梨滿園韓國料理

营业中

休息中

科學園以前係美食沙漠，而家多咗好多新餐廳，尼間韓國嘢都算係幾鍾意嘅餐廳💗💗晏晝嘅時候就會做定食，成日都要排隊㗎！夜晚就有韓燒或者韓食簡~~一坐低店員就會擺底幾點前菜，唔夠可以再叫。⭐️頂級韓牛肩肉同牛板腱肉你兩隻肉都冇醃過嘅，可以食返肉嘅原味，望落色澤好靚，油脂分布好平均，配埋生菜、蒜、韓式肉醬一齊食就可以中和返油膩感。⭐️牛仔骨呢個係我哋瘋狂encore，因為肉質好柔軟，醬汁調味都幾好。⭐️海鮮種類都多，有蝦、帶子、魷魚、元貝、蠔，但係就冇醃嘅，可以按照個人口味去調味，我覺得最正係元貝，因為都幾大隻，燒完都唔會縮水。⭐️刺身韓燒麗講得好佢嘅種類都算好多，有老是常出現嘅三文魚、吞拿魚、白玉貝、白玉豚、立魚，放題質素都算OK嘅。⭐️雪糕有兩隻味：芒果味、芋頭味，應該就係維記雪糕，自己鍾意芋頭味，好香濃🥰成間餐廳最欣賞嘅係服務質素幾好，坐低又舒服，店員都好主動幫手換鐵板。另外都有好多韓式料理，我哋就冇乜點嗌啦，食牛都好飽😂 $228有咁多嘢食，又高質都好抵啦💗

已經有4,5年無去過科學園了，知道近年那裡開了很多食肆，所以今次專程去走走。來了一座比較新的大廈，地下和一樓開了很多不同的餐廳，因這裡面積大，所以周圍設有很多座椅，可供遊人休息。看到有間韓燒放題餐廳，內裏光線充足，裝修簡潔，坐位也很寬敞。我們選擇了放題，一坐下店員已送上一籃新鮮生菜和燒汁醬油。放題是自己可任點食物，店員會將食物送上。食物選擇很多，燒物以美國牛為主，所以有很多牛的不同部位，如橫膈膜肉，牛肩肉，牛板腱，安格斯一口牛粒，牛仔骨，牛肝和牛舌等，海鮮有海蝦，蠔，帶子，帆立貝和魷魚等。還有很多熱食如湯類，韓式年糕，炒粉絲，海鮮蛋餅，拉麵和石鍋飯等。另有幾款刺身可選。飲品是在雪櫃任取汽水。最後當然唔少得有雲呢拿和香芋兩款雪糕。我們點了很多東西慢慢燒！肉類方面最喜歡牛肩肉同牛仔骨！肉味濃郁而且很juicy! 本身已有調味很不錯! 海蝦大大隻，蝦肉爽甜! 熱食最愛是大醬湯，湯料有很多海鮮和蔬菜，十分鮮甜。海鮮蛋餅煎得外脆內軟，餡料豐富很好味。最後食埋兩款雪糕才完結。這餐真的很盡興！邊燒邊聊天，真是享受！

以前食放題或者任點任食，成日都聽到話點咗嘢食唔會出畀你，又或者拖好耐先至出，但係已經好耐之前嘅事，而家已經冇乜餐廳會咁做，出漏咗一次半次就另計。 科學園呢間梨滿園，原來仲用緊呢一招，平日晚市去食任食韓燒，見到普通任食係188，就諗住坐低試下啦，質素都唔要求㗎喇，預咗係漢陽苑質素，點知坐低個阿姐就問我哋係咪食高級嗰隻，好似貴少少要$228，佢嘅語氣係好似幫我哋決定咗咁🤣🤣，我哋話食普通嗰隻得喇，即係188。 之後出咗q r code畀我哋點餐，正常點啲牛點啲豬，之後一路淨係出咗小食比我哋食，啲豬都係好耐之後先出，大約要十五分鐘。然後我哋隔離兩枱遲過我哋入座嘅，佢哋點嘅牛都已經出咗。呢個時候已經係我哋入座超過20分鐘，我就叫頭先嗰個阿姐過嚟問下佢係咪漏咗單，佢淨係話👉我唔知㗎你照點得㗎喇👈 然後我望一望隔離枱原來佢哋係食高級版嗰隻餐😌，我之後就再點啦，隔咗陣終於上牛肉，之後食完點嘅第二轉第三轉，佢都只係再嚟咗一次牛肉，而另外我再點嘅泡菜小食，到我埋單之後都冇再嚟過！！但我隔離食高級版餐嘅嗰枱客，佢嘅牛係嚟得好快！！ 之後我就明白咩事啦😌唔緊要啦反正呢

