樺輝記 (已結業)

我哋叫咗勝瓜蜆肉湯煲、黑椒牛仔骨同埋路邊炒米粉起初，勝瓜蜆肉煲嚟先，一嚟到「嘩，好大個蜆」，點知原來得個殼，啲肉嘅size同豆豉差唔多大，唔好話佢又冇沙，鹽都冇粒，個靚仔又話有芹菜喺入面，食晒成個煲都搵唔到芹菜，跟住同我講話唔記得咗落😅粉絲又轉左芋絲，成餐食完都唔飽都要$300，香港啲飲食真係黐咗線，仲要越食越嬲未試過食一餐飯食到咁😞黑椒牛仔骨都係唔好食，啲洋蔥求其生掉上去就算，仲衰過茶餐廳，冇下次

📍樺輝記出名食一窩粥，2-3人可以揀細窩（夠每人2-3碗），$40粥底（有南瓜蓉）再只有配搭材料，粥嘅最低消費係$200，所以就叫左蟹、花甲/蜆、豬潤；每款材料都新鮮、蟹都幾肥下～～不錯不錯蜜糖薯仔牛柳粒-薯仔好林、牛柳粒都唔韌，但就甜左少少；炸饅頭睇落一啲都唔「炸」，但食落都幾脆，雖然冇咩記憶點😂滿$400仲可以加$1換爆炒鮑魚雞，醬汁甜甜辣辣幾開胃，係有兩隻鮑魚同大約6-7舊雞，都唔會好細份～💰：～$500

見到有人推介荃灣有砂鍋粥同小菜，所以去試下。地點係南豐中心行落去，平日晚上早啲入座唔洗排隊。整體不過不失，價錢可接受。潮汕砂鍋粥 細$200細粥底$40/份，餐牌話適合2至3位，要揀配料最低组合$200。穩陣起見無揀時價嘅配料，揀左海蝦$60/份、花甲$50/份、鮑魚兩隻總共$50。即叫即煮，等左20分鐘左右，都幾大鍋。海鮮配料新鮮，幾乾淨，份量正常。粥底調味唔會過鹹，但少左海鮮嘅鮮甜味，可能唔識揀配料。蜜椒薯仔牛柳粒 $118同平時食開嘅有啲唔同，味道還可以。牛肉易咬，薯仔有炸過。酥炸蠔餅 $88好大份，係打冷style, 炸得夠脆，蠔仔份量算多。

咁至勁！行過荃灣，肚子有點餓，就揀咗間門口擺住招牌菜粥嘅店試吓。哇，冷冷地食粥就係爽！🍲 店內氣氛好似，服務員都幾友善。首先落嚟嘅係一煲花膠海蔘扒時蔬，海鮮味勁夠，西蘭花睇落鮮綠，口感爽脆得嚟又唔算太硬。跟住試咗路邊炒米粉，啲米粉嘅鍋氣十足，每條粉都包住嗰種微微煙韌嘅口感，蝦乾嗲嗲地，嗌響口👍。然後，主角登場喇—砂煲粥！一送上嚟，個氣味就吸引到啦，熱辣辣嘅香味。細細粒嘅粥底，配上鮑魚、海參，咸排骨同雞，每啖都有驚喜。講真，我食到啲粥香滑得滯，啲海味嘅料又新鮮。最後出場嘅藥膳木桶蒸雞，試咗藥膳味，雞肉嫩滑不過，啲藥材香味蒸染晒入啲肉入面，感覺好滋補。😋飯後倒頭吹下水，欣賞吓店內簡約而乾淨嘅佈置，真心推介。籽粥細滑，海鮮又新鮮，食物冇得挑剔，真係足料得滯，下次同屋企人黎試其餘招牌菜倒！睇吓枱枱滿客，顯然我唔係唯一覺得佢正嘅人。

