棋子燒鵝 (金馬倫道)

营业中

休息中

過幾日就係聖誕節，每年我都會準備啲小禮物送比屋企人，等大家開心吓🩷 #小秘書 花咗大半日時間shopping，幾乎行勻成個尖沙咀，個肚已經餓到打晒鼓😅 又係時候坐低唞一唞！天氣咁凍，點都唔可以食件蛋糕就算😅 醒起金馬倫道開咗間燒鵝店「棋子燒鵝」，梗係要去朝聖啦😊未入到餐廳，#小秘書 已經被櫥窗上嘅 #燒鵝 吸引住👀 嚟得幫襯，當然要encore佢哋馳名嘅 #燒鵝 啦！可惜呢日得我哋兩個人，為免浪費，所以只能夠叫個「燒鵝例牌」… 不過原來份量都唔少，夠晒二人份🤤 #燒鵝 入口有淡淡炭燒香味，味道好有層次感！燒鵝皮脆肉嫩，加上師傅特制嘅調味，令鵝肉嘅味道更加出色🤤🤤 難怪咁多遊客千里迢迢都要特登嚟幫襯啦🤩加埋杯 #鹹檸七，其實我哋都已經飽得七七八八☺️ 不過見隔籬枱食緊份「常餐」都幾足料！加多個常餐我哋兩份分… 都唔算過份啫😚 我揀咗 #叉燒米粉 配 #厚多士 拼 #炒蛋 🐣 熱辣辣嘅 #湯米粉 加埋 #肥叉 一齊食，可以話係我至愛之一😚 肥嘟嘟嘅 #叉燒 口感淋滑，最重要係入口唔會黐牙🤪 放入口仲有浸淡淡嘅蜜糖味道… 出色！另外佢哋嘅厚多士都做得好軟熟，加埋厚厚嘅滑蛋一齊食，口感非常之豐富

經過金馬倫道的棋子燒鵝，裏面坐滿晒人，人氣鼎盛，質素應該有返咁上下，價錢經濟實惠，一於試吓！燒鵝飯坐低必定要點招牌燒鵝，陣陣荔枝柴香味的煙燻燒鵝，真的非常美味！煙燻的過程讓鵝肉吸收了荔枝木的獨特香氣，肉質鮮嫩多汁，外皮酥脆，帶有淡淡的甜香。最地道和傳統的風味就是搭配特製的酸甜梅子醬汁，讓人一口接一口，回味無窮。一人餐雙拼燒味 例牌（選2款）1碟真心超值！竟然可以食到我心愛的叉燒、燒腩仔，價錢又唔貴，大大碟份量好多。廣東燒味中，叉燒和燒腩仔都是非常受歡迎，味道鮮美。蜜汁叉燒外焦內嫩，醬汁甜中帶鹹，用五花肉製作，吃起來香氣四溢。燒腩仔的皮脆肉嫩，脂肪適中，搭配傳統黃芥辣，欲罷不能，搭配瀨粉非常好食！郊外油菜全日常餐如果唔想食廣東燒味飯，可以試吓棋子叉燒公仔麵、香滑炒蛋、牛油厚多士，十分惹味。然後再嘆埋杯茶餐廳香滑咖啡，即刻醒腦提神。

【油尖旺區】【棋子燒鵝】之前已經同大家講過兩間喺尖東食燒鵝嘅餐廳，都係啲榕乜榕物嘅。其實呢條街仲有一間，係棋哥啲分支，叫「棋子燒鵝」，我之前都好似講過吓佢哋嘅其他分店。搵返先知原來已經係 1am0789 嘅事，嗰陣係講喺尖沙咀香檳大廈嗰邊嘅分店，都唔遠喎。今次呢邊競爭大啲，店員殷切招待我入店，但入到去坐低之後又叫我唔好坐嗰度。一輪折騰之後叫咗個 $128 嘅「一人套餐」，有細「燒味雙拼例牌」，我要咗「桂香切雞」同加 $10 嘅「棋子燒鵝」，仲有碟「郊外油菜」，係菜心嚟，都幾大碟，同埋都幾甜。仲配碗「瀨粉」同一杯「凍檸茶走甜」，都幾多嘢食。之後見到多啲客人，咪又係要招待佢哋坐我唔坐得嗰啲位，嘥氣。不過我冇嬲喎，因為燒鵝同切雞佢咁啱都係畀到髀位我，冇加錢嘅，勁爽皮。淨係呢種感覺，呢 $138 都抵畀啦下話，仲邊嬲得落呢係咪。。。（地址：尖沙咀金馬倫道34-36A號福僑大廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