$218食足90分鐘任飲任食，仲有免費泊車，遠離鬧市的科學園韓燒大嘆一餐！A+頂級牛肉：包括可點牛肩肉、牛板鍵、牛仔骨、安格斯一口牛粒和肥牛等。各種牛肉呈紅色，而且大大件，除了一口牛之外，放入鐵板燒一兩分鐘即食。建議用生菜，加點泡菜和醬汁包裹牛肉放入口更加滋味！其餘肉類方面：牛脷和豬頸肉最為出色。牛脷薄片而且有一點調味，鐵板煎香兩面更加香口。豬頸肉需要燒耐一點，豬頸肉不瘦韌，微燶邊更好味！其他熱食：泡菜湯、芝士年糕拉麵均是不錯之選！泡菜湯非常足料，微酸帶辣非常開胃，而且熱辣辣上枱不喝不快的。

90分鐘嘅放題，等多個食。刺身出得特別慢！追極都唔會送來，而且選擇特別少，芥辣同埋豉油唔知點解預先去裝好咗喺碟度，芥辣得一點，海鮮唔新鮮！都唔知食咗啲乜！炸物基本上就冇問題！每人238仲要加1。

特登嚟科學園接朋友放工，要補祝佢生日，難得入嚟科學園行吓，周圍有好多打卡點，當放鬆吓都OK嘅。原來依度都有餐廳，竟然仲有韓燒！一於食埋飯先走，韓燒又夠chill，一路燒一路傾吓計🤗🤗價錢唔算貴，食完買單嘅時候直頭覺得好抵！有三文魚刺身！仲可以燒生蠔！😎餐廳係用電子化落單，掃描QR code，就可以揀食物。不過都有一個餐牌，圖文並茂，始終睇圖片會更加吸引，花多眼亂，全部都想食呀🤤最開心係有蝦！仲要好多蝦膏，一路燒，啲蝦膏流曬出嚟，蝦味大爆發，蝦頭好多膏，好正！另外，仲有有殼青口，同埋有殼生蠔，所以真係好抵食！燒生蠔，估唔到咁甜！有大有細，睇你好唔好彩~ 飲品方面，選擇唔係超級多，但係可樂都有zero同白色版本，減肥都無有怕！肉類方面，我哋就最鍾意牛仔骨，超級入味，而且肉質比預期中林，唔洗咬到死死下😆點都要叫返碗水冷麵，中和下韓燒熱辣辣嘅感覺，酸酸甜甜，降溫一流，不過份量就好大，好彩兩個人分享，如果唔係真係飽到爆炸😆😆整體嚟講呢間餐廳算係坐得幾舒服，而且唔會好嘈，又幾乾淨，性價比算好高，如果會入嚟科學園嘅話，bookmark定先啦~

餐廳位於科學園，夜晚很寧靜，空間又大，感覺很寫意，可以慢慢吃品嚐美食。三文魚刺身：二百多元放題有燒肉，啤酒任飲任食，竟然還有刺身！？實在太花算，cp值爆高。炸物；整體不錯，全都是即叫即炸，上桌時在冒煙，我最喜歡吃餃子，外皮香脆沒有油益味，裡面是韭菜粉絲，味道很好，粉絲更加添了口感。黑豚五花腩：新鮮沒雪味，每塊都是厚切，煎到脆身吃，油脂很香，跟前菜配搭感覺更清爽不油膩。豆腐鍋：用海鮮牛肉煮湯底，非常鮮甜，豆腐滑，份量小小，多喝也不會太佔肚子空間。