見呢間評語唔差，咪試吓囉～外脆內軟，都唔錯～推介，炸得唔油。$1嚟講都ok啦（不過我冇食鮑魚）睇相都睇到有好多瑤柱啦～普通一個菜都要7-80蚊，我寧願俾多少少。呢個相對爭D，冇乜蟹味。咁多樣入面，呢個最辣（仍可接受）真係普普通通諗住厚身嘅，點知係一條條，唔係好差亦唔係好好。仲有個樺輝記小炒皇（$108），唔記得影相。呢個我俾★★★，正常水準。連埋粥、飯、啤酒汽水，（7個人食）埋單$1036，價錢非常合理。

这家店对于近来肠胃不适的本人来说简直太养生的同时也不失美味！砂锅海鲜粥真的是太鲜甜啦！获得了我们同行人的一致好评！店名：桦辉记 📍荃湾运通街6号运通洋楼地下M号舖砂锅海鲜粥我们叫了大份的，超大一个锅！海鲜选择还蛮多的！大份必须材料必须叫够💰300才能做！选了花蟹/虾/黑鱼片/牛肉片，粥里还有大量的萝卜干碎！花蟹和虾都有帮忙处理一下，不用动手吃也特别方便～用料都新鲜😍粥底超级鲜！！！卜卜蚬煲蒜蓉辣椒味好重！有点像花甲粉汤的味道！白贝一点沙子都没有～特别开胃！汤和粥混着味道也是极好的！小菜叫了小炒皇｜麻辣鸭血｜香辣鱼皮感觉这家店我们叫的这几道质素都很不错，几乎没有踩雷！小炒皇锅气十足，炸香芋丝和蒜苔搭配属于越吃越香！麻辣鸭血每一块鸭血都裹满了辣酱，很嫩滑！鱼皮也很q弹！

hubby話想試樺輝記好耐...終於的起心肝book位去食...講真一定要book位...唔係既話企係度等都幾辛苦...叫左3款食物, 當然有砂鍋粥同卜卜蜆煲,加左個大盤菜花砂鍋粥同卜卜蜆煲我地都叫左個細份,砂鍋粥我地加了海蝦,蠔仔,黑魚片同咸排骨...粥底加入左南瓜配海鮮會更突出鮮味..粥入面既海鮮都算鮮甜份量都OK!卜卜蜆煲估唔到係有少少辣...對於hubby完全唔食辣既人黎講...真係挑戰喇...要爆住汗黎食...蜆冇沙~!肉飽滿!唔錯~大盤菜花收$98真係略嫌貴左D...份量不大...偏油...總括黎講...食物還可以...砂鍋粥材料再多D款式會更加好...卜卜蜆煲整款唔辣既俾食唔辣既朋友就會更好喇~!

平時去開大排檔都會去深水埗/旺角/三坡坊嗰頭，有次見到呢間大排檔好多檯都有個大砂鍋，覺得好似幾有風味。香辣魚皮魚皮睇落好淡味冇咩特別，但係原來食落都幾辣。小食嚟講個份量都OK。一口炸饅頭 饅頭如其名真係一口嘅，饅頭係開半咁上，爭緊D，但係佢都炸得OK脆身嘅。酥炸蠔餅煎炸呢D邪惡嘢點可以唔嗌，整體炸得都好脆，蠔仔份量都可以。大盤花菜欣賞佢個花菜係有充份地燒過，睇落幾靚，再加埋D煙肉食，都幾惹味。🔥鮮甜卜卜蜆煲 (大）重點推介!!! 呢個蜆肉嘅份量多之餘，蜆肉都大隻質素OK, 個湯底更加係一流!!! 湯底係蒜蓉同辣椒炒完蜆嘅鮮甜湯汁，大家都當湯咁飲到見底!蜜椒薯仔牛柳粒平時去食小菜都會叫嘅一道菜，整得OK，牛肉都唔會話un，只係佢個蜜糖唔係平時食開嗰種，就覺得有少少怪咁。🔥潮汕砂鍋粥 (小）呢個見每一檯都有叫，就即管試下。今次加咗嘅配料有: 蠔仔、鮮雞件、黃沙豬潤同鮮魷魚。其實個砂鍋粥都唔錯，不過遲過卜卜蜆出場，立即有比較，卜卜蜆湯較濃，變相粥淡味少少就被比下去。 但平心而論，個粥底係清得嚟又夠味嘅，只係冇咁濃味，配料質素都唔錯，都算係呢間店嘅必食之選。蟹黃蟹肉炒飯上網見呢個都有D人推薦就

