柴石燒 (已結業)

為咗全黃food court 同Mee發源地 日日食美食廣場 .我決定遠征將軍澳🤣 好彩佢既位置都尚算方便唔難搵去到既時候已經人山人海👨‍👩‍👧‍👦.都等咗陣先有位Food court入面既選擇都好多.中日西式齊哂🙈我就見到有人食柴石燒既滑蛋鰻魚飯個樣好正咁. 就決定去試試條鰻魚大到隻碗都裝唔住🤣食落香口完全無腥味滑蛋🥚份量亦唔少而且都算滑配菜份量都好多. 又有菜又有蕃茄. 個餐本身重有沙律同麵豉湯完全唔使擔心飲食唔均衡🥗呢碗飯我諗大食仔都可以食到捧住個肚走.下次要試下佢個牛扒先🐮買完野食再去奶茶聯盟買野飲重有優惠tim架~美祿恐龍真係又大杯又好味

落到foodcourt 因為我地去到果時都已經8點 剩低既鋪頭唔多加上聞到好香鐵板味 所以決定食呢間嗌左個肉眼 雖然呢個價錢唔可以expect 太多不過舊扒比我想似中薄 同埋食落都無牛味 加上上板既時候都已經接近7成熟…所以…下次都係嗌其他肉 比多次機會佢~

坊間foodcourt入面嘅食肆都係以連鎖集團經營為主，不過早排將軍澳一個樓盤下面就開咗一個全💛嘅foodcourt，係香港現時唯一一個💛foodcourt - 日日・食良，入面所有食肆都係良心店，好方便附近居民搵食。呢度嘅食肆選擇唔算多，有石燒扒類、奶茶、燒味、冰室、牛腩粉等，今次我就試咗最多人推介嘅石燒牛－柴石燒，餐牌上除咗有唔同款式嘅石燒肉類之外仲有幾款日式丼飯，包沙律同麵豉湯。紐西蘭西冷石燒套餐（配沙律、飯、麵豉湯）西冷扒都幾大塊同厚身，食起上嚟可以啖啖肉🥩石燒套餐可以係3款醬汁之中揀一款，包括黑椒、蒜蓉或者燒汁，好有以前港式西餐嘅感覺。舊石好夠熱，不過因為太熱又冇其他地方可以放住燒好嘅牛，所以個牛扒就一路要燒住搞到熟咗啲😅😅食落有少許肉味不過偏韌，而且有好大條筋嘥咗，肉嘅質素唔算好靚不過呢個價錢都可以勉強接受。人均消費：$90推介指數（10分為滿分）：6分

難得去到將軍澳，決定去早前告急嘅黃色foodcourt度支持一下，第一次去唔熟路，兜咗一大個圈先搵到。一入去煙霧瀰漫，目測有近半人都係食石燒，被香氣迷惑，唔執輸食埋一份。紐西蘭肉眼扒定食 $88基本上一叫完都未行到埋位個傳呼器就已經響，牛扒嚟到嘅時候只係輕輕煎封過表面，有一定厚度，食落軟腍又有肉味，配埋湯、沙律同飯，依個價錢嚟講好抵食。Food court個抽風設備一般，食完個身會有少少燒烤嘅味道，如果可以改善一下就好了！

Geo條👅評分：⭐️⭐️⭐️⭐️ (5⭐️最高）日式滑蛋鰻魚飯 $78加奶茶聯盟 凍奶茶 $12 (跟餐)之前同朋友仔一齊嚟到將軍澳撐吓日日食良啲小店餐廳仔💛今次試咗柴石燒嘅鰻魚飯，一見條鰻魚，嘩！咁大條！佢喺長過個碗😂😂真係見到都溜晒口水🤤鰻魚味道唔錯，甜甜哋嘅日式醬油加上鰻魚幾肥美，啖啖肉送飯食，一流！滑蛋都唔差配上鰻魚一齊食，good good！另外一提，個飯有舊鮮冬菇仔，燒得幾好食！因為日日食良喺food court嘅形式，所以買嘢飲就要去奶茶聯盟到買，奶茶聯盟當然飲奶茶啦😛奶茶以food court嚟計都唔錯，奶茶都幾滑👍🏻

