森城海鮮酒家

营业中

休息中

兩個人，點咗一個午餐$48豉汁蒸火鰽，其實我都唔知火鰽係乜東東豉汁醬是自家調配的。火鰽魚滑，沒有細骨，正點多個海鮮🥣，嘩，一大窩感覺好像鹽也沒有放，碗中祇有濃濃的海鮮味一整窩，就被我們兩個人KO了。有很多海鮮午餐可以試，留待下次吧

海鮮湯飯，走飯蒜蓉蒸蝦套餐細可樂一支埋單$104海鮮湯啲蟹竟然有膏，有三隻大蝦🍤⋯⋯因為知道佢本身碗飯好大碗所以兩個套餐我只要一碗飯。蒜蓉蒸蝦飯午市套餐都係$48一份，真係食到一滴不留。我可以話係全香港最抵食嘅海鮮午餐套飯

係依家呢個時代，去求其一個茶餐廳食餐飯，冇50蚊都落唔到樓。想食魚？蒸鯇魚腩大魚腩就有，通常都貴啲。想食海鮮就唯有行遠少少。海鮮湯飯基本上有蝦蟹魚，有啲會有蠔仔，瀨尿蝦。基本上海鮮新鮮樣樣都好食，都係50以下，值！今次食咗椒鹽蝦，蝦炸過再炒，殼都食埋。就咁食會咸咗啲，餸埋飯就剛剛好。蝦新鮮彈牙。同行人叫的海鮮湯飯超足料，蟹有膏，湯又白。蠔餅好食，多蛋既關係所以好鬆化，蠔仔又大粒。50蚊就唔好求包埋汽水茶啡喇。

放假訓到中午，突然媽媽提議入流浮山食海鮮即刻起身搭西鐵黎到天水圍西鐵站，轉K65，搭到總站，就係流浮山啦！落車都接近2點，行左一圈，好多舖都收哂果然早起的鳥兒，有海鮮吃不過都灰唔哂，都仲有呢間，接近落場，姐係仲有得食侍應推介我地食奄仔蟹，冇記錯係飛機奄 $300/隻，煮法就用油鹽焗。上枱~~~~~~~超級香啊媽媽，d膏索哂牛油香味牛油+鹽，好簡單既材料，就煮到咁好味既菜式（自己就當然唔識煮）再黎就又係聽侍應推介，叫左一斤冇食過蝴蝶蚌殼偏重，但好鮮味，配豉油wasabi食既，個人唔係好接受到獅鉗，但呢個可以！最後，補多2隻扇貝再行一圈消化下，

浮山就梗係食海鮮啦點先唔會俾人湯？睇清楚邊間明碼實價其實就一定冇問題啦另外當然口碑好都係一個好好嘅保證食左好幾年覺得呢度啲食物質素都好穩定所以長期都會幫襯同一間呢度好多間酒樓都會有自己嘅海鮮檔呢度都唔例外咁你就可以用肉眼睇清楚新唔新鮮啦😁😁😁今晚同朋友一行四人叫左六個餸其中四樣都係海鮮樣樣都好新鮮👍🏻👍🏻👍🏻而且今晚撞正父親節前夕好多人慶祝所以人流好多而我哋都好醒咁早左黎🤓🤓🤓大概六點半左右嚟到可能大部份慶祝父親節嘅人都係坐大概我哋四人枱好快就有位啦坐低慢慢諗下想食啲乜嘢再食下呢一度自製嘅泡菜同埋花生傾吓計😜好快就上菜啦第一道菜就係豉油王中蝦😍😍😍海鮮之中我最鍾意就係食蝦㗎啦呢度嘅豉油皇中蝦可以講係我食過覺得最好食豉油王味道好香 仲有啲辣椒同蒜蓉一齊炒味道超級香而且蝦肉好彈牙😋😋😋我連果蝦殼都唔放過要放入口咬一口啲味道就出晒黎，而且啲蝦好新鮮真係啖啖肉👍🏻👍🏻一人有3-4隻好足夠！之後就係我係呢一度食過而且愛上嘅白灼聖子王可能你會覺得蟶子皇應該要豉椒炒但係我就覺得如果你要食到蟶子皇嘅鮮味就一定要食白灼😍😍😍話就話係白灼但係味道一樣有因為佢會用大葱芽菜爆香啲油同豉油淋落去如果有機會你地都

上次到了晏咗無得食，因為海鮮好快賣晒，今天早啲到！有得食呀！上枱已經好鍾意，一大堆海鮮在中間，金黃色湯好夠味，夾雜滑滑豆腐，同爽脆椰菜，味道好鮮，海鮮有炸魚塊、蝦，蟹，同事話海鮮每次都有少少唔同，炸魚塊索晒啲湯，好滑，啖啖肉，蝦雖然唔大隻，殻好薄，味道鮮甜，蟹身有兩件，大隻多肉，最開心係有隻大蟹箝，蟹箝殻已經拍鬆，好易剝殻，肉飽滿，飯粒索滿湯汁但唔會爛，食完好滿足！店員好爽手，落單收枱好勤快！地方雖然唔豪華，但$40個湯飯就好豪華！