近期科學園多了許多新餐廳, 所以閒時都會去科學園拍拖覓食。有別於平時的韓式燒烤店陰陰沉沉的環境，梨滿園的環境新淨且光潔明亮。通風系統亦佳, 食完韓燒都不會一身油煙味。餐廳採用手機下單模式，方便又衛生，按量出菜亦可以確保食材的新鮮程度。眾所周知韓牛一向是高級的美食，想不到韓燒放題都有幾款韓牛任食，$218 的定價可算是超值！頂級韓牛肩肉油花分佈平均，顏色鮮紅亮麗。略略燒一燒兩面就食得。口感柔軟，有油脂香。用生菜包裹牛肉，生蒜，泡菜，麵豉醬等一口吃下，才是最正宗的吃法。值得一讚的是生菜好翠綠新鮮。頂級韓牛板腱肉另一款回本美食。油花雖然比韓牛肩肉少一點，但牛肉味亦比較濃郁一點，口感亦比較有嚼頭。個人更愛這款。美國頂級安格斯一口牛切成丁狀的一口牛，外面燒得微微焦脆，內裡仍然保持粉嫩，每咬一口都有肉汁。牛舌薄薄的一片，一燒即熟成攣曲狀。口感可以用脆來形容。黑豚腩肉黑豚腩肉經過燒烤，「邊位」燒至金黃香脆，亦能把油脂都逼了出來，入口完全沒有肥膩感，充滿油脂香。魷魚𠝹了花，一燒就自動捲曲，入口鮮甜彈牙。帶子個子雖小，但鮮味十足, 沒有雪味。熟食即叫即製，上桌時是熱辣辣的，而且水準絕對跟「散叫」一樣高。

之前工作時經過科學園看見這間韓式放題好像幾多人吃，今次一心來吃吃放題，又可以放縱一餐🤤這裏是自助掃QR code落單，可以自己追蹤食物，食物種類不算少： 肉有牛豬雞海鮮等 /卷物/ 炸物/鍋物/ 汽水/雪糕等 ；而且不同種類的前菜是可以refill 的🐮首先要推介韓牛，這裏的韓牛絕對真材實料，入口不算肥膩，油脂分布平均，而且每一次上碟都大大碟 🫶🏻 有別於其他放題店；有足夠的水份及油脂，不會黏爐，回本之選⭐️另外帶子也不錯，灑上一些黑胡椒，也是另一項矜貴的食材🥘海鮮豆腐鍋也是我日常喜歡的韓國菜，這裏的大大鍋，是正常份量，不是放題size；鍋物還有韓國出名的石頭飯🐥吃過韓式炸雞才覺得自己吃韓國菜🤣🥚喜愛韓式蛋卷及海鮮餅，功夫之作整體感覺良好，環境尚算乾淨整齊，燒烤爐是無煙設計，吃完不會一陣燒烤味，服務員貼心，不時會看看有沒有客人需要幫忙，會回頭

一般韓燒放題總令人非常忙碌，因同時要兼顧取食物及燒烤，但呢間位於香港科學園內嘅「梨滿園韓國料理」，就輕鬆自在得多，因除了可用手機經 QR code 落單外，還有服務員嘅殷勤招待。此外，餐廳地方寬敞整潔，抽風做得唔錯，還有好多二人卡位添！燒烤肉類款式多多，剩係A+頂級牛類，就有牛肩肉、牛板腱肉、牛仔骨、一口牛粒、肥牛…等等。各款都滿有牛肉味，尤其牛仔骨，因肉厚之餘又嫩滑，醃得好入味！另外，還有黑豚腩肉、豬頸肉、豬大腸…燒起嚟香噴噴。而海鮮類就有青口、海蝦、魷魚、帶子，真係應有盡有，梗有一款啱你胃口！估唔到廚師料理有驚喜 ，除了即叫即整外，還有每碟份量唔多，可以嘗試好多不同款式。尤其美味係：醬味濃郁嘅韓式大醬湯、蛋味香濃嘅韓式蛋卷、脆卜卜嘅迷你海鮮煎餅、外脆餡軟嘅煎餃子、最後梗唔少得就係酸酸辣辣嘅韓式泡菜喇…樣樣都各具特色，真係食到舐舐脷、好滿足！

