椒點

营业中

休息中

自從東鐵綫搭金鐘會展到新界好方便。探中學同學之前去食個午餐，午膳時間人流好旺，等取外賣人都多，就入去食。五花肉干鍋$63可以揀辣程度，小小辣好溫和，又夠獲氣，干鍋有薯仔粒，花菜，蓮藕，青瓜，洋蔥片及五花腩肉片，送飯真係一流。另外再點涼拌 小食，多食蔬菜好健康。蒜香青瓜 $23青瓜新鮮爽脆，絕對是即叫即做 。麻辣蓮藕 $23 蓮藕切得好薄，沾滿醬油， 辣辣地好過癮。食辣野點炒得一罐可樂。爽埋單 $115 ，午餐係好抵食。

☄️五花肉乾鍋$63首推這個鍋🤣，五花肉乾鍋炒米粉真係出乎意料嘅好味，米粉一定要炒埋落去！！！唔好湯上，啲炒米粉吸收晒日月精華、中式香料、辣粉辣椒🌶️、香菜洋蔥🧅蓮藕青瓜薯仔，😍🥰香濃入味！🎣金湯酸菜魚$60見OpenRice個個都叫酸菜魚，所以叫嚟一試，係正常好食嘅酸菜魚，配合薯粉真係冇得彈，但係未到驚喜，配料兩款揀左木耳同萵筍🤤不俗☺️🥦乾鍋花菜$45(叫咗大辣🌶️🌶️🌶️)花菜煮得硬度剛好，亦唔會太油👍🏻花菜加乾辣椒一齊炒好香口，大辣都唔會太辣，感覺係清清的帶點椒麻香辣，份量就兩個人左右，唔會太大碟，我哋都好鍾意食菜，如果人多就要叫多碟‼️1️⃣乾鍋炒米粉‼️❗️2️⃣酸菜魚薯粉❗️呢兩個配搭真係唔錯，大家可以參考下三道菜都唔會太辣，花菜 同 米粉都有驚喜😆！主食幾大兜，以我嘅胃口最後都係食唔晒🙈眼闊肚窄🙈

好少入嚟太和大埔，呢一日幫手車個朋友入嚟搵朋友，事後唯有一支公搵食。見天氣乍暖還寒，冇乜胃口，決定食啲辣辣地嘅川菜，於是嚟咗椒點！呢日我叫咗雞肉乾鍋（$59）、蒜香蓮藕（$23）、麻辣腎片（$29）及凍檸茶（跟餐$6）。雞肉乾鍋配菜有薯仔、蓮藕、金菇、青瓜、洋蔥，而我選咗醬香作調味，主食就要炒薯粉。啲配菜本身已經炒過，所以本身好入味，特別係個薯仔，好粉亦香口。而醬香令所有配菜同薯粉都更為惹味，薯粉本身亦都十分煙靭彈牙，食落非常有咬口，有飽肚感。至於腎片本身就係我至愛，特登揀個麻辣醬，腎片爽得嚟，又十分麻辣，值得推介👍🏻本來，見到隔離檯食蒜香海帶絲（$28），感覺非常煙靭，想叫黎一試，但相信真係好受歡迎，所以好快售罄。侍應都非常有禮，向我推介其他食物，於是我轉叫了蒜香蓮藕片，估唔到塞翁失馬，焉知非福，蒜香蓮藕片薄切，非常爽口，蒜香亦十分惹味，所以下次我會再黎食多次😋亦都會叫未食到嘅蒜香海帶絲，十分期待☺️椒點 (大埔)地址：大埔翠怡街3號翠怡花園地下12號舖

近排天氣凍，想食返碗熱既湯面暖下身。見到有酸菜魚湯米線，咪諗住外賣自取返屋企試下。落完單係門外等，一等就等左30分鐘都仲未有，問店員可唔可以check 下單，就只係回覆你等多陣，幫手去廚房睇下問下都無。最後等L左40幾分鐘先拎到碗米線。企係街到食西北風都食飽，都味話唔滋味。你話係咪前面有好多外賣單等緊？塞晒車？又唔係喎，都只係得幾張，都唔明點解可以整咁耐。味道食落就真係普普通通，可能堂食會好d既。呢個價錢，咁既體驗，都唔會有下一次。

太和站附近唔知幾時開咗間「椒點」，午飯時間都唔少人吓，坐低一陣，見唔少堂食或外賣客主要都點了「雞肉乾鍋」及金湯酸菜魚湯，於是自己都跟點試吓味道如何。雞肉乾鍋配有薯仔、連藕、金菇、青瓜及洋蔥，同伴選了唔辣的醬香做底，湯了個湯米線，佢話感覺唔錯，仲有點孜然味，風味十足。我點了個金湯酸菜魚，配雲耳及豆卜，另上米線，選了微辣。魚肉無骨可以放心食，但有需要亦可以轉生魚片，酸菜魚湯香濃，麻麻酸酸的，好啱哩個天氣食，或者下次改點辣多少少更加暖胃。淨食個魚食湯都好，但加埋米線入湯更好，酸辣味開胃，食多幾啖湯麵都仲得。我們還點了個麻辣青瓜做伴碟，青瓜好清新爽甜，滿足了口腹之慾。成個餐都份量十足，食完十分飽滿，但價錢卻相當實惠，好抵食👍🏻😋

