林記小食

营业中

休息中

-自製魚蓉燒賣（$7/5粒）因為燒賣關注組 先知道林記燒賣🤩買左一兜燒賣慢慢食🤤燒賣食落真係好煙韌，好有口感🥰同平時街邊的燒賣好唔同🌞真係好好食😍食唔停口♪( ´▽｀)記得要加辣椒油，好夾(*´◒`*)燒賣Fans一定要試～-Name🏠:：林記小食 Location📌: 石硤尾偉智里1-3號白田購物中心G25號舖價錢💰: 自製魚蓉燒賣（$7/5粒） #燒賣關注組 #香港 #相機食先 #石硤尾美食 #掃街 #小食 #林記小食  #燒賣 #石硤尾

平時留意開燒賣關注組好似比較少人提人過林記小食，睇返訪問先知原來佢地有製作手工燒賣！既然去得白田緊係要買返一兩串食下啦！自製魚蓉燒賣($8 5粒)以手工燒賣來講，定價比預期中便宜！燒賣皮薄，魚肉🐟顏色比較深色和半透明，睇返其他訪問先知原來係溝咗鯪魚肉+大地魚！燒賣食落係煙靭有嚼勁💛，又重魚肉味，冇咩肥豬肉粒+冇麵粉口感👍🏻！而鼓油係自家調製，偏甜一點，加埋少少辣油好好味😋唔鍾意點鼓油仲可以點沙嗲醬，不過當日試咗辣油就冇試沙嗲醬啦，下次一定要試！

石硤尾_林記小食有一次看到香港燒賣關注組介紹的手造燒賣，近我咫尺的石硤尾有林記！夜晚6點半都有好多人去買，$7/5 都真系好抵食，支持環保大家都可以帶食物盒去載燒賣！燒賣好煙韌，亦都吾細粒，我一次過仲買左三份慢慢嘆！之前都有試過林記的車仔麵，雖然都係普普通通，但價錢同份量成正比，可以喺街坊首選❤️

之前聽朋友講呢度燒賣好食，但嚟過兩三次都撞唔啱佢嘅時間，呢排有睇到佢嘅報導，話佢每一日都係人手製作自己包，令我更加想食，隔住個mon都流晒口水🤤，試到佢嘅真身！ 燒賣 $8/5粒今次終於比我試到，食落去係比較煙韌，食得出佢有魚肉味，真係唔係平時嗰啲燒賣，真心好好食，食一串真係唔夠。加埋佢個辣汁，少少炒香過嘅辣椒，簡直食唔停，差啲仲食晒朋友個串😂😂魚蛋 $5/5粒自己本身唔係太鍾意食魚蛋，又拎咗朋友一粒試下，魚蛋個質感比較厚實，唔係彈牙嗰隻，加上自己麻麻哋魚蛋，都係食返燒賣開心啲🍴林記小食🚗 地址： 石硤尾偉智里1-3號白田購物中心G25號舖抵食指數：🌕🌕🌕🌕🌗Encore指數：🌕🌕🌕🌕🌖

🥡 魚肉燒賣$10/5粒作為一粒魚肉燒賣，最緊要梗係啲魚肉啦！一粒魚肉燒賣主打手做，呢樣野我一啲都唔質疑，不過魚肉用咗兩隻，咬落都好煙韌，不過魚味唔算突出。反而粉嘅感覺好重，每一啖咬落去都有少少痴口，唔係我想像中嘅燒賣。再嚟就去到辣椒油，有渣的確係唔錯，不過整體來講都唔算太特別。為咗試真啲，已經即買即食，感覺啲皮都係有啲冧，買走就未必好食啦！

24蚊有3餸的車仔麵相信係香港都好難搵到，今次叫左蘿蔔紫菜同牛腩，打開個蓋仲見到佢送咗啲菜心畀我食添❤️朋友叫左 豬紅魚皮餃牛腩都有送咗菜心畀佢！即係24蚊有4餸❤️❤️❤️仲要都幾好食，另外排隊果時見到好多人叫燒賣，我地又買左串試下，超級好食！！！記得要叫佢落辣豉油！！ 唔係好辣但係又好香，燒賣必食！

