根記粥麵店

营业中

休息中

粥同腸粉 ，幾好食 ，足料上菜快。服務方面其他中一位服務員服務態度友善，之後有另外一個女人衝埋黎大鬧我地都唔明佢鬧乜🤔🤔原來話我地食鹵味。 係OpenRice呢度有post 過鹵味又明明望住佢地用同一個廚房 ，果檔野又係佢店入面到賣。買既時候 我仲問左切鹵味果個可唔可以係入面食。果個男人又話得。點知知女人一黎就鬧我地唔識字,我話我地唔知鬧左兩三分鐘 我地先知講緊個鹵味 我地之後望返， 枱枱都食緊 淨係走埋黎鬧我地 無啦啦受左一肚氣，放假食少少野都比人鬧

難得聖誕有假，同埋女朋友入長洲玩呢間嘢openrice好多正評，又好多人等，女朋友當然好想試下啦。見呢間嘢好多人食，唔得閒理我地，咁唯有自己搵位，好辛苦先坐到。叫左個艇仔粥～唔夠綿😭好像冇米甘，勁稀，係米加價得快定係碗粥既特色，我真係分唔清。仲叫左個蔥花雞蛋腸粉，但等左勁耐勁耐！！足足等了45分鐘!!催了一次又一次，次次都話漏單，轉頭見佢拎住個腸粉俾其他客！如果係熟客優先或者冇心做，咁不如貼個牌出來寫休市一天啦。最後仲要道歉都冇句，好似係我地問題咁，d 服務態度唔得！嘢食唔好，不停漏單之餘，態度又串又冇禮貌！去到會受氣！ Blacklist ！

呢間粥店，係上次入camp食過宵夜既地方，好懷念佢既即拉腸粉，今次入嚟長洲，第一時間就去左。入到長洲都3點，估唔到粥店咁多人，好彩都搭到檯。佢地既價錢都唔平，初時兩老都覺好唔抵，但嚟到就改觀叫左粉腸豬膶粥，份量唔大，但粥底一流，傳統既味道，好蓉既粥底，而且好多薑絲，兩位老人家大讚出面好少食到呢個粥底。粉腸豬膶都多，因1碗粥3人分都食到好幾件料（要留肚掃街），大家都好想叫多碗，可是唔想一餐清左蠔仔腸，建議加蛋香d, 蠔仔好新鮮，而且即拉腸粉，熱辣辣，好鮮味唔腥，蠔仔好肥美豬膶腸，都加蛋，豬膶好嫩，熟得剛好，切粒有厚度，有咬口，加上滑腸粉，不錯，但比較起都係喜愛蠔仔腸，出面少有，而且真係好新鮮。呢間係去長洲會再必嚟既食店，下次又想試蠔仔粥，又想上泥鯭粥，P要叫多d人嚟食先得!

其實入長洲有時唔想食海鮮，我就會揀黎呢間粥店到食粥同埋腸粉， 佢個腸粉真係一流，非常之滑！不過今次我就揀咗食牛肉魚餅粥。 本來以為魚餅係泰國喇沙入面個種魚餅， 點知上嘅時候發現原來係魚片頭，哈哈 不過個碎牛都好香，好有牛肉味。魚片頭亦好彈好滑！ 個粥仲唔係一粥麵嗰種好多麵粉嘅感覺，係真係食到粥粒既，名正言順既真材實料！

傳統粥店都有個缺點，就係炸兩好早賣哂。因為功夫比較多，又要確保油炸鬼脆身！估唔到呢度到下午五點幾都仲有得賣，份量好多，而且腸粉皮夠滑，油炸鬼都仲脆！上枱之前已經加左甜醬花生醬同鼓油，好味！$22都可以好滿足

