桃里

营业中

休息中

貴為酒店中餐廳,桃里食物和服務方面都絕對達水準。座位舒服,只是如果枱與枱之間的距離空間感能夠更大一點,顧客感覺會更加舒適。食物方面點心選擇多,而且水準絕對達標。個人建議可選擇些較餸菜feel的款式如津菜魚肚百花斑肉扎及濃豬骨湯鮮竹卷,性價比相比普通款式點心更加高👍👍是日和家中長輩用膳,店員特意為長者拉櫈,服務很貼心,值得一讚👍👍用酒店嚐薈卡可享七五折優惠,午市消費滿$500可享兩小時免費泊車優惠,適合駕車人士。

以前試過這裡的晚餐很滿意，滿心期待又來吃飯 ，餐牌有些不同沒問題，但質素就差了，感覺是將貨就價。🥲前菜還可以，最好是海皇羹和鮑魚，但柚皮沒有香味，不好食，花枝片和雞片都有點腥味，不知是不是近來的物資供應差了，連帶食肆的食物都不比以前，希望疫情過後能回復正常水平。💪

因為收到電郵廣告一段由兩位厨師拍的短片，說酒店餐廳重開，食客有限時優惠，送斑蘭味古早蛋糕，片末還說了句“殺你媽，打燈”，好鬼cute，當年去馬拉旅行的回憶返晒嚟，一於聽話去幫櫬。訂枱後在期待的過程中，已從餐廳網站看餐牌。雖然進餐當天可選只限星期一至五供應的點心放題，由於心儀單點餐牌的菜式，我們選擇單點。點心方面，保守的點了大路的蝦餃，燒賣，帶子餃。先上的是蝦餃，蝦肉質有彈性，味鮮甜，很夠熱，滿意。媽媽吃一口，不禁說很久沒吃蝦餃了；超過兩個月沒一起飲茶食點心了，這一口的滋味是感動，感慨，也感恩。其它點心都是水準中上，滿意。灌湯餃用料靚又足，有鮑魚，花膠都算夠大件厚身，豐滿的灌湯餃在湯中釋放出蝦肉蟹肉，很美味。在單點餐牌頭版的普洱茶皇煙燻走地雞，放上枱那刻即燻香撲鼻，肉嫩，肥瘦厚薄適中，好味個個讚。吃時不小心手指揩到碟雞，吃完後聞到都覺得“指”甲流香，即再回味。紅蝦頭油南瓜椰汁蝦腰帶子燴飯，沒想象中的油淋淋的紅蝦頭油，是一道好吃的海鮮飯，只是沒有預期的邪惡和惹味。叫個千層糕做甜品，怎料不是面頭白色包皮中層有蛋黃蓉奶黃醬那種千層糕，這個極其量是夾了兩層奶黃醬的馬拉糕，哪裏是千層糕？老千的千！

和朋友一起興祝生日，因晚市冇得堂食，改了去桃里午餐，去到發現菜式有很多選擇，樣樣都想食，可惜只得兩個人! 叫了蝦餃，原隻鲍魚花膠蟹肉湯餃(個湯好正，餃亦好味)，X0酱松本茸炒澳洲帶子(帶子大粒又好食)，鲜沙薑花姿片(好香)，百花饟竹笙和萄汁燕窩焗蟹蓋(勁香又好味)。整體好好食，服務亦好好，一定會再去。

想吃鮑魚，剛好看到這裡的菜單不錯，就訂了位，滿心期望地赴宴。餐廳裝潢典雅，感覺清靜舒適，是享受美食的好地方。餐單中每道菜都很出色，色香味具全，最喜歡當然是鮑魚花菇，鮑魚雖不大，只是8頭鮑，烹調水平超高，香鮮軟糯，比我期望的更好，吃罷齒頰留香，回味無窮，這道菜滿分。

9月30日去了千禧新世界酒店staycation 套票包括在位於2/F的桃里吃午市點心自助餐 我大約在12點到達 店內裝修採用懷舊中國風 座位舒服 近窗位置可望海景 服務員態度親切有禮菜牌上清楚地列出有 頭盤 點心 湯 蔬菜 飯類 甜品 供選擇 由服務員下單 另外點心件數會以人頭來下 如想加多的就要特別講呀我一口氣點了以下幾款老火湯是雪耳粟米佛手瓜煲豬肉 很足火候 灌湯餃餡料較少但上湯好味 蘿蔔牛腩又淋又軟 正 海皇餃 蝦餃 燒賣都是皮薄餡靚XO醬蒸爽肚 很脆又爽天婦羅紫番薯 漿粉很薄 一滴油也沒有 不油膩 番薯超甜皮蛋鹹蛋牛肉碎粥 粒粒開花的米 粥底非常好 不是用米糊開的 一定要吃第2輪除了把好吃的粥和蝦餃再要多一份 另再加了黑醋汁豆腐粒 醬汁如果稀一點就更好金腿蘿蔔絲酥餅 甜味重了一些上湯蒜子浸涼瓜 清淡中帶微苦 也不錯芒果布甸 配上淡奶 好味呀酒店級別的點心 有一定的水準 每位收費330 另收加一 可以encore呢