網上曾經見有KOL介紹....上嚟又見到咁多好評，排又多人咪試下。（真係唔好齋睇評分，要認真睇內容）叫咗6味菜，等我逐樣點評下：1️⃣藤椒魚皮全餐唯一好食，無差評嘅，彈牙似海蜇，味道夠辣。2️⃣蜜椒牛柳粒中規中矩，上枱熱辣辣，但唔係用蜜糖，只底普通糖漿味，牛肉淋身唔UN~但無乜肉味，淡口。3️⃣啫啫通菜個煲仔唔係熱，淨係用嚟裝啲菜，無鑊氣可言，肉碎都係淡，菜無乜味，唔建議叫。4️⃣花膠海參扒時蔬白烚西蘭花，後加芡汁，所以菜係無味嘅。花膠同海參味道淡如水...兩樣都好碎....仲有腥味。5️⃣炸蠔餅蠔極少，我夾幾次成塊都係零蠔，同埋唔係餅形 😂😂😂 全部斷開加啲炸咗嘅脆脆碎放喺面頭搞到好似好大堆咁，但啲碎都係無味的.......6️⃣金黃大蝦呢個唔講得笑，一上枱我呆左.....佢係用“小食碟”上枱。十隻都唔知有冇，收百幾蚊，但係用雪藏無味蝦，黃金極少，鹹蛋味接近得10%........仲要炸完啲蝦都勁油，又係無醃，無味㗎。蝦味又冇，鹹蛋又冇，得味黃色嘅油喺碟底.....總括而言，名大於實，或者今日嚟個大廚遊緊魂？😂 但一定無下次，搞到成枱食到呆晒。以一餐晚飯超過一半嘢食唔得就一定唔合格㗎喇 🌚🌚🌚🌚

4月1號夜晚行過，睇到啲嘢好似幾正，同朋友諗住一齊試吓，門口嗰大叔問有冇訂枱，啱啱行過點會有吖，話兩個人，點知話冇枱，舖頭入面明明仲有兩三張吉枱，佢話訂咗，啲人未到，算啦，行去附近睇吓有咩食，點知行返轉頭，啲枱都未有人坐，唔通嫌兩個人食得少，留咗嚟做大客。咁嘅舖頭叫人點幫襯？

有日去荃灣食飯 本身想打冷但見新開左2間餐廳 見有卜卜蜆 所以想試下本身無晒位 太多人太忙員工叫我地行一陣再番黎到我地番 佢都係好忙 但終於有位坐其實同朋友唔算太餓但見到好多野都想食卜卜蜆唔似平時食果種辣既卜卜蜆反而我覺得似韓式既味道但好好食 湯都飲埋 應該叫個大既!涼拌魚皮係我地食過最好食既魚皮好爽口 個辣度岩岩好 唔會搶左魚皮既味蒸鱔得兩種味 剁椒/ 藥膳朋友想揀藥膳 但我怕唔夾我地最後揀左剁椒 不過應該2種都唔太岩我口味但蒸得好滑既蠔餅蠔餅都唔似平時果種整得好脆 睇下大家口味鍾意邊種試下呢個都唔錯