冬天食咩好？我最鍾意食酸菜魚同乾鍋～發掘到一間好味嘅舖頭，佢哋就係出名食酸菜魚同乾鍋，一次過滿足我兩個願望，最緊要就係佢哋好抵食！•我同朋友仔就點咗兩樣嘢食，五花肉乾鍋入邊配埋薯仔，蓮藕，金菇、青瓜同洋蔥，啲五花肉仲要大大篇㗎💖，可以選擇配白飯薯粉湯米線或者炒米粉，勁多選擇！ 另一款呢我就揀咗金湯酸菜魚，佢就可以啦自選兩個配菜嘅，啲配菜好多選擇有萵筍，薯仔片，金菇，海帶絲，娃娃菜，芽菜，雲耳同豆卜， 亦可以選擇配白飯薯粉湯米線或者炒米粉！ 同埋佢哋嘅份量好大，個湯好香薯粉會分開上唔使怕浸到林晒😊魚片大大塊，亦都冇散晒！推介呀💖

金湯酸菜魚 有冇人同我一樣有酸菜魚🐟情意結 果種又酸又辣對味蕾嘅刺激感係會上癮架 👅呢度係可以自行選擇唔同既酸度同辣度 油度 仲可以少油走油 少麻走麻 都幾貼心 （我都真係有啲朋友唔鐘意麻辣果種麻痹感）今次我叫左少辣 其實食食下都幾辣下 🌶️唔係好食辣既建議揀返微辣好啲 佢既辣係以椒辣為主 唔會好重油膩感 會越食越開胃 主角係龍脷魚片 雖然佢冇生魚片咁滑 但我地鐘意食啖啖肉 就冇加錢轉到生魚片喇 魚片既份量足料 亦都唔會有雪藏味 配菜我叫左萵筍同娃娃菜 仲有煙煙韌韌既薯粉 真心60蚊有咁既質素同份量 😳 仲想點呀 呢度係一個女仔會食唔曬既量 越食越辣 叫番杯凍檸樂是常識吧爽 ！蒜味蓮藕私心鐘意食 係麻油蒜蓉香味 又脆脆地既蓮藕片麻辣無骨鳳爪無骨嘅鳳爪，啱晒懶人進食😂 呢份辣度都適合不太能夠食辣的人

員工態度非常差，叫外賣係咁叫人講啦，講啦快，但又落錯單，，，，，，，😵食物越食越差，酸菜魚得三舊細既魚肉，金茹就超多！湯超小，d面浸唔唒個湯，，，，，，！不會再光顧

大埔太和中心小店林立，高級法國菜又有，鐵板燒又有，朋友介紹我食這間酸菜魚米線👍👍👍👍🤤🤤　椒點 🤤🤤今日中午12點去到門口的時候，已經有兩個學生在等位，大約等左10min 左右白雲無骨鳳爪酸甜開胃，最適合夏天吃🤤🤤🤤🤤🤤金湯酸菜魚 （𨍭生魚片) $70黃金湯酸辣開胃，魚片鮮嫩爽脆，酸菜提鮮入味，加上湯汁夠濃，十分足料，美味難擋。蕃茄魚 $ 60 魚湯鮮甜有營養，加入番茄更清甜，有絲苗米飯🍚 米線、扭紋薯粉。還有 8 款配料可供選擇萵筍、薯仔片、金菇、海帶絲、娃娃菜、芽菜、雲耳、豆卜（免費選2 款 ，額外追加配菜每款$8 ）

大埔翠怡街一帶食市林立, 各色其色, 晚上好熱鬧, 有一間食酸菜魚的, 見到門口好多人在排隊等位, 一於入來光臨吓因為太辣不行, 選了小辣, 點了3樣, (1) 生魚片金湯酸菜魚  $70 (2) 番茄肥牛  $67 (3) 小炒乾鍋福花  $45 

