林洪記

营业中

休息中

朋友介紹深水埗長沙灣的林洪記海鮮蒸鍋+火鍋，頗高質，所以預先訂了位，今晚過來食放題。餐廳位於3樓，上到來已經見到很多人。海鮮蒸氣火鍋$238/位，指定海鮮套餐及任食火鍋配料，飲品另計。先食的是由餐廳提供的一次性海鮮蒸鍋，有澳洲龍蝦、膏蟹、大元貝、大頭蝦、 鮑魚、生蠔、花尾龍躉片、安格斯牛小排，底用冰鎮著，非常大盤。每款都非常新鮮。尤其是澳洲龍蝦，最搶眼的是橙黃色的龍蝦膏，食落滿口的軟滑油香，龍蝦肉質爽，又鮮美！膏蟹也是很新鮮，每人一隻，也是很肥美，很鮮味！鮑魚也是蒸得剛好熟，爽口彈牙的，非常新鮮又鮮味！大頭蝦是少有的大隻，肉質爽彈鮮美，食落啖啖肉~~~食完蒸鍋再轉食火鍋，火鍋配料也是頗多，有海鮮、火鍋配料、肉類、蔬菜……等等，任點任食。有安格斯肥牛牛柏葉帶子、脆鯇片、文昌雞、炸魚皮……等等。點了最愛的安格斯肥牛、切得比較薄 細細件有牛肉味。牛柏葉、魚卜非常爽口。文昌雞多謝朋友介紹，今餐任點任食，食得非常開心又滿足！

林洪記係一間專門食海鮮蒸鍋既餐廳 一個價錢包曬任食各種新鮮魚蟹蝦 飲啤酒加20蚊 想食龍蝦加多20蚊!加埋都唔洗$300就食盡各種海鮮蒸鍋海鮮拼盤，有龍蝦、鮑魚、大元貝、大蟶子、貴妃蚌、海蝦、美國牛小排、蟲草滑雞第一盤已經係食龍蝦!味道鮮甜 大蟶子、貴妃蚌食落好新鮮肉質厚嫩共有53款，帶子、游水海蝦、白貝、東風螺、美國肥牛 黑豚 蟹柳 各式丸類 有雪碧、可樂、忌廉、芬達任飲芫荽、蒜蓉、香蔥、辣椒末、豉油自助添第2鍋係蠔,鮑魚, 生蠔都好大隻蒸熟食一樣好鮮味鮑魚大大隻鮮味彈牙,仲有日本帶子即開即蒸,鮮甜大粒食到第3-4盤可以試埋蝦同蜆仲有蒸牛肉 牛肉蒸完一樣咁嫩滑平均消費$300評分8/10保安道325號保安道街市3樓CFS4號檔

海鮮拼盤，包括有龍蝦、鮑魚、大元貝、大蟶子、貴妃蚌、海蝦、美國牛小排、蟲草滑雞；龍蝦肉質彈牙，食落鮮味十足；鮑魚、大元貝肉質肥美，味道鮮甜；大蟶子、貴妃蚌食落好新鮮，肉質厚嫩；海蝦肉質爽口；美國牛小排肉質薄身，肉味濃厚；蟲草滑雞肉質滑身，蟲草花食落有咬口。蒸氣火鍋放題食材，總共有53款，包括有帶子、游水海蝦、白貝、東風螺、美國雪花肥牛、西班牙黑豚肉、北海道蟹柳、炭燒芝心丸、芝士腸、鮮蝦雲吞、九肚魚、出前一丁九州濃湯豬骨湯味、蕃茄、西洋菜。汽水，包括有雪碧、可樂、忌廉、芬達。醬料，包括芫荽、蒜蓉、香蔥、辣椒末、豉油。

疾情下 冇得出去食晚飯唯有懷緬一下 可以4人1枱既晚餐既日子 🍲🍲林洪記 位於保安道熟食中心以任食既打邊爐🥘，蒸氣鍋🦐🦀🐟，雞煲🐓為主去過2次都食海鮮🦞蒸氣鍋一上枱就有一大盤既海鮮上枱俾你慢慢蒸真係唔係講笑 海鮮新鮮不特止連蟲草蒸雞都超滑 超甜最重要係問佢加米煮粥佢啲米係炒過架 煮完粥超鮮甜🤤🤤🤤價錢💲💲重要超特惠最 最 最 重要係加2️⃣0️⃣就可以任飲啤酒🍻希望疾情快啲完 可以再去食過Follow me at IG - @salhfoodie