放假襯著疫情舒緩，周末踩完單車之後入了科學園走走，運動完後食慾大增，見到有韓式燒烤放題，價錢又好抵，立即心心眼衝入去食！入到去發覺環境都幾舒服，不會像平時岀面韓燒餐廳會太迫同油油地污糟的感覺。每次食韓菜都最喜愛食韓式小菜，泡菜，芽菜都非常入味好食，未正餐前已忍不住吃了很多。肉類都算多選擇，由其事牛肉都有6 ，7種，對於熱愛食牛肉的我，算是很不錯，而且質素都幾好，有牛味，好食！燒肉都幾熱氣，任飲汽水，啤酒就簡直是一流！最後食埋甜品雪糕就為今天劃上完美句號。

梨滿園韓國料理 呢間餐廳位置喺科學園，就喺17W一樓位置，本身果楝商場已經有停車場，揸車去的話好方便。喺呢個大廈入面感覺好舒服，有好多可以坐下休息下既地方，而呢間餐廳亦正正位於扶手電梯附近，好輕易就揾到。 入到去發現係新裝修，非常乾淨明亮，完全冇燒肉店果種油膩感覺。店內全部都是卡位，私隱度很高，坐底之後就可以用電話掃QR code自行點餐。我揀左燒肉放題，大部分既食物都可以隨意選擇，而且選擇好多，對我黎講已經非常足夠。 食物選擇有好多，有熟食，亦有燒的生肉；熟食有前菜類，例如泡菜、菠菜、芽菜等，之後可以揀刺身，三文魚好好味，係新鮮肥美；仲有炸雞、炸蕃薯、炸南瓜、炸餃子、韓式飯卷等，非常美味。而燒肉選擇方面，我推薦牛仔骨，非常入味可口，另外亦有豬頸肉、牛肩肉、雞肉等等都非常齊全。如果覺得D肉太油膩可以攞D生菜包住食，咁就唔怕喇，生菜好脆好新鮮，質素唔差。 以上都只係一部分，唔好咁快食飽住，因為仲有海鮮同蔬菜，海鮮係非常新鮮，D蝦燒完仲係彈牙，都唔係細隻架，另外有帶子、青口等選擇，其實性價比非常高。仲有D金菇、冬菇、粟米呢D可以叫，燒起上黎都幾好食。 飲品都有好多款選擇，自己隨便揀隨便攞，

今天大埔踏單車，路經科學園，週圍逛逛，發現一間韓國餐廳。此餐廳下午五時前提供特價午餐，選擇包括石頭鍋飯、烤肉、牛骨湯、人蔘雞湯、海鮮麵、煎餅等等，包羅萬有。午餐並已包括飲品和前菜，十分經濟。今天點了牛仔骨，肉質嫩滑，十分美味，而洋蔥也炒得很香。除了牛仔骨外，也點了海鮮麵，可以要求辣味或清湯。海鮮麵有蝦·青口、蜆肉、蛋及少量蔬菜，麵的煙靭度適適中，海鮮也煮得不錯。飲品方面，除了一般的檸茶咖啡，也可以加$5要薑茶或柚子蜜。今天點了薑茶，熱辣辣而薑味濃郁。餐廳侍應十分有禮貌，招呼周到，值得一讚如果你經過科學園，不妨一試這間美味的韓國餐廳！

本園員工，在午膳期間用膳，到收銀處埋單，個女收銀員，應該係樓面收銀兩邊做，淨係問一聲可以可俾apple pay，佢d語氣同態度真係極奇差！又顯得好唔耐煩咁！其實做到咁晦氣做乜仲做呢？已經唔期望係好service啦，但對客人態度可唔可以好少少呢？又唔係刁難你d 西客，只係問句野都可以咁唔滿意😤😤😤😤

之前有兩次，晚市在這裏吃放題，抵食，服務都OK。今天和Honey在這裏吃午餐，感覺就非常差！60多元一個午餐，不平也不貴。但部隊鍋……那個辛辣麵，根本「煮不透」。看看賣相……石頭飯，應該不會失手的。石頭飯還可以，不過飯太稔太濕。食物尚可。服務員態度……我明白現時疫情人手短缺，趕急的情況下，未能盡善盡美。但，也不至於……總之一句，服務真係……令人不回頭。