棋子燒鵝 (金馬倫道)

营业中

休息中

過幾日就係聖誕節，每年我都會準備啲小禮物送比屋企人，等大家開心吓🩷 #小秘書 花咗大半日時間shopping，幾乎行勻成個尖沙咀，個肚已經餓到打晒鼓😅 又係時候坐低唞一唞！天氣咁凍，點都唔可以食件蛋糕就算😅 醒起金馬倫道開咗間燒鵝店「棋子燒鵝」，梗係要去朝聖啦😊未入到餐廳，#小秘書 已經被櫥窗上嘅 #燒鵝 吸引住👀 嚟得幫襯，當然要encore佢哋馳名嘅 #燒鵝 啦！可惜呢日得我哋兩個人，為免浪費，所以只能夠叫個「燒鵝例牌」… 不過原來份量都唔少，夠晒二人份🤤 #燒鵝 入口有淡淡炭燒香味，味道好有層次感！燒鵝皮脆肉嫩，加上師傅特制嘅調味，令鵝肉嘅味道更加出色🤤🤤 難怪咁多遊客千里迢迢都要特登嚟幫襯啦🤩加埋杯 #鹹檸七，其實我哋都已經飽得七七八八☺️ 不過見隔籬枱食緊份「常餐」都幾足料！加多個常餐我哋兩份分… 都唔算過份啫😚 我揀咗 #叉燒米粉 配 #厚多士 拼 #炒蛋 🐣 熱辣辣嘅 #湯米粉 加埋 #肥叉 一齊食，可以話係我至愛之一😚 肥嘟嘟嘅 #叉燒 口感淋滑，最重要係入口唔會黐牙🤪 放入口仲有浸淡淡嘅蜜糖味道… 出色！另外佢哋嘅厚多士都做得好軟熟，加埋厚厚嘅滑蛋一齊食，口感非常之豐富

經過金馬倫道的棋子燒鵝，裏面坐滿晒人，人氣鼎盛，質素應該有返咁上下，價錢經濟實惠，一於試吓！燒鵝飯坐低必定要點招牌燒鵝，陣陣荔枝柴香味的煙燻燒鵝，真的非常美味！煙燻的過程讓鵝肉吸收了荔枝木的獨特香氣，肉質鮮嫩多汁，外皮酥脆，帶有淡淡的甜香。最地道和傳統的風味就是搭配特製的酸甜梅子醬汁，讓人一口接一口，回味無窮。一人餐雙拼燒味 例牌（選2款）1碟真心超值！竟然可以食到我心愛的叉燒、燒腩仔，價錢又唔貴，大大碟份量好多。廣東燒味中，叉燒和燒腩仔都是非常受歡迎，味道鮮美。蜜汁叉燒外焦內嫩，醬汁甜中帶鹹，用五花肉製作，吃起來香氣四溢。燒腩仔的皮脆肉嫩，脂肪適中，搭配傳統黃芥辣，欲罷不能，搭配瀨粉非常好食！郊外油菜全日常餐如果唔想食廣東燒味飯，可以試吓棋子叉燒公仔麵、香滑炒蛋、牛油厚多士，十分惹味。然後再嘆埋杯茶餐廳香滑咖啡，即刻醒腦提神。

今天去的餐廳位於尖沙咀，是一間主打燒鵝，而且充滿港式風味的餐廳。由燒味到小食都充滿茶餐廳情懷，湯品足料，小食邪惡又美味，值得一試。燒鵝瀨粉🍗燒鵝皮脆肉嫩，油脂甘香，瀨粉吸收了清甜湯底，搭配香蔥提香，經典配搭無可挑剔。  叉燒燻蹄河粉🍖叉燒蜜香軟嫩，燻蹄爽口不膩，河粉滑溜，飽足感十足。配蠔油油菜，味道更平衡。眉豆花生豬骨雞腳湯🍲老火湯濃郁綿滑，眉豆花生煲至粉糯，豬骨香醇，雞腳膠質滿滿，十分足料，滋補又暖胃。  煉奶多士🍞多士外脆內軟，煉奶甜而不膩，是簡單卻邪惡的茶記經典。菠蘿油🍍熱烘烘的菠蘿包夾冰凍牛油，外皮酥脆，內裡鹹甜交融，冰火口感超滿足。

今日黎左尖沙咀附近買野，路過一間燒味鋪門面光猛#棋子燒鵝 ，而且掛左好多燒味好吸晴，而且好近K11，落番地鐵站好方便，二話不說入內大吃一餐!!我哋點左二人套餐  棋子燒鵝(例牌)，單拼燒味選 1款，郊外油菜，有瀨粉同米粉，仲送兩杯野飲好豐富，仲要唔收加一服務費，真心好扺食。棋子燒鵝例牌都幾大碟，外皮鬆脆，肉質嫩滑，適量的肥膏讓每一口都滲出陣陣濃郁的鵝香味，沾少少酸梅醬仲惹味。切雞雞肉好嫩，真係好嫩一啲都唔鞋唔鞋，都唔會太肥，整體食落好滿意，一定會encore 唔中伏嘅燒味店。油菜份量都唔少，足夠兩個人分享🥰叫咗米粉同瀨粉各一碗，上湯味道唔錯，入口順滑。燒鵝最正都係配瀨粉😛凍檸茶

