林記小食

营业中

休息中

越簡單嘅小食店，腸粉、魚蛋、燒賣越吸引我。食一串牛肉燒賣（$9）、一串魚肉燒賣（$8），腸粉四條（$10）。店面細細，但人流不絕。雪雪白白嘅腸粉，未食已知對味，再加埋豉油、甜醬同芝麻，簡直滋味倍增。腸粉好滑溜，一份四條極速食晒。燒賣好有質感，唔係粉雷雷果種，每粒小巧精緻，不規則形狀，似係手唧而成。魚肉燒賣有魚味，牛肉燒賣就肉質彈牙，食得出嘅真材實料。記得一定要加埋辣椒油，辣辣地夠刺激，同燒賣係絕配。

今日去咗黃埔搵嘢食見到宜間小食舖, 嗦到有一浸辣嘅味道飄出囄！再行去見到有有魚嘅魚肉燒賣同牛肉燒賣,又幽香嘅辣味魚蛋！馬上叫呭離食！Waaaaaaa魚肉燒賣入面真係有魚肉呀😋😋😋😋又蒸得夠透！牛肉燒賣😋😋咬落去唔係太多牛肉味(幾蚊雞可以接受）食完唔覺得口渴👍🏻👍🏻！魚蛋不過不失,個汁好香👍🏻👍🏻👍🏻👍🏻,唔係齋加咖哩粉個D！自家做辣椒油記得一定要加呀！服務非常好呀！本人好鬼鐘意食芝麻,所以請兩老加D比我,佢哋馬上話好呀！咁細間舖都有咁嘅服務真係要表揚下！牛肉, 魚肉燒賣辣魚蛋各一串舖面

和小伙伴专程前来找林记小食 红磡站出地铁走一个很长的天桥 看到观音街就快到了。三宝很入味 肠粉滑溜 烧麦软糯 鱼蛋Q弹 不过小伙伴说还是鱼蛋最好食了有机会还会来 25蚊一份。

其實已經久仰大名很多年，卻從未吃過；這天下班後去吃，遠處見到那有七、八人排隊的便是了，而且買了以後發現人龍越來越長。小小的舖位已經有四個人幫忙（似乎便是林家？），卻也忙個不停。大部分人買的是腸粉、燒賣和魚蛋。不過稍後還要吃晚飯所以只淺嚐燒賣。其實它還有分魚蓉和牛肉，今次試了魚蓉燒賣，的確，它的魚肉比例較高，所以感覺健康一點。但肥膏溝魚肉的那種煙韌便相對較少，期望過高變得感覺也未如想像。雖然它不是我吃過最好吃的燒賣，也吃出它自家製的用心。看別人的意見都說魚蛋彈牙魚肉味很出，希望下次試另外兩寶可以有驚喜啦！

呢間小食店，十幾年前開張時，毫不見眼，只係買幾種小食，我住在家圍邨時，就經常幫襯，自從搬到土瓜灣就好少了。今天買了一串魚蛋，要小辣，有小小咖哩味，有香味，而辣道都算辣，魚蛋都算彈牙，整體來說都保持得住。

到紅磡買菜，在觀音廟附近有兩三間買魚蛋燒賣的小食店，唯獨是林記小食門外排了一行人。縱然我們吃過午餐沒多久，但看到這個排隊情況，當然亦要湊一湊熱鬧 本來我們打算只吃一串魚蛋，但忽然看到一種以燒賣皮包著牛肉的點心，再聽到小食店亞姨說用上了新鮮牛肉，我們也就即管試試看 魚蛋很彈牙，不過辣汁可以再辣一點。帶來驚喜的是牛肉賣，牛肉肉質結實彈牙，明顯真材實料牛肉份量充足，而牛肉味亦很香軟嫩滑，沒有乸粉味。只要專注用心，做好數樣東西(甚至只是一樣東西)就足夠了。

以為食得番35年前既魚蛋味,點知都係唔得。個汁唔得，唔係個回事。多年青人幫襯係因為70年代魚旦消失時佢地未出世，未食過根本唔知乜味。好失望！ 大概35年前有個老伯係家維邨通路擺推車檔，個尐魚旦汁既味35年後依然令人念念不忘！呢間完全唔得！ 雖然佢已經好過旺角好多垃圾檔好多 ，但係嗰一種甜，辣， 香， 回甘， 彈牙，不腥， 咸度適中嘅味道，佢做唔到。汁的濃度剛好，不太杰又不太稀。天下間仲有無人做到70-80年代既魚旦既味道呢？

早排要借錢順便嘗試依間魚旦檔,果然是紅磡出名的魚旦檔,首先是要排隊大既有十人在排等了５至8分鐘,剛剛塞正大廈出入門口,在等候其間要左閃右避,因條路太窄,除非企出馬路！講返正題買了一串魚旦品嘗,我揀左棘,第一嗒我覺得茄喱味重左Ｄ魚旦肉心冇嘜彈性,本人覺得不是甘值得排隊買嚟吃,最後加句題外話,我見到有Ｄ企係—條甘窄行人路到吃又有Ｄ人企正人地住宅門口到吃反而又晤去對面有好多空位吃,(家維邨)好心就晤好阻住條路及人啦！謝謝各位觀賞