其實經常經過尖沙咀都見到這間燒味舖，因為他都有不少分店，所以今日想食燒鵝就來了一試。今次點了：原隻燒鵝髀米粉 $123餐廳好細心，已把燒鵝髀及米粉分開上，而燒鵝髀上碟時已斬開，鵝脾的肉質滑，而且鵝皮油香四溢，個人好喜歡它的燒鵝汁，配著米粉吃更惹味。燒鵝五寶飯 $83裏面有燒鵝、叉燒、豉油雞、紅腸、咸蛋，可以一次過食到不同的燒味，滿足眼闊肚窄的人，燒鵝方面我加了$10指定要鵝胸，等於走骨，每次食落啖啖肉；叉燒是半肥瘦，食落肉質軟熟，不柴不乾；另外豉油雞應該是雞髀肉的部份切出來，肉質嫩滑，雞皮都爽口彈牙，豉油雞皮好入味，而白飯配上鵝汁豉油都好好味，令人忍不住一口接一口。由於怕吃太多肉營養不夠均衡，所以加$20點了郊外油菜，今天的油菜是菜芯，份量不少，旁邊也配了蠔油，一口食菜一口食肉的感覺更舒服呢。最後不得不提，這裏點了的飯都會送餐飲，我就點了一杯熱檸水及一杯熱咖啡，用作餐後清除油脂。總括而言，這間餐廳的地點方便，而且食物份量大及足料，大食的人都適合。

跟朋友在尖沙咀閒逛，經過呢間#棋子燒鵝專門食燒鵝，斬料的餐廳，見佢地廚窗掛出嚟嘅燒味，樣靚好正咁，價錢親民，就即進入開餐囉！燒鵝髀飯，真係冇得輸，鵝髀大大隻，入口皮香有鵝油香味，鵝髀肉質有彈性，點埋酸梅醬食，非常美味可口。叉燒併雞髀飯加煎蛋，夠晒豐富呀，叉燒醃製調得剛好，有蜜香味且帶有肥肉，肉汁豐富，雞髀肉滑嘟嘟的，柔軟有彈性，將蛋汁伴薑蔥汁併飯食，超級美味😋。包飲品但凍飲加$3，另加$20有碟菜。

尖沙咀嘅「棋子燒鵝」夠晒出名，充滿地道香港風味👍🏻當晚我哋叫咗二人套餐，除咗燒鵝，仲可以叫多一款單拼燒味以及有油菜，夠晒豐富🤪老火湯足料鮮甜，而且夠晒熱，飲完暖身又開胃😋我哋亦額外叫咗一份鹽焗手撕雞，非常入味，雞肉嫩滑，啖啖肉☺️棋子燒鵝，見到顏色咁靚就高質，肉質細滑，而且鵝油豐富，完全食到停唔到🥰棋子叉燒，叉燒同樣高質，肥瘦適中，而且厚切大大嚿，表面微微焦脆，好香口😝豐富又地道嘅燒鵝二人餐，整體非常抵食👍🏻🥰