讀書時期完左莊會，完左活動都會一大班人去街市食野，因為幾嘈都唔會比人投訴🤭今次泥到長沙灣街市食蒸氣火鍋，一泥到就見到汽水啤酒都係用樽裝嘅，識飲既一定飲樽裝架啦，而且個價錢係任飲，成班人玩酒game無得輸😂要灌醉你身邊位好兄弟都絕對無問題一開波就泥一盤是日精選海鮮拼盤先🤩有龍蝦、大元貝、海蝦、貴妃蚌、大蜆、深海石斑 、牛小排、蟲草滑雞😋 可能係街市檔關係，所有食材都好新鮮!唔需要擔心唔夠飽，因為食完海鮮拼盤仲可以用頭先蒸氣鍋既海鮮精華做湯底繼續打邊爐！任食種類都好多種，海鮮、肉、菜都應有盡有！街市真係一個無拘無束嘅好地方，好適合一大班人泥飲野食野吹水聚舊！

海鮮拼盤，包括有龍蝦、鮑魚、大元貝、桶蠔、貴妃蚌、大蜆、海蝦、美國牛小排、蟲草滑雞；龍蝦肉質肥美，口感爽口，味道鮮甜；鮑魚、大元貝肉質厚肉，食落鮮味十足；桶蠔口感滑溜；貴妃蚌、大蜆肉質厚實，食落好Juicy；海蝦肉質彈牙，味道甜鮮；美國牛小排肉質肥瘦適中，牛味濃郁；蟲草滑雞肉質嫩滑，肉汁飽滿。任食蒸氣火鍋放題食材，好豐富，有53款，包括有美國雪花肥牛、西班牙黑豚肉、東風螺、爽口牛柏葉、爽滑豆腐、蓮藕片、炭燒芝心丸、北海道蟹柳、即包鳳城水餃、生根、鮮蝦雲吞、出前一丁九州濃湯豬骨湯味、生菜、金菇。飲品，包括有可樂、芬達、忌廉、雪碧。醬料，包括辣椒末、芫荽、香蔥、蒜蓉、豉油。

之前朋友提過長沙灣保安道街市有一間蒸氣火鍋好抵食，見今晚天氣轉冷，所以就約朋友去嗰度聚一聚🤗抵食蒸氣火鍋叫「林洪記」，2小時任飲任食也只是$218..而且套餐還跟一個海鮮拼盤🤤🤤任點任食也有不少的選擇，辣蟹，帶子，白貝，花螺和魚卜這些冷門也是任點任食🤪海鮮拼盤有鮑魚，石斑，大聖子， 貴妃蚌，海蝦，而我們加咗$20轉本地龍蝦🥶⋯⋯石斑有半條，肉質鮮嫩！聖子好大隻，龍蝦肉質好新鮮，鮑魚鮮甜！辣蟹好多膏，肉質鮮嫩而且好惹味！蔬菜也同樣新鮮...雞件嫩滑...肥牛和豚肉也不差⋯⋯ 總括食材樣樣也好新鮮👍🏻值得一提，這裡的汽水全部是支裝（玻璃樽）🤩🤩有雪碧，芬達，忌廉和可樂....當然不會少得啤酒，但就要另加$20就可以連啤酒也任飲...不過也很抵，因為是大支裝青島🙊啱曬喜歡啤酒的朋友✌️上菜速度也很快，今日我全部蒸的，2小時已經好足夠😉

食左個蒸氣火鍋新鮮海鮮即叫即劏既打邊爐，$218 一位都幾抵！海鮮新鮮嫩口好味，真係即叫即劏，所以都等左一段時間。限時 2 個鐘，就有啲汶水！蒸海鮮時間清晰明確，跟住蒸既時間，就唔會太老又或者唔熟。餐具齊全，又有得洗碗，都叫乾淨。仲有汽水仼飲，自己開瓶。打邊爐食品選擇都算齊全，上菜快！好飽！不過侍應就得一個，所以佢比較忙，所以無 gas 都要自己搞掂。另外就係因為林洪記係街市內，總會有人食煙，呢個要扣分！因為好遠都聞到煙味！

