梁記餃子麵坊 (已結業)

好鐘意食面，日日都要食返碗。行過朗屏見呢間梁記餃子好地道親民，膽粗粗走入去。餃子係即包即煮既，見到佢攤哂d皮呀餡呀係廚房門口；$31有一碗熱騰騰即製餃子配上海面（好特別，粗身又爽口），冬天食真係好舒服。味道好唔錯，料好足。但辣油唔係好夠香，一味辛辣😩美中不足。一到午餐時間好熱鬧，好多人排隊，又有好多人等外賣；座位狹窄，唔太舒服。但野食搭救啦，呢個價錢想點～～呢d地道小店買少見少，值得支持！！P.S.見到好多人叫炸豬排，應該都唔錯，可以再戰！

今日屋無飯開，夜晚唔知食乜好。經開元朗廣場呢邊，第一時間就諗起梁記！呢間店虽然店鋪面積細。但是坐位總算得上合理。一去到門口，已經有幾個人在門外等候。等了五分鐘就可以入坐了。我二話不說，就點了我的最愛韭菜餃，一份炸鯪魚球。呢度既餃子有準不多提了，只要選擇你自己鐘意果種都唔會差既，雜餃可以試多幾只味，都系一個唔錯既選擇。如果食量比較多既朋友仔，可以選擇加底或者加麵。重點推介系炸鯪魚球，既叫即炸，爽，香，美味。今日你食完，聽日你又想再食！

之前喺雜誌見到呢間餃子店嘅好評，說是好味兼大大份，所以今日去試一試，附近嘅幾間食肆都無咩人， 唯獨是呢間梁記人氣爆燈，去到嘅時候已經坐滿人，好彩去到嗰時只係大約19:00，等一張枱就到我了，之後就有條小隊要排下喇菜單嘅餃子🥟特別，配搭新鮮，想試菜甫沙葛同蕃茄牛肉，所以揀咗淨食雙併，$34有8隻另外朋友叫咗上湯雜錦加上海麵，$40餃子來到時係好震撼嘅，好大粒，但佢用雲吞皮包呢，個蕃茄牛肉未夾已經自動喺個碗度散開，菜甫沙葛就無出現咁嘅情況，雖然菜單上話餃子裡面有牛肉同豬肉，但份量少得可憐，成隻餃子無新鮮嘅感覺😔另外，我哋仲叫咗炸鯪魚球，係我期待嘅小食，$38有5粒又係同餃子一樣，來嘅時候好震撼，好大粒，但係過咗10秒就縮細咗好多，熱辣辣，香噴噴，但奇怪嘅係佢個外皮係腍嘅，唔係脆口嘅…呢餐埋單2個人要$112，食物質素唔值呢個價錢，環境更不用說，就係普通平價麵食嘅裝修，坐位同後面嗰個人背貼背咁囉，但如果叫嘅係$34嘅特價餐，有碗麵之餘，仲有杯野飲，咁就合理好多，如果唔追求食物質素，又糧尾的話，可以一試特價餐

梁記餃子出名皮薄餡多隻隻餃子都脹卜卜 大大隻湯底味道比較清淡，住家味濃除此之外豬扒都係出名之作，炸得夠脆，內裡鬆軟～可惜今日病，唯有食翻Ｄ清淡Ｄ既野啦 菜甫沙葛餃 X 北京香菜餃菜甫沙葛餃：清甜爽口，菜甫有豐富口感同肉既比例好平均，唔會食落好濟我個人幾鐘意。北京香菜餃：幾乎次次都叫，芹菜味重相比起其他餃子鋪的更加香。鐘意食香菜可以試下不過淨餃唔係好飽肚，始終皮薄頂唔到肚。下次都係叫翻麵底，或者同人SHARE會比較好，可以叫多幾樣野食嘛！順帶一提，因為小店人流多，等野食既過程耐少少，要俾多少少耐性喔！

e間餐廳經常收工經過都係人山人海呀！咁今日收工一個人，就專登過去食啦，因為一個人會易搵位d，過到去就剛剛好有一個位啦！坐低左，都係照舊點餃子麵餐，今次就點了f餐，轉生麵，飲豆漿。過麵上枱都好快手，賣相無問題，首先就撈晒d蔥落去先，之後就食麵啦，今日d麵就林左少少，不過都唔係好過份呀！之後就食餃子啦，我係點左北京香菜餃子，我係好鍾意食香菜，食落餃子度入面就真係好足料，d料都新鮮，5隻餃子實在太少啦！唔夠食，如果多d人去其實重可以叫下d小食，炸餃子，鯪魚球果d，我見到其他客食都好正，可惜我一個人，正!

今晚本身食左飯，之後同個朋友做facial，諗住都係陪個朋友食，點知最後都一人叫左一碗淨餃子，本身自己好鍾意食餃子🙈叫左四款唔同ge餃子，分別有白菜、香菜、沙葛同韮菜餃子，仲叫左兩杯熱菊蜜依間都食過好多次lu，反而就遲遲無寫食評，依間野餃子都算做得幾出色，價錢都公道ge👍🏼所以大家不妨黎開元朗可以食ge，不過白菜餃係食到第二粒先知自己食緊白菜，算鮮甜但白菜味唔夠突出，同埋一碗餃子做宵夜，真係超級滿足，因為以一個唔係經常食開宵夜ge人黎講，個分量都算幾多下🤣

唔係住元朗但會為咗食佢專登入元朗咁多年明不時都會掛住佢嘅味道😋餃子大大隻 好味道 記得記得加埋酸辣無得頂😋好醒胃推介菜甫沙葛餃 爽口好味推介上湯豬手 又係好爽口 回味無窮

