林洪記

营业中

休息中

✨林洪記水產✨今次係tapnow.com上面買咗呢個$198 8款蒸氣海鮮+火鍋放題2小時套票! (已現售罄!!) 餐廳係一個幾乾淨嘅街市入面 雖然有冷氣 但此終都係街市入面 所以環境點都會扣分 潔淨程度嚟講佢都算中規中矩 無見到明顯唔乾淨嘅位 只係啲放蒜辣椒同蔥嗰個位有啲hea 好彩豉油係一枱一支而唔係攤開哂 朋友仲話個豉油幾好食 同埋都幾貼心有個方形碟仔方便你食海鮮( ´ ▽ ` )ﾉ✨蒸氣海鮮蒸氣海鮮一共有8款 真係幾失望 款式係多但啲海鮮一上枱 由海鮮嘅色澤已經睇得出啲海鮮唔夠新鮮 望落去唔吸引 例如啲蟹膏完全唔係橙黃色 食落我覺得整體都係合格邊緣 因為除咗大頭蝦都叫有啲黃色黃 同埋鮑魚都叫彈牙之外 其他海鮮都冇咩鮮味 甚至無咩味 肉質都係好一般 ( ･᷄ὢ･᷅ )✨火鍋蒸海鮮個鍋有個隔層 上面比你蒸海鮮 等啲海鮮鮮味滴落下面做邊爐湯底 但我嘅觀感係 開始邊爐嘅時候下面就係一盆我都唔知佢乾唔乾淨 望落去好milky嘅水 我完全唔想放嘢食落去打邊爐 同埋好多海鮮都係貝類 流落去嘅水我會覺得唔乾淨 呢part扣好多分 (｡ ́︿ ̀｡)不過火鍋食材係任叫嘅 食材都唔差 牛真係有牛味嘅牛比你

得閒係荔枝角行完市集睇完戲就黎到呢間餐廳食海鮮火鍋，係openrice 買定餐飲券whatsapp 預約埋，早左20分鐘到都可以即刻入座。老板好好人見我地兩個女仔想吹水比左個靜d 既位我地坐。坐低掃完餐飲券決定叫埋飲品放題（+20），有韓國樂天既一系列汽水（忌廉鮮奶，石榴汁，芒果汁）,仲有啤酒同玻璃樽汽水。餐飲券包既海鮮拼盤好快就上左，蟹幾甜，大頭蝦好大隻同埋都多膏，整體幾好。任食既食材自己掃qr code落單，可能怕浪費食物，就算叫2,3份牛肉/蝦，都係會上一份既份量，不過勝在夠快上菜，如果真係唔夠可以落多幾次單。就夠鐘既時候，老板可能見我地兩個女仔台面既野食都差唔多清哂，仲好好人咁提醒我地可以再落單，趁個qr code仲剩低d 時間未到期，同埋都冇話趕我地走，真係好好人。最後埋單餐飲券198+20星期六日附加費+20飲品放題，食到捧住個肚走咁制

海鮮蒸鍋、啲海鮮臭+唔新鮮、價錢唔平、一行 7 人係 22 號晚去食、唔理你、放低兩個鍋、點咗最貴個海鮮餐、拎來的海鮮又唔新鮮、仲有啲臭、蒸好後無食過放係隔離枱、諗住個老闆行過會睇、點知佢當睇唔到、食緊時啲殼等無人收、無人理、要自己搵地方倒、無人招呼、要自助、😂果然係無收加一。埋單時一千九百幾、要收現金、同老闆講、啲海鮮唔掂、佢好似已經知道、淨係答聲 "哦"。呢間店唔會再去、亦唔會介紹人去、費事害人。同你有仇的人你就介紹佢去喇。

海報上款大大隻字秋冬必選羊腩煲，下款任食兩小時$168。如果信以為實，看官你做人太天真。相信不少吃貨看到這幅海報廣告，通通開心走去，必定失望而回。我們主打是羊腩煲的，8人有兩個煱，其實份量不多，每人大概分得4件。羊炆得欠火喉，腩件很少，許多都是連上大件的骨頭，羊肉奀性十足，老人家不宜食用。支竹要另加，來的是乾支竹，放入煲內很長時間也不腍。食材要用QR-code下單，在熟食街市內頗為先進；不要以為電腦配套，可以加強運作食物輸出，實況是大部份用餐時間，我們均在候菜和追單。漏單非常嚴重，食材無貨不會顯示，雜丸却來了一大堆。虾多士上沒有虾膠或虾肉，雲吞水餃不是平常貨色，魚蛋是冰箱解凍。好評的，似乎只有炒蟹、大頭虾、豬肚、肥牛、雞件和脆肉鯇。晚上熟食街市冷清，沒有多少舖繼續營業。去到林洪記的時候，就只有我們這一枱大枱，直至結賬離枱。這個年頭生意有多難做，要看店家平日待客之道。

