林記小食

营业中

休息中

#中意嘅請分享請點讚🍻----------😋腸粉4條 $10😋魚蛋6粒 $7😋燒賣6粒 $9林記係紅磡已經開左好多年，一去到已經見到好多街坊幫襯。聽聞燒賣係佢地自己整，所以粒粒形狀不一，食落唔會好粉，有咬口，但就食唔出太大嘅魚味。魚蛋都比平時食到嘅有咬口，而腸粉都夠滑身。因為好多人排隊買，佢會不斷整，唔會蒸到燒賣發脹。----------🔎林記小食🚩紅磡差館里 21 號

每次去到林記第一樣要做的事情吾係諗食咩，而係排隊。真係超多人食，屹立紅磡咁多年真係吾係講笑。.📍#魚肉燒賣 🐟$9如果以舊區黎講，呢個價錢係貴左少少，但食完就知點解呢個價仲排住隊食，因為真係落魚肉去打係真正的魚肉🐟燒賣而吾係麵粉燒賣，有魚味🐠同埋幾彈牙。.📍#腸粉 $10/4條林記腸粉出名爽滑，的確係好食的；但食腸粉最緊要係個醬，佢的醬完全冇溝稀度，所以食到濃濃的麻醬味同甜醬味。味道：7.5/10

今日來到紅磡觀音廟拜神後，總喜歡來到林記食番串咖喱魚蛋$7(一串)及魚肉燒賣$9(一串)，最後我買了兩串咖喱魚蛋及一串魚肉燒賣，剛剛開鋪所以未見有人籠排隊，平時排隊條人龍都從未間斷過，所以話隱世的小店總是吸引不少捧場客，太多數都是做熟客生意，咖喱魚蛋爽彈魚味濃郁，咖喱味夠香辣，不失水準，再加點甜醬伴食，超美味，另外魚肉燒賣也是我的最愛，魚肉香濃有咬口，加點醬油更是錦上添花，必食推介紅磡地區隱世小店美食都幾多，價錢又晤貴又抵食

香港特色美食其中一類就係掃街，魚蛋燒賣腸粉格仔餅煎釀三寶⋯數唔晒林記，係紅磡都出晒名，今日排左一陣隊咋，幸運🤩黎到一定要食魚蛋，燒賣同腸粉魚蛋$6/串，幾有咬口，唔算辣，個人仲加左d辣椒🌶️油，perfect match燒賣$7/串，誠意地有魚蓉打，唔會似粉團腸粉$10有4條，今時今日算係良心價，粉醬唔鞋滑嘟嘟，最緊要係夠熱！

行到餓餓地，想食d小食就要黎林記喇。嗌左魚蛋$6、燒賣$7、腸粉$10魚蛋要辣，食落唔算太辣，魚蛋彈口有咬口燒賣同魚蛋一齊放，都有辣味，如果唔夠可再加辣椒油燒賣煙韌得黎有魚蓉味，唔同平時個d粉燒賣！仲有另一讚既地方係佢好新鮮熱辣，成盤出哂煙既燒賣新鮮出爐，超好味！腸粉都好食，滑嘟嘟既，$10有4條好抵呀！高質平價野食，絕對必試

嚟開紅磡，一定幫襯!魚旦，要食辣味。燒賣，有咬囗，不是秎!牛肉，真的有牛肉味。腸粉，要分隊排，多人買你就知好嘢!我欣賞的，除了食物味道外，還有店家星期日休息 work life balance呀，又有幾多人做得到?

因為五一黃金週的關係，旅遊熱點地區人山人海，所以今天和朋友選擇民居為主的黃埔覓食，其中一站就是街坊人氣小食店林記小食。由於超多人排隊，老闆久不久就跟排隊的食客說，若不是買腸粉的話，可以在他那邊直接購買腸粉以外的小食，作簡單的分流，這明顯方便只吃牛肉的我，至於朋友吃腸粉，就要稍稍等候。個人覺得好吃的牛肉不需添加調味料，原汁原味吃是最好吃的。牛肉沾了少許碟上醬汁，不影響品嚐。牛肉皮的薄的，重要的是牛肉鮮甜極致，肉質彈牙，足見林記用料新鮮，手打牛肉技術不錯。朋友大讚林記的腸粉比深水埗的合益泰和大圍坤記的好吃，腸粉滑溜富彈性，熱騰騰的，加上麻醬，甜醬，豉油味道鹹甜得宜，吃完不膩卻飽足，難怪如此深受大家喜愛。

呢間林記小食同事同我講個幾次叫我食，但我都未試，因為有時放工經過又準備去食晚飯，或者有見到佢要排隊所以未試。因為今日早走，所以終於有機會買佢來做下午茶試吓。果然都係要排隊架，目測前面有10個人左右啦，但都去得好快，好搞笑唔知係咪因為好多人排隊阻住個大廈門口，所以隔離大廈有寫住不要堵塞哈哈。我叫咗腸粉、燒賣同魚蛋。但佢擺埋晒一齊啲醬撈勻左我覺得冇咁好，腸粉就冇乜特別啦。不過魚蛋同燒賣真係同平日出邊食到嘅唔同，我覺得兩樣都比出邊搞煙韌同埋重魚蓉味，煙賣比較長身！燒賣同魚蛋比較嘅話，我會揀魚蛋因為更加比出邊食到嘅特別！同埋可能因為佢好多人排隊買，所以真係不斷整，keep到熱辣辣！一定要夠熱先好食，佢有得揀要辣同唔辣，我自己就叫咗唔辣，不過佢其實兩樣汁係隔離所以就算唔辣都有少少辣嘅。食完之後我都明白點解會咁多人食，而且又唔算貴，都推介其他同事可以食下嘅！