📍棋子燒鵝 (金馬倫道) (尖沙咀)📍尖沙咀金馬倫道34-36A號福僑大廈地舖🟡2人套餐 $248✨棋子燒鵝 例牌✨單拼燒味例牌：叉燒✨郊外油菜✨瀨粉 2碗✨老火靚湯+檸檬茶燒鵝聞名的棋子燒鵝，真係名不虛傳。燒鵝皮脆肉嫩，鵝肉保留了豐富的肉汁又唔會過於油膩，每一啖都超香，好令人回味。叉燒外層的蜜汁烤得恰到好處，半肥瘦，肉質軟嫩。燒味配上郊外油菜同瀨粉，感覺平衡返好多，唔會覺得過於油膩。老火靚湯湯頭濃郁，傳統廣東湯好足料！這個兩人套餐份量剛好，價格好親民，抵食！

棋子燒鵝棋子燒鵝有好多分店，今次係食尖沙咀金馬倫道分店。星期日午市周圍都咁多入，同樣係揀咗間有位嘅舖頭入去食。燒鵝叉燒雙拼飯 💰68(凍飲加$5)🙂‍↔️坐低嘅時候見到隔籬枱嘅燒鵝大大份，上枱嘅時候有少少失望。🙂‍↔️有朋友食單拼，燒鵝反而大份同唔多肉啲。我呢一碟燒鵝好薄，冇乜肉，不過好彩啲皮燒得啱啱好，加埋啲醬都ok ✨好彩叉燒救返呢碟飯，叉燒半肥瘦👍✨奶茶多奶算幾好飲整體嚟講，味道都OK，如果下次食一定會嗌返單拼，或者例牌，可能會開心啲。

超正燒鵝髀瀨😍😍成日經過都想入去食今晚放工一於入去食燒鵝髀瀨粉係最好味！！燒鵝皮夠脆，又唔會太肥肉質軟腍，夠哂入味份量都夠多，都夠足粒瀨粉都好滑下次再黎食！

夜晚放工突然好想食燒味，想起棋子燒鵝應該未關門，就即刻衝過去食，好彩佢哋收好夜👍🏻去到棋子燒鵝，點可以唔食燒鵝，佢哋啲燒鵝肉多過骨，可以大啖咁食到鵝肉。鵝肉肉質軟軟的帶有一點彈性，是新鮮的特徵，而且肉汁豐富，加上酸梅醬，真係好味到不得之了，果然無去錯地方😍燒鵝拼义燒飯 - 义燒都好好味，我比較鍾意食瘦义燒，啱晒我。一啖义燒，一啖燒鵝，加上白飯，好食到停唔到口。燒鵝拼燒肉米線 - 燒肉的脂肪比例知適，我朋友勁鍾意，佢話燒肉點可以無脂肪層😂 燒肉唔會太鹹，剛剛好，正適合餸飯👍🏻鹽焗手撕雞 - 啖啖肉，完全無骨，爽呀，佢帶有少少麻醬嘅味道，真係令人食上癮👍🏻飯品方面，我叫咗鹹檸七，對喉嚨非常之好，講咗一日嘢，飲返杯鹹檸七，正好舒緩喉嚨不適。

香港人識飲識食, 燒臘向來是深受數迎嘅美食, 又到午飯時間, 食吓燒味都係唔錯嘅選擇。這間燒味餐廳位於尖沙咀金馬倫道, 地方清潔, 座位闊落, 店舖陳設著各種燒味, 相當吸引, 睇見都想食。2人套餐有燒鵝和一款燒味, 加上油菜, 飯粉和飲品, 相當啱食。棋子燒鵝 例牌賣相精緻, 有成隻燒鵝脾, 燒鵝皮脆肉嫩, 新鮮即切, 肉質嫩滑, 鵝皮做到乾身光澤有脆度, 吃起來啖啖肉香和皮香, 沒有任何腥膻味, 鮮美多汁, 醬汁惹味香口, 確實是佐飯佳品。燒腩仔 例牌燒腩仔以一口件裝排列, 皮薄香脆鬆化, 腩肉肥瘦均匀, 鹹度適中, 配以芥醬更突顯肉滑油香, 不會有肥膩感, 令人回味。郊外油菜是菜心, 新鮮翠綠, 爽脆香甜, 配蠔油最合適。還有熱暖白飯和幼滑瀬粉, 配以燒味和惹味鵝汁就最合適。