早前到長洲度假時，朋友帶我到此餐廳吃新鮮的蠔仔粥！在粥來到前先點一個叉燒腸粉，腸粉是即叫即做，所以是熱騰騰，同時皮薄餡靚～吃下去有嚼勁，而且叉燒既食材都不錯～蠔仔粥終於上枱了，淨看碗內都有很多隻蠔仔，而且每隻蠔既體積都非常大，我覺得這些已不叫做蠔仔了，是中型蠔，哈哈！吃粥前，我先試蠔仔，發覺蠔仔超鮮甜又沒有腥味，而且口感很嫩滑。而且粥就完全吸收左蠔仔的鮮味，令到粥底鮮甜得令人吃不停，加上粥底軟綿，一點都唔會稀呀！

去長洲唔一定要食糯米滋既~ 而我必食既會係呢間既腸粉，因為香港嗰d布拉腸已經滿足唔到我，呢間仲滑!大部份腸粉都係$22，今次呢個叉腸都係~ 又滑又薄又夠叉燒, 仲要即整~ 叉燒唔會啖矛矛, 好入味~仲有個蛋腸大家都可以試下~ 都有好多人ORDER~

之前有次一早十點幾十一點就同朋友入左長洲搵食 好早就食早餐所以入到長洲呢個時候已經餓餓地 見呢間大排檔風既鋪頭有蠔仔粥食 於是決定入去先食粥醫肚 再開始掃食之旅環境方面頗為簡陋 衛生情況亦麻麻 枱櫈有啲污糟 而且好多烏繩周圍飛一坐低諗都唔洗諗就叫左頭號目標蠔仔粥 朋友叫左艇仔粥 另外兩份叫左孖油炸鬼餸粥蠔仔粥($31) 蠔仔份量幾多 足料抵食 無沙不過都幾腥 但係粒粒飽滿 總算不過不失油炸鬼($8) 油炸鬼唔熱 食落有啲硬同韌 唔太好食 不過油炸鬼餸粥始終滋味

本來一心入長洲的正生快餐，點知又冇開。去左好耐冇去嘅根記。下午三時，人不多。離島，應該食海鮮的！點了蠔仔粥，老闆娘建議加點肉碎，香啲。好吧！再來碟芫茜魚片粥。一上枱，嘩！咁大碗！吾通我細食佐？蠔仔和魚片都很鮮味，只是咸了一點。份量足以二人分！

好耐冇食過甘好味既粥店今日一個人等緊朋友入長州既時候,在位於長州既熟食街市坐低試下呢間舊式粥店環境:大排檔格局,冇冷氣得風扇, 大家要熱少少, 坐位求其, 快食快走等位: 快上快落, 好快有位服務:食物好快上價錢:粥炒麵腸粉之類普遍大慨10至20 蚊不等味道:十分好味, 由於我自己一人, 就叫左個蠔仔粥同豬潤腸粉蠔仔粥: 可能近海, 蠔仔新鮮而且又大隻咬落去充滿蠔汁,粥亦都因為大排檔既鑊氣關係煮得夠綿滑十分正!豬潤腸粉:腸粉皮一般, 比較厚但算滑, 滿意, 豬潤切得比較碎同彈牙, 熟度控制剛好.而且勝在熱辣辣, 正~!強列推介, 亦都支持買少見少既大排檔

太平清醮前的星期一特意入長洲一遊,當作外遊又可順道買平安包,深信這天怎也不及太平清醮當天多人嘛,一場來到當然在長洲上吃東西,本打算到正生書院的餐廳支持一下,可是重門深鎖的沒營業,第二選擇威堡同樣閉門不納,也許這幾天全島皆素食,以炸雞、漢堡包主打的他們也只好休息吧。幸好還有這家碼頭附近的根記粥麵店作第三選擇,只因路過時在餐牌中看到蠔仔腸粉這菜式。典型大排檔格局,路過行人通常也被其陳列菜式吸引,從以往食評中看到平日的鹵水食物,今天換上四盤素春卷、咖喱角、甜酸齋及羅漢齋代替,而我就被這三個腸粉爐中不停蒸製的布拉腸粉吸引著。 事不宜遲自行找個有風扇位先坐下,一位應是太子爺的大男孩忙過不了的穿梭桌子間,好不容易截停他寫單,先來支冰凍支裝可樂($10),在只有風扇在搖動的大排檔裡,來支冰凍可樂就只有一個爽字可形容。看著老闆娘賣出不知多少份炸春卷及咖喱角後,一碟已加麻醬甜醬的炸兩($19)出現眼前,腸粉拉得偏厚軟糯,整體算得夠滑溜,只是所用油條不脆,基本是分不出腸粉或油條的分別,水準實在很一般。炸兩不算好吃,兩款甜醬及花生醬卻意外的好吃,尤以濃稠不已的花生醬最佳,原汁原味似夠香濃,本來水準不算好的炸