踏入黃金周嘅週末，#尖沙咀 一帶異常熱鬧，#小秘書 當然唔執輸，出嚟沾吓啲旺氣之餘，順便帶個朋友仔嚟「棋子燒鵝」試吓佢哋馳名嘅 #燒鵝 同 #港式風味 😎肥嘟嘟嘅燒鵝，一隻一隻咁排滿喺餐廳櫥窗，見到已經口水流🤤 #小秘書 坐低第一件事，梗係先整隻 #燒鵝髀 滿足吓味蕾！即叫即斬出嚟嘅鵝髀皮脆肉嫩，咬落去啖啖肉，仲有陣陣嘅炭香風味，不枉係佢哋嘅招牌菜😎 配埋杯 #鹹檸七 同 #凍啡 認真一流🤤另外我哋叫咗個 #常餐，仲特別要求師傅嚟個 #出前一丁 配 #肥叉，#叉燒 肉質肥瘦均勻，搽上蜜汁甜甜地，加上微微嘅燶邊好有咬口！冇諗過用嚟配常餐嘅叉燒，竟然都有呢個質數🤤 跟餐個 #炒滑蛋 份量十足，食埋件 #厚多士，再K.O.埋隻鵝髀，真係飽到上心口🤤餐廳整體服務、同食物質素都唔錯❤️ 今時今日仲保持到港式風味，同有質素嘅 #燒味店 真係買少見少，所以大家都要繼續多啲支持小店，好等美食傳承下去！📍 #棋子燒鵝 (尖沙咀)金馬倫道34-36A號福僑大廈地舖

💡抵食燒味今日去行街，見到呢個1人套餐好抵食，價錢唔貴之餘，燒味仲係高質。🔥雙拼燒味（燒鵝+燒肉）🦆燒鵝皮脆肉嫩，鵝油香濃，蘸酸梅醬超開胃！ 🐷 燒肉層次分明，脆皮「咔嗞」響，入口甘香鬆化，肥瘦均勻，鹹香惹味。🥬 郊外油菜（菜心）菜心嫩綠無渣，淋上蠔油，清爽解膩，平衡燒味的油香。 🍋凍檸茶茶底濃郁不澀，檸檬新鮮無苦味，甜度可自由調校，配燒味一流！ 🐔鹽焗手撕雞 雞肉嫩滑不柴，鹽焗香氣十足，帶微微沙薑味，再係上面淋上芝麻，好香口。

今晚約咗朋友尖沙咀近金馬倫道有間餐廳門廚窗掛了幾隻燒鵝膨脹 toto好似好吸引就入去試嚇餐廳名曰#棋子燒鵝餐廳都幾大人流牌 餐上有個#二人套餐好吸引於是選了這個餐我地叫去以下食物🌸二人套餐：棋子燒鵝 單拼燒味 郊外油菜 瀨粉 咸檸七(凍飲不用加 錢)🌸棋子燒鵝例牌份量 我選了大大隻鵝脾 好味鬆軟嫩滑多汁 而且有陣獨特香味 果然是招牌菜 呢個必食🌸脆皮燒腩仔份量大 半肥瘦 黃金比例 燒肉脆卜卜肉汁又juicy🌸郊外油菜菜心清甜爽口這裏的燒鵝質素好高 好抵食😋😋

燒鵝雙併飯， 本來見間鋪好出名咁， 點知失望到我要上open rice 打負評得細細的5舊， 仲要4舊都係得層皮， 第5舊得邊邊少少肉咁樣得層皮， 咸到死， black list 依間店！！

下午時分去食飯食物質素完全冇問題兩名店內員工因事起爭執，一番爭吵後兩個互相用粗口大聲叫罵，完全沒有其他員工阻止即刻埋單走人，呢個舉動絕對嚇親客人及影響客人心情飯都冇心情食

尖沙咀行街睇到呢间嘅「棋子燒鵝」，玻璃櫥窗掛滿油亮燒味，人都好多，即刻衝入去開餐！ ✨ 燒鵝🔥 皮脆到似玻璃紙！咬落「咔嚓」聲直衝耳膜～鵝肉嫩滑多汁，炭火香滲透每絲纖維，皮下脂肪薄薄一層唔會膩，蘸酸梅醬更帶出鮮甜！✨ 燒楠仔（燒肉）🐖 五層肉肥瘦分明！皮夠脆身，入口甘香鬆化，鹹度調得啱啱好。最正係啖啖肉帶微微焦糖香，配埋黄芥末醬食超惹味～ ✨ 二人套餐🍱 • 燒鵝例牌x1 + 自選燒味例牌x1 • 瀨粉/米飯 /米粉/河粉x2•郊外油菜（幾清甜）•例湯（足料老火湯，唔係味精水！） 性價比高！$248兩個人食到好飽～