黎紅磡掃街，一定要食出晒名既林記三寶！燒賣個外貌真係麻麻地，但燒賣不可以貌相😅😅！魚肉燒賣堅係食到魚味，因為佢入面既魚都好多下，所以好夠味同煙韌，唔似你平時街邊食到既麵粉燒賣///魚蛋有得揀咖喱辣或者唔辣，辣得黎又有少少蠔油味，唔錯，而且好彈牙，同油麻地通達有得fight💪💪.///相比燒賣同魚蛋，腸粉就無咩太特別，但都好滑，加左甜醬，麻醬，芝麻，豉油同辣醬撈埋一齊食就好惹味///一份三寶夠兩個人share，大家可以搭去對面家維邨出面啲石博到食，咁就唔駛企得咁辛苦

去開觀音廟，女友推介林記小食，於是乎又試下佢d小食，睇下點解成日鋪頭門口有人排隊！係咪真係咁好食！叫左一份腸粉走辣，辣魚蛋 (但俾錯左唔辣魚蛋！)，腸仔，魚肉燒賣同牛肉燒賣.腸粉好味全因一個原因，就係夠熱，無咩特別評價，返而想評價下d燒賣，林記d燒賣，外相極之唔吸引，人地d燒賣一粒粒好飽滿，佢果d好似係個膠袋經壓迫完囉出黎！外形岩岩參參！味道嘛.... 一般囉！最后想講講服務態度，去到幫襯時，無那那左右各有一條隊，問個阿姐(唔知係咪老板娘？) 邊條隊賣腸粉，佢又唔理，論到我果時，黑面！又不停啤住上一位內地客！落單又俾錯魚蛋！感覺又係一間名過其實嘅食店，食品質素普通無咩特別，唔值得排隊去食。

又又要排隊，香港人真係怪銀行排隊就鬼晒咁嘈，吃嘢就鐘意排隊！其實依間只係好食過陳記魚旦少少同其它檔差一班，只是有電視台訪問過就出晒名，希望大家試試其他擋比較吓，紅磡仲有其它擋好食魚旦

個人十分十分中意食燒賣，小食黎講魚蛋或者燒賣，一定係投燒賣一票。好耐以前見雜誌有介紹過紅磡有好食既燒賣，亦都有住呢頭既朋友同我講過差館里果頭有間燒賣幾出名。有日去黃埔食飯，早左到，有啲肚餓，就心血來潮去左尋訪呢間出名既小食店。實在無諗過連食燒賣都要排隊等候，去到見到人龍都有啲嚇親。多數人都會叫燒賣腸粉，腸粉都係另一愛好之物，可惜食埋會太飽。叫感一串燒賣，彈牙有咬口，魚味其實唔算好突出，但唔係單單用麵粉整，今時今日已經好難得。點埋豉油，都好惹味。難怪小食店到有咁多人排隊。

話說我係勁鐘意食燒賣～ 我可以每日食燒賣做早餐～ 所以我只要下晝去開黃埔都會去食林記既燒賣～ 每次去都係要排隊，我從未見過唔使排隊～佢地既燒賣係自己整架～ 所以每粒都唔同樣，大小不一，但勝在有咬口，有淡淡既魚味～唔似出面果啲成口粉！突然心血來潮想食螺肉～螺肉好爽口，加埋佢地祕制咖哩汁～ 完全為平凡既急凍螺肉升左幾個grade丫～ 過兩日又會過紅磡～ 一定又會忍唔住去幫襯喇～ 哈哈哈～

經過林記，見到好多人。就係度諗要排咁耐，啲人都咁想食，應該都唔錯嘅？今次就揀咗腸粉加燒賣加魚蛋。^_^燒賣嘅外表扁扁地，唔似出邊嗰啲燒賣形狀咁。燒賣食落彈牙，有咬口，聽講呢度嘅燒賣係人手打嘅，怪唔之得外表粒粒唔同樣，同埋肉地鮮。魚蛋，今次揀咗辣味。第一口食咗個魚蛋，爭啲濁親因為有啲辣。但係越食越滋味，完全係越辣越好味嘅感覺，魚蛋好實心，啱晒似我鍾意有口感嘅人。腸粉都幾滑身再加埋混醬都唔錯。但食唔出特別之處，覺得都okok ^^另外，呢度婆婆做人好均真，見到有客人比多左錢。婆婆即刻叫停客人，堅持畀返客人。有時，婆婆比少咗一粒燒賣比客，婆婆發現咗就叫客人返嚟俾返粒佢。欣賞婆婆。

因為男朋友住附近先知道有間咁好味嘅辣魚旦，個汁同辣椒油都好正，我覺得係食過咁多間最好食嘅！另外啲腸粉都唔錯，因為個辣椒油好味！$7 串魚旦 ，食幾多次都仲覺得好食呀