樹記腐竹全駿記 (已搬遷) 新店位置

平時好少黎大埔呢頭，所以黎之前做左功課，發現左呢間60年專做豆製品既老字號。未行到就已經見到長龍，睇黎真係出名！我本身就好鍾意食豆製品，豆腐味雪糕都有試過，但從來冇諗過會有腐竹味既雪糕！店家好有心俾埋instruction，話雪糕要放幾分鐘融一融先最好味。每一啖都有濃厚既腐竹味，非常神奇！如果係鍾意食腐竹既朋友應該會好鍾意呢個雪糕～豆漿都唔錯，飲得出係自家製作👍🏻更多美食推薦👉請follow instagram: never_neverfull

樹記腐竹店，之前都已經在深水埗有另一間，與這一間在大埔的總店有兄弟姊妹店的分歧事端。🤔大埔這一間樹記，往往要排隊，就在大埔墟綜合大樓的街市對邊，無端端有一間細舖位，有人在排隊的就是樹記。提及此店，通常人家都偏愛吃腐竹或是響鈴卷，說到什麼響鈴卷是火鍋必吃佳品。🤔但我試過其他食品，卻發覺，其他食品才更加值得推薦：例如是素雞卷，素雞卷的豆味極之濃郁，香噴噴的素雞卷，雖然亦都是素，但是豆味香濃，又吸味結實，又不會太過鬆散。另一次試枝竹，枝竹經過油炸，因此出一出水，然之後再放落湯品之中，吸味得來又不會太油，本身又有點豆味，非常可口。

今晚煮咩餸？在群組看到呢期大熱的「枝竹釀魚肉」，心郁郁去左大埔樹記買新鮮嘅 #鮮枝竹 番奶奶屋企整，食譜分享，大家都試下😋😋😋 「枝竹釀魚肉」材料：樹記鮮枝竹$20/半斤（可分2次用）魚肉$10-201. 將枝竹用水整條㓎軟，備用。2. 選擇較寛的位置切段。3. 用廚房紙抹乾水份。4.加少許生粉抹在已切段的枝竹上，慎防釀上的魚肉會甩掉。5. 若要更惹味，加少許蝦米在釀料內，炸後更香口。6 . 不要釀進太厚魚肉，避免炸時間太久，因枝竹好搶火，炸得久很容易焦。

這間聞名已久的腐竹產品店，近年推出新產品腐竹雪糕🍦，創意十足，新嘗試新口味。這天參加大埔半天導賞團，除了介紹鷺鳥林，還介紹多間大埔區老字號的食店及商店。樹記就是其中之一，原來以前是在深水埗區的，現在位於大埔區的這間才是正店。大熱天時，吃杯雪糕實在是很好的享受，第一次吃腐竹味的雪糕，味道非常清新可口，淡淡的腐竹味道😋，又不會很甜可惜自己不懂處理及煮腐竹製品，否則一定買些回家，無論素菜，小吃，燜羊腩，甚至煲糖水也用得著呢～

抹茶皮／朱古力皮腐竹雪條 ($18)Beancurd icecream with chocolate/matcha coating.每次去開大埔，一定會去樹記買d枝竹番屋企🏠（因為我真係超中意食枝竹) 之前已經試過樹記既腐竹雪糕，清清地仲有啖啖腐皮🍦，今次就試試佢既腐竹雪條啦！.腐竹雪條可以選擇抹茶or 朱古力皮，我地就各選其一，不過as expected，腐竹味完完全全被外層既皮掩蓋了，外皮亦太甜，口感太薄太軟😿，唔算係十分討好，總之就是😪不太夾…真是有點可惜😷因為裡面的腐竹雪糕就咁食其實挺好的，最後creative的小編將個外皮同雪糕分開食，終於吃得出雪糕清甜的腐竹味了😝！所以下次還是食番杯裝腐竹雪糕好了 ).

男朋友今日安排左去大埔一日遊，先去左大埔舊警署，再嚟呢間樹記腐竹買雪糕食，事源係男朋友做資料搜集時見到上網多人推介呢間，話係低甜，低脂，較健康既雪糕，而且腐竹味都少見，於是我地就專登嚟試下。可能係因為平日既關係，排隊既人一個都無，店舖唔大，一眼望晒，雖然有好多豆品想試，奈何我家唔打邊爐，所以諗下都係唔買，淨係買左一杯腐竹雪糕，細細杯，老闆娘仲提我地可以等一分鐘先食，唔係會太硬！食起上嚟腐竹味真係好濃，唔甜，都幾好食同特別，奈何18蚊有小小貴。

