林洪記

营业中

休息中

呢期涼涼地，聽聞保安道街市熟食中心有任飲任食海鮮蒸鍋，於是拉埋老友去蒸一蒸佢。海鮮蒸鍋兩粒鐘任飲任食，每人HK$218免加一，價錢算幾抵食。先黎拼盤，有石斑、桶蠔、鮑魚、大元貝、大蜆、貴妃蚌、海蝦、美國牛小排、蟲草滑雞，我地每人加左HK$20將肉蟹轉為本地龍蝦，食完呢盤可以再任食其他海鮮同配料。石斑滑溜，鮑魚彈牙，海蝦鮮甜。本身鍾意食雞，不過蒸雞就少食，但呢度嘅蟲草滑雞滑到我爭d跌落地，而且醃過好入味，有少少酒香。任食款式除左肉、丸、餃、菜等例牌野之外，仲有唔少海鮮，海蝦、蠔仔好新鮮，蝦滑、墨魚滑亦夠甜，仲叫左碟香辣炒蟹，香脆多肉，鍾意食蟹嘅話唔好錯過。📍林洪記長沙灣保安道325號保安道街市3樓CFS4號檔

林洪記 (長沙灣).之前都係同女朋友屋企食，今次帶我屋企人試下！.$238蒸氣海鮮火鍋任食套餐.套餐龍蝦做主食，其他每人仲會有一隻六頭鮑魚、石斑、蟶子等，個人認為石斑蒸氣食魚肉好嫩！龍蝦🦞雖然唔多膏但肉質好厚實！任食中韭菜餃、帶子，脆鯇片等，當然仲有蔬菜類，娃娃菜以及粟米🌽蒸氣食都好好食😋任均選擇，無限追加，雞肉都超嫩！汽水任飲，啤酒可單叫可每人加$20任飲！醬料自行調配。 除了海鮮我見到仲有雞煲食，大家有興趣都可以黎試.📍林洪記 (長沙灣)長沙灣保安道325號保安道街市3樓CFS4號檔.—————————————————————-

朋友住長沙灣 跟住地膽去食海鮮蒸鍋餐廳在熟食中心 環境欠奉但相當抵食二百蚊左右 就食到即叫即劏海鮮拼盤 蒸完海鮮可以嗌火鍋料打邊爐 款式多加廿蚊仲有任飲純生青島 是酒鬼之選-▗海鮮拼盤▘有龍蝦帶子深海石班 象拔蚌仔花蛤等最愛是龍蝦 十分多膏且咬落爽口鮮甜石班有半條咁多仲起咗骨 魚肉很爽滑蝦好新鮮 見倒啲腳仔仲識郁好甜好味貝類除了蜆有啲沙 其他幾款都很不錯蟲草花滑雞 蒸幾分鐘的確滑份量亦多牛小排正 好有肉味可惜得幾片唔夠喉-▗火鍋料▘火鍋料相對於海鮮盤來說 沒那麼驚喜兩個女仔叫咗 肥牛墨魚滑餐肉炸魚皮仲有蝦蠔仔萵筍西洋菜生根等 都不錯即包鳳城水餃細細隻不會太佔胃 幾好-▗炒蟹▘第一次見任食邊爐有炒蟹任食 太神奇惹味脆口有成隻蟹咁多 當下酒菜很爽-▗飲品▘汽水任飲竟是玻璃樽的 總覺得更好喝我喜歡忌廉 但我們倆出來都喜歡喝酒純生青島也不錯呀 清淡味道很適合我-整體來講 二百二基本全包兩小時任食 海鮮幾正選擇亦算多 性價比相當不錯

秋天有啲涼風，想食下海鮮，又想食下火鍋。就揀左林洪記。但佢推出嘅蒸海鮮火鍋套餐更為吸引。2小時任飲任食 $218(每位)(美味指數: 😋😋😋😋)我地加左$20轉本地龍蝦🦞。雖然位於街市無冷氣，但今日有涼風加上又有大風扇，我覺得完全冇問題一黎就比個海鮮拼盤我哋。加左錢升級既龍蝦仔、貴妃蚌、鮑魚、蝦、番薯蜆、蟶子、龍躉件、雞件、牛肉。種類都幾多最鍾意食嘅龍蝦仔，鮮甜爽口。蜆類都唔錯鮮甜冇沙。鮑魚尚算彈牙海鮮鮮味整體唔錯。任食都仲有可以繼續叫，帶子、蝦、蜆，我都食咗唔少任食方面仲有熟食，避風塘炒蟹似模似樣，見到佢即叫即炒。上枱仲係熱辣辣。.任飲任食整體性價比幾高😋整體食物質素：4 / 5💰性價比：4 / 5👍推薦指數：4 / 5