去流浮山食午飯，同事帶我去呢度！話海鮮湯飯好正，去到個場已經8成滿，主要係工作中男士來食，地方普通中式飯店格局，比較殘舊，呢個時候主要食碟頭飯，不過侍應話海鮮已經賣晒，所以揀咗：冬瓜鴨腿湯飯--好大份量，男士都夠飽，個湯好清但濃味，冬瓜係片狀，索晒啲湯，淋身入味，鴨腿好滑，鴨味濃，有兩隻大冬菇，好厚肉，又淋身，炆得入味，個湯有五香八角味，好香，我飯都唔食飲晒！侍應比較粗豪，唔係無禮，動作勤快。下次希望可以試到海鮮湯飯。

昨天跟四位舊同事專程到流浮山食海鮮，經另外兩位舊同事介紹就幫襯呢間，去到揀海鮮時見啲海鮮喺魚缸唔係好郁，心中即時飄過一個意念想叫同行朋友揾過間，但另一邊又想兩個人不約而同推介呢間，可能真係可以呢.... 於是吞返想提出的意見，就係咁開始咗一餐好睇唔好食嘅海鮮餐！ 

火鴨絲炆米粉 $39由於沒有時間外出吃飯, 同事代買了一盒火鴨絲炆米,驟看米粉似乎具有色式, 香味已隨著熱度減退了吃一口有點咸, 再吃更覺咸反而米粉不太油膩, 不過米粉是很吸油的, 即使油太多驟看也不覺主角火鴨只吃到鴨皮, 鴨肉絲反而吃不多過5條雖然不是值得推介食物, 但不致難吃的米粉所以整盒吃掉了, 而且不夠飽呢希望吃不掉飯盒的自動叫少飯以便浪費, 不能浪費食物午市的價錢而並沒有包括飲品是否算貴了些或許現時我仍吃到不超過 $35的午餐包括飲品, 實在是幸福

與親友一起從屯門出發，打算到流浮山遊玩。一提起'' 流浮山''第一時間想到的當然是海鮮和生蠔，在十一月的季節，是最多人旅遊的時節，本來想大量掃貨，但人數實在太多，你推我撞的，人頭湧湧，有點兒掃興到了中午，難得來到流浮山固然要試一試這裡小有名氣的「海鮮餐」，這裡的酒樓多不勝數，都不知選哪間是好，最後隨便挑了這間＜森城海鮮酒家＞。甫入店內，只見環境真的不太好，衛生程度極為惡劣，大部份員工也是黑口黑面，欠缺笑容由於人數眾多，所以選擇到二樓用膳，上樓梯的期間看到四處堆積了很多垃圾和雜物，令人反感！就連筷子匙羹都存有污積似的，只好自行用紙巾抺乾淨。店員已一早在檯上放有豉油和薑蔥醬汁。與家人安坐下後，馬上點了不到十款菜式。唯一要稱讚的是，雖然食客眾多，但上菜的速度挺有效率的，下單不需約分鐘，第一道菜已迅速送到。玫瑰豉油雞小時候吃這道菜時都以為真的有「玫瑰」在內，長大後便知道不是這麼一回事。豉油着色均勻，輕咬一口，肉質嫩滑，油脂不多，不會吃得滿口油膩，還以為是用上新鮮雞做的，問過廚師才知道是冰鮮雞。重要的是在浸雞的過程中，浸雞醬汁和時間拿捏準繩，能把玫瑰露酒緊緊鎖在肉質裡，因此吃起來時，除了豉油的甜

10月5日重陽假期, 朝早十點幾喺美心食完早餐就搭車入流浮山行吓, 呢個星期黃金週, 全香港都塞滿自由行, 點知入到嚟竟然咁寧靜, 真係意料之外, 可能尚早, 同埋應該D蠔唔當灶, 所以冇咩檔口開新鮮蠔! 又到搵食時間, 逐間酒家望, 多數都係海鮮價(即係冇價錢牌擺出嚟), 以前都有過被”略”嘅經驗(可能有人會話 : 流浮山最出名係蠔, 咁梗係會食得”豪”啦), 都係搵D名碼實價嘅食肆安全D, 見呢家都好多工友幫襯, 寫出嚟D小菜價錢又經濟, 應該唔會好離譜掛, 咁就入去試試!嘩! 原來有海鮮客飯架, 我哋叫咗 :- 蒸海蝦飯- 蒸紅鲔飯- 蒜蓉炒芥蘭 (以為客飯冇菜, 所以特登叫一碟, 點知兩個客飯都有生菜鋪面, 加埋足有一碟咁多, 早知唔駛特登叫,叫隻乳鴿都係多5蚊咋!)碟芥蘭最早上, 幾有鑊氣同多莖, 好大碟!講番客飯, $34客, 不過係”大漢”都夠飽嘅份量, 紅鲔係一條上(好滑, 正), 海蝦(爆完再蒸,好爽, 連殼都食得)成碟都十幾廿隻, 仲要白飯唔係兩碗而係兩碟(相信唔係好多人可以食得晒), 我哋兩個都係食到一碟白飯同埋D餸, 剩番一碟白飯同好多菜, 就問阿姐拎個盒打包埋