多人到平日1:45 去到都差啲冇位坐。我叫左個紐西蘭肉眼扒，配日本珍珠米白飯連日式麵豉湯連日式胡麻醬沙律都只係$88。沙律好好食，尤其是個胡麻醬，記得撈勻啲。肉眼扒好夠熱好多肉汁，一啲都唔韌，我雖然配左個蒜蓉汁，但唔洗點汁都好好味，美中不足係唔可以叫幾多成熟，一上到黎已經七成熟左右，想再熟啲就反一反放耐少少。友人叫左個西冷牛扒，有少少韌，拍靭既建議叫返肉眼，畢竟西冷牛扒比較怕熟，喺控制唔到生熟程度時點肉眼比較穩陣。

呢間柴石燒都好多人推薦過，石燒嘅香洋溢成個美食廣場，今日嗌左A餐肉眼扒，只係88蚊就有成個定食。肉眼扒係板上燒到滋滋聲，食落幾有牛味，口感嫩。沙律都唔算好hea，但個湯真係普通到不得了不過湯都只係陪襯，所以整體高質！

將軍澳對我呢個ex港島 今九龍人一直係全新領域 知道原來佢有個全黃food court 仲要告急！捱唔住！梗係二話不說衝入去幫襯！感動嘅係去嘅時候已經有好多香港人等位入😚今次試住呢間先！遲啲再試埋其他！💟美國安格斯西冷 [$88]係石燒套餐啊😍😍🤤雖然呢種食法嘅缺點就係一路喺塊板燒住 肉會好快熟到well done 但係塊扒依然幾稔！夠大塊 配埋蒜蓉汁好惹味！成個套餐有一大碗珍珠飯 麵豉湯 仲有麻醬沙律菜 珍珠飯真心好好食！不過麵豉湯好淡🤣可以搞搞佢~💟紐西蘭肉眼 [$88]肉眼扒好juicy!!!!!!牛味重好多！牛魔王一定鍾意！雖然冇西冷較多油脂但係佢肉汁都好豐滿！以呢次experience 我覺得肉眼扒好食過西冷！🤩🤩🤩整個CP值都好高！💛雖然多咗好多人幫襯店舖都好忙 但係店員都好貼心又叫我地睇熱小心拎！好有愛！希望呢個全黃food court唔好林 因為真係高質架！大家一定要大大力懲罰！💛

今日叫左個紐西蘭肉眼，$88。不過3點左右黎左佢無得買，要等，我食左foodcourt其他餐廳過左差唔多一個鐘先買到，大家要有心理準備未必買到或者要等一陣啦。定食有埋沙律、麵豉湯、珍珠米飯。肉眼扒以咁樣嘅價錢真係超高cp值！醬汁有得揀蒜蓉汁、黑椒汁同埋燒汁，我揀左燒汁！不過講真舊肉唔洗點汁都已經夠味好食！沙律的話想讚比左好多醬，好多其他餐廳都淨係好少，對於我呢啲中意食多醬嘅沙律嘅人真係驚喜啊！😆

日日食美食廣場最近出咗告急 post，作為香港唯一一個全黃 food court，一定要撐到底💪💪。今次試咗柴石燒嘅紐西蘭肉眼，八十八蚊包埋沙律，味噌湯同白飯，非常抵食。之前食石燒牛扒多數去神石燒，嗰度嘅沙律，湯同白飯係任食，不過地方比較窄，坐得唔舒服。柴石燒喺 food court 入面，地方較為寬敞，通風亦都較好，雖然冇得任食飯湯沙律，但係其實所有嘢食哂，都已經飽到上心口，所以千祈唔好眼闊肚窄，做貪心的小狗🐕。好啦，入正題，塊肉眼扒比想像中大同厚，仲有蒜蓉汁，黑椒汁同燒汁揀，入口算有牛味，肉質腍中帶點咬口，筋位唔多，仲有茄子，冬菇同粟米筍做配菜，非常豐富。加上珍珠米煮嘅白飯，有胡麻醬同蟹柳嘅日式沙律，同埋加咗車輪麥麩嘅味噌湯，成 set 扒餐每個環節都認真，絕對值得一讚👍。

