栢檔極品海南雞飯

营业中

休息中

這間栢檔海南雞主打賣五款菜式，栢檔極品海南雞飯、肉骨茶、滷水元蹄飯、秘方滷燒豬頸肉飯和香煎手剁魚香肉餅飯。一人套餐$83, 有湯，有主食，有時菜，仲有甜品。點了一個栢檔極品海南雞飯套餐及香煎手剁魚香肉餅飯套餐。套餐的餐湯是南瓜粟米紅蘿白豬骨湯，無味精，足料，清甜，不油膩，好潤喉。飯可選白飯或油飯，黃油飯帶有雞油香。栢檔極品海南雞，雞件切得不會碎濕濕，去晒骨方便食，雞皮爽，雞肉都頗嫩滑，附上油蔥、甜辣醬及甜醬油。甜醬油拌飯都不錯。香煎手剁魚香肉餅飯，肉餅煎得外脆，香口惹味，肉餅沒有下太多粉，食起來口感挺而不實，還吃到粒粒肉碎，點點油份增加了香軟感。

好耐以前想過呢間嘅海南雞，今日經過九龍灣心思思又想食～咁岩係下午茶時間，叫左個下午茶極品海海南雞 ，我專登轉左雞髀🍗所以海南雞更加嫩滑，啲皮嘟一聲就入口，好正～油飯都好有水準～另外，就在叫咗下午茶嘅肉骨茶，熱辣辣嘅肉骨茶配上入味、淋既排骨，最緊要係要配上潔身既豉油，goodest~ 啲豆腐卜浸晒肉骨茶都好味🥘兩個餐都配例湯，入落口好舒服好甜😃另外仲加咗個肉餅，食落好似係魚肉加豬肉，半煎炸好香口👍

2022-02-09住家感覺嘅海南雞專門店🐓同女朋友去咗淘大行街🛍晚飯時段去咗間老字號餐廳😋去食栢檔極品海南雞飯🐓每次經過都有好多街坊等外賣🥡晚飯時段餐廳都滿位了😁店員姐姐安排我哋坐旁邊石枱位置😁栢檔極品海南雞飯，64蚊份💰海南雞雞皮爽薄唔肥，雞肉去哂骨，肉質好嫩滑，聞到油飯香味帶淺黃色，粒粒分明有油香，配埋醬汁有三款，有豉油，薑蓉和辣椒醬，雞肉食落更美味🐓☺️秘方滷燒豬頸肉飯，64蚊份💰燒豬頸肉沒有脂肪，烤得好香口嚐起來非常有嚼口，肉質軟腍爽而不韌，再配上三款醬汁，帶點辣勁更滋味🐖☺️皇牌無味精靚湯，18蚊碗💰老火靚湯配料有南瓜，粟米，紅蘿蔔，豬骨，好足料飲落好清甜🤗麻辣豬耳仔，28蚊份💰平時食開豬耳仔有辣油浸住，所以無咁爽脆，依碟豬耳食落好爽脆，食到微微麻辣味，唔錯嘅小食🤗整體環境乾淨😀服務親切嘅姐姐，會轉張大枱比客人坐得舒服點😌食物味道唔錯，份量正常，啱哂喜歡食海南雞嘅朋友們😀🐓#栢檔極品海南雞飯#海南雞飯#秘方滷燒豬頸肉飯#皇牌無味精靚湯#麻辣豬耳仔

約咗朋友嚟淘大睇戲，開場前先去附近搵個地方醫肚。朋友想食海南雞，帶咗我嚟商場地下呢間「栢檔極品海南雞飯」。餐廳主打海南雞，另外亦有滷水元蹄、肉骨茶、手剁魚香肉餅、秘方滷燒豬頸肉飯等供應，選擇都算多，而且部分更設有輕量版本，啱晒啲比較細食嘅人士。朋友揀咗個極品海南雞一人套餐 ($83)，而我就點咗香煎手剁魚香肉餅飯 ($64) 同 肉骨茶 ($52)，一於齊齊開心 Share。個一人套餐嘅陣容都幾豐富，有皇牌靚湯、極品海南雞、健康翠綠時菜、雞油香飯同迷你雪米糍。皇牌靚湯真材實料，內有南瓜、粟米、紅蘿蔔和豬骨，湯身熱辣辣，味道非常清甜，綿密滋潤，鮮味十足，而且飲得出無落味精。 海南雞選用三黃雞，食落肉質好嫩滑，外皮富彈性，雞味亦很濃郁，入口啖啖肉。特製嘅三色醬更係靈魂所在，用嚟配海南雞，更添滋味！伴吃嘅油飯亦做得好有水準，飯粒飽滿、香氣十足，但食落又唔會太油膩。跟餐仲有碟色澤翠綠嘅蠔油唐生菜，入口非常爽甜。至於另一客香煎手剁魚香肉餅，味道亦不錯，底面都煎至金黃焦香，食落肉質好鬆化，鹹淡得宜，細嚼下更可嚐到淡淡魚香，十分美味。單點嘅肉骨茶，份量亦唔野少，大大碗，用料十足。先嚐一口以玉竹、黨參