假日去完上白泥睇人玩車，再去下白泥睇日落，晚上更係唔少得去流浮山食海鮮。入夜後遊客買完鹹魚就會一窩蜂湧去食飯。第一次嚟，都好煩惱應該揀邊間，又冇事前上嚟做下功課。眼見新式大酒樓同舊式酒家都人頭湧湧，唯獨近巷頭的一兩間還有空枱。兩人為免同人迫，二話不說便走入這間森城。因為坐四至五人枱，兩個人坐得很舒服，坐下便有人說可以出去海鮮檔睇海鮮。海鮮檔種類唔多，可能比其他旺場嗰啲酒樓遜色一點。不過反正兩個人又唔食得多，冇乜所謂。到呢類海鮮街，都有心理準備比人劏到一頸血，而那位介紹海鮮的資深店員都有丁點兒絀絀迫人嘅感覺，還好自己一講到錢就比較強硬，而佢亦沒有甚麼不滿意，都可接受同抵讚的。最後點了三個海鮮一碟菜。香煎黃金蠔，實情呢個唔算海鮮，金蠔係蠔屎嘅一種，不過比蠔屎好食好多。半打都要成$98，但係用豉油煎出嚟真係好香同好好食。蒜蓉粉絲蒸扇貝($50/2pcs)，蒜蓉粉絲好足料，而扇貝都算幾大粒，又係好食。豉椒炒聖子，叫咗半斤但唔記得價錢。聖子比較細隻，不過一碟都有好多，唔會殼多肉少，冇沙又爽口，不過個豉椒味就唔太濃，有啲淡口，可以再香口啲就好。另叫一碟薑汁芥蘭($45)，師傅將部份菜皮撕去，留下菜

今年團年飯去左流浮山 森城海鮮酒家.朋友介紹的.他說只有識食的人先會黎呢到的(因為價錢比出面兩間平?.食?野又不差多).我話好似出面果間好?啵.因為上年去過超正.今次都係食只定動作(海鮮大餐)先黎大大隻(椒鹽賴尿蝦)味道ok炸得卜卜脆.不過比起我上年食出面這間環差小小.出面這間真的冇得彈.再黎係(大班三味)...買海鮮的朋友講.話呢絛班超過五斤.大班三味~~不直一尚.超普通.這麽大絛班我覺得原尾清蒸是最正的.不用分開煑咁多樣仲好.同時這裹做的大班三味應真麻麻.(豉椒炒聖子皇)如上文(環差小小)味道可以(豉油皇大海蝦)呢一個做得幾好.炸得好香.好脆.味道惜中.好.(油鹽水煑花甲)正.花甲好大隻好厚肉冇泥味煑出黎啲湯好有鮮味.清甜.好(蒜蓉粉絲蒸象拔蚌)全晚的推介.象拔蚌新鮮爽口彈牙.加埋他的秘制蒜蓉間直一絕GOOD!最後(花鯛蛋白蒸肉蟹)...差..我係一個鍾意食蟹的人..但我覺得呢種煑發NO good.如果.薑蔥炒蟹.或避風塘炒.會完美很多.仲結.... 森城海鮮酒家.可以一去.不過都係如上文(比出面這間環差小小.出面這間真的冇得彈).......去唔去你話事啦

不經意的午餐。。。早上係深圳開完會，經深圳彎返香港，老細提議去流浮山食lunch!!Happy先要自己走到近海的市場擇海鮮，再交比酒家烹調，開心過就咁坐係到點L :）

男友放大假，同埋佢同事，三人行去遊車河。尾站係下白泥，所以夜晚就係流浮山食。其實都幾多酒樓，不過眼見大部份都係要買海鮮比佢加工，但我地又唔想咁樣喎，所以見到森城有菜牌就入左去，其實都係搏一鋪架咋，不過又比我地搏到，哈哈。三個人，每人揀一個餸，我：美極焗大蝦 $240一斤，要左半斤，有7隻男友：豉汁炒聖子同事：蒜蓉蒸帶子 $25一隻，每人兩隻另外叫左生蠔雨食，不過佢話賣哂，咁惟有叫一個椒鹽鮮魷啦。叫多個椒絲腐乳通菜tim !!美極焗大蝦：d蝦係中蝦黎，所以都好好用肉，我地連榖都食埋。蒜蓉蒸帶子：好多粉絲，個粒帶子仲好大粒 tim 呀，超好味。豉汁炒聖子：聖子好大隻好鮮味，個獻汁唔係好杰，好適中！！椒鹽鮮魷：粉醬唔多，正！因為有時食到個d好原粉，所以好驚喜佢整成咁。椒絲腐乳通菜：上到黎變左椒絲腐乳生菜，哈哈，都幾 match，第一次食！最後仲有果盤同椰汁馬豆糕送，Good !!呢間野，越坐越多人，d伙計都幾有禮貌，所以可以再去 !!