梨滿園韓國料理

营业中

休息中

今日準時放工，同家姐踩單車去科學園，入商場睇吓有咩食嘅時候，竟然見到韓燒放題，就決定入去試吓😋😋佢有精選放題同特級韓燒放題兩款選擇，我哋決定豪一豪佢，去揀個特級韓燒放題，食埋海鮮同刺身😈✨肉類我哋食咗美國橫膈膜肉、牛肩肉、牛板腱，同埋牛舌，味道10分唔錯，配埋生菜同埋蒜片，簡直一流😊，除咗呢啲之外仲有好多其他款式選擇，不過兩個女仔真係食唔晒🤣✨海鮮同刺身刺身選擇超級多，我哋每款都嗌咗啲嚟試吓，非常新鮮爽口🤣海鮮方面，我哋就叫咗海蝦超級大隻同彈牙，10分推介！🥰✨熟食我哋嗌咗一啲炸物，分別係炸豆腐同埋炸雞翼，炸豆腐超大粒十分之脆口，唔會油膩，入面嘅豆腐有超級滑，推介推介😃😃 炸雞翼都唔錯另外我哋仲叫咗迷你泡菜煎餅、韓式蛋捲、炒雜菜、水冷麵，種類多到你諗到嘅都有😋😋✨自助吧自助吧有汽水、果汁、啤酒任飲，另外可以加錢飲燒酒。除此之外仲有雪糕任食😝🍴 梨滿園韓國料理 （沙田）📍沙田白石角香港科學園科技大道西17號17W大樓1樓RT105號舖📞26620266

很喜歡到科學園晚餐，易泊車是一大優點，加上地方寬敞，很自在！環境座椅舒適，每桌均有獨立抽氣，不會一身油煙味，值得加分。最愛韓式餐前小菜，泡菜、菠菜及大豆芽 😍😍，百吃不厭！是夜的豐富晚餐 🥰🥰🥰輕點了幾件刺身，三文魚、北寄貝及吞拿魚！新鮮味好！韓式蛋卷，蛋味十足；饀料似是甘荀粒及紫菜，有益味美。迷你海鮮煎蛋餅，餅底軟糯，恰到好處，喜歡它的口感；雖然是迷你版，也甚為飽肚！薄切牛舌片，夠薄唔韌，連不喜歡牛舌的小妹，也添食 😋😋厚切豬五花腩，肥瘦適中，剛剛好。烤過的腩肉，肉香四溢，放點鹽，已非常美味！牛肉鮮艷，品質不錯欣賞它在爐面放上牛油紙，煮過兩三回後，換紙即可！薄切牛肉易熟，點些少醬汁吊味，美食也！一整櫃的凍飲，任飲任取！樂天的果汁一向不錯，芭樂及芒果都是大愛 😍😍

對於愛吃韓式烤肉的你，可以試呢間經濟韓式燒烤放題。餐廳的菜單非常豐富多樣。首先是頂級牛肉,包括多款不同牛肉部位。除此之外,也有優質的雞肉和豬肉,肉質鮮嫩可口。在海鮮方面更是亮點重重，有海蝦、帶子以及半殼帆立貝等。刺身有三文魚、吞拿魚、白玉貝、白玉豚、𩶘魚。除了肉類和海鮮，餐廳還有各式韓式菜品。鍾例如泡菜煎餅，海鮮煎餅、炸雞、炒粉絲、韓式壽司、湯類等等。最棒的是餐廳提供無限供應的飲品,無論是想清爽解渴,還是想配合烤肉暢飲,都可以盡情享受。