staycation包晚餐，我地揀左食中菜既桃里。無後悔，好味道同service好～一入去經理聽到我地其中一個朋友仔話電話無電，即刻主動借個power bank比我地叉燒軟軟好味，春卷好脆又唔油XO醬惹味，蝦好彈牙魚塊好味，送飯一流，朋友仔忍唔住叫左個飯～唔食慣好嘢既我，鮑魚有啲腥….芒果布甸好甜，佢係配牛奶唔係花奶，因為太飽同太甜，食左兩啖放棄左仲有個雲吞烏冬無影到～～我地四個人飽得滯，所以淨係要左兩碗～到走個時因為我地叫左一碗飯，咁諗住要比錢先走得，但staff話我地叫少左兩碗烏冬，碗飯唔使錢～～好周到，唔小家～

FoodTaste:  Disappointing, considering the price Quantity: Unlimited Attractiveness: DecentPrice: Expensive ($330 + 10% serivce fee = $363/per person) Table service: Full table service: Taking orders, delivering food, refilling water and paying etc. Basically you don't need to move after sitting down. Employee attitude: can't complain Lighting, atmosphere, and environment: Beautiful view if you sit by the window. Comment: The major take-away for me is the price, the food is definitely NOT worth

今日食評有✍🏻 桃里@千禧酒店試食指數⭐️⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·千禧酒店的食肆滿有驚喜第一次嘗試中式點心「放題」660/2位任食桃里出品一向有水準每款點心即點即整食幾多點幾多不浪費食物讚👍🏻·我哋一行5人基本上食齊每款點心只差粥麵飯冇試實在飽下次再試·必食點心✳️灌湯餃✳️蝦餃燒賣✳️叉燒包✳️鹹水角✳️粟米墨魚餅必食甜點✳️豆腐花✳️紅豆沙✳️布甸·餐廳嚴守防疫措施5人中得我一人未打疫苗6人枱必須把我分隔開🥲不過係好事安全至上·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

6 of us for dinner. Restaurant was doing a wild mushroom promotion but none of us were interested.Shared half a sucking pig. Skin was crispy enough.鬼馬牛肉- the 油炸鬼 was crispy enough but there was some “old oil” taste on some pieces.Steamed 東星斑- meat was tender but the fish soy sauce was way too mild. Normally I liked to savor the sauce with a bowl of rice. This time, I had to add so much sauce it felt like I was having rice with broth. 炸子雞- ok蒸肉餅- ok 鮑魚海味雜菜煲- taste was good, abalone was soso only.

老細請食飯， 去咗尖沙咀千禧新世界酒店裡面嘅桃里中菜食晚飯！ 疫情關係要分檯坐， 不過都冇所謂， 多啲空間比大都唔錯！一行幾人叫咗幾樣野食-桃里小碟： 青瓜海蜇頭/黃金大連鮑魚/迷你蟹鉗/椒鹽田雞腿/燒腩仔/香煎松本茸🤗桃里小碟係酒店招牌菜， 份量一啲都唔小， 特別要讚嘅係黃金大連鮑魚，鮑魚好彈牙有咬口，唔會太過韌。燒腩仔亦都非常高水準， 塊皮極脆口！ 花膠金線蓮海螺燉雪雁🤗 個湯好清甜。 花膠份量好多， 食完桃里小碟飲埋個湯已經飽咗7成。 豉椒炒蟶子🤗不過不失， 味道冇咩特別！片皮鴨🤗正常酒樓水準， 隻鴨唔會太肥， 皮亦片得好薄！ 塊包皮冇好似其他酒樓咗暖住上就失色小小。 蔥花豉油王煎中蝦🤗隻蝦好彈牙好新鮮好大隻， 剪晒蝦腳等等所有會吉到個口嘅地方，非常細心。 東升斑🤗由於我唔太喜歡食魚， 但同行朋友話條魚好新鮮， 肉質好嫩滑， 冇overcook!