Hainanese chicken crave eased and satisfied 🙂.😇delicate chicken meat, without layer of fat nor bone that made mouthful of enjoyment with the specially seasoned and not-oily-rice .😋neither of us are fan of bak kut teh, this particular pork rib soup has been modified and perfectly matches the local’s taste bud 🤣😋 love how they’ve used different parts of the pork bone to create diff textures but they’re generously putting many other ingredients tgt which made it more like a dish rather than soup 😆

自11年前離職都冇喺呢度食，呢間餐廳當年唔係呢個位，今日約朋友過嚟呢邊攞嘢，見返呢間，同朋友講完揀呢間嘅原因，朋友話係我回憶嘅味道。不過今日嚟到最唔慣因為係悶熱嘅天氣喺店裡面覺得唔夠涼（可能冷氣壞了吧）…等到朋友嚟可以點餐時，朋友話可以食一人餐，起初我都猶豫，戒飯多時嘅我已經好耐冇食咁多飯（最後好努力食咗半碗）…如果食晒啲飯，我應該忙足一日全日唔駛食嘢。不得不提，個湯真係好足料👍🏻滿足嘅一餐😊

近一兩年海南雞飯店越開越多，講起海南雞飯始祖，不得不提這一間「栢檔極品海南雞飯」。以前係幫襯近廟街嘅佐敦店，網上返查返記錄，😱原來2009年已經喺度，之後仲越開越多分店，但依2年可能因為疫情關係分店數目已經減少了很多🥺，咁岩經過淘大商場見到佢，就入去食個午餐，順便懷緬一下。😂😂舖頭細細，座位正正常常快餐店格局，食物方面，海南雞份量非常足夠，食落都幾軟滑，有少少雞味，油飯都好食，主打冇味精嘅老火湯，味道就比街飲嘅例湯稍為淡咗少少，👏🏻不過食完呢餐之後都冇味精口渴嘅感覺，所以都信佢無味精，依個價錢都絕對可以接受😆😆。總括來講，如果喺附近想食個快餐，或者想坐低食海南雞飯嘅，都係個幾好的選擇。👍🏻

◐ ◑ ◒ ◓ ◐ 海南雞飯滑脫脫加埋雞油飯，一個字，正！◑ 香煎手剁魚香肉餅飯一見到仲以為係豬扒😂 細心到切埋出嚟❤️ 絕對係加分位◒ 味菜腎片好似只係食到腎片🫣 冇味菜⋯◓ 皇牌無味精湯每次去到一定要飲呢個南瓜粟米湯，不過今次有啲失望，冇以前咁濃味🙈

我愛吃海南鷄飯 特別是油飯 今天經過淘大商場 想起朋友曾介紹這小店 快餐店形式 面積不大 可能因疫情 很少顧客 我進入時 只有2枱客人餐牌上除了招牌海南雞飯 還有元蹄 肉骨茶 煎剁魚餅 滷豬頸肉及其他小食 店員向我推薦海南鷄飯套餐 有9折優惠 包括無骨鷄 蠔油生菜 油飯 湯 及雪米磁送上時感覺整體色彩鮮明黃油油的鷄件 很滑 鷄味較淡紅彤彤的南瓜紅蘿蔔粟米鷄湯 味道不錯鮮綠色的生菜 普普通通帶有香蒜粒微黃的油飯 比較粘口 香味也ok最欣賞是配上的3款醬汁 顏色漂亮 分別是香甜豉油 甜酸醬 蔥油 很能引起食慾吃飽飽後 還有一粒綠茶雪米磁作甜品 總體來説 不算特出 但也不過不失 沒有失誤

