梓沐村

营业中

休息中

$78套餐鰹魚花涼拌茄子日式奶油燉菜秘製牛肋條 +$15爆打香水檸檬茶 +$18$88套餐招牌腐乳鹽酥雞醬燒黑豚肉涼拌手撕雞輕芝士岩鹽奶蓋綠茶 +$18超抵食！$200左右就有5個主食1個冷盤，仲要每碟嘅份量都真係唔少，真係唔使驚唔夠飽🤭🤭而餐廳都係pet friendly，所以見到好多狗仔坐左係隔離陪住大家食飯🤣食物方面要講下招牌腐乳鹽酥雞，自己本來都唔太鍾意食腐乳，但係發覺加埋鹽酥雞落去其實都唔差喎😝腐乳味唔算好重，味道都調校得幾好唔會偏鹹，而且夠脆口🤤🤤另外就係想介紹吓秘製牛肋條😋肉質方面都煮得幾淋唔會咬得好辛苦。而好緊要嘅就係醬汁係非常出色，應該係用紅酒汁去煮嘅🍷感覺上有啲似甜醬油，浸到牛肋條入晒味勁正🤩🤩評分：8/10荔枝角長沙灣道680號麗新商業中心1樓105A-B號舖

月頭喺樓下食壽司郎,見到呢間餐廳新開張,仲係寵物友善餐廳,作為狗奴才既我就梗係唔放過呢個同主子一齊用餐既機會餐廳仲可以比狗狗一齊坐室內,真正Pet friendly Menu有幾個唔同既set選擇價錢都相當親民我哋今晚就揀咗兩個套餐,為食之選同埋大食之選分別Share一齊食招牌腐乳鹽酥雞好香好脆口,真係食到腐乳既香味雞件炸得岩岩好,食落juicy單骨芝麻雞翼店員推介新推出既芝麻雞翼又係好香口,雞翼面上佈滿芝麻粒馬鈴薯燉牛肉薯仔炆得好入味,伴埋個汁甜甜地好好送飯,牛肉就係採用左肥牛,比較薄身古早味坑肉大大舊五花腩肉,炆到入哂味個汁好香濃,有小小酒香邪惡之選日式奶油燉菜開頭以為係類似奶油津白,不過黎到個汁就偏杰身左小小野飲方面仲有近期好hit既爆打香水檸檬茶
茶底有茉莉花香配埋香水檸檬,好好飲出面就咁單買都要30幾蚊杯呢度加$18 好抵👍離開果陣仲幫狗狗響打卡位影左張靚相先走推介呢度比各位主子坐得舒適，店員都好有禮貌

朋友知我五行中喜木，所以過年前帶我過嚟荔枝角走一轉，我們逛街前去咗麗新商場一樓一間叫梓沐村的台灣fusion日本餐廳食brunch。店舖很闊落，招呼我們的店員告知我們，新店開張，全日套餐正在做優惠，每個套餐都會減十蚊。 他的餐牌簡潔而明，已經細心為你分析咗三款不同人士的餐單，足食，為食，大食，每個價錢都是差十蚊。煮食的菜式好吸引，我哋㨂左為食之選和大食之選。 鰹魚花涼拌茄子，茄子浸得非常入味，切的大小剛剛好，兩啖便可完成，加埋鰹魚花，一個日本精緻前菜。 招牌腐乳鹽酥雞，他用的炸粉是比較粗粒的，所以炸起上嚟外面非常之脆，把鮮嫩的雞肉緊緊鎖在炸漿之中，保留了雞肉的肉汁，另外，他充滿腐乳的鹹香，如果齋食會有點咸，所以配蛋飯最好。 忌廉蟹肉餅，總是喜歡食日本的忌廉燒餅，這個係餅也做得非常之好，忌廉和蟹肉打均，外脆內軟，而且他採用的炸漿與鹽酥雞的不一樣，一次有兩個，和朋友一齊分享，一人一個剛剛好。日式奶油燉菜，他是採用娃娃菜，娃娃菜煮淋後用奶油一齊燉，每次夾一些娃娃菜也帶又奶油汁，可以解一解油膩感。 比目魚西京燒，最近比較起外邊的餐廳便宜一點，他的份量也算是大，絕不欺場。比目魚煎香，肉質鮮嫩無比