千禧新世界香港酒店入面嘅桃李嘅點心放題阿媽之前都有同啲friend食過一次，佢話OK，但係佢個點心放題淨係做星期一至星期五，對於我哋呢啲返星期一至五嘅人完全係享受唔到。適逢我今個星期五放假，咁阿媽就約咗我帶我去嗰度食點心放題。個點心放題嘅供應時間係12:00到2:30，咁我哋12:00準時到達餐廳，職員安排咗我哋坐係窗邊嘅座位，望住個維港景食都真係開心！開咗茶之後，咁我哋就開始落第一輪嘅嘢食啦，首先當然要食呢度最回本嘅灌湯餃啦，個灌湯餃清清地，又唔會好濃味，鍾意食淡口嘢嘅人就會覺得好好味！之後再order左個老火湯，今日係蜜瓜粟米煲竹絲雞，個湯好甜好足料好好飲！之後就再嗌左啲點心，佢好多點心都係用蝦做，如果對蝦敏感嘅人就千祈唔好嚟啦！咁佢頭盤仲有煙鴨胸啊，口水汁木耳青瓜，2個都ok！個黑醋汁豆腐粒好有驚喜，好好味！個上湯蒜子浸涼瓜就真係好回甘，d涼瓜都好苦！到最後甜品，咁芒果布甸正正常常，有少少實同太甜。反而個香芒蘭香子凍糕就唔錯！食完個甜品之後，之前order左嘅蝦餃依家先出現，咁就照食啦，但係佢肥豬肉比較多，我自己就唔係咁鍾意啦！

由於我本身好少去飲茶，食過最好食既點心係添好運😂😂呢次會嚟食點心放題，係因為同男友一齊放大假，Book 咗staycation既package包既。.我哋本身book左12點，一去到其實都冇咩人，大概1點左右就full左8成。環境都好闊落好光猛👍🏻👍🏻坐得好舒服😌.嘢食方面，我同男人一致認同覺得最好食係個叉燒，真心好好食😋燶邊超正😍😍😍😍我哋嗌左3次😂仲有個老火湯都好正👍🏻飲得岀真材實料😍.其他點心方面我鐘意個玉子豆腐同埋椒鹽雞軟骨，好好味😋而男友鐘意灌湯餃同蝦餃(佢飲左2碗🤣點心絕對高質好食👍🏻👍🏻.服務方面，上菜速度都快既，但都有漏單情況。服務員個樣少少cool🤏🤏但唔係唔好喎！見有漏單都態度好好幫我哋催單😂而且時間到都冇催我哋走👍🏻👍🏻.基本上我覺得未試過既話都值得去下嘅👍🏻

今次Staycation 揀左八婆下午茶老地方~千禧新世界酒店😍零房價優惠，俾既房價可全數用係酒店餐飲消費點心放題只限平日供應，最少2位起$640(未計加一茶芥）連甜品在內總共有27款野食，我計過只要食到20碟就回到本架啦野食都係即叫即蒸，所以每落完單要等一陣先有得食，質數係中上，絕對值得帶埋家中長輩嚟嘆茶頭盤：叉燒併青瓜白木耳，叉燒有肉味，唔似平時街市個d甘得鬆肉粉味，肉肥瘦均勻點心食左：蝦餃、燒賣、蓮藕餅、粉果、小籠包、叉燒包、牛柏葉、百花釀茄子、咖喱魷魚、帶子鮮蝦餃，每份2粒，甘就唔怕眼闊肚窄，食唔哂甘多款~最好食係蟹肉灌湯餃，濃郁雞湯底好飲到不得了！蟹肉餃又足料薑蔥叉燒撈粗，叉燒比較少，不過粗麵幾好食鮮奶洋蔥蝦卷，有好多蝦係入面，勁足料甜品食左: 香芒布甸、椰汁紅豆糕、冰花炸蛋球甜品反而一般，冰花炸蛋有小小似莎翁，但口感軟綿好多，都可以試下#金魚姬食在尖沙咀

復活節長假期 👧🏽當然要同屋企人飲餐茶🥢公眾假期預咗周圍都多人 特別係酒店餐廳🤧稍為出名嘅都滿晒位😌 千禧酒店嘅中菜之前食過印象一般(尤其係服務) 不過難得喺前一晚訂枱都仲有位 一於去食啦🙈去到同預期一樣 被安排坐加開的宴會廳😌仲要得一兩枱客人 好冷清🥲連落單都搵唔到人 幸好之後陸續有人入座 先叫做多返少少人手▫️菠蘿芝士叉燒包<三件> ($62)個名聽落好奇怪😂但食落係正常菠蘿叉燒包嘅味道🙈▫️蟹籽燒賣皇<四件> ($68)▫️晶瑩鮮蝦餃皇🦐<四件> ($68)燒賣同蝦餃都唔錯👍🏼(雖然蝦餃追咗好多次單先有) ▫️燒鵝瑤柱鮑魚珍珠雞<三件> ($88)珍珠雞就正常發揮 份量比酒樓食嘅大隻少少 入面有半粒迷你鮑魚🤣▫️櫻花蝦蔥花瑤柱蒸腸粉🦐 ($88)最好食係呢款櫻花蝦腸粉 夠煙韌軟滑👍🏼蝦同蒽都好香🤤▫️帶子蛋白鮮蝦鳳眼餃<四件> ($88)呢款帶子餃個人就覺得麻麻哋😢 粉紅皮幾特別但好黏 一夾就散 味道亦較淡點心水準整體比預期中有進步👍🏼價錢合理但服務可以更好💪🏼－－－－－－－－－🍴食物：3/5🏝環境：3/5🛋服務