上次和外地来的朋友一起坐叮叮经过某甘被排队的长龙吓到虽然我自己也去吃过但是他家好吃归好吃实在是排队太久&不便宜其实想要吃到传统香港滋味真的不需要那么贵！！人均100就可以吃到超正宗烧鹅了就在尖沙咀的棋子烧鹅双人餐$248 包含烧鹅例牌+烧味例牌还有蔬菜、主食和饮品烧鹅皮脆油香 薄薄的油脂丝毫不影响它的风味鹅肉经过层层熏烤 鲜嫩多汁又极为入味烧味例牌可以选叉烧、烧腩、切鸡、豉油鸡、熏蹄我们选的豉油鸡 鸡皮如果冻一般晶莹弹嫩肉质被酱汁浸入味但不又厚重鸡骨微红，熟度非常合适

經過【棋子燒鵝】 被吸引進去 ，我最想吃燒鵝瀨粉。😍 見佢有個 2 人套餐都幾抵食，揀咗棋子例牌燒鵝、燒腩仔、郊外油菜、白飯、瀨粉、老火靚湯同龍鳳檸樂。😋燒鵝皮脆肉嫩又香氣四溢，鵝肉紮實多汁，食起嚟一d都吾油膩，而且充滿濃郁鮮美鵝肉香。食燒鵝一定要配酸梅醬享用，呢度的特製燒鵝酸梅醬成枝放在每張枱，非常慷慨😍， 醬汁恰到好處，酸甜適中，完美襯托出鵝肉嘅風味。😋燒腩仔同樣可口，肉質扎實帶有恰當油脂，表皮焦脆香口。😋滑滑嘅瀨粉係我至愛，配合鮮甜嘅湯底，係我必食之選。😍套餐還配上油菜、老火靚湯/飲品，真係超級值！👍

沒想到現在吃正宗燒鵝已經不用坐車到深井那麼遠，在尖沙咀這些旺區也可以品嚐到☺️餐廳在尖沙咀大街，店面整潔衛生，座位寬敞舒適我們點了2人餐，套餐包括了燒鵝，自選燒味，油菜，飯或麵，飲品或自家制老火湯⭐️棋子燒鵝例牌餐廳自設燒味廚房，每日新鮮燒的燒鵝，燒鵝皮脆肉嫩，肥肉均勻而且入口即化，十分惹味，是頂級燒鵝的享受。我們2個人食到停不到口😂😂⭐️單拼燒味例牌 (燒肉)雖然說燒鵝是主要菜式，但是原來它們的燒肉也十分出色。我最喜歡港式的燒肉，因為可以肯定是新鮮製作，燒至脆皮的外皮口感酥脆🤩⭐️油菜菜心火喉剛剛好，有蠔油提鮮，中和口裡燒味的油膩感覺⭐️老火湯，凍咸檸檬七老火湯意外地足料，有瘦肉和完整雞腳，同時把湯的鮮味也帶出來了。咸檸七更是恰到好處，既甜且咸的飲料十分解渴

喺尖沙咀行街行到攰就搵咗間專食燒鵝嘅餐廳去坐下同食飯 叫咗一個二人餐 份量好足夠棋子燒鵝例牌 燒鵝肉嫩 味道剛好唔會過鹹 都食得出有種荔枝木嘅香 送到上嚟暖暖地 配白飯 瀨粉一流 不過其實二人餐煮食除咗可以揀白飯同瀨粉 仲有米粉同河粉可以選擇另一個單拼燒味例牌 我哋揀咗燒腩仔 燒腩仔上到嚟嘅時候見到一層層 食落去帶鹹香味肉質爽彈 配埋脆卜卜嘅燒肉皮 再點少少黃芥辣 冇得彈油菜就係蠔油菜心 如果佢可以淋少少燒鵝汁就好啦 哈哈之後飲品可以揀冷熱飲品或者老火靚湯 當日例湯係雞腳花生湯都唔錯