林德記麵食

营业中

休息中

同阿女臨出發去迪士尼樂園，梗係要食飽飽先，好耐無黎林德記食麵，呢間小店係我細佬推介我去食既，至正就係個牛腩汁！同阿女各自叫了一碗雙拼麵。我叫左「雞翼雲吞河粉多腩汁」河粉勁滑，滷水雞翼勁入味但偏淋，雲吞係舊式細細隻，一啖一粒，皮薄又滑，肉味香，雲吞係非常好食，再配佢地個濃濃腩汁，真係無得頂！再加一小匙佢地秘製辣椒油，真係不得了！阿女就叫左「豬手雲吞麵多腩汁」我食過佢d幼麵，非常彈牙。至於豬手，我無食過但阿女話好味。鍾意飲奶茶既朋友，不妨試一試，茶味勁濃又滑，係我既至愛！

林德記在上水街市檔有熟食檔嘅時候已經喺度。買完餸食個🐮牛筋雲吞麵仲可以加腩汁tim。牛筋非常入味，一啖一舊牛筋，骨膠原漿住過嘴。啲麵爽口彈牙。唔會有鹼水味。食得辣🌶的話，一定要加自家秘製的辣椒油🌶🌶。味道、層次立即提升。喜歡的話仲可以可以買樽返屋企慢慢品嘗。加杯熱奶茶。這就是熟食檔風味。

哩間麵檔我細細個就食過，自從附近開咗第二間麵檔之後我就冇再幫襯佢啦，今日另外間麵檔冇開，我就幫襯佢一次喇。先講吓點解要改食另一間，唔係因為佢唔好食，而係因為佢成日好快賣晒，叫咩冇咩，又賣得貴，店員態度又差，所以先改食另一間，其實哩間嘢食唔差，加上上過報紙雜誌紅咗，就臭串啲囉。咁我好耐冇食，就睇吓餐牌先叫，見到單拼28蚊，就叫咗一碗雞翼米加汁，點知佢就收咗我50蚊，找返6蚊俾我，50-6=44，我就奇怪，點解28蚊變咗44蚊呢？我就問吓店員個麵幾錢啦，佢話34，咁我就問返佢攞10蚊，最初煮麵嗰個唔肯俾返10蚊我，話睇住我俾40蚊嘅，態度亦一如以往咁差，但我好清楚自己俾咗一張50蚊，企得好硬，頭先收錢嗰個先俾返10蚊我，真係一肚氣。有冇覺得奇怪呢？我唔係叫外賣，但佢就用發泡膠碗俾我，原因係因為我過枱食囉⋯⋯只係隔離枱，咁做真係好唔環保，同埋好冇意義！（要反佢白眼！）食落同以前一樣，牛腩汁湯底同一般牛腩汁唔同，色水好深，冇牛味，湯頭好甜，我自己唔鍾意咁甜，但佢就紅在哩個甜味牛腩汁。雞翼有兩隻全翼，所以收得貴都算值嘅。但其實哩間嘢食我欣賞之處唔係在於碗麵，而係佢哋嘅辣椒油！真係好香，而且係好食

間中都會黎上水搵食，如果想食牛腩麵，林德記每次都係不二之選。同普遍魚蛋粉餐廳一樣，餐牌上有多種選擇，但我只會從雞翼，牛腩及雲吞中三揀二，每次都會遇上選擇困難症。今日決定食牛腩雲吞河，落單時店員都會主動問要唔要加腩汁，鍾意食牛腩既我當然要啦。加左腩汁既湯比其他魚蛋粉舖既湯顏色更深，飲落非常鮮甜，有濃濃既牛腩味，牛腩炆得夠淋兼好入味，雲吞唔係一般既鮮蝦雲吞，係用豬肉餡包成，細細粒一啖一粒剛剛好。喜愛食辣既我，當然要加埋佢個秘制辣椒油啦，同普通辣椒油唔同，呢度既辣椒油除左辣之外，仲帶有輕微甜味，非常惹味。由於餐廳四點就關門，所以好多野三點前已經售罄，要食好野記得早d黎喇。