今日山長水遠去左大埔買餸，因為打邊爐， 所以要買響鈴， 2點幾去到， 都要排隊。排左5分鐘左右，買左紫菜響鈴， 山根同腐皮碎（用黎煲腐竹糖水）。返到屋企發現山根冇樹記logo。紫菜響鈴打邊爐真係好正，夠脆，響鈴同紫菜好夾。

昨天去朋友家吃羊腩煲！當然吾少得枝竹啦！一諗就去樹記買！平日都排隊！但今天天氣轉冷更多人排隊！本來除了枝竹外想買響玲！但已沽清！所以買了炸枝竹加山筋！枝竹吸羊腩精華外！原來山筋更意想不到咁好味！打邊爐的絕配！

可能是星期天, 好似永遠都有人在排隊似的, 試了腐竹雪糕, 剛從雪櫃拿出來會太硬, 建議稍溶一點才吃, 雪糕入口真的有腐竹味, 味道不錯, 但份量計, 個人覺得偏貴。  排隊只買雪糕, 不符合成本效益, 另買了支竹, 但未知質素如何 

好耐之前記得見過好報導話呢間既腐竹雪糕好特別，仲要係全港首創。上次黎大埔已經想試，因為唔多順路，食唔到。今次咁岩去開個頭附近，終於食到佢喇😍👉🏿✨腐竹x意大利gelato 雪糕 Hkd 18 💸📌價錢方面我係覺得可以接受既，起碼唔會因爲全港首創就吊高黎買，實際上雪糕顏色係米白色，都幾硬下。食落口第一啖完全冇味😂之後食多幾啖，啲腐竹味先慢慢走番出黎，不過係真係勁淡勁淡...雖然味道唔奇怪，但真係稱唔上係好食，果然傳媒既力量係好大架👀順提一句：員工服務非常之差，好似唔休做咁，超冇禮貌，過黎幫襯唔包受你氣的！真係買個雪糕都得罪你咁🙄無奈呀！

野外過後，回到大埔市區內。嘴饞，想找點"立雜嘢"來吃。抬頭一看，喵到有一條人龍站在某店門外。看一下，原來是大名鼎鼎的"樹記"....大部份人排隊都是為買腐竹腐皮一類的東西....而我呢，就只為了這一小杯自家製作的腐竹味雪糕....阿姐從冰櫃拿出來，整杯雪糕硬如磚頭，叫人怎吃 ? 唯有在街上遊盪一下，等解凍一陣子後再嚐....等了又等，急不及待試一口。噢.....為什麼甚麼味道也沒有 ? 初時還以為自己的舌頭出現問題，於是乎再仔細地嚐多一點，發覺仍是一樣的感覺，說用"淡"來形容說實在也不能，至於預料應有的豆香以及雪糕應具備的滑度，亦全然找不著....十八大洋，就這樣浪費掉了....早知如此，就只跟大隊一樣，買最基本的腐竹回去都冇咁嬲....

哈哈哈哈!!!! 係大埔食完日本野已經飽到行唔郁仲要去樹記食埋個腐皮雪糕先滿足其實話左去食好耐,但成日都唔記得左今日甘好天個太陽甘猛,一定要去食門口都幾多人排隊,我地都排左一陣先買到我地買左兩杯雪糕同一袋腐皮碎用黎煲腐竹蛋糖水$18一杯都唔平, 因為佢得80ml, 食幾啖就冇晒初頭食落去冇咩腐皮味,之後陣味就慢慢滲出黎不過佢唔似一般雪糕甘滑同甘大陣奶味如果有機會經過,可以一試

到買東西需要限制人流在門口排隊，等店員召喚才能入內選購，而且每種貨品都要每位顧客都限量購買，估計大家都會想到是某某奢侈品的專門店。其實除了那幾個貴價的包包之類，深水埗有一家腐竹店也是這樣的，沒有搞錯，是一家前鋪後廠的腐竹店——樹記。

試過雪糕，之後想試雪條 雪條唔係所有地方都有，要喺大埔樹記買 兩種雪條都係$20另外一種係朱古力味綠茶皮有奶粉，唔係白朱古力，所以係林嘅同裡面嘅腐竹雪糕唔係好夾所以都係食腐竹產品算啦！唔係就食腐竹雪糕，因為都好滑，有豆奶味道

一柸80ml 大概150卡路里。不算滑，質地有啲似雪葩。打開蓋時雪糕雖然很硬，但大概一、兩分鐘便軟化。可以食嘞。個 logo 都幾可愛吖~只有大埔樹記才有雪糕。有說大埔的樹記腐竹最保留傳統味道。個人都是愛樹記煲成的腐竹糖水。