叫唔到想食既野唔會再去食物唔新鮮店員話做唔切沒有服務可言去唔去自己想啦肥牛質素夠鍾唔會叫你走gas爐火力唔夠啤酒,氣水任飲☺️羊腩煲味道可以冇得加羊黃金炒蟹比較咸,送啤酒一流7點叫蝦多士,完全唔見影追單同你講做唔切

禁夜晚枱食令前的一餐，所以好多人都迫晒係同一晚黎食好彩朋友一早黎到，如果唔係book左枱都真係有排等依間餐廳係熟食中心入面，我諗黎食之前，要有個心理準備，就係咩都要自己黎😂，咁你就會食得開開心心了（講真，我覺得係幾好既體驗黎，因為熟食中心係香港都越黎越少了）我地叫左個8款海鮮蒸氣火鍋由於個日實在太旺場，主要個8款海鮮冇晒😂負責人要拿拿聲入貨，我地就食左啲普通款海鮮先有白貝、帶子、鮮蝦滑、墨魚滑、鮮魷魚每款都好新鮮，就咁蒸唔洗調味都好有鮮味基本上我地都係重覆咁食以上幾款，直至主要既海鮮上枱8款鮮有鮑魚、蟹、大蝦、蠔、龍躉、牛小排、元貝，蚌（冇貨冇食到，亦都冇換其他海鮮，不過算了）每款都係好新鮮，大蝦係好多膏，龍躉好滑，元貝略嫌有啲咸，鮑魚都爽口彈牙，膏蟹就有啲細隻整體黎講，海鮮好新鮮，$200左右就食到真係幾抵不過餐廳人手真係有啲唔夠，雖然碗碟筷子，落單紙，全部自己拎，自己行去櫃台俾張單落唔係問題，但見到隔離枱仲要自己去換gas，真係有啲驚🙊

分別填5張菜單平均只會黎一次一次黎既食物 只有幾片 一定唔夠食食完雞煲同第一轉後 等待食物時間 至少要等20分鐘至無了期 到你地職員話漏單再寫又要再等唔知幾耐食過3次 未試過一次唔漏單 食物份量一次比一次少 少得好可憐就算食物種類多可供選擇 唔出一樣冇得食 我覺得長沙灣地方大坐得舒服佢火鍋價格唔算貴 只係一定唔會飽

已經有成年幾冇食蒸氣鍋啦！今日朋友帶我食好西話呢間蒸氣鍋/打邊爐好出名仲有D料好新鮮～加上任飲任食啱晒我呢d咩都想試下嘅人！兩個人打邊爐/蒸氣鍋真係要放題先著數！任食2小時每位$238/9款鮮 or $218/8款鮮，9款鮮多咗龍蝦貴20蚊，決定豪俾佢揀咗每位$238/9款鮮套餐。再加飲啤酒、汽水、道地系列就加20蚊，梗係要加啦！最好係唔洗+1啊呢度！海鮮蒸氣火鍋海鮮拼盤係會直接上俾你，有澳洲龍蝦、膏蟹、鮑魚、大頭蝦、生蠔、大元貝、貴妃蚌、龍同安格斯牛小排等，好豐富！而其他再有40+款任食蒸氣/火鍋料任叫，真係選擇好多！終於開始食了！賣相已經好靚，雖然呢度係街市，但一d都唔會好嘈，地下都好乾淨唔會濕笠笠～呢個價錢食到咁嘅新鮮質素，其實都好抵食！記住睇返菜單上面講每樣嘢要蒸幾多分鐘～太熟反而會唔好食！首先蒸咗龍蝦先！肉非常彈牙而且好大隻！直接去殼唔洗沾醬油都好好食啊！跟住就係鮑魚，蒸好之後都一樣彈牙有咬口，唔會好韌，唔會有腥味！今日提供呢個應該係膏蟹，有口福啦！好多膏好正啊！雖然冇咩肉，但食膏都已經好滿足！真係成個蓋都係膏黎架！！生蠔都好大粒，記得飲埋d汁呀好甜！大元貝下面有粉絲，簡直係