生滾粥周圍都有,但在大排當食,現時已經好小有.蠔仔粥$24,好大碗,足有六小碗,料好多,粥底好棉,蠔仔好大粒,數量又多,都幾新鮮,不過蠔仔味就淡左小小.豬潤腸粉$22,周圍都有得食,但此店就大件又好食!豬潤好大件,唔會有異味,粉皮米漿做得好滑,醬油又好味,唔會過甜.長洲之旅有個好開始!

很久沒有一家人一起遊長洲, 前排襯著大家都有假期, 到了長州一行. 行經海傍的一列大排檔時, 老姊突然提議不如在一間叫做"根記"的粥麵店醫肚, 說是很有名云云, 於是便入內試試. 粥麵店位於大排檔內, 可能是因為是平日的關係, 就算是午飯時間, 食客也不多. 安坐後, 老姊說店家以泥蜢粥, 蠔仔粥和即拉腸粉馳名. 不過, 侍應說今日沒有泥蜢粥供應, 所以退而求其次, 點了其他粥品和腸粉. 蠔仔粥 ($23): 粥底夠熱, 口感尚算綿, 較一般的廣東粥杰身, 粥內還加添了肉碎, 使它變得更甜; 主角蠔仔份量很多, 雖然不大隻, 但勝在粒粒脹卜卜, 很肥美, 沒有沙, 味道帶有很重的海水味, 鮮味十足, 不過不喜歡這種味道的人, 可能會覺得有點腥味.艇仔粥(小, $15): 粥底如上. 雖然說是小的份量, 但其實也不小. 材料很豐富, 有魚片, 魷魚, 肉碎, 豬皮, 生菜絲等. 味道雖然不及在廣州吃到的艇仔粥, 但也吃得過. 魚腩粥($23): 魚腩有好幾件, 魚肉頗滑, 味道鮮甜, 一吃便知道並非雪藏貨, 不俗.豬紅粥 (大, $20): 豬紅的份量也多, 不過豬紅不大脆身, 略微有點

一家有老有嫩入長州行下, 盲中中中左去根記食粥order: 魚片粥($28左右), 蠔仔肉碎粥($28左右),及第粥($28左右),叉燒腸($12)及炸兩($18)粥都仲ok, 不過蠔仔肉碎粥唔係潮州粥果種, 只係蠔仔加肉粒粥炸兩來到一睇,佢唔係"挺"身, 而係"塌"0既  油炸鬼係"淋"0既, 兼且有唔好味 . 咪叫伙計收走cancel去囉...老人家再周圍望下佢d環境就唔敢再食落去 嚴重懷疑呢間餐廳的衛生情況

長洲行另一食店, 友人介紹食粥, 我本人就好鐘意食粥, 所以雖然個肚都仲飽, 不防都去幫襯下大排檔格局, 因過咗午飯時間, 所以不多人. 5人只叫咗泥蜢粥同蠔仔粥. 要求取5隻碗, 老板都無不滿, 仲一樣好好招呼, 底讚 泥蜢粥 泥蜢細細條, 所以d肉好滑, 而且仲係好新鮮, 好鮮甜蠔仔粥 蠔仔有d un, 不話份量都好多, 仲好新鮮, 有d肉碎令到更好味最讚係個粥底, 一入口已經食到白果同腐竹既香味…..呢d睇唔到既誠意咪係真正既誠意lo. 個d市區集團式經營既粥店, 一味死實味精, 食完整日都口渴, 真係無得輝門口有d老水小食, 因太飽沒試,下次都要試下