【梨滿園韓國料理2小時韓燒放題🔥】科學園係我屋企附近第二個後花園，地方好大，又有室內外位置，仲時不時有岩小朋友嘅科技展覽。更重要係‼️入面既餐廳好靚好大但又可以做到街坊價。梨滿園韓國料理餐廳入面有好多韓國風格嘅裝飾品，氣氛都好好👐🏻燒肉放題提供嘅食物種類非常多，除左燒肉、海鮮、肉類等，仲有韓國料理、小食、湯、壽司、刺身等等，超級多選擇，仲要質素好高。餐廳選用既牛都好令人驚艷，滿滿肉汁油脂均勻，配埋生菜、蒜頭、麵豉醬食，一啲都唔油膩，好正！另外，炸雞同炸魷魚鬚大推，好驚喜！外酥內嫩，keep住雞肉嘅肉汁。另外韓式風味既海帶湯，暖下胃間下場，大滿足😌。

今日和朋友到沙田食韓燒放題，入到餐廳，座位好整齊寬敞，好舒適，抽氣系統都好好，無油煙燒烤味👍今日主要想食韓燒肉，所以只點咗好幾碟肉類、小食及刺身！但其實餐牌裡有好多選擇，例如燒烤肉、刺身、炸物、特式小食、主食可揀窩飯或拉麵，種類繁多好吸引✌️我地揀咗美國橫隔膜肉、薄切牛舌、牛肩肉、美國頂級肥牛、一口牛粒和厚切五花腩；特別要提嘅橫隔膜肉，用咗醬汁醃，味道同口感好豐富，肉質好嫩滑，好味道；厚切五花腩慢慢燒香，用生菜蒜粒、醬料一齊食，好滋味😋仲有刺身和迷你海鮮餅，刺身有三文魚、吞拿魚、白玉貝和白玉豚，非常新鮮味美，飲品在雪櫃任取，以上的食品己經飽飽和滿足啊😄

放假跟朋友踩單車去到科學園，剛好晚飯時間，找了間食韓國餐廳食燒肉放題。今次選頂級韓燒放題，價錢很抵，90分鐘可以任食頂級牛肉，新鮮刺身，韓式小吃及任飲飲品。頂級刺身点了幾款刺身，三文魚，吞拿魚，白肉豚，魚肉肉質很鮮嫩味美，白玉貝新鮮，鮮甜爽口。特式小吃迷你海鮮煎餅，雖然是迷你煎餅，但用料非常充足，有很多海鮮，好好味。燒烤主食美國橫隔膜肉，肉質非常鮮嫩，入口軟綿綿，廚師用醬料醃過，味道很好。美國牛肩肉，牛肉味濃，非常好味。厚切豬五花腩，燒烤後非常香脆好味。還有多款海鮮，炸物，湯品等等，下次要再來品嚐。

分享一下今晚喺科學園入面一間梨滿園韓式餐廳食燒肉放題嘅體驗。店內枱櫈擺放整齊，每張枱都有足夠空間，用餐唔會覺得擁擠，枱上放置精美餐具同燒肉所需嘅烤盤、夾等工具，乾淨冇笠痴痴，搭配柔和燈光同溫暖嘅色調，牆上掛著韓國風格嘅畫作同裝飾品，營造出濃厚嘅韓國氛圍，比人感到放鬆舒適。燒肉放題所提供嘅種類除左燒肉嘅食材例如海鮮、肉類、菇菌類等，仲有韓國料理，前菜、小食、湯品、主食、壽司、刺身等等，飲品都有啤酒、汽水、茶，款式都幾多。我地主要都叫左唔同嘅肉類，美國牛板鍵，肉質鮮嫩多汁，烤至微焦嘅外皮帶有濃郁香氣。橫隔膜肉同牛肩肉都令人驚艷，口感豐富，帶有滿滿肉汁，令人欲罷不能。除左牛肉，厚切豬五花腩片同豬頸肉都係我最愛。豬肉經過燒烤後，肥瘦相間嘅口感，又軟又脆實在令人回味無窮。仲有燒帶子，外觀金黃誘人，散發著淡淡嘅炭烤香氣，質地鮮嫩多汁，帶子鮮甜。除左燒肉都叫左唔同種類嘅食物，海帶湯清爽可口，豆腐辣湯口味濃郁、辣辣嘅香氣四溢，聞落已經好吸引。辣湯融合豆腐嘅细腻口感，香辣度調較剛好。另外韓式炸雞外酥內嫩，能夠保留雞肉嘅原汁原味，又帶有獨特嘅韓式風味，美味十足。而雞肉石鍋飯味道濃郁鮮美，石鍋中嘅飯粒吸收各