每次行街，總係忍唔住買小食！🍡🍢因為公司係附近，有時經過會林記小食既魚蛋。林記嘅魚蛋唔會發得好大，但係好有咬口，好有彈性，食魚蛋一定要食辣！因為佢嘅辣醬味道好特別，正正係佢好味之處。

我經常去紅磡的時候，都必然會去林記小店掃吓街頭小食。今天眼見太多人排隊買腸粉，所以沒買到腸粉，叧一條隊不用排隊就買其他小吃。都是例牌魚蛋燒賣必吃，個魚蛋彈牙，配埋辣汁好濃味，個人覺得個汁偏甜又咸。但都係好味㗎！燒賣煙煙韌韌有咬口和魚味，不會食麵粉咁，不過不失。

林記小食 @ 紅磡聽人講得多林記既小食唔錯…尤其係佢地既手打魚肉燒賣…咁啱經開紅磡就去會一會佢先…見到一路都有小人龍…大約10個人到。排隊時見到除左燒賣仲有魚蛋…牛柏葉同腸粉…難得黎到…就4樣都試齊哂啦…😍 腸粉幾滑…牛柏葉夠爽(不過水柏葉又好少唔爽😂😂😂) ... 魚蛋就正路野…主要辣汁搭夠(另一間覺得好味就係通達)主角魚肉燒賣…質感尚算煙韌…食完有d after taste (雖然唔知係乜味😝😝)...不過就未去到人地講到咁好味…經過去食就ok...突登去就會失望…一間小食店有幾樣食物都有呢個水準算唔錯…不過老闆就串少少。話說老闆想分流…分要腸粉同唔要腸粉兩條龍。我就排要腸粉嗰條龍…到我時就話牛柏葉, 燒賣, 魚蛋同腸粉。老闆就話要牛柏葉唔早講…我嗰下O哂咀…已經一齊點你想點…早D係一排隊就叫…定去到一半就叫？你又唔早講🙄🙄…

經過紅磡想食啲街頭小食，於是去左一間曾經食過又覺得好好食既小店，呢間小店次次去都要排隊，主要係腸粉同燒賣出名～我們二人點左一碟$10腸粉同一串燒賣。腸粉好滑，加甜醬同麻醬好好食😋 燒賣都好有咬口。下次黎紅磡必定再食👍🏻

前排臨離開香港前 我終於好難得咁入去紅磡掃街啦😢第一站就係林記！好出名既手打燒賣🤭一到就見一條小隊 大家都係幾串幾串咁買既🧐我又試🐮牛肉燒賣 9HKD/6粒我地食既最貴既一款啦😂有點似牛肉球 但我係好中2既(本身就係牛肉控😛但👦🏻就覺得還好🤭 🐟魚肉燒賣 8HKD/6粒比起坊間既燒賣 佢會再多左一份鮮味🤭 口感都會彈牙得多 冇咁粉既感覺 而且皮又好薄😛好吸是油 好正🐠咖哩魚蛋 7HKD/6粒因為被佢咖哩醬吸引左 好啦 食落好似冇咩分別😂又要被👦🏻話我亂叫 叫咁多野食啦😕

前排晏晝咁岩要去紅磡觀音廟附近拎野，經過見到林記小食，有好多人排隊，所以就排埋一份！其實之前同朋友黎還庫嘅時候，朋友已經極力推介！但係因為嗰陣時未開門，我又唔係住附近，又唔係成日黎，所以一直忘記咗呢間美食今次緣份到，撞正佢開門，所以要品嚐下我淨係食燒賣，所以叫咗燒賣一串！用咗佢嘅醬汁，大量點喺燒賣～ 佢嘅外表睇落去已經覺得佢有質素😍 咬落去，超級正，燒賣好彈牙！魚肉味重，唔似外面好多小食店咁多粉感，一啲都冇覺得好軟奶奶，反而覺得好實淨同彈牙！其實我覺得最好味係佢嘅特製醬汁，同我食過外面嗰啲用嘅豉油有啲分別，我即刻再排隊買多咗2串完全覺得性價比超高而家諗起都好想再食😍🤣

小編聽得多呢度既燒賣腸粉有幾正，就專登過海黎會一會佢啦！今日大約4點到達、小編坐地鐵黎由銅鑼灣坐到黃埔落車b出口行左大約10分鐘，好彩今日唔係好熱ｏ者！講返呢度既食物、小編因為要留肚食晚飯所以淨係叫左1串燒賣和咖喱魷魚，燒賣食落係唔錯既，唔會話好粉咁或者好似鴻x堂d燒賣落曬d肥豬肉落去，呢度堅係魚肉燒賣、雖然冇d人講到話好彈牙，但其實味道唔錯、even食完之後都冇話好口喝咁！反而佢個咖喱魷魚就離曬譜，縮水縮到差唔多食唔到咁滯，完全係冇味冇道、唔知想點！冇下次啦反而如果再去既話會encore燒賣同埋試埋佢地既腸粉