成日都好想去街市樓上打邊爐，見到個價錢又唔算好貴而且又有得任飲汽水，重點係都見到幾多人食，所以都想來試吓！呢度係主打食海鮮，而且每一個都好新鮮，款式都好多！唔想食海鮮嘅話，都可以選擇食雞煲之後打邊爐！但鍾意食海鮮嘅我，就梗係揀海鮮啦！ 個海鮮拼盤一上到黎真係嚇親我！超多種類而且每一款都好新鮮，好大隻！淨係講個鮑魚先已經活生生咁，我都係第一次見咁生猛嘅鮑魚！龍蝦都見到有好多膏，而且都係即開俾你，方便啲食！蒸起上嚟，肉質都好彈牙，而且蒸完之後，龍蝦嘅味都鎖住晒喺肉質入面！除此之外，仲有其他款式嘅海鮮，帶子、蜆等等，食得唔夠喉嘅仲可以加錢繼續食！呢度嘅蠔，亦都係任食，而且唔會係好腥個種，每次嗌嘅份量都俾得好多、好足！蒸完海鮮之後，仲可以打埋邊爐，除咗可以任食肥牛之外，亦都有唔同嘅丸類同菜選擇，魚皮真係好好食，好脆身，而且每一塊都好大塊！

今次食既係海鮮火鍋🥰，呢間真係好抵食2個鐘$218 ，而且啲海鮮勁新鮮同甜，唔需要豉油調味料已經好好食🤤，一開始就會有一盤海鮮先，但係如果想要返第一盤嘅海鮮後續就要加錢，但係邊爐紙都會有其他海鮮嘅選擇，亦都好好食唔使擔心😆。魚頭呢間嘅魚頭真係令我好深刻😍，好滑好甜，而且好彈牙好有咬口，勁新鮮先至會食到呢一種味道，佢係餐牌度會講明要蒸幾耐，所以唔使驚會蒸到超時。龍蝦龍蝦大細適中，而且仲有膏😍，嗰膏唔會覺得苦，反而係甜，所以都係必食嘅選擇😋😋。貝類呢間有幾款貝類，全部都好好食，重點係所有都冇沙喺入邊🤭，食貝類最驚就係有沙，整得唔乾淨，但呢度嘅海鮮真係唔需要擔心呢個問題🤤，而且仲要好新鮮。炒辣蟹本身以為呢度剩係得打邊爐嘅食材，點知竟然有辣炒蟹食😯，佢仲要炒得勁野味，有大排檔嗰啲味道，好地道🤤。

平時搵食都比較少接觸到熟食街市，今日有朋友帶路，同我去見識下街市風味嘅晚餐，真係有驚喜wor😆平時食蒸氣海鮮，通常都係一間餐廳入面，所有侍應都勁忙咁走來走去幫顧客蒸煮，今日呢度就靠自己啦✌🏼 當然啦，相比其他餐廳價錢都好唔同，呢度成人只係$218任飲汽水任食兩個鐘，性價比勁高👍🏼海鮮方面亦非常新鮮，種類亦多，有龍蝦，鮑魚，深海石斑，蟶子，大元貝，大蜆，海蝦；肉類就有牛小排同埋蟲草雞。上枱時隻大蜆仲郁緊㗎，海鮮夠新鮮嘅話就咁蒸熟都好好味，真係食到所謂「鮮味」。而牛小排亦好嫩，雞夠晒滑😋😋蒸完海鮮，仲可以打埋邊爐，一樣任食。但由於我哋食量唔大，所以簡單叫咗肥牛，炸魚皮，脆肉鯇，甜粟同貢丸，以免浪費。同海鮮一樣，火鍋食物都係有質素的，特別係個脆肉鯇，好脆好爽口。今晚見識完街市熟食，之後搵食又多一個好選擇啦😉

朋友在長沙灣返工，在附近找找美食，發現竟然有海鮮火鍋，今晚來試試佢。林洪記位於熟食中心，距離地鐵站有大約8分鐘距離。熟食中心內沒有冷氣，不過現在天氣已經轉涼，沒有冷氣也不覺得辛苦。成人每位$218 ，已包海鮮拼盤和任食任飲，不過啤酒就要加錢。先上桌的是海鮮拼盤，龍蝦好多膏，海鮮都洗得幾乾淨，放得幾靚。全部食完印象最深刻的是海斑和雞，兩樣都非常滑，質數好高👍貝類幾新鮮，蜆仲會郁的，蟶子鮮甜，鮑魚彈牙，扇貝有甜味，都幾高質。火鍋配料方面，因為食完海鮮拼盤都幾飽，所以沒有食到很多款。肥牛真係幾肥，翠玉鯇有魚味、爽脆。魚皮唔會死硬，夠薄夠脆，唔咸。汽水任飲，最好嘅地方係支裝玻璃樽，比罐裝好飲好多。醬料選擇比較少，不過材料新鮮就夠好味。