📌梨滿園韓國料理 (科學園)好中意燒肉嘅我 終於同朋友一齊黎韓燒 我地呢個餐哥以任食刺身 燒肉仲有海鮮～海鮮有帆立貝、生蠔、帶子同海蝦個人好中意食帆立貝同海蝦 蝦肉彈牙唔會霉刺身水準正常 白玉豚同三文魚都幾好食～叫左好幾款唔同嘅牛肉😆牛仔柳扒已經調左味 入口軟淋 好好食～牛板腱都要試😆牛味濃郁 有啲咬口～仲叫左啲小食迷你海鮮煎餅煎到好香口 食太多肉想食下啲小食 呢個都係唔錯嘅選擇炸雞好脆卜卜 又唔會炸到啲肉質乾本身想試下啲湯但太飽無叫咁多了🥲

科學園越來越多餐廳進駐，而且泊車方便，用餐環境舒適，所以間中都會過嚟食吓飯。今日就去咗食韓燒，我哋選擇頂級韓燒放題，有A+級牛肉，頂級海鮮和刺身。星期一至四每位只需$238，90 分鐘內可以盡情任食多款美食。食韓國菜最鍾意食佢哋嘅前菜，呢度有泡菜、菠菜和大豆芽，另外侍應開始嘅時候仲會先送上生菜、蒜片和大醬。呢度嘅牛仔骨、牛仔扒同橫膈膜肉都係必試之選。牛仔骨肉質鮮嫩多汁，每一口都充滿了濃郁的牛肉香氣。入口即化的口感讓人回味無窮。配合餐廳特製的醬料，更能提升牛肉的風味。牛仔扒肉質比較少油脂，但香氣濃郁。兩邊輕輕燒下，可以保持了肉汁和嫩度，口感仍然十分細緻嫩滑。對於比較追求肉質的人來說，這款牛仔扒絕對是不錯的選擇。橫膈膜肉則肥瘦相間，香甜可口，絕對係肉食愛好者嘅最愛，是絕對值得一試的招牌菜之一。另外，豬腩肉肥瘦相間，入口即化，肉質鮮嫩多汁；牛肩肉則是口感緊實，肉質鮮美，亦值得一試。除咗肉類之外，海鮮都係呢間餐廳嘅招牌之一。特別是帆立貝、蝦和帶子。帆立貝鮮甜爽口，蝦和帶子都非常新鮮，質素絕對有保證。另外仲有魚生刺身可以任食。呢間韓式放題餐廳除咗有燒肉外，仲有好多其他熱食，煎餅、石頭鍋飯、泡菜湯

📍 梨滿園韓國料理 （ 沙田科學園） 燒肉🤪刺身☺️海鮮😗一次過滿足晒三個願望🤭簡直係肉食愛好者嘅天堂🥰👍-美國牛板腱肉質嫩滑 脂肪分布平均 入口即溶 忍唔住encore咗十幾碟👍😙～燒海蝦🙈新鮮海蝦肉質鮮嫩 燒到好香🤪～三文魚刺身🥳食落都幾新鮮 都算嫩滑 好過出面大部分嘅放題店 🥳～惹味豚肉炒飯😙必點菜式之一🤪豚肉好味👍炒飯炒得夠香有口感🤭搭配了豐富既配料同調味料 食到好滿足👍總括嚟講🤪呢間韓燒放題餐廳質素好好 有齊晒想食嘅嘢 仲要真係好好食🙈