上水街市裡食肆眾多，真係花多眼亂，但食牛腩麵一定必食林德記！今時今日一個lunch，真係最基本都三、四十蚊，貴少少嘅茶記都要五、六十蚊！上水街市的食肆簡直就係窮人恩物，大部分嘅食肆都係大件夾抵食，除左環境未必咁舒適之外，食物質素同味道其實真係無得輸！林德記一碗麵嘅價位都只係二、三十蚊，三十幾蚊雙拼食到一碗高質嘅粉，絕對係物超所值！牛肚拼雞翼河粉加腩汁睇顏色就已經知道呢碗腩汁有幾濃，鹵水雞翼同牛肚都好入味，河粉又滑，每一啖嘅河粉連埋d湯一齊食真係好好味！值得一提嘅其實仲有佢嘅自家秘制辣椒油，雖然好辣但每次都會落好多因為佢實在太香！牛肚點d辣椒油簡直提升到另一個層次😂呢d大件夾抵食嘅小店真係買少見少，所以得閒就會去支持一下💪🏻💪🏻

我以前都是特地從深水埗搭地鐵去到上水的熟食市場吃他們那裡出名的粥。每次吃完粥後，我經過林德記店面時都會見到食客桌上一碗碗黑色湯底的面。出於好奇，我上 open rice 查看食客對林德記的評語和照片，感覺非常吸引人，所以就找了一天特地到來品嚐。這裡的湯麵分成兩個 size，小碗或大碗。小碗的價錢一般都是二十八元。我點了瑞士雞翼面，因為不知道黑黑的湯底是什麼，所以當服務人員寫單時，我傻傻的告訴對方我也要黑黑的人湯底，後來才知道那叫腩汁。我還點了雲吞面和炸魚皮。老實講林德記的湯麵是不錯吃的，尤其是他們的辣椒油，油渣很像我新加坡的 sambal chilli，祇不過他們的比較鹹。我一口雞肉一口辣椒渣，超爽的！炸魚皮超棒，是我吃過最好吃的。可是一定要剋制自己不要吃太多，不然就像我一樣，第二天喉嚨痛，接著發炎，痛苦萬分。至於雲吞麵，我倒覺得麻麻地，因為裡面的餡是豬碎肉，而我喜歡的是裡面有滿滿原隻蝦的雲吞。其實美食與否都是很主觀的，祇有親自品嚐才知道合不合自己口味。我個人推薦瑞士雞翼和炸魚皮一定要吃。

每區市政大廈熟食中心總有些有便宜又美味的美食，經友人T推介，石湖墟街市這間麵店的雞翼雲吞麵味道不錯，抱著不妨一試的心態，來潮聖！.雞翼是用上已斬開雞全翼，方便食用，而且用瑞士滷水汁滷得好入味，雞翼滑得骨肉輕輕用力就已能分開，非常有口感！雲吞的餡也好鮮味，配上河粉和腩汁湯底(這裡的牛腩和牛筋也很有名啊)，湯底味道與滷水雞翼配合得剛剛好，不會太鹹且能帶出湯底的醒甜味！食完好滿足啊。平民價值且真材實料！

呢間野在上水街市開左好多年，由小學時代已經開始食，到現在出來工作，番黎食，水準仍然，不變，現在好似由呀仔接手，之前係一個伯伯同婆婆做既，呢到最好食是雞翼、牛脾、牛根、仲有雲吞，每次黎食一定要加汁多蔥，加汁意思是加鹵水汁。雞翼同牛腩同牛根都炆得好入味同軟林

今日番左上水剪頭髮同髮型師朋友上左黎食麵點左個雞翼牛筋腩河依間係髮型師朋友點名推介食落雞翼真係煮得好稔入味加埋腩汁真係無得輸牛筋腩份量都算多肉質好稔又唔肥下次試下個淨牛腩先

豬手牛腩河豬手入味夠腍，入口即化，全無油膩感，牛腩用上蝴蝶腩，又爽又滑，河粉滑溜無詐型。每次落單都問要否加腩汁，細心。腩汁帶少許香甜味，配上自家制辣椒油夠香夠辣，難得沒有帶咸，夠水準。

果日去街市食野其實就係食依個麵其實都好似車仔麵咁材料同麵係自選每次同男友都係會選牛筋同雞翼因為雞翼滷得好稔，入味而牛筋份量都好多，係唔會夾埋啲腩落去加埋腩汁落啲湯度一齊食，一流

尋覓街市有時街市大排檔都會有驚喜好似依間林德記的粉麵牛筋都好出色，但今次食已經賣晒所以揀左牛腩雞翼米 HKD31雞翼入味稔身，配上濃濃的腩汁底，好味雖然座位有少少迫，但咁好味，迫少少都無所謂