2小時任飲任食火鍋+有蒸氣海鮮食先218蚊，價錢真係好抵～同住係附近嘅fd黎試下，熟食中心雖然冇冷氣，但風扇好強勁，完全唔會熱。海鮮按人頭計～我地呢到係2個人的份量。海鮮都唔錯～龍蝦&鮑魚最好食👍佢餐牌上面有指示每一樣嘢大概蒸幾分鐘～食完蒸海鮮之後呢就開始打邊爐，佢地係加雞湯做湯底，湯底加賣之前蒸海鮮的湯汁，所以好鮮甜～肥牛索左湯嘅甜味，唔洗點醬都好食。下面都係叫各一份的份量，食完再叫唔會晒野。

同事住長沙灣，傾開計同我講長沙灣有一個熟食市場，入面有間食任食海鮮蒸氣鍋好抵食，所以約咗個鍾意食海鮮嘅朋友去試一試。入到熟食市場最頂層，搵到有一間叫《林洪記》嘅大排檔，坐低後夥計介紹佢哋個蒸氣鍋+打邊爐放題，每位$218免加一，嘩真係抵到爛！因為呢個餐係包括聖子、鮑魚、石斑、蟲草滑雞、牛、海蝦（蒸氣鍋），再加兩小時任點任食白色點餐紙嗰啲海鮮，有蠔仔、炒蟹、丸嗰啲。實在太抵食！支裝汽水任飲！另外仲可以加$20就可以啤酒任飲，真係朋友聚會嘅好地方！蒸氣鍋海鮮：唔知係咪因為喺熟食市場嘅關係，近水樓台，感覺好新鮮真係即叫即劏，石斑係好好味，蟲草雞係食得出新鮮雞，鮑魚十分彈牙，淨係食頭一part已經值回票價！打邊爐放題：由於第一part已經食得好滿足好飽（食左下午茶食唔到咁多），所以叫咗墨魚滑、蝦滑、蠔仔就飽飽！其實如果大食嘅話真係可以食好多野！同平時打邊爐任食嘅選擇一樣咁多！總體評價係十分之抵食、海鮮全部都好新鮮，如果唔介意地方比較平民之外，呢個海鮮蒸氣鍋放題我會極力推介俾所有朋友！

位於長沙灣保安道325號保安道街市3樓CFS4號檔的林洪記，主打港式蒸鍋。筆者在五月尾時和朋友去吃晚餐，因疫情關係，餐廳暫定在9月21日重開。餐廳位於熟食中心內，只有大風扇，但勝在性價比高，$218便可以任飲任食兩小時，離席時飽得捧著肚子離開。就在等候湯底來到時，可以先去拿飲品。各樣支裝汽水和支裝青島啤酒也是任飲的。用餐當天天氣炎熱，所以都是喝完一支，才去拿第二支。否則汽水很快變熱，不好喝。店員先送上一大盤海鮮，有六款海鮮如鮮鮑魚、大蟶子等，十分豐富。各款海鮮來貨頗新鮮，色澤明亮，而且入口爽滑鮮甜。個人最愛吃這款鮮鮑魚。餐牌上有小提示，建議各款海鮮要蒸的時間，也可以按個人喜好調整時間。大蟶子的肉質也相當彈牙，朋友相當喜歡。海鮮旁邊還有美國牛小排 和 蟲草滑雞。前者頗有肉味，不會有太多筋，後者的肉質也頗為滑溜。男士如果不夠飽，店員還提供了兩張點菜紙，約有四十款配料任食。筆者則點了少許蔬菜和丸類（黑椒牛筋丸、流心蟹子丸），每款丸各有兩至三粒。老闆還送上了一客椒鹽炒蟹，相當香口，能吃到啖啖蟹肉，蟹肉頗為離殼，可見用料頗為新鮮。