今次經過新之城附近見到一間新開嘅樺輝記望完個餐牌就想試一試佢嘅海鮮砂窩粥但係原來海鮮粥有最低消費🔥🔥所以叫咗個粥底細$30，再加左海鮮類🦑🦐🦞🦀，蠔仔$60、海蝦$60、仲有花甲$50，好彩佢個最低消費都包埋個粥底價錢👍🏻👍🏻👍🏻首先蠔仔一啲都唔腥好新鮮，海蝦好新鮮好彈牙，花甲好大隻，成煲粥都係海鮮好有鮮味，食落好清甜軟綿綿🦐🥘🍲仲有一個好細心嘅位，就係海蝦為咗我哋方便進食有開邊處理👍🏻👍🏻👍🏻之後仲叫咗一個藥膳木桶蒸白鱔$128😋😋😋勁多配料用料十足，白鱔夠新鮮爽口，厚肉同埋有好多件，上面仲放咗好多木耳、紅棗、菇類一齊蒸叫咗兩樣嘢兩個人食都好飽，同埋有一樣值得一讚，員工服務態度好好，下次再去試吓其他新野先🔥🔥

同2個foodie fd去食試新餐廳😋本身仲滿心期待平時行過見咁大碗海鮮粥覺得好吸引！◻️我地一行四人🤗叫左1. 海鮮粥 (蟹，蠔，蝦，蜆) 2. 黃金鮮魷3. 炸蠔餅4. 炸饅頭5. 酸菜魚6. 啫啫石鍋秋葵▫️海鮮粥: 比我想像中淡味，估唔到，我地已經都叫左幾多海鮮▫️黃金鮮魷: 份量少，幾好味👍🏻▫️炸蠔餅: $88 太多粉，蠔份量少▫️炸饅頭: $38 呢個真係好失望，睇個樣都已經唔吸引，一咬，淋既唔脆，我地都係炸饅頭愛好者，所以主動問waiter有冇得再炸得黃金d，但就拒絕左…….話咁樣係岩岩好▫️酸菜魚: $248 都多魚既，少辣，幾好味👍🏻▫️啫啫石鍋秋葵: $86 好味既，不過略嫌鹹咗少少▫️總結唔會回頭冇特別出色而且價錢唔平🤨

我和幾個朋友不定期到荃灣食晚餐聚一聚，看到這店新開張，所有食評都讚好味，今次就選了這間食店，在 OpenRice 訂位，店舖大約有五至六張小圓枱，坐位不算太多，地方企理。我們選擇了细”砂鍋粥‘’配蝦和蟹，粥底綿密，但不夠鲜甜沒有什麼海鲜味，見意選多一種配菜，“酥炸蠔餅” 很脆口但蠔肉少蠔味淡， ‘’卜卜蜆煲‘’ ，‘’黃金魚皮‘’及‘’麻辣鴨血‘’味道正常還可以，”黃金椒鹽鱿‘’肉質厚鮮甜有咸蛋黃味，但份量少不值此價格。平日我們聚餐次次都會食到是肚脹腸肥，但這次我們只用餐不夠一小時就結賬離開，而且還沒有食飽，因對其他菜式味道也沒有太大期望，最後還是去食甜品吧！總结本人覺得味道一般，部份食品份量比較少，（各人口味不同，此店也值大家一試）支持小店，希望你們加油努力！

荃灣路德圍出名多嘢食，今日去試咗呢間砂鍋粥、炒小菜嘅餐廳，試咗幾個鑊氣小炒， 食物上菜速度好快，熱辣辣， 正！而且食物唔使+1 ， 通脹下非常抵食，平日晚巿都坐滿人砂鍋啫啫農家雞推介呢個農家雞，份量都好多， 而且隻雞好滑， 一啲都冇雪味，落足材料炒，有好多蒜頭、芫荽、薑蔥，非常惹味😋藥膳木桶蒸白鱔呢個菜一啲都唔油膩，而且用料十足，白鱔夠爽口，冇噏味，而且有好多木耳、紅棗、杞子、菇鋪係上面蒸蜜椒薯仔牛柳粒牛柳粒爽口，粒粒都有香甜嘅蜜糖味，啲薯仔都好好味， 軟硬度適中，沾滿蜜糖，送飯一流啫啫石鍋芥蘭火候十足，上碟5分鐘，個鍋仲係熱辣辣，芥蘭爽甜，配埋啲肉碎，好食