森記甜品之家 (已結業)

最近成日心思思想食佢個鮮奶燉蛋白！好食~~不過唯一要彈嘅係，佢啲水準都幾飄忽~有時會甜得滯，有時又啱啱好！大家要注意咯！！

每次到西環想食糖水的時候都會想到它__森記=)一間具傳統風味的...老闆很有善...價錢又公道每次去都會食羅白糕..今次也不例外..叫了羅白糕..木瓜燉雪耳..綠豆沙羅白糕..熱辣辣煎起,,,又香又惹味..不會一夾便散開...十分值得一試.木瓜燉雪耳 同 綠豆沙 沒什麼特別

第一次寫食評, 竟然就係一個喊樣.....我都唔想, 但琴晚食完真係覺得差, 激發我要寫一下感想.....琴晚搵車搭時經過此店, 男朋友仔話出名就試一試, 原先想食燉旦白&蘿白糕, 但賣晒.... 無計... 就叫左一碗芝麻糊, 花生糊同煎腸仔芝麻糊同花生糊都十分稀, 好似係開水咁, 食到底仲有一舊舊好似粉狀既凝固物, 好難食啊><連咁為食既男朋友仔都食唔晒...可想而知有幾好味.....煎腸仔就無特別....

波友們一向的行程表是踢波、食飯、打機、食糖水，然後散場，無奈自己是其中唯一的九龍人，每次都為了趕尾班車而沒能吃森記的糖水。幸而平安夜送女友回家後無意中經過森記，便買點宵夜回家跟父母品嚐。當下叫了一碗紫米露（熱）和一碗腐竹蛋糖水（凍），等待有中疑似熟客打尖，但逛了一整晚的我實在無氣跟別人嘈，所以等了十分鐘、放下廿蚊走人。無奈搭973回家實在太慢了，回到家後熱的糖水變成暖的了。吃下覺兩碗糖水對家人和對我都太甜，紫米露味不夠，如果像泰國菜般有椰槳伴上就會更好。而腐竹蛋糖水就有水準，不錯。

秋風起，除了要吃時令的美食外，也要滋潤一下自己的喉嚨，所以吃過了美味的時令美食後，就和女友來到西環吃甜湯，當然主要的目標就是其燉雪梨及木瓜等，所以沒有去源記，選擇到了多點糖水選擇的森記甜品之家。周末的晚上，一間在西環的糖水店竟然是咁多人，大部份也是年青人，我們也要和其他人搭枱，坐下後也先看看餐牌，真的有很多糖水選擇，一心要吃滋潤系的糖水，見有燉木瓜雪耳及燉雪梨，一於來個通殺，怎知店員說燉雪梨賣光了，有點失望，最後補點了芝麻糊，另外見到鄰座的食客吃蘿蔔糕吃得津津有味，一於也來一客煎的。先來的是燉木瓜雪耳，對此品充滿期待，開蓋一看，用匙羹舀一下看看，為何雪耳及木瓜也是一點麵沒有煲爛的呢？而且吃起來雪耳是完整的一大塊，吃起來沒有黏黏的感覺，雪耳的存在似乎沒有使得糖水變稠，而木瓜不腍也不太甜，糖水的味道就是糖水，沒有木瓜的味道，有點各自唯政的感覺，所以我真的不信它是燉出來的，有點失望。接下來的芝麻糊也好不了到那裡，吃起來真係不太足料，芝麻味明顯不足，味道很薄，吃起來有點用上生粉起糊的感覺，但似乎未至於是溝粉貨，感覺就是不對版。最後來了一客煎蘿蔔糕，蘿蔔糕是完完全全麵粉來的，蘿蔔其少，吃起來沒有

頭先返屋企前突然好想食燉奶所以就同男友去o左食森記原本淨係點o左份鮮奶燉蛋白但係聞到蘿蔔糕好香因此又點多份份鮮奶燉蛋白我想要凍但係佢無哂, 所以焗住熱食可能我一心係想食燉奶所以個燉蛋白比我預期中水流流好多不過都好滑之於個蘿蔔糕因為本身成日食慣所以都知道佢無冬菇臘腸蝦米不過熱辣辣煎起,真係又香又脆好惹味

吃的過飽之后的甜點。蜜瓜西米露，芒果西米露都很爽口清甜。燉蛋白很香，但是吃多了有些膩。蘿卜糕，味道比較淡，醬不錯。

晚飯後兩個為食鬼專程驅車到西環，只為森記的滑嘟嘟燉蛋白！想要兩個燉蛋白,點知賣淨一個(當時係星期五晚十點半) 哈,都算好彩！面頭的蛋白最嫰滑,輕輕啜入口仲有彈彈下的感覺！不太甜,食完唔洗飲水,唔會膠住個口,好味！