🌃餐廳環境為熟食市場，大排檔風格，適合朋友敘舊。.👨‍👩‍👧‍👧以下為2人份量參考（💲假日人均$27x)，任食2小時-招牌海鮮蒸鍋-九重鮮(定量)海鮮每日由香港仔新鮮直送1️⃣澳洲龍蝦，2️⃣肉蟹 / 膏蟹，3️⃣大元貝 ，4️⃣六頭鮮鮑魚，5️⃣大頭蝦，6️⃣生蠔 / 桶蠔，7️⃣貴妃蚌 ，8️⃣花尾龍躉，9️⃣安格斯牛小排。享受完以上九重鮮之後，就可以品嘗火鍋放題4️⃣0️⃣款海鮮及火鍋料任食任揀任食推介有大頭蝦，黃金炒蟹，白貝，帶子，花螺，魚卜，墨魚滑，蝦滑等，-😋通粉 foodie 食評 : 澳洲龍蝦好鮮甜，膏蟹大大隻爆膏，花尾龍躉好嫩滑，想一食再食，可惜是定量，不過都有好多海鮮任食，推介有必點大頭蝦，大大隻爆膏爆汁，回本首選。 仲有任食黃金炒蟹！配支裝啤酒一流( +$20任飲青島純生啤酒、汽水系列、道地系列)，仲有白貝、帶子、花螺、魚卜、 鮮魷魚、九肚魚、 脆鯇片，其他配料如墨魚滑，蝦滑也是推介之選，好爽彈牙，唔鬆散，而食肉獸也有安格斯牛肉可選，都好高質！其他丸類菜類不多說，不是回本的選擇。🕍 林洪記長沙灣保安道325號保安道街市3樓CFS4號檔.此價格只供參考及以當時為準，實際價格或會與本文章有所差異。-

一向不會打食評但依間真係忍唔到囉⋯⋯食海鮮餐啲海鮮全部都不新鮮，👎🏻👎🏻蟹死到唔死，帶子又細粒又唔新鮮，蝦係死到的釣魚都唔會用囉，花甲未蒸就開哂口係咩玩法⋯ ⋯仲要叫好多野食都冇

Book 左枱夜晚8點都要等到8點40分先有位坐低 坐低左就等極都係冇野食 個爐係度自己蒸自己..遲我一個號碼果枱連爐都冇…直頭擺低飲品錢直接走人但係我網上預先比左錢冇得話走就走，焗等…話就話係任食，但6成既野都冇得揀落左既單，張張都漏單問佢d呀姐十問九唔應，永遠都答唔知擺低d食物就到瀉曬d豉油…一枱都係情況極混亂話就話係任食，但6成既野都冇得揀 食到11點都未飽… 極伏…絕對唔會再幫襯…浪費人生寶貴3小時

朋友生日網上book咗8點任食蒸氣火鍋，本身早咗到等一陣ok，但係8點個陣過去問阿姐淨係俾咗張飛叫我地等下先，同佢講我地book咗位點解仲要等，淨係識答我多人忙襯。最後等到9點先有位，如果唔係網上book咗比晒錢我地早就走咗。終於坐底咗，仲要等半個鐘個海鮮拼盤先送到。都知佢叫餸上得慢，特登食到一半就叫定打邊爐啲嘢食，點知食完等咗廿分鐘都未有嘢到，嗰阿姐連個爐嘅火都熄埋，催咗幾次最後發現原來張落單紙唔見咗，阿姐就咁見我地再寫過張，一啲唔好意思都冇。最後任食先叫得兩輪嘢食，仲要最後個輪啲嘢食都冇到齊，啲夥計趕住收工。嘢食服務差都算，仲要冇分吸煙同非吸煙區，成餐飯係咁食緊隔嚟枱啲二手煙，環境非常差。完全理解唔到點解咁多人食，咁多好評，一定唔會再幫襯，俾錢買難受。