其實到街市都唔有咩好野食，唯有又係林德記囉！今朝街市超級多人囉，咩日子呀？塞到水洩不通，間間都高朋滿座，有無咁好生意呀？無意間見到對面東莞佬粥檔既炒麵熱騰騰出晒煙喎，莫非係即炒咁緊要？下次一定要試試！魚蛋雲吞粗走蔥，大埔就大把靚魚蛋麵舖，但上水暫時都未有發現呢。黎左幾次林德記都食唔到魚蛋，今朝早專登黎食魚蛋，終於食到喇，不過有點失望，麻麻地囉。白雪雪爽口有魚味，跟潮州板魚蛋同出一徹，滿意過得去，但欠缺自家特色。招牌雲吞，餡料係蝦仁碎同豬肉，並唔係原隻海蝦，口感結實，豬肉味香濃而甜甜的，味道不俗，蠻喜歡的，幾好味，普普通通無驚喜。除左撈麵外，我一般都好少食粗麵呢 ﹗突然心血來潮試一試，彈牙滑溜又嚥嚥韌韌，蛋香味比幼麵更加突出，吸引甜美腩汁再掛上大量秘製酸辣辣椒渣，勁刺激又好味！非常開胃，越食越想食，大爬兩撥整碗麵消失掉 ﹗雞腳牛肚河走蔥，滾熱辣出晒煙送到，正呀！河粉滑滑而實淨，滿意唔錯，雖然我較喜歡棉滑類型的。不過有股強烈而奇怪既濃郁味道，係咪布味呢？定紙皮味呢？隔離有位中女食左一啖仔河粉，跟住求其食晒餸就掉低唔食，埋單走人，莫非同我一樣諗法？ 雖然河粉有陣怪味又跟依度既酸味辣椒油唔多夾

兜左個圈，望望蒸飯點心、燒味、炒粉麵、即食麵粥品，最後都返去林德記，唔熟唔食麻。上次食過牛腩伊超好味，酸味辣椒油好正，今日再黎想試試魚蛋但賣晒囉，唯有下次朝早黎先得。好多食客幫襯，坐得密麻麻，好采剛好有個單丁位啫，唔洗等，lucky。Hangover 整兩羹酸辣辣椒渣醒一醒神先，食飽買餸又開工！淨滷水雞全翼，見好多食客 order 雞翼喎，傳聞係招牌雞翼，我都忍唔住要試試。肉質浸到過晒龍，霉晒又過腍，無牙都食到，一啜雞肉甩晒，口感又鞋又差，而且滷水味單調不清香，味道一般，麻麻地。我要嫩滑彈牙又 juicy 既雞翼，仲要滷水味清爽幽香架呢。食過好既真係返唔到轉頭，但珍苑已經執左笠喇，新珍苑暫時仲未去試。墨魚丸牛腩麵走蔥加腩汁，無魚蛋咪試下墨魚丸先囉，無緊要。嘩！今次牛腩勁多肥膏而且勁羶呢，羶味嗆喉，有少少想反胃添，要咬走先吞到落肚。牛腩又鞋又碎又乾，失手了！還是賣剩蔗喇？可能星期六差不多兩點半已經所餘無幾。不過瘦肉部份味道非常好，香濃味美，係有點偏瘦啫。墨魚丸墨魚味濃厚，質地結實富彈性，趙趙下發現有墨魚肉粒，好野黎喎！食得過，好味。加左腩汁既湯底極濃郁香甜，牢牢掛係彈牙麵條之上，不能停下

小公主作為上水既街坊咁就一定要介紹呢個'上水名物'啦晏晝12點左右上到去已經人頭湧湧，真係想搵個位都難坐低咩都唔駛諗唔該!一個雞翼牛腩河+腩汁丫因為天氣實在太熱喇加多杯咸檸碧丫唔該飲品到先 夏天飲呢個真係消暑其實小公主真係好中意飲咸檸不過唔係間間茶記都有河粉等左5分鐘到都到喇每一次黎食都唔會令我失望雞翼夠入味夠林，一咬D肉就離骨但個皮又唔係林滋滋無哂彈性牛腩唔韌，腩汁又香，正如果咁岩入到黎上水，大家真係要去試下不過過左LUNCH時間好多時都會賣哂所以想試既朋友記得早少少去到呀