係長沙灣睇完戲，係時候醫肚。餐廳座落商場2樓，最近先新開，而且仲係寵物友善餐廳，餐廳主打港人兩個故鄉:台灣同日本。日式前菜鏗魚花涼伴茄子，茄子綿軟細滑，能吸附各式醬汁，例如魚香汁、豆瓣醬和燒汁等，鰹魚汁用昆布高湯、乾鰹魚片加調味料製成，相當靖甜，茄子鏗魚搭配甚佳!台灣美食以香口脆口為主，我地點左個招牌腐乳鹽酥鷄，這款堪稱台灣夜市必點地道小食，鹹香惹味，十分香口。秘製牛肋條肉質嫩口軟腍，口口滿足，牛肉汁配飯一流!日式醬油蛋伴飯靈魂所在係鷄蛋，採用日本無菌蛋，伴以日本進口大米，相當滋味!比目魚西京燒，魚肉表面金黃，吃下去滑溜甘甜，美味可口!作為健康新一代，我地點左慢煮鷄胸同日式奶油燉菜，雞胸肉沒有骨頭啖啖肉，香濃的奶油，配上健康滿滿的蔬菜，是冬天最溫暖的料理！最後不得不提台灣特色飲品百香果梳打同招牌茉莉奶白，百香果酸中帶甜的冰涼滋味令寒氣全消，茉莉奶白由茉莉茶同奶搭配而成，茶味中隱藏淡淡奶香!

難得有pet friendly餐廳，當然要去試下環境舒適，有打卡位食物款式以台式同日式為主可以選擇兩款或三款主食還有3款菜式需要另加錢飲品也可跟套餐，配搭都算多元化可以試多幾款比目魚西京燒招牌腐乳鹽酥雞鰹魚花涼拌茄子日式奶油燉菜秘製牛肋條古早味坑肉日式醬油蛋拌飯必試招牌腐乳鹽酥雞鹽酥雞大大件，夠入味，雞肉夠嫩滑另外秘製牛肋條，肉質腍香 幾有驚喜輕芝士岩鹽奶蓋奶蓋咸咸香香，茶底夠濃仲有新鮮手打檸檬茶，夠哂清爽食物質素唔錯，相信好快會再嚟！

喺荔枝角返咗大半年工，好似都未搵到特別好食嘅嘢。今次就行遠少少搵到間新嘢，🪑餐廳以木系傢俬配暗綠色裝修，好溫馨咁！🐶一邊仲放咗好幾張寵物墊，難得嘅一間室內寵物友善餐廳。🐱食物方面主打日台嘅家庭料理，lunch set 可以揀多款主食或冷盤，🍲菜式比較清淡而著重細節，係樣樣都啱食嗰重，家嘅味道！😋價錢唔算太平，但喺荔枝角食飯貴過鰂魚涌嘅地方，都值encore嘅～🤓為食之選 $78 / 大食之選 $88為食之選可以揀2款主食同1款冷盤，配埋前菜、白飯同味噌湯。而大食之選可以揀3款主食，份量好足，基本上都夠食，特別欣賞個湯，清清哋唔太鹹，仲有兩粒蜆肉𠻹！🍆鰹魚花涼拌茄子茄子幾冧，上面有好多鰹魚花，幾開胃！🍗招牌腐乳鹽酥雞鹽酥雞炸到卜卜脆，嫩滑嘅雞肉有淡淡腐乳味，好香口！🥔馬鈴薯燉牛肉薯仔好冧，薄薄嘅肥牛加上有少少酒香嘅汁，好入味！🥬日式奶油燉菜奶油好 craemy，好重奶香，令蔬菜好滑，撈飯一流！🐷醬燒黑豚腩肉腩肉燒有淡淡焦香，微脆有口感，肉味都好出！🦀忌廉蟹肉餅蟹肉餅外脆內軟，入面都好滑，小朋友一定鍾意！🧋輕芝士岩鹽奶蓋綠茶 $18奶蓋唔算太厚，芝士味比較清甜，茶味都比較清新，爽口無咩負責