九龍灣嘅海南雞飯，感覺上價錢同質素唔太成正比，海南雞個雞皮部分位置啲脂肪好厚。一人餐包一碟菜同飲品，份量適中。不過服務態度幾好，姨姨好友善，會主動斟水，講嘢有禮貌。

栢檔我由中學時期👩🏻‍🏫就開始食。我以前唔單止鍾意食海南雞，仲有鍾意食佢嘅豬頸肉。😋😋仲有佢嘅湯都係必飲嘅，每次個湯都有好多南瓜🎃🎃，好足料！🤤🤤🤤佢啲海南🐓雞皮下面會有啫喱同埋都好好嫩滑。😍😍而佢啲🐖豬頸肉都燒到好脆，仲有啲肉汁，好好食。😚😚😚但係我見住由佢$4x加價加到依家$60。😵😵但份量一樣冇變，一樣咁少😣😣，都係食唔飽，真係越嚟越唔抵。😪😪😪

呢間店 我讀緊中學嘅時候已經有食 之前嘅味道好明顯好食好多 之後食 完全冇雞味 係食嗰三款調味料嘅味🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃重點係我以為可能係一次嘅失誤 點知我等下一次再買嘅時候都係咁🤭🤭🤭我仲要買左兩盒雞飯 兩盒嘅雞都冇味又係食調味料🙄如果真係黎呢間食嘅話 食豬仲好過起碼有味但係黎呢間店都係想食海南雞飯姐咁不如去第二間食 呢一區又唔係得呢一間店有海南雞飯🤙🏻🤙🏻

九龍灣淘大分店， 行過食個下午茶餐先， 選中此間，以為海南雞專門店一定有水準， 點知中伏下午茶餐極品海南雞飯+汽水$42雞肉唔滑唔香， 雪藏雞， 完全冇雞味。😐醬油普通， 唔香。完全食唔出是什麼油飯， 唔香唔薑， 唔好味:可能大××， 美×連鎖快餐好食過佢囉。環境- 一般，快餐格局 4分食物- 失望: 4分男仔員工都叫做有禮， 加左1分比佢總評- 只可以比到5分佢食物質素真係好一般， 如果中秋套餐咁貴， 唔化算。 ＜以上為個人意見， 有人讚有人彈， 自己決定＞

九龍灣呢間海南雞店長期見到門口有人等緊外賣，感覺佢哋嘅海南雞唔錯，就入去試吓佢哋嘅海南雞🐔，除咗單點之外，佢哋都有set可以比大家order，價錢都唔算特別貴～-一人套餐 （海南雞+雞油飯+時菜+凍奶茶🥤） 套餐份量都可以，海南雞好嫩滑，中間真係見到夾住一層脂肪🤤油飯亦都好香口，比較欣賞佢地嘅薑蔥汁，同出面食嘅有啲唔同，食嘅時候，基本上唔會食到有薑，淨係有淡淡的薑味，幾正😍

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎今日試左佢既一人套餐，有得食一個主食、一杯野飲同一個時菜，係一個好健康既配搭。🌟 極品海南雞梗係試佢既海南雞啦，份量唔算特別多，但係食落肉嫩皮薄，唔會太多脂肪。配埋個黃油更加美味。好鐘意佢配左三個醬汁，自己鐘意點咩都得，又唔會食死一隻醬汁會悶。飲埋杯凍奶茶，爽。📍栢檔極品海南雞飯 𝐏𝐚𝐤 𝐃𝐨𝐧九龍灣牛頭角道77號淘大商場一期地下G107號舖𝘚𝘩𝘰𝘱 𝘎107, 𝘎/𝘍, 𝘗𝘩𝘢𝘴𝘦 1, 𝘈𝘮𝘰𝘺 𝘗𝘭𝘢𝘻𝘢, 77 𝘕𝘨𝘢𝘶 𝘛𝘢𝘶 𝘒𝘰𝘬 𝘙𝘰𝘢𝘥, 𝘒𝘰𝘸𝘭𝘰𝘰𝘯 𝘉𝘢𝘺