在沙田區有活動，晚上一家決定在科學園吃晚飯。我的孩子很喜歡吃韓燒，這兒既乾淨，又闊落，抽風系統十分強勁，十分適合有小朋友的家庭用膳。侍應在我們未開始點食物前已經奉上泡菜、大豆芽等前菜，另外還配上不同醬料及生菜、切粒片的蒜頭以作吃燒肉用。本人十分喜歡A+頂級牛肉的牛肉組合，其中牛仔骨更是我們的最愛，不但醃得十分入味，而且口感軟嫩，真是必食之選！另外我也很喜歡半殼帆立貝及帶子，口感軟嫩，一絲絲的。這兒也有壽司、煎餅、石頭鍋飯、拉麵等選擇，我點了海鮮湯拉麵，味道有少許辣，材料足。飲品方面有不同種類的汽水、果汁飲品及酒類，任君選擇。甜品方面是牛奶公司的雪糕，有香芋味和雲呢拿味。吃燒肉時，侍應都很細心照顧我們的需要，例如主動更換煮食紙，見我們未拿飲品又會主動提醒飲品位置。

韓國菜俾人嘅感覺係辣🌶️🥵所以我每次都會好抗拒，但係公司實在太多同事想試，所以我地就照跟左去食科學園入面嘅韓國菜🇰🇷一坐低店員會按人數放底前菜，通常係韓式泡菜+另一個配料 (南瓜，芽菜，薯仔條之類)1. 雞石頭鍋飯 $67個鍋飯一到要記得落少少韓式辣醬，然後落力咁搞下佢，如果未好易就會黐底，唔止整唔到飯焦仲會燶晒，變苦😅啲飯粒粒分明㗎😋凍冰冰嘅天氣去食就真係好暖好好食👍🏽2. 韓式雞扒蛋包飯 $68塊雞扒都幾juicy, 隻蛋包住啲飯包得好完整好靚！仲有配份沙律添🥗

自從樂富店結業後，就未有舆韓烤碰面了，多次想到科學園探你，可惜就是路途遙遠，今日因為特別日子，所以就特別來到聚一聚。入到嚟都差不多1時半，座位全滿，大多食客是食午餐定食，我們老遠特來，當然食放題，十分喜歡此店的放題主食，有石頭窩飯，又有韓式熱湯及炸雞，煎餅，每樣食少少，大滿足！韓式前菜也是我的最愛，味道適中，並不覺得落了過多味精。燒烤的牛片，牛肉新鮮，質素保持，特別係海鮮及魚生，絕不行貨。最可惜位置太遠了！

帶子，個個鮮嫩彈牙，可以明顯感受到佢地係新鮮現點，一啖咬落即刻散發出濃郁嘅海鮮甜味，令人回味無窮。佢哋用簡單嘅調味，只撒少許鹽同胡椒，就足夠突顯帶子本身嘅鮮味，唔會過份蓋過食材原本嘅特色。而水冷麵都係傳統手工製作，實實在在感受到師傅用心。每條麵條都係筆直而有咬口，清爽唔膩口。配埋帶子食，真係無得挑剔！冷麵嘅酸辣調味亦恰到好處，帶出一份別樣的清新感。

⭐️韓式雞扒蛋包飯 $68呢個係我同事推介，好有驚喜，賣相都幾靚，蛋包飯的蛋好嫩滑，唯一唔好係入面係白飯，雞扒也煎得香口嫩滑，旁邊有滿滿的沙律，平衡返一下食肉的罪惡感。⭐️韓式鐵板三拼（牛，豬，雞）$68賣相好一般，但肉好多，夠兩個人食了，肉質一般，68蚊黎講咁多肉就不要要求太多，下面有些洋蔥墊抵，伴有白飯。午市套餐每人都附送前菜兩款（泡菜，芽菜，芥蘭）及飲品