長沙灣，係一個無咩事都唔會去既區域，唔係朋友帶路，更加唔會去保安道熟食中心覓食。一去到，就知呢度係街坊既天堂😊初初以為朋友搵笨，hea我就帶我黎熟食中心，點知原來都有唔少枱後生仔。一睇餐牌，咁抵既🤩蒸氣火鍋每位只係$218🤩仲要係新鮮即劏海鮮🦞任食餐牌都仲有唔少海鮮野，試得過喎🤓首先即黎一個海鮮拼盤，可惜龍蝦賣晒，食隻肉蟹頂住檔先😋鮑魚帶子隻隻都好飽滿😎問題黎啦，蒸幾耐呢？🧐原來個餐牌已經好貼心咁寫晒蒸煮時間，跟足就包有鮮甜海鮮食。蟶子同蜆真係甜到不得了👍🏻見到海鮮咁出色，原來啲肉都唔錯，啲蟲草花雞蒸完都好滑👍🏻見到啲牛肉雪花咁平均已經心心眼，食落牛味十足，乜調味都唔洗點👍🏻輪到任食環節，其實已經飽左一半😅點少得即炸魚皮，脆魚皮浸湯，索晒啲海鮮湯味👍🏻呢度有好少見既雞腸，我第一次食🤔(個人口味:食落好似xx，咬多幾啖好似豬潤味🤣不了)朋友就喪食🤣Overall黎講，呢度性價比幾高👍🏻

天氣開始凍啦，打邊爐亂下個身體就係最好嘅選擇。嚟到呢個位於長沙灣保安道熟食中心3樓嘅火鍋店，只需要$218就可以任食海鮮火鍋啦。一開頭佢會比一個好靚嘅海鮮拼盤你。食完呢先會叫其他嘢食嘅。咁介紹吓啲海鮮啦：鮑魚軟身彈牙有咬口，一啲都唔韌，好鬼正！聖子呢就好爽口，好有鮮味。石斑都幾新鮮， size中等。海蝦新鮮，肉殼分離。我就覺得呢個價錢食到咁嘅質素，就好抵食啦。然後呢我哋就叫咗炒肉蟹，呢個都幾推薦啦。好大舊蟹肉，有炒得幾香口。然後我最鍾意嘅任食海鮮係白貝細細隻就好鮮甜。佢鮮蝦滑或墨魚滑都好味㗎，西班牙黑豚肉唔錯，唔腥。最後就我哋食咗兩碟炸魚皮。同埋呢度嘅其實都係任飲㗎，有芬達雪碧可樂等等，好滿足呀。

原本同 friend 諗住去林洪記 食蒸氣火鍋👭🏻但點知海鮮已經無晒😭所以就揀咗四川麻辣啫啫雞煲任食火鍋放題😬.四川麻辣啫啫雞煲🐔用咗芫荽🌿花椒、辣椒🌶️洋蔥🧅蔥段爆炒啲炸過嘅雞肉🔥惹味得尼唔會好辣☺️.火鍋配料🍲游水海蝦🦐蠔仔🦪白貝、帶子🐚任食嘅 size 雖然唔大🥺但勝在都頗鮮甜😋美國雪花肥牛🐂西班牙黑豚肉🐖瘦中帶肥🤤牛肉都幾嫩，唔錯👍🏻其餘鮮蝦雲吞、流心蟹子丸、炭燒芝心丸🥢北海道蟹柳、芝士腸🧀爽滑豆腐、金菇、番茄🍅西洋菜🥕就正常發揮.汽水🥤有可樂、雪碧、芬達、忌廉🤗.調味方面🧂有豉油、芫荽、辣椒油、蒜蓉🧄蔥粒