想食新鮮又抵食嘅蒸氣火鍋🤔之前就同 friend 約埋去林洪記食仼飲仼食蒸氣火鍋🤩.先上咗個海鮮拼盤🐟有鮮鮑魚、大蟶子、大元貝、貴妃蚌、海蝦🦐龍蝦🦞大蜆、美國小牛排🐄滑雞蟲草🐓海鮮同肉類都非常新鮮👍🏻鮑魚同龍蝦彈牙😆大元貝、海蝦鮮甜🤤美國牛小排、雞肉粉嫩鮮美💗用蒸嘅方式，食到食材嘅原汁原味.食完海鮮就可以打邊爐🍲湯底係用翻海鮮的精華😯零舍有鮮味😜美國雪花肥牛🐂西班牙黑豚肉🐖肉質鮮嫩，肉味香濃😋不過肥牛就比較有咬口，豚肉腍身少少🤏🏻蟹籽鮮蝦滑、蟹籽墨魚滑🦑彈牙又鮮味十足😙白貝、花甲🐚蠔仔🦪都好新鮮💦.香辣炒蟹🦀即叫即整🔥啲蟹肉熱辣辣，鮮甜又惹味😉.汽水🥤有可樂、雪碧、芬達、忌廉🤗.調味方面🧂有豉油、芫荽🌿辣椒🌶️蒜蓉🧄蔥粒

$218/一位，免收加一媽咪係長沙灣果邊返工，成日都話好想試下熟食市場入面呢間火鍋專門店。林洪記最主要係做蒸氣海鮮同埋活雞煲嘅，而我地今次就試左佢地嘅蒸氣海鮮加打邊爐。入座後佢地會先送上一大盤海鮮拼盤，啲海鮮全部都係由香港仔直送，仲要係即叫即劏海鮮拼盤入面有鮮鮑魚、大元貝、大蜆、海蝦、特大桶蠔、龍蝦，仲有一份蟲草滑雞同埋牛小排。全部嘅海鮮都好新鮮，鮮味十足！啲貝殼類海鮮完全冇沙，桶蠔都冇腥味，好鮮甜。雞肉及牛肉亦都鮮嫩冇骨。由於每款海鮮及肉類嘅烹調時間都唔一樣～大家可以睇返餐牌上面嘅資料食完呢一大盤海鮮之後我哋已經有啲飽，咁就另外嗌多左少少火鍋配料，就已經夠晒啦！私心推介佢哋嘅炸蟹，俾咗好多蟹鉗我哋，啖啖肉好正！

得知長沙灣保安道街市，有間好親民既蒸氣海鮮少煱，身為好街坊，一定要試下😊😊講得街市大排檔，環境冇得要求高高，勝在尚算乾淨企理。今晚我地三個人（兩大一小）搵左個好位開餐😋先來一個超新鮮海鮮拼盆，有龍蝦，鮑魚，大蜆，扇貝，聖子，活蝦，螺肉，鮮牛，鮮雞，賣相已經好吸引😋😋😋龍蝦超美味，新鮮爽肉，其他海鮮質素都很好，食完一輪蒸氣海鮮，仲有任食火煱，食物一點都唔姑寒，份量足，唔會切到細細件，出前一丁原包奉上😍 鳳城水餃，北海道蟹柳，脆肉鯇魚，蟹子包心丸，而且汽水係任飲的（樽裝汽水，風味滿分）醬料都是免費自助，埋單沒有收加一。食完兩輪，已經飽到上心口，成人都只是$218, 小童$108。超抵食😋😋

最近天氣雖然熱左少少，但香港人真係四季都咁鐘意邊爐，咁我當然都唔例外啦。呢次同朋友相約左去長沙灣林洪記食蒸氣火鍋。當日去到唔洗等位即可入座，一坐低無耐，超大碟既海鮮拼盤即上枱，雖然佢既餐牌上面好細心寫明曬各款海鮮既烹調時間，姐姐都好好心咁同我地講下鮑魚同龍蝦等等既海鮮點樣為之熟，等我地唔洗煮到過曬龍。拼盤上邊有龍蝦、鮑魚、海蝦、扇貝、大桶蠔、貴妃蚌、大蜆等等既生猛海鮮。平時出街食海鮮好怕唔夠新鮮，食貝類又驚多沙，呢到既海鮮清洗得非常乾淨，完全無沙而且樣樣都好新鮮。鮑魚大隻夠鮮味，非常彈牙。龍蝦蝦肉彈牙鮮甜，仲有膏既添。桶蠔肉大大粒，又juicy!大蜆同貴妃蚌跟足佢既提示蒸完三分鐘，超超超鮮甜嫩滑，平時我地自己買既係煮唔到呢隻質地同味道呢！海蝦蝦肉爽甜彈牙，配埋辣椒豉油，真係好好味，海蝦仲可以任叫任食嫁！海鮮蒸到七七八八，我地叫左少量肉類、花甲、獅蚶同香辣炒蟹。花甲同獅蚶同頭先既海鮮一樣，新鮮無沙，處理得非常好，而且落單比既份量都好多。香辣炒蟹姐姐話係即叫即炒，黎到果時係相當辣手，廚師好細心已經將殻拆開左少少，所以唔洗用拑都可以拆肉食，微微的辣味配埋蟹既鮮味，真係幾夾，但如果再辣少少既話