記得第一次去食已經係幾年前喇...o個陣仲係附近度讀書,好多時3,5個同學去糖水...頭幾次都係食燉蛋...都算幾滑最記得有次同d朋友係附近行街...諗起森記...去食宵夜...第一次試蜜瓜西米露真係冇得頂咁好味...就係lei次我愛上蜜瓜西米露...雖然都有好多地方有蜜瓜西米露食...不過冇一間有森記咁好食甜品真係幾好...不過係d小食失色左少少,,,而且外賣份量都幾少...不過最緊要係好味既

晚飯後又不想太早回家，總會過來森記吃宵夜。曾試過凌晨二時到訪，小食除了茶葉蛋外全部售罄，吹漲。建議各食友早一點光顧。要是晚飯吃得不太飽，雞全翼和蘿蔔糕都是必點的小食。對上一次光顧是星期四晚上，吾友和我累透但又饞嘴想吃甜品，眼見店外佈滿食客，決定外賣回家，我點了碗鮮奶燉蛋白，吾友點了芝麻糊。喜歡森記的甜品不會太甜，鮮奶燉蛋白香滑微甜，吃後不覺膩。甜品選擇不多，但每樣也做得不錯。吾友快離開，他走了以後，大概也不會刻意過來西區吃湯水，趁他還在香港，多吃幾次吧。

紫米粥係度諗唔到食咩既話，我通常都會叫碗紫米粥。但係今次有d失準，杰得滯之餘又無咩紫米，每飲一啖，個口都好似漿住左。煎蘿蔔糕朋友仔今年無得食我媽媽親手製既蘿蔔糕，唯有叫碟安慰自己。一人一舊，不過真係唔對我胃口，全部都係粉，莫講話臘味，簡直係想搵條蘿蔔絲都無。好就好在，佢即叫即煎，熱辣辣，又香口，加少少辣醬即時升價十倍。茶葉蛋自從媽媽無再自己整茶葉蛋後，都有幾年無食喇。而家想搵個入味既「陳年」茶葉蛋真係好難，心諗呢間舊式糖水舖或者會有驚喜，所以就同朋友仔一人一隻。好可惜...呢度始終都未令我滿意，因為雞蛋既表面都只係淡淡既泥黃色，蛋白部分有茶葉味，但仲未入到去蛋黃。

其實好間唔中都會食森記．不過個人真係唔好啦...上次好多人咁叫外賣．食左雜果涼粉同香蕉咩咩咩 (唔記得左個)覺得其實都幾難吃...涼粉醬埋一堆...欲吃無從 不過小食都OK的．蘿蔔糕等都不錯!勝在價$夠平．每人都只係1X倒西環食糖水的選擇之一囉

我不常到店吃甜品, 要吃通常去7仔買支軟雪糕如果我問這區甜品店以誰為尊?我相信十之八九都會答森記!茶葉蛋($5, 2個), 最少6,7年無食, 懷念!!蘿蔔糕 ($5), 好味雜果涼粉($10), 朋友話好食xx西米露($10), 朋友話好食花生糊(10), 無食過所以試下, 一上來友人就說好香, 也許我背坐門口食風所以聞唔到味道似花生醬, 但淡d, 都幾好, 而且熱辣辣食物上台好快, 但蘿蔔糕, 花生糊等熱食都熱辣辣, 難得

特地跟從沒有乘過電車的她去吃叫了芒果西米露和紫米露芒果西米露是有很多西米芒果是一粒粒的略嫌芒果不夠紫米露很好是適當的甜如果可以有芒果西米露就好了她也說兩個露都好吃然後加埋只是20塊超級抵還有這兒的蘿白糕很香下次才試

次次同朋友去完西區公園運動埸..其實明明就唔係近.但唔知點解都會黎呢度食下午茶..呢日起朋友山道家打完邊爐~心血來潮想去食糖水~於是就6個人一齊行黎食啦哈哈估唔到11點幾12點咁夜都幾多人幫襯喎原來…不過始終就係呢間店比較舊, 所以如果要試…大家對環境唔好有D咩期望...不過就係勝在勁平=)*不過最近加左價啊!我地叫了雜果涼粉,紫糯米,蜜瓜西米露X2, 西瓜西米露X2*朋友對於透明而唔係白色既西米露感到好驚訝XDD哈哈不過大家都對D甜品幾滿意啦..全部都係$15以下…香港食糖水黎講`~呢個價錢真係算係超級抵!!