好開心終於黎到呢個最黃food court呢個food court空間都幾大坐得幾舒服最正係好多良心小店揀咁我就揀左呢間柴石燒餐牌~我就叫左個石燒套餐A 紐西蘭肉眼另配一碗白飯 一碗麵豉湯同一份沙律咁多野都係$88 我就覺得幾抵食提提大家 拎既時候要小心因為都幾重首先講下個麵豉湯先我個人覺得好好飲 唔會好鹹 讚之後塊肉眼都唔錯 好大塊不過有少少韌 但可接受另外跟餐買野飲好似加9蚊就有杯大大杯既汽水真係超大份好飽肚 差d食唔哂另外朋友點既日式咖哩滑蛋天婦羅炸蝦飯 $88另配麵豉湯同沙律對女仔黎講真係好大份 抵食兩個人唔洗200蚊都可以飽到嘔會再食

ғᴏᴏᴅɪᴇ ᴛɪᴍᴇ 今次食咗柴石燒💛將軍澳有一個全黃既food court💛野食選擇都唔少，但係好多人都比呢個牛吸引到😆食咗紐西蘭肉眼($88) 食咗美國安格斯西冷($88) 兩款質素都對得住佢既價錢，安格斯相對幾有牛味，有啲韌🤔而西冷就淋啲，冇咁韌😆不過要注意因為一路熱住啲牛，所以要睇住佢，唔好比佢過熟！每個set仲會跟埋珍珠米、沙律、麵鼓湯同配菜🥗個沙律有啲太多汁，多到浸住左啲菜咁🤣整體黎講都唔錯，值得一試❤️

將軍澳人一定知道日日·食良呢間‘全黃’嘅Food Court，全場100%由良心小店組成，所以特登去支持下。見到呢間小店嘅石燒牛扒只係$88起，仲可以加$10加配餃子或其他小食，價錢唔貴，決定試吓。石燒定食包含主菜、沙律、珍珠白飯、味噌湯，都好豐富。石燒肉眼扒配日式燒汁，肉眼扒都算厚身，肉質同肉味都唔錯，仲有啲冬菇蔬菜作配菜，以依個價錢嚟講幾抵食。上枱時石板上面塊牛扒仲生生哋，要幾生幾熟可以自己控制。麵豉湯同胡麻醬沙津味道都唔錯，有一般日式餐廳嘅質素。白飯份量都唔少，食完成個定食真係勁飽肚。

今晚屋企無飯食，落左附近食晚餐。黎到日日食廣場，揀左柴石燒餐廳食，叫左88蚊既紐西蘭肉眼扒餐，有火山石比你自己燒，連白飯，味噌湯同沙律，非常豐富。沙律菜配上胡麻醬非常合拍，菜也很新鮮，幾好。味噌湯味道也唔錯，亦不會過咸，寡寡地飲幾啖，配白飯都好合適。到主角紐西蘭肉眼扒了，肉眼扒分量很足，而且唔會好肥太多脂肪，可以享受到淡淡肉。不過肉味唔算好濃，要配返佢送既汁黎食會好味啲。總睇黎講，尼個餐性價比是高的。

將軍澳大多數都係一啲大型連鎖商場，不過將軍澳南近排開咗一個新嘅food court，入邊有唔少嘅小店，而且間間都咁有良心，點可以唔試吓呢。一入到個food court見到有唔少食客都揀呢間嘅石燒牛扒，睇嚟味道都唔錯，一於試下。$88有一個套餐，包埋湯，沙律，牛扒，白飯，份量都幾夠，賣相都唔錯。石燒牛扒溫度好夠，熱辣辣，牛扒肉質唔錯，不過石板嘅溫度幾高，好容易就會令牛扒過熟。所以食嘅時候要小心，同埋食快少少，我就建議用啲蔬菜墊起塊牛扒，咁就可以減慢牛扒變熟嘅速度。亦都推薦佢個沙律，其實都幾新鮮，而且加埋芝麻醬味道好清爽。