位於太和火車站附近嘅椒點，沿路行讀過已經見到好多間餐廳。呢間椒點，燈光足夠，雖然舖位唔係好大，坐嘅枱都比較狹窄，不過都有好多客人，相信一定有好大嘅魅力今次叫咗招牌金湯酸菜魚，佢喺裏面可以配兩款配菜加埋一個主食我哋就揀咗萵筍同埋金菇仲有同酸菜魚最夾嘅紅薯粉。雖然話係一人嘅份量，但係嚟到黎好大份，十分足夠金湯酸菜魚湯底濃厚，淨係飲湯都停唔到口，加上辣度可以調校辣到魚嘅份量都唔少，以呢個價錢絕對係VIP嘅選擇萵筍，仲有金菇絕對係同酸菜魚天作之合嘅配搭唔使另外收費就可以加上兩種配菜，CP值簡直爆燈另外仲揀咗醬香味雞肉乾鍋配米線，裏面已經包括有蓮藕金菇、青瓜、洋蔥同薯仔，配菜10分豐富最推薦嘅配菜係金菇同埋薯仔粒，炒到好香脆，連埋醬香汁完美配搭加上雞肉唔會話炒得老，肉汁鮮嫩仲有加埋麻辣海帶絲，雖然只係$28，但係份量10分足夠，俾料絕對冇手軟椒點絕對係可以一試再試嘅高Cp值餐廳小店

💛 平價酸菜魚之選· 椒點 (大埔)#酸菜魚#大埔#平價📋$60 金湯酸菜魚（可以選擇兩個配菜再加一個主食）咁配菜我就選擇左萵筍和娃娃菜再配上米飯。識食一定係用酸菜魚個湯撈飯😋超級正。-我就叫咗中辣多酸🙌🏻湯㡳濃厚而不膩，可以直接喝的，非常開胃。魚肉吃下嫩滑，萵筍和娃娃菜也吃得出很新鮮。👍🏻以一人分量來說都偏大碗。🔸跟餐凍飲加$6 凍檸茶發現佢涼拌小菜都幾平，就叫咗兩個過嚟試吓，發現份量雖然唔多，但味道不錯。🔸$22 麻辣土豆絲-土豆絲口感爽脆，吃起來酸酸辣辣的，很好吃🔸$23 麻辣青瓜 -青瓜清甜爽脆，味道十分開胃。💁🏻‍♀️住開大埔區嘅朋友不妨去試吓，主要是性價比好高👍🏻 最後兩個小菜都外賣左返屋企。🏘環境乾淨，裝修風格引人注目。📍 地址：大埔翠怡街3號翠怡花園地下12號舖#foodie #香港美食 #隱世美食 #小店 #香港小店 #cafe #美食#香港好去處 #food #打卡 #香港打卡#f4f #foodlove #香港探店#平民美食

經過見到呢間小店不停有人攞外賣，應該都係有口碑小店，睇返Menu價錢合理，決定入去一探究竟😬金湯酸菜魚~湯嘅顏色非常吸引，呈現金黃色，味道非常濃厚，而且香料十足，微微嘅辣度，令人胃口大開，當中魚塊非常厚肉，而且並無細骨，可放心直接入口，而且一啲都唔腥，好味道😋當中可以選擇配米線、白飯或者薯粉，呢款薯粉係我最喜歡的，當然唔可以放過，一粒、一粒嘅口感，非常特別！雞肉乾鍋炒薯粉～一上枱已經非常大孜然粉香味，口感風味極為獨特，富有油性，氣味芳香而濃烈，乾鍋嘅配料亦都非常多元化，有金菇、蓮藕、洋蔥、雞肉、椰菜花、青瓜⋯⋯薯粉每一條都沾上咗獨特嘅香料、醬汁，每條都非常入味且彈牙。

-同👧🏻老婆試左🏡屋企附近嘅🍴餐廳 "椒點"因為我地二個勁鐘意食酸菜魚，所以就係俾佢啲酸菜魚吸引住😍😍😍😍🐠金湯酸菜魚薯粉 (生魚片）$69D 生魚片好彈牙、而且好新鮮我地要左雲耳、🥬娃娃菜做配料叫咗微辣，因為我地二個食唔到太辣，但係d配料同啲魚係要辣辣地食落好過癮😍😌一定要叫薯粉，個薯粉好煙韌，好有口感😍🐔花雕醉雞捲薯粉 $55佢醉雞捲都幾大件😌而且都幾入味，🍶聞同食落都有陣酒香味，幾有驚喜❤️夏天凍凍地食一流😋

我平時唔鐘意食魚🐟，因為魚有好多骨，好麻煩，如果你同我一樣，呢間餐廳就岩晒你啦。金湯酸菜魚（$58）呢間酸菜魚特色就係用魚柳，完全唔使就住就住，驚突然食到魚骨，但同時湯底好出色，又酸又麻🔥，鐘意食辣🌶既朋友，一定唔可以錯過，想食辣時完全止到癮。另一個特色，就可以自由選擇兩款配料，我今次就點左娃娃菜同豆卜，無論配料定魚柳，完全索晒d湯汁，好入味😋。之前曾經試過加$11，轉食生魚片，雖然生魚片完全無骨，但切得太薄，沒有口感，魚味不重，對比之下，建議食番魚柳，啖啖肉，口感比較豐富，價錢又平D💰。