梁記餃子麵坊這家梁記有做特色手工餃菜甫沙葛豬肉餃、番茄牛肉餃香菇青椒雞肉餃、魚肉雲吞等豬牛雞魚都有得吃符合大眾需求湯頭十分清淡餃子大顆但餃子煮開後有點皮肉分離賣相不討好番茄牛肉餃子裏頭咬開後滿滿都是番茄但找不到牛肉味道亦較淡味韭菜豬肉餃子口感實在味道較惹味豆漿不太甜合我口味但需留意店內姐姐們說話比較大聲做事較急可能會令人感覺不太禮貌坐位亦較為狹窄進店時請帶點心理準備我覺得好吃不等於你純屬個人意見愛分享

一直都想試，終於食到。香菜餃子，鍾意食芫茜芹菜嘅朋友一定鍾意，大大粒，涵多，正。豬扒，醃得好入味，好特別，同埋好大塊再叫多杯菊蜜，清清香香，唔太甜，好fresh 會再食

星期六假日元朗周圍都好多人，係元朗廣場行行下街覺得肚餓就想食下午茶，跟住想起呢間自家制餃子店....雖然呢間小店既裝潢不是太好，但是每一款既餃子都是自家制韮菜豬肉餃 ，皮薄餡多...餡肉味道也是剛剛好！

原本諗住剩係得餃子食，點知有我最中意嘅豬扒，咁就叫左豬扒米線。豬扒浸左係湯，無左脆口嘅口感，唔會太重口味，味道仲幾新鮮，而且份量好多。$32抵。湯味道偏淡。總括而言，抵食又好味！！

以前成日食，無食一排，今日好想食。仲係好好食，每次我都係叫香菜餃$29，老公叫全蝦雲吞$32。香菜餃好香，好大隻！全蝦雲吞入裡好多蝦，亦都好大隻！以前有八隻，而家得七隻。不過食餃一定去尼度！以前多人時要等耐D，可能十分鐘先有野食，食好野就要等！ 今次下午茶無乜人，五分鐘就可以開餐！Yeah!

今日係郊遊日齊齊貢入朗屏食飽就出發表妹搵到呢間餃子店佢話之前有朋友係呢到買生餃子打邊爐覺得好味 所以要搵返個感覺出左地鐵站 行去天橋都係跟返google map行大概5-10分鐘左右好彩入去就有位坐 唔使等yeah yeah餃子種類繁多 同埋款款都係特別既味道好唔容易先揀到款其實我唔太接受到餃子奇奇怪怪既材料所以最後揀左 穩陣派 白菜豬肉餃配上海麵一碗有6大粒皮薄餡靚 水餃鮮香多汁白菜口感爽脆 值得一讚表妹既選擇係雙併分別係南瓜豬肉餃當然仲有佢專登黎食既青瓜豬肉餃南瓜餃甜甜地唔肥膩淡淡都有南瓜嘅香甜味青瓜餃 未食過嘅我覺得好好奇識落好清新 咩都唔差表妹果然冇介紹錯另加$3有杯豆漿飲 同表妹share一齊飲食飽就出發行山啦

一家難有好多招牌菜，呢間keep住食餃子就okay，就mamatei啦～ 一間餐廳有一樣好食都不錯，次次都食同一樣 哈哈哈至愛一定非番茄牛肉餃子莫屬！試過幾種都未能及它。有好多款麵揀，個人比較喜愛配米線！夏天一定要加凍豆漿（偏甜）。試過牛腩麵，好好好香，但只有香味，太韌，食唔掂，想食牛腩唔洗係呢度食咯，有好多其他選擇。亦推介買d返歸自己煮，都好開心，如果特等黎元朗又喜歡呢間d餃子就買啦，車費會划算d嘛！ 此店受歡迎，預有時要等一陣。

好耐無入元朗，基本上一年先入一兩次，入元朗搵食之前當然要做下功課啦，老婆話想食餃子，今次去咗友人介既梁記餃子麵坊。人生路不熟都要搵左一陣，門口冇乜人，有少少伏，因為諗住午飯時間會排長龍，入到去先有一半滿。坐低睇下個餐牌，選擇唔多但係餃子幾特別，用青瓜沙角青椒南瓜等等嚟做做餃子，出面比較少見，於是就揀左 一個鮮菇青椒餃子併魚肉雲吞淨食，加杯香菊蜜同一個酥炸鯪魚球。香菊蜜先嚟，大大杯冇乜特別，有啲淡口，好在唔甜，有好淡口嘅菊花香，杯野都係加四蚊，所以唔要求。餃子呢，魚肉雲吞其實即係鯪魚肉用雲吞皮包住，其實冇乜特別，不過佢個魚肉打得彈呀，味道亦好。個鮮菇青椒餃子，青椒感覺上煮耐咗好淋，佢啲鮮菇都唔會有好香嘅菇味，組合特別唔難食，但係都唔算好好食。反而個湯底，有好重嘅胡椒味，對唔食辣既我黎講好辣，但係好香。不過個湯底嘅辣味都蓋過咗啲餃子味。反而要推介嘅係佢嘅酥炸鯪魚球，粒粒都好大粒，而且味道較得好，配料用量恰到好處，好好味。 外面 炸到香口而煙韌 ，入面啲魚肉都好彈牙。佢仲有好多餃子可以試，不過已經好飽，淨係食兩三粒鯪魚球都已經係夠一餐有餘。走之前座位爆滿，原來係我早左者。