人到中年至鍾意話當年同幾個一齊做嘢十幾年嘅同事講起當年大家初出茅廬嗰陣成日去長沙灣打邊爐今日幾條友約埋重遊舊地咁當然係面目全非啦⋯⋯喺香港，冇乜地方係可以保存得到舊貌㗎喇活化咗，食店變得年輕咗成層都係pet friendly嘅動物診所同cafe仲有呢間食台灣家庭菜式嘅餐廳價錢幾抵食，$68已經可以有餸有湯款式都幾多，靈活度高，總有一款啱食朋友揀咗3主食套餐$78我揀咗2主食1小食套餐 $68套餐配飯&柴魚蛤蜊湯一客主食同小食我個人覺得各有千秋份量上相差亦不大所以我覺得係鍾意食乜就揀乜便可🤣某部分款式須加錢例如呢個西京燒比目魚就要加$20咁比目魚不嬲來貨都貴，我覺得合理嘅個人推介必食嘅係腐乳鹽酥雞一客四大份，炸得幾靚仔唔過火腐乳味就唔係好食得出牛肋條我覺得都係必食炆得好淋好入味醬燒黑豚腩肉，都幾好食可惜一客得兩片😭唔太夠喉小食嘅溏心蛋幾靚仔，蛋味極濃，推薦！飯亦可加錢換成日本蛋加醬油飯咁樣食又真係好好味餐茶須加錢換購，都合理嘅餐廳本身有水可以自助香港嚟講真係算係咁喇，好有良心一把年紀我哋怕飲甜嘢大部分飲品都係台式手搖，冇得走甜少許可惜無糖飲品選擇不多整體餐廳真心係幾抵食味道仲幾好添餐廳營

戲院樓上開左新餐廳，地方幾大，用上綠色小清新格調，仲係寵物友善餐廳黎。見環境唔錯，餐牌又幾啱食，仲免加一添，就試下佢啦😋⭐為食之選自己就點左為食之選，有兩款主食同一個涼菜，揀咗馬鈴薯燉牛肉、醬燒黑豚腩肉、日式胡麻豆腐，再配上日式醬油蛋拌飯，黎到覺得好豐富呀😍炆得軟淋嘅薯仔同紅蘿蔔配上肥牛，好有家的感覺。黑豚腩肉肥美香口，醬油蛋蛋味香濃，配上軟綿綿嘅白飯好好味。另外隨餐仲會附上漬物同鹽味蛤蜊湯，個漬物係欖菜毛豆仁，鹹鹹甜甜勁好下飯。個哈利湯係全份餐唯一嘅熱食，係咁凍嘅天氣下，個湯飲完真係暖笠笠。⭐大食之選朋友就點咗大食之選，呢款餐可以揀三個主食，佢就揀左招牌腐乳鹽酥雞、忌廉蟹肉餅、秘製牛肋條，又係加埋日式醬油蛋拌飯，上枱時香噴噴㗎🤤鹽酥雞同蟹肉餅都係即叫即炸，嚟到熱辣辣又香脆。牛肋條炆得軟腍入味，醬汁香甜。再來一口充滿蛋汁的珍珠飯，滋味十足。⭐招牌茉莉奶白 & 輕芝士岩鹽奶蓋綠茶加仙草跟餐沒有飲品送，但可以優惠價加特飲。點了個招牌茉莉奶白，要少甜，茉莉茶底清香，奶味香濃。朋友就點咗芝士奶蓋，個芝士奶蓋鹹鹹滑滑幾好味，另外仲加咗仙草，但店員話仙草放入杯嘅話，個飲品就會細杯咗，所以仙草分開上

呢間新開嘅餐廳位於壽司郎樓上果層隔離仲有甜記餃子同urban cafe不過想食飯嘅我地最後幫襯咗呢間日式 ˣ 台式料理餐廳有套餐，可以自由選擇主食整體味道出乎意料唔錯😙或者可以成為附近上班一族的新飯堂！可以選擇兩款 ( ᴴᴷᴰ 68 )或三款主食 ( ᴴᴷᴰ 88 )另外部份主食選擇要另外加錢整呢啲幾款小食至驚又細份又凍曬呢到就無呢啲問題，而且配搭各有特色🫶🏻❝ 招牌腐乳鹽酥雞 聞落好香，但整體炸得少少過了頭不過雞肉都keep到滑嫩口感的❝ 涼拌手撕雞 / 微辣 手撕雞望得平平無奇但食落都唔差除咗辣味仲帶少少麻，唔會太搶雞味嘅風頭❝ 忌廉蟹肉餅真的十分有忌廉口感的蟹肉餅不過蟹味可以更出！❝ 秘製牛肋條 ( + ᴴᴷᴰ 15 ) 牛肋條煮得軟淋入味，男友覺得醬汁太甜，但我就覺得Okay❝ 比目魚西京燒 ( + ᴴᴷᴰ 20 ) 都唔錯嘅西京燒～🍳 冷盤/ 溏心蛋 ( + ᴴᴷᴰ 10 )我地兩個都叫了溏心蛋，一份靚靚仔仔，另一份就少少爛🧋配餐飲品 / 輕芝士岩鹽奶蓋綠茶( + ᴴᴷᴰ 18 )

