6 (上面有沙律醬才燒, 錦上天花, 好味!蛋壽司(麻麻哋, 下泛唔會叫)天使蝦壽司 $15(好似泰國生蝦一樣, 晤錯)蔥花吞拿魚腩壽司(好味)三文魚壽司, 油甘魚壽司, 平目魚壽司, 箱挾壽司, 龍蝦沙律壽司......OK 手握飯, 即叫即做, 好好味! 同平時去用枱制的感覺好唔同, 會再去

晚飯在銅鑼灣文輝粉麵店吃飽後，由於要到灣仔附近，經過灣仔的板長壽司，又忍不住愛食刺身的誘惑，結果加多餐晚飯了．．由於已經晚上十時許，無需再等位便可以內進了．店內環境光潔，感覺不錯．毛蟹麵鼓湯　－　毛蟹小得像蟛蜞可憐，湯味湯料還好，但嘗不出有蟹的味道．活帆立貝刺身　－　這個不錯了，新鮮度很高，帶子的一絲絲肉質結構，仍很清楚，亦不存在貝類的腥味．鰻魚壽司　－　女友的日饌情意結，我無食，無評論．．．ｘD左起：大拖羅壽司，拖羅壽司（有筋），象拔蚌壽司ｘ２，珍寶帆立貝壽司．拖羅的美味程度不俗置疑，但我還是比較喜歡有筋的拖羅，咬到筋位魚油的濃郁加上少少的靭感，特上享受．象拔蚌壽司：味道較清的新鮮刺身材，肉質少少爽口，初時我誤以為刺身部份還在動．．．．芝士蛋榚　－　最後甜品點選了芝士蛋榚，芝士香味濃郁，非常軟滑，不過我覺得質感像摩士多於蛋榚，可惜的是份量太少了，食一件還意猶未盡．．．

之前試過東角分店的, 感覺一般. 今次踫巧在灣仔區找吃, 試多次作比較.點了三文魚腩, 蟹棒, 螺, 鰻魚, 墨魚, 油甘魚, 池魚等約十款壽司. 每款都只係好一般的水準, 說是新鮮肥美嗎? 絕對稱不上. 不新鮮嗎?? 又未至於這程度. 但就是不會令人留下印象的水準. 另外, 炸蝦手卷和軟殼蟹手卷更差. 外面的紫菜是"煙靭"的, 炸蝦的蝦雖然爽口, 但其炸漿軟腍腍的, 一點脆口也談不上. 試了一啖軟殼蟹的爪, 一咬下滿口是油, 怕怕! 友人Y小姐點的南瓜天婦羅算是較好的一味. 雖然也有太油的問題, 但南瓜本身幾甜, 質地軟糯, 算是不錯!老闆Ricky san想以"板長"去站穩一角的話, 相信要再多下點功, 專心點改善一下食物的質素吧!

板長壽司2008年6月中被食環署封鋪前去過兩次，重開後又去過兩次。始終出了事，現在人龍不再，一到店就有位。我覺得無論是味道、價錢、服務等，都幾滿意。本來想上來OPENRICE寫個食評，但發覺劣評如潮，但我去了四次都沒有遇到劣評的情況。魚生或壽司不多說了，想推介他們的南瓜天婦羅，外皮脆，南瓜糖心，配搭不俗，而且沒有炸蝦般熱氣。

食過銅鑼灣果間,服務態度真的一絕的.....差! 有朋友說過這間的服務也不好,不過我今日去完書展食(10點來囉),覺得服務態度尚算ok~食物質素好,很欣賞招牌生粟米,有特色！不過如題:招牌三文魚壽司(三十蚊2件)同五蚊一件果d唔差得好遠,我同bf專登食完件5蚊o既,再即食件15蚊的...個人覺得,好似真係多魚味少少,但好味程度一定無三倍咁多...2倍都無=.="

8點幾經過板長,排隊比之前小人左好多.不用排隊就可以入!同女朋友食下先..不妨食下,氣紛比之前好好多!,人就比之前小左,肚餓關係,點食物!.點左好多,,,,特別要提幾樣!,食3文魚刺身-比之前厚好多.1件=之前3件!!!!象拔蚌刺身-好新鮮,好甜!炸軟殼蟹,炸豪-炸得幾靚,不過油左小小,海膽軍艦-想試試味道,很鮮很甜,好味帆立貝壽司-都不錯,可能因為岩岩開返既關係,有好多食物都冇,呢點可以原諒!!!!仲有1點直得提!!!!d員工服務比上次來好左好多,可能已經呢件事,食物和服務捉嚴緊左可能!.下次再食過要1路keep住.keep住就直得食

被封舖後, 現在重新開始營業, 好似人龍沒那麼長了, 所以即時排隊, 15分鐘後就有位了海膽, 三文魚 好似比以前大舊咗, 好新鮮, 有魚味, 無腥, 所以再叫三文魚腩, 吞拿魚, 劍魚腩, 一樣是好有水準 , 比以前新鮮好多再來就叫 軟殼蟹手卷, 紫菜好香, 脆口粟米手卷也不錯呀, 不知是否被封, 所以清潔方面非常好, 還有就是各樣食物都好新鮮, 遲些就不知是否還原以前一樣, 就襯現在各方面都好, 多去幾次, 若還原就不去了因為話哂都是吃魚生嗎, $200晚餐都要啦

今日經過灣仔！見到佢大字標題話正常營業！收工之後大約9點左右就同朋友去咗食飯！大約等咗15分鐘就入到去！坐低之後叫咗三文魚 , 帆立貝 , 板長卷同埋海胆！發現D三文魚比以前大件咗！同埋D海胆同三文魚子冇腥味！D師傅比以前專業咗(可能老闆ricky在場)D員工同師傅不停係百忙中清潔！都安心D！走果陣D師傅同員工叫多謝哂好有氣勢！總括嚟講呢餐都幾滿意！可以keep住去食

我想澄清我只係將所食所感同大家分享，當日之食物(海膽、三文魚子)的確十分新鮮，令我好想喺度同大家分享，而我事後亦冇因此染病，故思前想後都不應因其他人食物中毒而改變我對*該餐*的評價。因封鋪事件全港都知，深信各網友睇完我的食評，會用批判性思考決定應否再光顧此店。而我用上"封鋪"作標題，係想帶出好慶幸自己冇中招。如果我的食評/標題引起各網友的誤解，請見諒!