$24三餸車仔麵我要左牛腩豬腸雞亦油麵雞亦得一隻，不過$24蚊三餸仲想點好多人排隊，等左好耐平時行過見到中午好多學生排隊，學生$23三餸車仔麵 我晚餐買都一樣好多人，好多住附近收工嘅街坊排隊買！味道ok，$24三餸真係冇得輸！

近排轉左第二個姐姐煮麵嗰呀姐黑口黑面我見人哋嗌燒賣佢都有問人落唔落豉油落唔落辣椒油，我叫咗個撈麵加燒賣但係我冇話加豉油 佢就重手幫我落咗但係個撈麵就冇幫我落味粉 ，淨係幫我加咗豉油

燒賣我的最愛～平時屋企都會叫媽咪蒸～紅磡林記燒賣筆流出名～但一直冇機會試到～因為禮拜日5開～今日無意中經過白田分店～當然不容錯過啦！都5少人排隊～去到肚餓～所以除左燒賣，仲叫左魚蛋同豬紅食！仲叫左姐姐俾多d辣～佢ge燒賣同出面麵粉多過魚肉5同佢係魚肉佔多所以顏色並冇出面咁白食落較有咬口～魚味十足！加埋d汁好好味！！d豬紅就冇咩特別～但加埋特別辣汁吸到d味好好味～魚蛋就5係我鍾意ge陳皮魚蛋～不過以普通魚蛋黎講係彈牙d～下次想試埋紅磡個間分店作一個比較先！

星五放工經過林記，見冇人排，梗係拿拿臨整返碗車仔麵啦（平時繁忙時間排長龍）佢個車仔麵$23/3餸，大部分同價，唔會好似其他店咁，唔同餸唔同價點了三餸麵（蘿蔔、魚肉、魚旦）一定要叫佢加辣汁，佢個辣汁好正咖哩色但唔係咖哩完全冇麻嘅成份，又唔係辣椒嘅辣又唔係沙嗲嘅辣唉～～唔識講，好有層次，總之好食車仔麵必點蘿蔔一碗有3舊，勁厚切大舊佢個蘿蔔唔甜，但勝在好淋好入味而且一夾就分開，完全唔澀同埋冇渣，食過好多次，水準穩定而且健康，所以我車仔麵必點蘿蔔小店兼賣生菜魚肉，所以有魚肉呢款配料一碗有5-6條，食得出唔係100%魚肉，有胡椒味，同粉粉地不過每條魚肉都大條嘅咁嘅價錢，$23/3餸，完全冇問題吖仲有仲有，我必點粗麵，因為爽口外賣返家20mins都未淋pat pat仲要麵量十足食完，飽晒，$23

林記係街坊名店，位置隱世，要熟附近先識嚟佢店細細，但除咗魚旦、燒賣、牛肉，粉果呢啲點心外，仲有粥呀、車仔麵、生菜魚肉、印尼撈麵、腸粉、連茶葉蛋都有好多街坊、學生、在職人士幫襯佢價錢平，而且好多嘢都over水準有時好想幫襯佢，但見佢太多人都慣得排隊今日非繁忙時間經過林記，冇人排，唔幫襯對唔住自己拿拿臨衝去買名物車仔麵先～～～$23蚊3餸（包2條生菜），冇記錯嘅話，佢呢2年都冇加價就算加價，都好抵！$23醫飽你，老麥都唔得啦大部分餸都唔會額外charge你姐姐會即刻做比你，如果啲餸（雞尖、魚肉、魷魚......）唔喺個爐滾開佢係要特登喺雪櫃攞出嚟烚所以要等起碼5分鐘佢地啲手勢好好，我叫外賣，就算我20分鐘後先行到返家佢個粗麵，我次次叫親，都唔會焗到啲麵淋pat pat我叫了三餸麵（蘿蔔、魚旦、魷魚）送生菜一定要叫辣，佢個辣汁好正唔麻，帶有少少薑粒，咖哩同好少嘅甜味無論你叫咩，佢都會附送2條生菜蘿蔔好淋，雖然有少少渣但佢係淋到你唔洗咬，佢自己會化開蘿蔔配辣汁一流佢都麵都唔少，這是粗麵，因為幫襯多次，佢個粗麵都係爽口嘅重要係返到家都仲係爽口嘅，來貨好，呀姐煮嘢又把握到時間女仔食完係會好飽三餸麵