今日約咗朋友係荔枝角食飯！見到呢間餐廳新開主打日式/台式嘅餐廳餐廳好有喫茶館嘅感覺🍵我哋叫咗一個$78嘅套餐🍱同一個$88嘅套餐🍱上菜之後覺得勁豐富😍$78嘅套餐可以揀兩個主食加一個冷盤主食：我就揀咗腐乳鹽酥雞🐥同埋忌廉蟹肉餅🦀前菜：糖心蛋🥚餐仲有跟埋一個漬物，昆布湯同埋白飯一碗首先，講吓鹽酥雞先！好特別嘅味道😆因為加咗腐乳😋食落去有淡淡嘅腐乳味個雞都好大嚿🐥忌廉蟹肉餅，同出邊食到嘅味道差唔多但係佢比出邊嘅細舊，不過呢個size啱啱好因為如果太大舊反而會食唔晒😛糖心蛋嘅味都係啱啱好😍大滿足😋朋友食嗰個就係$88嘅套餐有得揀三個主食主食：佢揀咗涼拌手撕雞，古早味坑肉，慢煮雞胸個份量都好多！好適合男仔食🤣涼拌手撕雞嚟到之後要撈下佢因為佢好多汁喺下面😋好惹味😋慢煮雞胸好驚艷😆肉質食落去好嫩滑有兜汁可以點！唔經唔覺就食咗好多舊古早味坑肉都唔錯好夠味，撈飯一流😃飲品方面叫咗兩杯輕芝士岩鹽奶蓋綠茶奶蓋鹹鹹地😋不錯😝總括嚟講呢間餐廳係不錯的之後可以再試其他餸😍 梓沐村 📍荔枝角長沙灣道680號麗新商業中心1樓105A-B號舖

在荔枝角發掘了一間新餐廳「梓沐村」，在荔枝角長沙灣道680號麗新商業中心1樓105A-B號舖，餐廳裝修設計是台日混合風，環境舒適，有打卡位，食物款式以台式日式美食為主，仲可以帶寵物。菜式方面，由自選主食2款$68起，或自選冷盤1款 + 自選2主食，以及自選3主食，3大個選擇，還有3款菜式需要另加錢，飲品也可跟套餐，配搭都算多元化。這次與朋友分別點了自選冷盤1款 + 自選2主食，以及自選3主食。必點「 招牌腐乳鹽酥雞」，鹽酥雞大大件，夠惹味，雞肉嫩滑。「秘製牛肋條」＋$15，超入味，肉質腍香，配飯一流。前菜「鰹魚花涼拌茄子」入口清爽，醒神開胃。另一抵食及健康之選「慢煮雞胸」勁大份，雞胸不鞋口，口感滑溜，非常好食。「古早味坑肉」＋$8，坑肉肥瘦分明，入口即溶，很美味。「比目魚西京燒」＋$20，魚肉甘甜可口，沒有腥味。飲品方面「招牌茉莉奶白」＋$18，有清新的茉莉茶香淡淡的奶香味，「輕芝士岩鹽奶蓋綠茶」＋$18，綠茶清爽，輕芝士岩鹽奶蓋咸咸香香，滋味無窮。

最近因為要去荔枝角呢邊上堂所以無意中發現左呢間最新食堂舖頭主打日式／台式嘅家庭料理一個價錢有幾樣菜式 一汁三菜（香港係咪就係叫三餸飯？😂）好中意呢啲貪佢靚靚仔又可以食多幾樣講返主角先今次同男朋友分別叫左個熟成吉列豬扒定食＄88同一個＄78餐（兩款主食加一款冷盤）另外再散叫左個雞軟骨個吉列豬扒有驚喜 好大嚿而且有肉汁我實在食唔晒 浪費左🥺另外男朋友揀左馬鈴薯牛肉+涼拌手撕雞+胡麻豆腐每一樣都唔錯唔會話好重口味但又好好食我最中意係手撕雞少少辣幾開胃😆小食雞軟骨係岩岩炸起熱辣辣 一定好食😂唯一係個湯我覺得唔夠熱 同埋啲飯多得濟（可能可以提供返少飯嘅選擇）之前仲試過牛肋條同西京燒 都好唔錯！！已經mark實左呢間做飯堂🤪希望黎緊會有多啲款式／月替之類啦！題外話：舖頭有一邊係劃左做pet friendly 裡面有兩隻狗狗 個店員（定老細？）話佢係狗店長間唔中會落黎巡下舖好可愛呀！！！！！！😍😍😍