餐廳位於尖沙咀，由地鐵站至餐廳步行路程約需五分鐘，還算便利。餐廳主打燒味，燒鵝更為其店舖的大名內。燒鵝燒肉飯燒鵝的皮脆肉嫩，色澤金黃，咬上一口，外皮的香脆與內裡的多汁完美結合，令人驚艷。鵝肉的鮮美搭配上特製的醬汁，味道層次分明，讓人一口接一口，根本停不下來。燒肉部分同樣出色，肉質厚實，肥瘦相間，外皮烤得恰到好處，散發著誘人的香氣。每一口都能感受到肉的鮮嫩，搭配上飯粒，簡直是絕配。飯底吸收了肉汁的精華，香味四溢，讓整碗飯更加美味。

今次約咗朋友去尖沙咀食晚飯，突然好想食燒味，朋友就介紹咗呢間燒鵝專門店。一入到餐廳，就覺得環境好舒適，裝修好有地道香港風味，坐低之後已經感受到濃濃嘅本土氣息。 。呢間餐廳主打燒味，選擇真係多到眼花繚亂！有叉燒、油雞、燒腩仔等等，樣樣都睇落好吸引。我哋點咗一個二人餐，裡面有例牌份量嘅燒鵝，燒鵝皮脆肉嫩，咬落去仲有啲肉汁，真係好正！單拼燒味我哋揀咗燒腩仔，燒腩仔嘅皮脆到好似餅乾咁，肉質又唔會太肥，配芥辣醬，食落好滿足。 。另外，佢仲會包埋一碟油菜，清爽得嚟又唔會太油膩，完美襯托燒味嘅濃郁。主食方面可以揀白飯、瀨粉、米粉或者河粉，我哋揀咗白飯，因為白飯可以將燒味嘅香味發揮得淋漓盡致。飲品方面，我哋點咗凍奶茶同凍檸茶，凍奶茶香滑濃郁，凍檸茶清新解渴，真係絕配！ 。總括而言，呢間燒味專門店無論係食物質素定係環境都令人滿意，如果想試下地道嘅香港燒味，呢間餐廳絕對係個好選擇！

尋晚同朋友經過尖沙嘴，朋友話想食燒鵝就入左呢間棋子燒鵝。點左兩碗燒鵝瀨粉，食左一塊燒鵝之後發覺鹹到嘔，死鹹死鹹個種，我以為自己食緊鹹鵝！我搵服務員過來問點解燒鵝感鹹，距話幫我加點湯好嗎？我話燒鵝本身好鹹唔係碗瀨粉鹹喔？無一個服務員可以答到我點解決咯！後來收銀行過來問我咩事，我話燒鵝好鹹好鹹，你可以試一塊肉，距又係話幫我加湯，我都話唔係湯既問題咯，距就又走左去無解決問題。後來我放棄了，成碗瀨粉唔食放係台面，一個男服務員好快來問我唔要啦，就收走左我碗鹹到死既瀨粉！我即刻飲曬成支Bonaque都仲係覺得口腔好鹹！我都唔明白點解舖裡面點客點食得落感鹹既燒鵝。不過全舖都係遊客，除左我呢台，個個都點套餐，都無食燒鵝既！本地人都係食番點大牌子食店無感嫐😤

這間位於尖沙咀金馬倫道嘅燒味店, 店舖櫥窗陳設著多款燒味, 主打燒鵝, 燒汁充滿光澤, 相當吸引。食客眾多, 稍作等候入座, 點了二人套餐。棋子燒鵝 例牌燒鵝擺設整齊, 還有成隻鵝髀, 鵝皮好香脆, 鵝肉肥美鮮嫩, 入口充滿啖啖鵝香, 醬汁鹹鮮甜香, 肥而不膩, 令人回味。豉油雞 例牌雞皮油潤香滑, 肉質肥美, 豉油清甜鮮味, 浸入雞肉好入味, 甜鮮可口, 。郊外油菜是新鮮翠綠嘅菜心, 爽脆清甜, 點配蠔油, 更加突顯菜心嘅鮮味。美味嘅燒味, 配以熱暖白飯, 吃得相當滋味。再來冰凍可樂, 怡神滿足。

近日澳門朋友🇲🇴來港搵我食飯～佢話想食地道香港美食！我只想到要食燒鵝～係棋子燒鵝呀～以家唔洗去深井都食燒鵝😛每一間店都在店內自設工場現場製作，務求使到食客能夠品嚐最新鮮的燒味食品，必食招牌煙燻燒鵝‼️皮香肉嫩❗️一入口有陣陣煙燻的味道👍🏻如果多人食還可試埋叉燒及燒腩仔也近車門很出色🫰🏻我每次都等到下午茶時段先食😛咁先係最抵食！必須叫燒鵝瀨粉‼️必須加💲1️⃣0️⃣轉鵝胸‼️咁先會啖啖肉‼️再加酸甜醬！甜甜的和燒鵝很夾😋我們還額外加一份雞蛋火腿三文治🥪厚雞蛋及厚方包配上一齊吃，口感一流！再叫上杯濃厚的熱朱～很有港味😌