聞說在西貢有分店咁我住市區當然要我來石硤尾比較近去試吓佢嘅食物囉不過佢應該係叫做小食店雖然都有面類但款式不算多咁我主要就想講佢嘅燒賣同腸粉佢個燒賣價錢還算中檔價錢未叫去到貴不過幾彈牙幾in銀佢呢度嘅辣椒🌶️油去配搭食釣下味都幾口味另外個腸粉都好喎滑 份量足

香港文化周圍都有魚蛋燒賣依啲小食，但好多時都係口㾗或者太肚餓時食，用心整既唔多但其實好食同唔好食都可以差好遠林記小食以魚蓉燒賣及秘製辣汁為招牌，店舖不近大街，保持價錢公道，好多街坊、學生幫襯林記野食算多種類燒賣腸粉等蒸品之餘，車仔麵、炒麵、生菜魚肉、豬潤麵、牛腩麵都有，好多都吸引先試下佢既魚蓉燒賣，較一般魚肉燒賣重魚味，口感亦較有嚼頸幾唔錯，潮洲粉粿就太厚皮，雖然佢個皮ok好味但實在太厚食到底既豬紅，質感普通唔算滑，底既汁加埋辣汁好好味但入唔到舊豬紅，完全入唔到勞蘇食推介 —— 撈麵唔辣加辣汁加牛栢葉佢有撈麵同芝士撈賣，可以自由加佢賣既所有餸，eg雞翼尖、牛腩、咖哩魷魚都得，要食佢既辣汁既極度推介先要撈麵唔辣再加返辣汁，唔好俾麵個啲粉搶味辣汁超正超惹味，撈麵撈埋其他餸好正，仲好有風味牛栢葉加辣汁係上面係靈魂所在，又鮮，又爽，辣汁味完全呈現可以既話盡量堂食，加埋碟成個港式小食風味出晒黎不過要有位先得，佢只得兩張細枱幾張櫈#日日放學/放工食返個先都幾正#如果辣汁有一枝枝買我都會買#唔肯行入兩條街就要係大街食兩倍價錢既行貨

每次去食都只點腸粉和粉果，當下午茶小食唔錯，腸粉一定落晒所有醬，粉果10蚊3個，平均一個唔使4蚊已經比出面平左d，鋪頭賣既野算抵食，有時唔想食飯，食下哩d當一餐都唔錯。

好嘅一餐 唔好嘅又一餐貴嘅一餐 平嘅都係一餐今日豬先生豬小姐尼個又好嘅而又平嘅午餐「林記」嘅自製燒賣係西貢已經出哂名 係全人手製手打嘅魚蓉燒賣！燒賣形狀唔會似粉團燒賣咁漲卜卜大大粒 每粒形狀不一較扁身 魚肉顏色呈半透明嘅啡色味道有著天然魚鮮 煙韌帶有嚼勁 紮實得尼不會感到粉感 價錢仲要咁超值！潮州粉果好足料 配上彈牙餃皮 沾一沾豉油吊味 相當不錯腸粉質感滑溜帶米香 加上大量「混醬」滋味 無得輸！尼度嘅狗仔粉有得揀銀針粉底或者上海粗麵底 我地揀左前者！家鄉銀針粉認真已經唔係好多地方有得食雖然只有簡單材料 肉碎 蝦米 乾蔥 蔥粒 湯底重口味但偏油膩 但食嘅偏偏係回憶 小時候嘅感覺番哂尼簡單而幸福嘅滋味 我得到了 有了您開心啲 嘜都稱心滿意 燒賣粉果也好好味