見到218仲唔加一嘅蒸汽海鮮火鍋覺得幾抵就去左食！先食一盤蒸嘅海鮮，入面有深海石斑、鮮鮑魚、大元貝、美國牛小排、蟲草滑雞、海蝦等等，仲有一隻龍蝦。菜單上面有同你講要蒸幾耐，同朋友跟住時間計時，一開始以為雞六分鐘好難熟，結果啱啱好，蒸得好嫩，醃得好入味。各種海鮮都食得出好新鮮，最深印象係龍蝦，肉非常彈牙。食完之後就會幫你整走蒸架，直接用頭先蒸完海鮮同雞嘅湯打邊爐，所以個湯底非常清。個度有一張紙可以比你揀任食嘅野食，填完之後交比佢地就得。最基本嘅野都有，而且有唔同款嘅海鮮：海蝦、東風螺、白貝等等，比嘅分量好足。仲有個香辣炒蟹，可以一試，辣，炸得又香，好好食！雖然人手唔多，但上野食好快同埋服務都好好。飲品係自助，坐嘅地方側邊就有兩個大冰箱，一個櫃係汽水，另一個櫃係啤酒。不過野飲嘅選擇就比較少，汽水得三種。最後食左超多，係真正既任食

海鮮拼盤打邊爐之前當然要先試海鮮蒸鍋啦, 拼盤當中包括了蟶子、元貝、鮑魚、蕃薯蜆、海蝦、星班半條、美國小牛排、蟲草花滑雞和龍蝦.不得不說呢度嘅海鮮都係新鮮又清甜.龍蝦對半切好,食落清甜，肉質就爽口彈牙.蕃薯蜆和蟶子洗得很乾淨,食到海鮮嘅鮮美又唔怕有沙.貝類海鮮有沙絕對係陰影,但係呢到就完全冇呢個問題,食得好安心!半條星班蒸完魚肉滑溜,食唔停口,絕對可以再點一份.美國小牛排的肥瘦適中,同海鮮一齊蒸的話會意外地帶有海鮮嘅甜味,肉香加上甜香確係一種不錯的組合.蟲草花滑雞就係少見嘅組合,雞肉滑溜彈牙,加上蟲草花,食落健康又好味.香辣炒蟹每枱免費送一碟,不會很辣，有非常濃郁的蒜香.蟹肉鮮甜又多肉, 炒完外殼脆口,不需要用鉗也可輕易食到.

呢排天氣凍，又係打邊爐既季節長沙灣呢邊都好多火鍋店，今次同媽咪試下屋企附近既熟食中心既海鮮蒸氣鍋連邊爐😍雖然平日去，但都非常多人食🤤呢度非常抵食，任飲任食都係$218咁既價錢已經包左多款海鮮，包括深海石班、鮑魚、海蝦 ，仲有蟲草滑雞同埋美國牛小排我地仲加左$20要左隻龍蝦🦞Menu上面仲有寫住各款海鮮蒸既時間，非常細心各款海鮮都非常新鮮，而且size一啲都唔失禮👍🏻👍🏻加左$20既龍蝦啖啖肉🥳食完海鮮拼盤，我地仲加左啲海鮮同菜上去蒸推薦大家食蠔，非常飽滿，成隻匙羹咁大🤗媽咪話蒸海鮮更加試到海鮮既鮮味，而且比起打邊爐冇咁熱氣🤣食完蒸之後就可以轉食火鍋，湯底已經吸晒蒸海鮮既鮮味火鍋材料都多選擇，仲包括有九肚魚同埋新鮮雞腸雞腎，呢啲坊間打邊爐都比較少見🙈

天氣突然轉涼，好想吃熱騰騰的食品暖暖身，帶媽媽👩🏻新嘗試吃 #蒸氣火鍋 同樣火鍋食材🥩🦞🦐🐠🐥🐷🥬🍅🌽 可以蒸煮又可以打邊爐，附上每款海鮮的蒸煮所需時間⏱ 想吃到嫩滑的肉質無難度！整體性價比高🉐值得一試🙌🏻2小時任飲任食套餐 $218/位 #免加一另外必食海鮮🦞推介：✅深海石斑魚🐠 肉質嫩滑 鮮魚味十足✅蟲草花蒸雞🐥 雞味濃肉好滑 吃不到雪藏味✅香辣炒蟹🦀 少少辣香口惹味 蟹肉飽滿鮮甜✅支裝汽水🥤可樂芬達雪碧飲任+$20任飲啤酒✅海鮮湯底🍲 蒸完海鮮的湯底是精華所在 用來打邊爐煮麵/餃子最正