黎熟食中心打邊爐真係夠晒港味😋依家天氣凍 就算大排檔feel咁打邊爐都無有怕圍住個爐慢慢食夠晒暖 仲要係蒸氣火鍋添😍首先會有9款海鮮送上 食完之後就可以tick紙仔揀火鍋料任食💕有龍蝦 大元貝 蟶子 🦪生蠔 貴妃蚌 鮑魚等等全部都好新鮮 龍蝦肉質清甜 仲有好多蝦膏🦞蒜蓉元貝好入味 估唔到就咁蒸已經好好食醬料都可以唔洗加～海鮮既精華仲會經蒸架滴落去下面既火鍋湯底夠晒原汁原味!!!.火鍋配料都有好多選擇 海鮮 肉類 丸類 蔬菜🥬呢度既芝士丸男朋友表示特別好食係無限拉絲架 仲特別香濃🤤讚歧烏冬彈牙 唔會煮耐少少就好易斷開安格斯肥牛叫左三轉 質素略有不同 不過都好食唔韌❤️肉味香濃下次一定要帶埋鍾意飲酒既朋友黎🤣因為呢度加20蚊有得任飲喔～

冬天來啦,今日得12度,一定要打邊爐,上兩個星期去尖咀食了一間好正好及新鮮的打邊爐，食上癮.今次用非常超值價錢可以食蒸氣海鮮火鍋放題.去這裡食海鮮蒸氣火鍋,是住在這兒的朋友介紹,來這兒食,一定要訂位,WALK IN 會無得食.好快爆滿.今日是平日,7點半已經無位了.這裡有好幾個套餐,有海鮮蒸氣火鍋及啫啫雞煲火鍋.我們選擇了每位$218套餐 有8款海鮮, 另外都有成9款海鮮,及其他食物都有31款任食,非常超值的價錢, 每位加20元仲可以升級任飲生蠔 , 肉質鮮甜,肥美, 海水味濃帶鮮甜新鮮清蒸蟹 原汁原味，而且蟹肉鮮甜 , ,蟹膏味濃郁 🦀, 新鮮, 蟹還未死還會動的,蟹肉鮮甜 ,很鮮甜美味。花尾龍躉,新鮮爽口.花螺,大隻.白貝,無沙.花尾龍躉,新鮮爽口.六頭鮮鮑魚,蒸得剛剛好,而且彈牙,有口感，有咬口，而且很鮮甜。安格斯牛小排,牛味重.大元貝, 好有咬口大頭蝦,新鮮鮮甜,爽口,新鮮還未死還會動的,肉質紮實,蝦味濃郁娃娃菜 - 蒸粟米及娃娃菜,粟米飽滿清甜，娃娃菜脆甜。蟹子墨魚滑,好好食,彈牙,必點.蟹子鮮蝦滑, 好好食,彈牙,必點炸魚皮 - 炸得酥脆且皮薄，美味脆口.

今晚又是與朋友相聚的一晚，約了食長沙灣林洪記的海鮮蒸鍋+火鍋放題，非常期待。餐廳除提供指定海鮮蒸鍋套餐，還有多款的火鍋配料任食。都隔了很久未食過蒸鍋, 所以相當期待。海鮮蒸鍋出場，大大盆非常震撼，而且用冰底鎮著，有鮑魚、生蠔、花尾龍躉片、安格斯牛小排、澳洲龍蝦、膏蟹、大元貝、大頭蝦……，嘩，見到都令人興奮~~侍應告訴我們蒸海鮮的時間，龍蝦蒸七分鐘，其餘可以蒸三至四分鐘。先蒸的是膏蟹及鮑魚膏蟹非常肥美又多膏，蟹膏又軟又滑又香濃，蟹肉很鮮甜！鮑魚很爽口又鮮味！澳洲龍蝦每人有半隻，隻隻都非常肥美多膏，肉質食得出的新鮮彈牙， 龍蝦膏特別香，肥美又新鮮！大元貝面上放有很多蒜蓉，帶蒜香，更提升了大元貝的鮮味！安格斯牛小排比平時火鍋食的味道特別濃郁，非常好牛味。還有大頭蝦、生蠔、花尾龍躉片……，每款都非常新鮮又鮮甜~~~火鍋的一環是放題，火鍋配料 menu足兩版，海鮮、肉類、餃子、丸類、蔬菜 ……等等，任點任食，點得開心食得更開心……安格斯肥牛顏色鮮豔，入口雖然比蒸鍋味道淡少少，但不失牛肉的鮮味， 是另外的一番滋味。文昌雞件，肉質特別鮮嫩及有雞味。還有炸魚皮、魚卜、 牛柏葉、炸豆腐卜、雲吞……等等，